¹ Yesu nu nɔ amowo mɔ: « Enu ci nu yi wo a sɛŋ dre jeŋkuimɛ ƒiɔɖuxu lɔ do ke: gbeeka ɔ, agbledetɔ ɖeka fɔn ezan yi a kplɔ edɔwatɔwo vayi eyi vɛncikan mɛ. ² E xo koɖo wo dlo gajɔnho ɖeka ji nɔŋkeke ɖeka dɔwawa yi wo yi vɛncikan lɔ mɛ. ³ Agbleɖetɔ lɔ gbe to do gashiɖekɛ mɛ nu yi kpɔ edɔwatɔ bu ciwo yi ɖe wawa enuɖe e. ⁴ Eyi e nu nɔ wo mɔ: " Miwo can mi va anyi vɛncikan mɛ a yi wa edɔ nɔŋ . Na cu eho ci je nɔ mi". ⁵ Ci yi e nu nɛnɛ ɖegbɔ ɔ, wo so yi yi e yi vɛncikan lɔ mɛ. Agbledetɔ lɔ gbe to do gawivemɛ nu koɖo nyidɔngatɔmɛ nu yi gbe dɔ amowo ɖaɖa vɛncikan lɔ mɛ shigbe lehan yi wɛɛ do vayisasa nɛnɛ. ⁶ Vɔvɔnu lɔ ɔ, e va to ɖo ƒiɛshi gaatɔn mɛ ni yi gbe kpɔ amɛ bu ciwo le egodoxu lɔ. E biɔ wo se mɔ: " ŋɖe yi na taɖo yi mi le elɛ kaka yi je eviɛ edɔɖemawa?" ⁷ Wo ɖonu nii mɔ: " Amɛɖɛ xɔ mi do edɔmɛ go" Eyi agbledetɔ lɔ nu nɔ wo mɔ: " Miwo can mi yi anyi vɛncikanmɛ a yi wa edɔ nɔ ŋ." ⁸ Eyi ci yi ezan va do ɔ, agbledetɔ lɔ nu nɔ amɛ ci yi kpɔkpɔ edɔwatɔ lɔwo ji nii mɔ: " yɔ ehodɔwatɔ lɔwo yi a cu amɛɖeka amɛɖeka ƒɛn nii. Tɔ efɛn dɔ cuuc sɔso amɛ ciwo yi va va vɛncikan lɔ mɛ le godu wo ji yi a va sɔ vɔ do amɛ ŋkɔtɔwo ji." ⁹ Eyi wo cu gajɔnho ɖeka ɖeka nɔ amɛ ciwo yi va va vɛncikan lɔ mɛ do fɛshi goatɔn mɛ nu. ¹⁰ Ci yi wo va ɖo amɛ ciwo yi va vɛncikan lɔ mɛ doŋkɔ ji ɔ, wowo bubuɔ mɔ yowo a xɔ eho sɔwu amɛ godutɔ lɔwo . Vɔ ɔ, gajanho ɖeka ɖeka lɔ ke yi wo gbe ci nɔ wo. ¹¹ Gacimɛ yi wo xɔxɔ eho lɔ ɔ,wo tɔ enyɔ toto do hlomɛhlomɛ nɔ agbletɔ lɔ mɔ. ¹² "Amɛ ciwo yi e va xɔ do godumɛ ɔ, egaxoxo ɖeka dɔ nyidɔn ni yi wa edɔ sɔso nyidin kaka yi ezan do yi e va cu eƒɛn ŋmɛɖekɛ nɔ miwo koɖo wowo!" ¹³ Vɔ ɔ, agbetɔ lɔ ɖonu nɔ amɛɖeka le wo mɛ mɔ: " ŋɖe wa ŋɖe koɖo e wɔ lo. Ɖé nyi gajɔnho ɖeka ji yi mi xo do nɔ gbeɖka dɔwawa ba? ¹⁴ Xɔ awuho a yi axwe ɖaɖa. Gajɔnho ɖeka yi droŋ yi ŋ cu nɔ wɔ koɖo amɛ godugodutɔlɔ. ¹⁵ Ɖé nyi enu ci yi droŋ yi na sɔ anyi ho wa ba ? ¹⁶ Nɛnɛ yi ame godudodutɔwo a va trɔ amɛ ŋkɔtɔwo yi amɛ ŋkɔtɔwo a va trɔ amɛ godugodutɔ nyo do nɛ.» ¹⁷ Hwenu yi Yesu yikɔ ʒeluzalɛmu ɔ, e yɔ e yi nukplavi wive lɔwo yi ekpa yi nɔ wo mɔ: ¹⁸ « Mi ke yikɔ ʒeluzalɛmu ke, ƒioŋge yi wo a sa Agbetɔvi lɔ le do avɔsatɔwo gawo koɖo esedɔwatɔwo yi wo anumɔ yi wa aƒɛn, yi je nɔ eku. ¹⁹ Yi a sɔ doashinɔ maxɔsetɔwo. Wowo a gbalii yi a do eba nii yi a kiin do acisosa ji yi le e yi ŋkeke amɛtɔntɔ lɔ gbe ɔ, a ƒɔn so ekuwodi.» ²⁰ Ganhunnɔmɛ ɔ, Zebede eviɛwo nɔlɔ gbosɔ Yesu koɖo eviɛ lɔwo yi doŋdo nii yi ji mɔ ye a biɔ enu yi. ²¹ Eyi Yesu biɔɛ se mɔ: « ŋɖe yie ji mɔ na wa nɔwo? » Eɖonu nɔ Yesu mɔ: « Ɖo egbe nɩŋ mɔ hwecinu yi ye a va nyi eƒi ɔ, evinyɛ cɛwo donɛtɔ ɖeka a nɔ ɖushimɛ nɔ wu yiamɛvetɔ a nɔ emiɔnmɛ nɔ wu.» ²² Eyi Yesu nu mɔ: « Mi ɖe nya enu ci yi mi biɔbiɔ go. Vɔ ɖee, mi a kpe efunkpekpe kɔpu ci yi ŋiia nu a? wo ɖonu nii mɔ: « ɛɛ, mi a kpe ji» ²³ Eyi Yesu nu no wo mɔ: Mi a nu eƒunkpekpe kɔpu lɔ shigbe enyɛ nɛnɛ nyao. Vɔ ɔ, ɖe nyi enyɛ yi a can ame ciwo yi a no ɖushimɛ alo emiɔnmɛ nɔ go. Edanye draa texwe hunnɔ lowo do daɖɛ nɔ amɛ ciwo yi e can.» ²⁴ Ci yi nukplavi amɛwo kpɛtɛwo sii ɔ, wowo kpena amɛve lɔwo nu ke wo nu. ²⁵ Yesu va yɔ wo pleŋ lɔ bɔ yi nu nɔ wo mɔ : «Mi nya mɔ akɔtawo gawo can gbe ʒinnɔ ejumɛvi lɔwo ji. ²⁶ Vɔ ŋgbe nyi nɛnɛ nɔ mi go. Nɔ miwo domɛtɔ ɖe ji mɔ ye a nyi mɛgan ɔ, ɖe nyi edɔwavi nɔ e yi kpenawo pleŋ. ²⁷ Eyi nɔ amɛɖe ji mɔ ye a nyi nkɔnɔtɔ le ,i mɛ ɔ, e ɖo anyi hwashi nɔ miwo. ²⁸ Nɛnɛ yi Agbetɔvi lɔ ɖe va mɔ amowo a nyi edɔwavi nɔ e ye do nɛ. Vɔ ɔ, e va mɔ ye aa nyi edɔwavi no amowo yi a sɔ ye gbe cu eƒen do eta nɔ amɛ sugbɔ nɔ wo a kpɔ vovvo. » ²⁹ Ci yi Yesu koɖo e yi nukplavi lɔwo so le ʒeliko jugan mɛ yi yikɔ ɔ, ahwan gangan ɖeka kpɔɛ do. ³⁰ Ŋkovitɔntɔnnɔ amɛve ɖekawo nɔ anyinɔnɔ do mɔtu. Ci yi wo ʒe mɔ Yesu va yikɔ ɔ, wo tɔ axwa dodo yɔɛ mɔ: « Axwetɔ, Davidi eviɛ; ku ŋshishi nɔ mi!» ³¹ Ahwa ci yi kplɔ Yesu do lɔ kaɖyi do wo mɔ wo ŋgbe do axwa go. Vɔ wo va dodo axwa do ji yi yoyɔ Yesu mo: « Axweto, Davidi eviɛ ku ŋshishinɔ mi!» ³² Eyi Yesu cite yi yɔ wo yi biɔ wo se mɔ: « ŋde yi miji mɔ nyɛ na wa nɔ mi? ³³ Woɖonu nii mɔ: «Axwetɔ, wɛɛ nɔ miwo ŋkuviwo a tɔ enu kpɔkpɔ» ³⁴ Wowo nu ku lanmɛ nɔ Yesu yi e sɔ alɔ tɔ ŋkuviwo nɔ wo. Eyi Zeɖeka vɔ, wo amɛve lɔwo tɔ enu kpɔkpɔ yi kplɔ Yesu do.