¹ Eyi, ŋkeke amadɛn godu ɔ, Yesu kplɔ piyɛ, Ʒaki kodo nɔviɛ Ʒan yi wo yi eto gangan ɖeka ji wowo ɖekɛ wo. ² Le enɔ ɔ, nɔnɔmɛ Yesu tɔ trɔ le ŋmɛ nɔ wo, yi ŋmɛtɔ klɛnklɛn nii shigbe le ewe klɛn nɔ do nɛnɛ, yi yi wuwo dada ezo shigbe le klɛnklɛn danɔ ezo do nɛnɛ. ³ Eyi Mɔyizí koɖo Eli va ze do wo ji, yi tɔ nuxu xoxo koɖo Yesu. ⁴ Gahunnɔ mɛ ɔ, Piyɛ nu nɔ Yesu mɔ:«Axwetɔ, e nyɔ mɔ mi a nɔ elɛ. Nɔ elɔn ɔ, na cu exɔ amɛtɔn do elɛ; yi ɖeka a nyi tɔ o, ɖeka a nyi Mɔyizitɔ yí ɖeka kpɛtɛ a nyi Elitɔ.» ⁵ Enyɔ lɔ nu yi wo le, yi jeŋkuimɛ zo klɛnklɛn ɖeka klɛn ɖaɖa wo ji; yi egbe ɖeka ɖyi le klɛnklɛn tɔ mɛ mɔ:«evinyɛ veví ci yi ŋɖe lɔn nɔ enu le ekɔ nɔ ke. Miɖo eto yi». ⁶ Ci yi enukplavi amɛtɔn lɔwo se egbe ci yi ɖyi lɔ ɔ, vɔnvɔn ɖo wo sugbɔ kaka wo pleŋ doŋdo; ⁷ Yi Yesu gbosɔ wo yi tɔ alɔ wo yi nu nɔ wo mɔ:«Mi fɔn shie; mi ŋgbe vɔn o» ⁸ Ci yi wo kɔ eta yi eji ɔ, ɖe gbe va kpɔ mɛde le enɔ lɔ, sɔ wu Yesu o. ⁹ Hwecinu yi wo ɖyiɖyiɛ so eto lɔ jí ɔ, Yesu nu nɔ wo mɔ: «Mi ŋgbe nu enu ci yi mi kpɔ nɔ mɛɖe gbɔxwe nɔ Agbetɔvi lɔ a fɔn so ekuwoɖi o ». ¹⁰ Eyi nukplaviwo biɔ Yesu se mɔ: «ŋɖe yi taɖo yi esedɔwatɔ wo nunu ɔ mɔ; Elí yí ɖo a va gbɔxwe ɔ? ». ¹¹ Eyi Yesu ɖonu nɔwo mɔ: «nyɔ nɔ nui mɛ ɔ, Eli ɖo a va dra enu wo do ɖe keŋ gbɔxwe; ¹² Vɔ ɔ, nyɛ na nu nɔ mi mɔ: Eli va vayi yi; vɔ ɔ, kpɔ wo ɖe jeshi ɖɛ. Eyi wo ɖe fun nii shigbe le han yi e dro wo do nɛnɛ yi a gbe va ɖe fan nɔ agbetɔvi lɔ ŋtɔ can nɛ». ¹³ Hwenɔ nu ɔ, nukplavi lɔwo va nya mɔ Ʒan Mawushilenɔamɛtɔ nu yi yi xoxo ɔ nuxu so nɔ y'owo. ¹⁴ Ci yi Yesu koɖo nukplavi lɔ wo va ɖo jukɔn lɔ gbɔ ɔ, ŋsu ɖeka te va Yesu gbɔ, yi je kloji do ŋkɔ nii; ¹⁵ Yi nu nii mɔ: «Axwetɔ ku ŋshishi nɔ evinyɛ. Ele juinjuindɔ wuɔ, yi le efun kpe ɔ sugbɔ. Nɔ e tɔ jí ɔ, hweɖekpokpwi nu ɔ, e je nɔ ezomɛ alo eshimɛ. ¹⁶ Ŋ kplwɛ vɛ nɔ nukplavi tɔ wo wo sa, vɔ kpɔ wo sɛŋ da edɔ lɔ nii o». ¹⁷ Eyí Yesu nu mɔ: «Miwo egbɛ viwo, Mawu ji makandotɔwo koɖo amɛ blubluwo, kaka sɔna hwenu yi na nɔ mi gbɔ na ? Ŋkeke nɛni yi na gbedɔn ya le mi gbɔ, ya kpɔ le mi do ɔ? mi kplɔ ɖevilɔ vɛ nɔŋ». ¹⁸ Ewa adn do gbɔngbɔn vɔn, yi e ta le ɖeviɛ mɛ, yi e fɔn zeɖeka. ¹⁹ Eyi nukplavi lɔwo va yi to godu, yi va yí biɔ Yesu se mɔ: «Ŋɖe yí na taɖo yi emiwo ɖe sɛŋ nya gbɔngbɔvɔn hunnɔ womiwo ŋtɔ wo ɔ? » ²⁰ Eyi Yesu ɖo nu nɔ wo mɔ: «Mikando Mawu ji nywiɖe go; eyi na taɖo yi mi ɖe sɛŋ yi wɛɛ. Le nyɔnɔnui mɛ ɔ, ŋ nu nu ɔ nɔ mi mɔ, nɔ emi wo xɔse sɛŋ klo sɔkoɖo acihu ci yi wlii wu acikuwo pleŋ nɛnɛ ɔ, mi a nu eto hunnɔ mɔ yí ɖe so le enɔtɔxu ayi ɖaɖa, yi a so dru. Enu ɖe d'a li yi aglo wawa do mi o. ²¹ Vɔ nubla koɖo gbedoɖa ɖekɛ mɛ yi mi a yi sɛŋ nya gbɔngbɔnvɔn hun nɔwo. ²² Ci yi Yesu le Galile kan mɛ koɖo e yi nukplaviwo ɔ, e nu nɔ wo mɔ: «Wa sa Agbetɔvi lɔ nɔ amɛwo, ²³ yi wa wuii. Vɔ ɔ, eyi ŋkeke amɛtɔn tɔ lɔ gbe ɔ, a fɔn so ekuwodi» Enyɔ hun nɔ jiŋ nɔ Yesu nukplaviwo sugbɔ. ²⁴ Ci yi Yesu koɖo eyi nukplaviwo va ɖo kafanawɔmu kɔxwimɛ ɔ, mɛci wo yi jɔnɔ taga ci yi wo cunɔ do eta nɔ Mawusɛnhu lɔ te sɔ Piyɛ yi biɛ se mɔ: «Miwo cica na nɔ taga Mawusɛnxu lɔ tɔ a?. ²⁵ Eyi Piyɛ ɖonu nii mɔ: «ɛɛ, e cui nii». Hwecinu yi Piyɛ ɖo ɔ axwe lɔ mɛ ɔ, Yesu doŋkɔ yi biɛ se mɔ: «simɔ, le e kpɔ enyɔ cɛ do? nɛ yi ɖo a na taga alo wemaii ho, xexe ɛmɛ gawo ɔ? . Ejumɛviwo yɔ a alo mɛdruwo?. ²⁶ Eyi Piyɛ ɖo nu nɔ Yesu mɔ: «Mɛdru wo yí ɖo a na taga ega lɔwo». Eyi Yesu nu nii mɔ:«ci yi e le nɛnɛ ɔ, ejumɛviwo ɖe ɖo a na taga o; ²⁷ Ganŋ kegan nɔ mi ŋgbe va nyi afɔklɛnu mɛ cɛwo ɔ, yi axutu yi a eɖɔ ɖaɖa eshi lɔ mɛ, nɔ e aglan nɔ kpavi ci yi a le tï ɔ, a kpɔ gajɔnho ɖeka ci yi asun taga nana nɔ nyɛ koɖo ewɔ, sɔ ɛ a yi na taga emiwo xɔ».