¹ Amɛwo kan asey so yesu nu nɔ ega Elodi ci yi kplɔkplɔ Galelia kan lɔ hwenɔnu. ² Eyi é nu nɔ, e yi nukplaviwo mɔ: ʒan eshidota nɔ amɛ tɔ yi fɔn so ekuwodi! Eyi ta ɖo yi yi ɖo ŋsɛn yi wawa jeshidu wo ³ Do ɔ, Elodi xɔ nɔviɛ Filipu ashiɛ ci yi wo yɔnɔ mɔ Elodiyadi yi sɔ ɖe. ⁴ Ɖo Ʒan nu nií mɔ: «Ese de ɖe emɔ w'a aɖe Elodiyadi o» Nyɔ hun nɔ ci yi Ʒan nu nii taɖo yi e ɖegbe yi wo le Ʒan yi sɔ cu do gakpamɛ nɛ. ⁵ Elodi ji mɔ y'a wu Ʒan. vɔ ɔ e vɔnvɔn nɔ yuɖatɔwo jukɔn lɔ. Do ɔ, jukɔn kpɔ nɔ ʒan do Mawu ŋɛdotɔjí ⁶ Vɔ ɔ, gbeci yi gbe yi Elodi le yigbezah eyi tɔ ɖuɔ ɔ, Elodiyade eviɛ nyɔnuvi va ɖu ewe le amɛwo mɛ, yi ewe lɔ jɔji nɔ Elodi yí e do. ⁷ Ŋgbe nii, yi ta enu doji mɔ nɔ yi biɔ ŋɖe ye a nii. ⁸ Yi nyɔnuvi lɔ nɔla kplanu yii, yi nyɔnuvi lɔ nu mɔ́: «na Ʒan Mawushidotatɔ ta ŋ do kpanutasɛ mɛ le elɛyɛ!. ⁹ Enyɔ lɔ wa ɖeka nɔ efiɔ efiɔ Elodi lɔ yi e ci ŋshishi mɛ. Eyi e ɖegbe mɔ wo le va swɛ vɛ nii. Ɖo ɔ, eta enu do ji le amɛwo mɛ. ¹⁰ Nɛnɛ ɔ, e dɔ amɛɖaɖa yi e va yi so eta nɔ Ʒan le gakpa lɔ mɛ. ¹¹ Amɛlɔ sɔ eta lɔ do kpanutasɛ mɛ, yi sɔɛ na nyɔnuvi lɔ yí yɛ xwɛ yi sɔɛ yi sɔ a na enɔlɔ. ¹² Eyi Ʒan nukplaviwo va sɔ eyí cɔ́ lɔ yi ɖyí, yi vayi to le han yi enyɔ jɔ do nɔ Ƴesu. ¹³ Ci yi Yesu se enyɔ ci yi wo wa koɖo Ʒan ɔ, e ɖo tɔjihun gangan ɖeka mɛ, yí so le texulɔ. Eje ŋkɔ fici yi amɛwo de su egbɔ le o. Yi anɔ enɔlɔ yiɖe kɛ. Vɔ ɔ, jukɔn lɔwo gbe nya fici yi e yi kɔ, yi wo to so jugan jugan wo mɛ, yi kplw do kodo afɔ. ¹⁴ Ci yi Yesu ɖri le tɔjihun lɔ mɛ yi kpɔ jukɔn gangan lɔ ɔ, wo wo nu ku lanmɛ nii; yi e da edɔ nɔ dɔnɔ ci wo yi le wo mɛ. ¹⁵ Ci yi ezan do ɔ, Yesu nukplaviwo te va yi gbɔ, yi nu nii mɔ: hwenu yi sugbɔ yi fi ci yi mi le, jíji do axwe gbɔ.Na emɔ mɛ lɔwo nɔ woa yi kɔxwi kɔxwiwo mɛ ayi xwle enu yi a ɖu. ¹⁶ Eyi Yesu nu nɔ wo mɔ: yi ɖe le dandan mɛ mɔ wo a yi kɔxwi kɔxwi womɛ du u o. Miwoŋtɔ wo, mi na ŋɖe wo nɔ wa ɖu. ¹⁷ vɔ ɔ, nukplavi lɔwo nu nií mɔ: «kplɔnnɔ amatɔn koɖo kpavi amɛve kpaŋ yi le mi shi le elɛ yɛ». ¹⁸ Eyi Yesu nu nɔ wo mɔ: «misɔ wo vɛ nɔ ŋ». ¹⁹ Yi eɖegbe nɔ jukɔn lɔ wo mɔ wo ɖe nɔ nyi nɔnɔ do egbewo jí, yi wo nɔ nyinɔnɔ. Eyi Yesu sɔ kpɔnnɔ amatɔn lɔwo koɖo kpaví amɛve lɔwo, yi ɖekɔ kpɔ jeŋkuimɛ yi do akpe nɔ Mawu ɖegbɔ, yi e ma kpɔnnɔ lɔwo yi sɔ ma nɔ jukɔn lɔwo. ²⁰ Wo pleŋ ɖu enu yi xodu ɖɔ wo kaka yi ekpɔtɔ, yi kishi wive ɖɔ. ²¹ Ŋsu kotokun amatɔn wo yi ɖu enu nyɔnuwo koɖo ɖeviwo manɔ mɛ. ²² Le eyigodu zeɖeka ɔ, Yesu nu nɔ eyi nukplaviwomɔ; wo de ɖo tɔjihungangan mɛ yi a ɖe do ago ɖetɔ lɔ ji nɔ etɔ sasa lɔ dandan dan. Hwenɔ nu ɔ, yiŋtɔ a klan klan ɔ, jukɔnlɔ. ²³ Ci,Yi Yesu klan nukpla. Lɔwo ɖe gbɔ ɔ, eyi ekplo ɖeka yi, yi va yi tɔ gbedoda yi yiɖèkɛ̀ le enɔlɔ le ezanmɛ . ²⁴ Etɔjihungangan ci mɛ yi Yesu nukplaviwo lɔwo le lɔ ɖo dodomɛ nɔ axu lɔ, yi axu ŋsɛ mlinmlin ɔ yi dodo ɔ aya nɔ tɔjihunlɔ yi ayi ŋkɔ ɔ, eglo. Ɖo ɔ, jehɔn lɔ xo xo ɔ yi dodo ɔ ego wo. ²⁵ Eyi le nyidin fɔnfɔn mɛ ɔ, Yesu zɔn zɔnlin to axu lɔ jí yi gbɔgbɔ wo gbɔ. ²⁶ Ci yí nukplavi lɔwo kpwɛ, yi e zɔn zɔn eshi lɔji yi gbɔ ɔ, wo vɔn yi nu mɔ,« kuvitɔ yɔ a?» Yi wo tɔ vɔnvɔn xwa dodo. ²⁷ Vɔ ɔ, Yesu xo nuxu do woji zeɖeka mɔ:«Mi ŋgbe von o, mï gbe dɔn, enyɛ ŋtɔ yɔ!». ²⁸ Eyi piyɛ xɔ nuxu yi nu mii mɔ: axwetɔ, nɔ nyi ewɔ yɔ nyɔnywi ɔ, na gbeŋ nɔ ma zɔn zɔnlin to eshi ji a va wu gbɔ.» ²⁹ Eyi yesu nu nii mɔ:«va!» Eyi piyɛ ɖyi so tɔjhungangan lɔ mɛ yi tɔ zɔnlin zɔnzɔn to eshi lɔ ji, yi kple Yesu gbɔ. ³⁰ Vɔ, ci piyɛ kpɔ mɔ, jehɔn sɛnsɛn ŋ ɔ, etɔ vɔnvɔn, yi etɔ eshi gɔnwɛ yiyi, yi èdo axwa yinu mɔ«Axwetɔ hwlɛn ŋ gan». ³¹ Eyi Yesu do alɔ ɖaɖa zeɖeka, yi le alɔ mii yi nu nii mɔ:«Amɛ xɔse hwedotɔ ». ³² Ci yí Yesu kodo piyɛ wo ɖo tɔjihungangan lɔ mɛ yi jehɔn lɔ mí xoxo. ³³ Gahunnɔmɛ yi mɛ ciwoyi le tɔjihungangan lɔ mɛwo gbo sɔ Yesu, yi doŋdo nii yi nu mɔ:«Mawu vi yi e nyi nya o!». ³⁴ Yesu koɖo e yi nukplaviwo so etɔ lɔ ɖegbɔ, yi vayi ɖo Ʒenɛzalɛti kan mɛ. ³⁵ Ci yi ekan lɔ mɛ tɔwo kpɔ Yesu ɔ, wo jeshi, yi wo do eŋɛ ɖaɖa amɛ pleŋ le ekan lɔ mɛ; yi wo kplɔ dɔnɔwo keŋkeŋ vɛ nii. ³⁶ E yi wo ɖe ɖe ɛ kuku nii mɔ yɛ ɖe lɔn, nɔ, dɔnɔlɔwo tɔ alɔ eyí wu toga kploŋ ɔ, edɔ wowo tɔ wo a mi. Eyi dɔnɔ ci yi wo yi tɔ alɔ awutoga nii ɔ, edɔ wo vɔ nɔ wo nya o.