¹ Falisitɔwo koɖo sadukitɔwo gbosɔ xesu yi a dui kpɔ. Wo na ni mɔ yi ɖe wa jeŋkuimɛ jeshiɖu ɖeka nɔ yovo a kpɔ yi anya mɔ Mawu yi duɛ ɖaɖa. ² Vɔ ɔ, Yesu ɖonu nɔ wo mɔ: « No ewe yi exɔ ɔ, minɔnɔ mɔ: " esɔ ci yi gbɔgbɔ ɔ, xexemɛ a hun, ɖo ɔ, xexemɛ bia". ³ E yi nyidin kucukucu ɔ, mi nunɔ mɔ: " Eshi a ja egbɛ; ɖo ɔ, xexemɛ le fucuu". Nɔ xexe lɔ mɛ a nɔ doo eɖe ɔ, mi kpɔnɔ eyɛ yi nyanɔ ganŋkegan kpɔ mi ɖe kpɔnɔ hwecinu mi le cɛ jeshiduwo yi nyanɔ enu ciyi jɔjɔ. ⁴ Egbɛvi amɛvɔinwo egbejimanɔtɔwo jijɛ jeshidu buɖe nɔ wo» ci yi Yesu nu nɛnɛ ɔ, e so le wo gbɔ yi ɖedo. ⁵ Yesu nukpaviwo ŋlɔbe kpɔnnɔwo sɔsɔ gbɔxwe yi yi ago halɔtɔ lɔ ji nɔ etan lɔ. ⁶ Eyi Yesu nu nɔ wo mo : « Mi kpɔ nyuiɖe le " Falisitɔwo koɖo" Sadukitɔwo kpɔnnɔcikewo nui» ⁷ Eyi nukpaviwo to nunɔ nɔ wowonɔnɔwo mɔ: « Ci yi mi ɖe hen kpɔnnɔ ɔ, e yi na taɖo yi e nunuɔ nɛnɛ» ⁸ Yesu nya mɔ wo hwlɛnhwlɛn enyɔ le wowonɔnɔwo mɛ yi nu mɔ : « ŋɖe yi na taɖo yi mi hwlɛnhwlɛn enyɔ sɔsi kpɔnnɔ mahɛn nyɔ nu? Mi gbe Mawu ji makando ke a! ⁹ MI ɖe se enyɔ ci yi ŋ nunu gɔn,ɛ hɔɖe ba? mi ɖe ɖoɖo eŋui kpɔnnɔ amatɔn ciwo yi ŋ sɔ na mi yi ma nɔ ŋsɔ kotokun amatɔn (5000) koɖo kpɔnnɔ kishi nɛni ci yi kpɔtɔ yi mi lɔ ba? ¹⁰ Mi ɖe ɖoɖo eŋui kpɔnnɔ amadrɛ ci yi ŋ sɔ na mi yi mi maa nɔ ŋsu kotokun amɛnɛ koɖo kpɔnnɔ kishi kishi nɛni ci yi kpɔtɔ yi mi lɔ ba? ¹¹ Hwenu yi yi ŋ nunu ɔ mi mɔ miwo ɖe kpɔ nyuiɖe le Falisitɔwo koɖo sadukitɔwo kpɔnnɔcike nu ɖee, le e wɛɛ yi mi ɖe nya mɔ yi ɖe nyi lkpɔnnɔ nu yi nyɛŋ xoxo nuxu so? » ¹² Ganɔmɛ yi nukplaviwo va nya le mɔ yi ɖe nyi cike ci yi wo sɔ nyanɔ kpɔnnɔ wɔ nu yi yi xoxoɔ nuxu sɔso nɔ yowo nɛ. Vɔ ɔ Falisitɔwo koɖo sadukitɔwo nukplamɛnyɔwo nu yi yi xoxoɔ nuxu sɔso nɔ yowo. ¹³ Yesu yi sezale Filiputɔ kan mɛ lage. Ebiɔ e yi nukplariwo so mɔ: « Mɛe yi amowo nunɔmɔ é Agbetɔvi lɔ nyi"» ¹⁴ Eyi wo ɖonu nii mɔ: « Amɛɖekawo nunɔmɔ ewɔ yi nyi ʒan , Mawushilenɔ amɛtɔ, amɛɖewo nuno nunɔ mɔ ewɔ yi nyi eli amɛ buwo gbe nunɔ mɔ ewɔ yi nyi ʒelemi alo Mawu ŋɛdotɔwo domɛtɔ ɖeka.» ¹⁵ Eyi yesu va biɔ wo se mɔ: Miwo ɖee, mɛe yi miwo nunɔ mɔ nyɛ ŋ nyi? ¹⁶ Eyi simɔ Piye nuxu ɖi ɖonu nii mɔ: «exɔ yi nyi kliso lɔ, Mawu agbeagbe eviɛ.» ¹⁷ Ghunnɔmɛ yi Yesu nu nii mɔ : « Enu yi nyɔ wu, simɔ ʒonasi eviɛ. Ɖo ɖe nyi agbeto yi sɔ nyɔnɔnui hunnɔ doase no wu. vɔ ɔ, edanye ci yi le jeŋkuimɛ yi dii doasɛ nɔ wu. ¹⁸ Ecɛyɛ ɔ, na na nyikɔ wu mɔ Piye ci gɔbmɛ yi nyi mɔ ekpegbaja. Ekpegbadja hunnɔ ji yi na cu anyi ha do nɛ yi eku ɖ'a kpɔ le nu nɛ. ¹⁹ Na sɔ jeŋkumɛ ƒiɔɖuxu caviwo na wu Enu ci yi a gbe le nyigban ji ɔ, woa gbii le jeŋkuimɛ yi enu ci yi a lɔn le nyigban ji ɔ, woa lɔin le jeŋkuimɛ. ²⁰ Ganɔmɛ yi Yesu ɖe egbe nɔ e yi nuplaviwo veviɖe mɔ wo ŋgbe nu nɔ amɛɖemɔ eye yi nyi kliso lɔ nɛ. ²¹ Eyi sɔso hwenɔnu ɔ, Yesu tɔ enyɔ gɔnmɛ ɖeɖe no e yi nukplaviwo mɔ: « ŋ ɖa a yi Ʒeluzalɛmu. Nɔ ŋ vayi ɖo ɔ, mɛganwo avɔsatɔwo gawo koɖo esedɔwatɔwo a ɖe eƒun nɔ ŋ sugbɔ. Wo a dɔ yi wo wu ŋ. Eyi le ŋkeke amɛtɔntɔ lo gbe, na ƒɔn sɔso ekuwodi» ²² Eyi Piyɛ kplɔɛ yi ekpa yi vayi do ese nii mɔ: « Mawu ŋgbe lɔn nɔ enu hunnɔ a jɔ do wo ji go. Gbeɖe , Axwetɔ, a jɔ go» ²³ Vɔ ɔ, Yesu trɔ yi nu nɔ Piye mɔ: « Gbo yi ɖaa, legba! aƒɔklɛnu yi a nyi nɔ ŋle anyi ji. Ɖo ɔ, ɖ'e ɖeɖeɛ susu shigbe Mawu nɛnɛ go e ɖeɖeɛ susu shihgbe agbetɔ nɛnɛ.» ²⁴ Yesu nunɔ eyi nukplaviwo mɔ: « Nɔ amɛɖe ji mɔ ye a klɔŋ do ɔ, eɖo a ŋlɔbe yiŋtɔ drowo yi a dro acisosa e yi tɔ keŋ yi a kplɔ ŋ do. ²⁵ Ɖo nɔ amɛɖe ji mɔ ye a hwlɛn ye gbe ganɔ, a sɔ bu. a gbe yi kpuɛ . ²⁶ Ele hinɖe yi a nyinɔ amɛ nɔ xexemɛnu wo pleŋ sun shi keŋ yi e sɔ e yi gbe sɔ bu? ŋɖe yi a sɛnŋ sɔ xwle e yi gbe? ²⁷ Ɖo, Agbetɔvi lɔ a va trɔgbɔ le edatɔ klɛnklɛn mɛ koɖo e yi cikplɔtɔwo yi a va ɖo texwe nɔ amɛɖeka amɛɖeka shigbe le e nɔ agbe do nɛnɛ. ²⁸ Le nyɔnɔnui mɛɔ, ŋ nunuɔ no mi mɔ: amɛɖewo le elɛ vie y wowo ɖ'a ku gbɔxwe yi a lɔgɔ Agbetɔvi lɔ yi a gbɔgbɔ shigbe eƒiɔ nɛnɛ go .»