¹ Gbenɔgbe lɔ ke ɔ, Yesu to le axwemɛ, yi vayi nɔ anyinɔnɔ do etan tu. ² Eyi amowo lɔ ahwa yí vá cɔin sugbɔ kaka, yí é glo, yí é vayi nɔ anyinɔnɔ do etɔjihungangan ɖeka mɛ le etan lɔ ji, yí 'mɛ lɔwo le agoji. ³ Eyi amowo lɔ ahwa yí vá cɔin sugbɔ kaka, yí é glo, yí é vayi nɔ anyinɔnɔ do etɔjihungangan ɖeka mɛ le etan lɔ ji, yí 'mɛ lɔwo le agoji. ⁴ Gacimɛ yi é le jinuku lɔ wú ɔ, jinuku ɖekawo je emɔtu, yi xewivo va sɔ wo ɖu, ⁵ eɖewo je ekpenyigban ji, fini ci yí ekɔ ɖe sugbɔ le o, yi gbe mi kaaka. Ɖo ékɔ ɖe zin wo sugbɔ o. ⁶ Vɔ ci yi nyidɔn va tɔ veve ɔ, wo fiɔn, yi gbe ku. Ɖo ɔ, eke ɖe yi egu nɔ wo sugbɔ o. ⁷ Jinuku ɖewo je aŋwakanmɛ, yi aŋwakanwo vlu, yi cɔn wo ji; ⁸ vɔ ɔ, eɖewo je nyigban zozu ji, yi sɛn eku: eku ɖekawo sɛn eku ekavehowi ekavehowi, ebuwo sɛn ekahowi ekahowi. Yi ebuwo ke gbe sɛn egban egban.>> ⁹ Eyi Yesu va nu nɔ wo mɔ: «Nɔ eto li nɔ 'mɛdɛ ɔ, le se!» ¹⁰ Eyi nukplaviwo tegogui, yí biɔɛ se mɔ:

«Ŋɖe yí jɔ yí é do elo yí sɔ le nuxu xoɔ nɔ amɛ lɔwo ɔ?»

¹¹ E ɖonu nɔ wò mɔ:

«Miwo ɔ, Mawu doasɛ jenkuimɛ ƒiɔduxu lɔ mɛ 'nuwlawlawo nɔ mi. Vɔ ɔ, amɛkpɛtɛwo ɔ, wo ɖe doasɛ wò nɔ wowo o.

¹² Đo 'mɛ ci shi yí enu le ɔ, wo a gbe nii do jí, yí á le shi zan. Vɔ nɔ enuɖe ɖe le 'mɛdɛ shi ɔ, kankin ci yí a leshi can ɔ, wò gbe xɔɛ le shi. ¹³ Enu ci taɖo yí xoxoɔ nuxu nɔ wo todo elo mɛ nɛ. Đó nɔ ŋkuviwo gbe le ete nɔ wo cuaan ahan can ɔ, wò ɖe kpɔkpɔ enu o, yi nɔ wo gbe le eto jí can ɔ, wo ɖe seseɔ enyɔ ɖe kaka yí a vayi se yí gɔnmɛ o. ¹⁴ Nɛnɛ ɔ, enyɔ ci yi Mawu nu todo yi ŋɛdotɔ Ezayi ji va mɛ. E nú mɔ:

«Mí a se enyɔ ci yí wo nu nyuiɖe, vɔ kpɔ mí ɖa se yi gɔnmɛ o; ŋkuviwo a le ete nɔ mí nyuiɖe, vɔ kpɔ mí ɖa kpɔ enuɖe o.

¹⁵ Đó ɔ, enu ɖe gbe wawa eɖe le lanmɛ nɔ jukɔn ce o. Jukɔn lɔ mɛtɔwo cu wowo 'towo, yí ŋwla wowo ŋkuviwo a mí enukpɔkpɔ, a mí enusesɛ, a mí enugɔmɛsese, gahunnɔmɛ nɔ wo ŋgbe va trɔ wowoɖekiwo a jí nɔ ma da edɔ nɔ wo o.» ¹⁶ Miwo yɛ ɔ, enu yí nyɔ nɔ mí. Đó miwo ŋkuviwo kpɔkpɔ enu, yí miwo 'towo seseɔ enu! ¹⁷ Le nyɔnɔnui mɛ ɔ, ŋ nunuɔ nɔ mi mɔ Mawu ŋɛdotɔ koɖo amɛjɔjɔɛ sugbɔ ji mɔ, yewo a kpɔ enu ci yi miwo kpɔkpɔ cɛ, yi wo ɖe kpɔɛ o; yewo a se enu ci yi miwo seseɔ cɛ, yi wo ɖe sii o.>> ¹⁸ Eviɛ ɔ, mí ɖo eto a se

elo ci yí ŋ do so jinukuwuto lɔ nú gomɛɖeŋe

¹⁹ 'mɛ ci yí se, yi wo xonɔ nuxu so efiɔɖuɖu lɔ nú gankegan yí ɖe senɔ yi gɔnmɛ ɔ, e le shigbe emɔtu, fini ci yí jinuku lɔ je nɛ. Legba va ɖenɔ enyɔ ci yi e se le susu mɛ nii. ²⁰ 'mɛ bu gbe li, yi le shigbe ekpenyigban nɛ, fini ci yí jinuku lɔ je; nɔ yɛ se enyɔ lɔ ɔ, yɛ xɔɛni zeɖeka koɖo jijɔ. ²¹ Vɔ ɔ, kpɔ ɖe donɔ eke le mɛ o. Eyi sabaa ɔ, a gbe bu le susu mɛ nii. Ɖo nɛnɛmunɔ ɔ, nɔ e tɔ aya ɖuɖu alo wo tɔ efun ɖeɖe nii do Mawu 'nyɔ lɔ ji, zeɖeka ɔ, ɖe gbe xɔnɔ Mawu ji se o. ²² 'mɛ bu gbe li hɛnnɛ, yi le shigbe aŋwakanwomɛ, fini ci yí jinuku lɔ je nɛ. 'mɛ hunnɔ senɔ enyɔ lɔ. Vɔ ɔ, xexe cɛ mɛ xaxawo koɖo dɔkunɔ fluamɛ fluamɛwo va fɔnnɔ nii, yi kponɔ adan nɔ enyɔ lɔ, yi yɛ ɖe gbe wanɔ edɔ ɖekpokpui o. ²³ Kpɛtɛkpɛtɛ lɔ ɔ, 'mɛ ɖeka li, yi nyi nyigban zozu ci han ji yi jinuku lɔ je. Nɔ 'mɛ hunnɔ se enyɔ lɔ ɔ, e senɔ e yi gɔnmɛ, yi sɔ wanɔ edɔ, yi e sɛnnɔ eku le mɛ. E sɛnnɔ ekavehowi, ekahowi, egban.>> ²⁴ Yesu gbe do elo bu mɔ: «Nɔ wa xo nuxu sɔso jɛnkuimɛ ƒiɔɖuxu lɔ nu ɔ, wo hɛn wa nu mɔ: ŋsu ɖeka do jinuku nyui do e yi bomɛ. ²⁵ Gbedeka le zanmɛ, hwecinu yi amɛshiamɛ le alɔn dɔn ɔ, ŋsu lɔ ketɔnɔ va do egbe vɔin ɖeka do eliku lɔ mɛ. ²⁶ Ci yi enu lɔwo va mi, yi shinshin'ɔ, yi a va tɔ evi kpankpan ɔ, egbe vɔin lɔ va ze hɛnnɛ. ²⁷ Eyi ŋsu lɔ dɔwaviwo va biɔɛ se mɔ: "Axwetɔ, ci e kan jinuku nyui do a wu bomɛ ɖe, fini yi egbe vɔin cɛ so yi va mi do mɛ ɔ?" ²⁸ E ɖonu nɔ wo mɔ: "Ketɔ ɖeka yi wɛɛ nɛnɛ." Eyi dɔwavi lɔwo biɔɛ se mɔ: "E lɔn mɔ miwo le vayi hun egbe vɔin lɔ shi a?" ²⁹ Ŋsu lɔ ɖonu nɔ wo mɔ: "Gbeɖe". Ɖo nɔ mi le egbe vɔin lɔ hun'ɔ shi ɔ, mi ɖa nya gbɔxwe yi a va yi le eliku lɔ hun'ɔ koɖyi o. ³⁰ Mi tashi wo amɛve lɔ nɔ wa shin do eju kaka sɔ nanɔ hwecinu yi wa can jinuku. Na nu nɔ edɔwatɔwo, hwenɔnu mɔ wo le hun egbe vɔin lɔwo do ŋkɔ, yi a bla wo eta eta, yi a tɔ ezo wo. Le e yi godu ɔ, wa sɔ eliku lɔ gba ava nɔ ŋ." ³¹ Yesu gbe do elo bu nɔ wo mɔ: < ³² Aciku hunnɔ yí wlí sɔwu acikuwo pleŋ nɛ. Vɔ ci yí e va mi, yí shìn ɔ, e va gangan sɔwu xɔkpagble ciwo yí yí lɔviwo gba, yí dó fafɛ, yí xeviwo vá ɖó atɔwo dó mɛ.» ³³ Yesu gbe do elo bú nɔ̀ wo mɔ́: «Nɔ wa xo nuxu sɔso jeŋkuimɛ fíɔɖuxu lɔ nù wɔ, wo hɛn wɔ a nú mɔ́: jenkuimɛ fiɔɖuxu lɔ le shigbe kpɔnnɔcike ci yí nyɔnu ɖeka ɖeɖeɔ kɔdo kpɔnnɔ wɔ̀ sugbo ɖeka mɛ kaka yí yí pleŋ vá ho jɛkɛɛ nɛ.» ³⁴ Yesu nú enyɔ hunnɔwo pleŋ nɔ̀ amɛ ciwo yí lɔ ahwá va gbɔ todo elowo mɛ. Ɖe gbenɔ labalu mado nɔ̀ amowo gbeɖe, nɔ́ e le enù kplan wo o. ³⁵ E wanɔ ahan nɔ enyɔ ci yí Mawu ŋɛdotɔ ɖeka nù a jɔ: «Na xo nuxu todo elowo mɛ, na xo nuxu sɔso enu ciwo yí le wlawlà mɛ sɔso hwecinu yí ŋ wa xexe lɔ nù. ³⁶ Ci yí Yesu so le ahwakɔn lɔwɔ gbɔ yí yí axwe mɛ ɔ, yí nukplanviwo tegogui, yí bíɔ so gbɔ mɔ́: «Ɖe elo ci yí e dó sɔso egbe vɔ̀in ci yí le bomɛ lɔ nú gɔnmɛ nɔ mì.» ³⁷ Yesu ɖonu nɔ̀ wo mɔ́: «Amɛ ci yí kán jìnuku nyui lɔ, yí nyí Agbetɔvì lɔ ³⁸ yí ebo ci ji yi wo kiìn dó nyí xexe lɔ. Jìnuku nyui lɔ nyí amɛ ciwo yí nyí jeŋkuimɛ fíɔɖuxu lɔ tɔ, yí egbe vɔ̀in lɔ nyi amɛ ciwo yí nyí legba tɔ. ³⁹ Ketɔnɔ ci yí vá dó egbe vɔ̀in lɔ dó ebo lɔ jí, yí nyí legba, yí jìnukucancan hwenu lɔ nyi hwecinù yí xexe a tlɔn, yí edɔwatɔwo nyí cikplɔtɔwo. ⁴⁰ Lehan yí wo blá egbe vɔ̀in lɔ, yí sɔ dɔŋkpe dó ezo mɛ dó ɔ, nɛnɛ lɔ ke yí á va nyí lɛ xexe lɔ vɔvɔnù nɛ. ⁴¹ Agbetɔvì lɔ a vá dɔ yí cikplɔtɔwo ɖàɖà, yí wa vá bɔ 'mɛ ciwo pleŋ yí dɔnnɔ amɛ kpɛtɛwo so xɔse mɔ jí kɔdɔ enuvɔnwatɔwo, yí a lɔ wo shi le yí fíɔɖuxu lɔ mɛ, ⁴² yí a sɔ wo dɔŋkpe dó ezo gangan lɔ mɛ. Enɔ yí wa fan aví, yí a ɖù aɖukli le nɛ. ⁴³ Vɔ yí 'mɛ ciwo yí le egbeji nɔ̀ Mawu a le ezo daɔ le wowo da fíɔɖuxu lɔ mɛ shigbɛ le ewe danɔ ezo dó nɛ. Nɔ́ eto li nɔ̀ 'mɛɖe ɔ, le se!» ⁴⁴ Jeŋkuimɛ fiɔɖuxu lɔ le shigbe dɔkunu ɖeka ci yí le wlawla mɛ le ebo ɖeka mɛ nɛ. Ŋsu ɖeka kpɔ dɔkunu hunnɔ, yi gbe sɔ wla. Eji jɔɛ kaka yi e vayi sa enu ciwo pleŋ yí leshi, yi sɔ eho lɔ xwle ebo lɔ. ⁴⁵ Jeŋkuimɛ fiɔɖuxu lɔ gbe le shigbe ajɔtɔ ɖeka ci yí le cigan jenuwo jíɔ nɛ. ⁴⁶ Ci yí e kpɔ cigan jenu vehoveho ɖeka ɔ, e vayi sa enu ciwo pleŋ yí le shì, yí sɔ̀ eho lɔ xwlii.» ⁴⁷ Yesu gbe yí enyɔ lɔ jí mɔ́:

«Jeŋkuimɛ fíɔɖuxu lɔ gbe le shigbe eɖɔ́ ci yí wo da ɖàɖà etan mɛ, yí e le kpavi hamɛhamɛwo nɛ.

⁴⁸ Nɔ kpavi ɖɔɛ ɔ, eɖɔdatɔwo dɔinnì va agojì, yí nɔnɔ anyinɔnɔ, yí a trà kpavi lɔwɔ mɛ. Wo sɔnɔ kpavi ŋyuiwo dó kishi mɛ, yí sɔnɔ ciwo yí ɖe nyɔ wo dɔŋkpe. ⁴⁹ Nɛnɛ yí á nyí hwecinu yí xexe lɔ a trɔn nɛ. Cikplɔtɔwo a can amɛnyuiwo le axa nɔ amɛvɔnwo ⁵⁰ yí a sɔ amɛvɔn lɔwɔ dɔŋkpe dó ezo gangan lɔ mɛ. Enɔ yí wa fan aví, yí a ɖù aɖukli le nɛ.» ⁵¹ Yesu yí enyɔ lɔ jí, yí bíɔ yí nukplanviwo se mɔ́: «Mí se enyɔ ciwo yí ŋ nú pleŋ gɔnmɛ mɛ a?» Wo dɔnu nii mɔ́: «Ɛɛ.» ⁵² Eyi e nu nɔ wo mɔ́: «Ahan yí e le do taɖo yí nɔ wo kplán enu esedɔwatɔ ɖe sɔso jeŋkuimɛ fíɔɖuxu lɔ nú ɔ, e yɛ a le shigbɛ axwe ‘gan ci yí ɖeɖeɔ enu yoyuwo koɖɔ enu xɔxwiwɔ tii le yí dɔkunuwo mɛ nɛ.» ⁵³ Ci yí Yesu do elo hunnɔwo ɖegbɔ ɔ, e so le enɔ lɔ ⁵⁴ yí yí jugan ci mɛ yí e nɔ, yí shìn, yí tɔ enu kplankplán amowo le Mawusɛnxù ci yí le enɔ lɔ. Lehan yí e kplankplán enu lɔ dó jíŋ nɔ 'mɛ ciwo yi kpɔ́ tɔxù, yí wo biɔbiɔ wowoɖekiwo se mɔ́: «Fìnì yí e kpɔ nunyanya hunnɔ so ɔ? Fìnì yí e kpɔ ŋsɛn le yí le jeshidù hunnɔwo wa ɔ? ⁵⁵ Ɖe nyi acikpatɔ eviɛ yɔ̀ bá? Ɖe nyi Mali yí ŋyí enɔ lɔ bà? Ɖe nyi nɔviɛ ŋsuwo yí ŋyí ʒaki, ʒozɛfu, Simɔ koɖo ʒudi bà? ⁵⁶ Nɔviɛ ŋyɔnuwo pleŋ ɖe le mí mɛ ɛ bà? Fìnì yí e vayi kpɔ nunyanya koɖo ŋsɛn hunnɔwo sɔ̀ ɔ?» ⁵⁷ Enu cɛ ŋyí afɔklɛnnu nɔ̀ wo, yí wo ɖe xɔ Yesu jí se o. Eyi Yesu va nù nɔ́ wo mɔ́: «Axwe Mawu ŋɛdotɔ ɖe nuinì nɔ̀ amɛ yí wo sɔɛnì o.» ⁵⁸ Jimaxɔse wowotɔ na mɔ̀ Yesu de sɛ́nŋ yí wa jeshidù sugbɔ le enɔ o.