¹ Evamɛ yi agacimɛ ná ekplá enukplávi yii tɔ wo ɖe, Eso le wogbɔ yi ayi kplá enu yi a nu Mawu wu nyɔ lɔ le jugá ĺɔ womɛ. ² Agacimɛ yi zan eshi do ta nɔ ame tɔ Yésu do wawa wo le gakpamɛ ɔ, edo eŋɛ nɔ yii nukplávio mɔ wo ɖe nu ni mɔ: ³ "Ewɔ yi nyi amɛ ci ava alo mɛbu yi mia nɔte kpɔ á?"́ ⁴ Yésu ɖo ŋci ni mɔ: "Miyi yi á nu nyɔ ciwo mi kpɔ koɖo nyɔ ciwo misé ńɔ Ʒan. ⁵ Ŋkuvi tɔntɔnnɔwo kpɔ nu ; mɛ ciwo Yi xo ekplɛwo zɔnzɔnli ; kponɔwo kpɔ edɔ́ yɔyɔ ; etokunɔwo senu ; mɛciwo kuwó fɔn, eyi wo nu eŋɛn nyui lɔ nɔ mɛciwo yi le wudo mɛ. ⁶ Eyi jijɔtɔnɔ yi nyi mɛci yi ŋɖa nyi afɔklɛnnu nɔ ó. " ⁷ Ci amɛ cɛ wo le woo mɔ ji wo yi yikɔɔ.Yésu tɔ nu nu nɔ jukɔ lɔ sɔ kudo zan nu"misiŋ yi zagbéji, yii kplé ji xɔn ɖoɖo wé nɔ klogbù do à? ⁸ Vɔ mɛ ɖeto yi kpɔ mɛ ɖe cigan kpɔ à? nyà wo ɔ, mɛ cio ɖonɔ cigan wu wo ɔ, .Wó yi nɔ nɔ Efiɔ hwé mɛ. ⁹ Vɔ́ mi wo kpɔ yi enyɔ nù ɖɛ tɔ wa ? ɛɛ , ŋnu nɔ mi sɔ wu gan enyɔ nuɖɛ tɔwo . ¹⁰ Mikpɔ amɛ cinu yi wowlɛn88 enudo " kpɔ́ nan ɖo eŋɛndotɔ ɖaɖa wu gbɔ ci yi dra emɔ donɔ wu . ¹¹ Ŋ nu nɔ mi le nyɔ nɔ nyumɛ, le miwo ci wo nyi nyɔ nu homɛ vi cɛ wo mɛ ɔ, mɛɖe ɖé nyi mɛganxunɔ Ʒan eshido etanɔ amɛ tɔ o. Gankegan ɔ, mɛ ci yi nyi amɛ hwɛhwɛ kpɛtɛkpɛtɛ le jipo fiɔɖuxu lɔ mɛ wu egan yi. ¹² Soso hwecinu yi Ʒan eshido etanɔ amɛ tɔ le eŋɛnyui lɔ dowo kaka va sɔnanɔ gacɛmɛ ɛɛ ɔ, amowo fɔnfɔngu sɛnŋsɛnŋɖe, yi sɔ dodoɔ aya nɔ jiŋkuimɛ fiɔɖuxu lɔ. Akpasɛnsɛn nu watɔwo, yi jijiɛ mɔ yowo a xɔɛ. ¹³ Mawu ŋɛdotɔwo pleŋ koɖo ese ciwo yi Mawu do todo Mɔyizi ji wo, xo nuxu so jiŋkuimɛ fiɔduxu lɔ nu kaka va sɔnanɔ Ʒan hwenu. ¹⁴ Nɔ mi kando enyɔ ci yi ŋ nunuɔ ji ɔ, Ʒan yi nyi Eli ci yi nu yi wo xo nuxu so mɔ, yi a va. ¹⁵ Nɔ eto li nɔ mɛɖe ɔ, ɖe se! ¹⁶ Mɛ e nu yi na sɛnŋ dre egbɛviwo do? Wo ɖyi ɖevixwɛ ciwo yi nɔnɔ anyinɔnɔ do emumuxu wo, yi a dodoɔ axwa, yi a le enyɔ nuɔ ɖaɖa wowo nɔnɔwo mɔ: ¹⁷ "Mi xu jijɔkpɛn nɔ mi, yi mi gbe exweɖuɖu. Mi ji avi hawo nɔ mi, yi mi gbe avifanfan!» ¹⁸ Ɖo ɔ, Ʒan va. Kpɔ ɖe ɖuɖuɔ enu go. Kpɔ ɖe nunuɔ vɛn can. Yi wo xoxoɔ nuxu so nu mɔ: "Gbɔngbɔnvɔin yi le mɛ!» ¹⁹ Agbetɔvi lɔ va. Ci yɛ ɖuɖuɔ enu, yi nunuɔ vɛn ɔ, wo nu so nu mɔ: "Afɛnuɖutɔ koɖo ahanutɔ hunnɔ ɖa! E nyi exlɔ koɖo tagajɔtɔwo koɖo enuvɔinwatɔ buwo!" Vɔ ɔ, ŋɖɛnyanya ze le z yi dɔwawawo mɛ.» ²⁰ Ci yi Yesu nu nɛnɛ ɖegbɔ ɔ, etɔ enyɔ gbegbe sɛnŋsɛnŋɖe nŋ jugan ciwo mɛtɔwo gbɔ yi e wa jeshidunu sugbɔtɔ le. Ɖo wo ɖe trɔ wowoɖekiwo yi ji o. E nu nɔ wo mɔ: ²¹ «Babɛɛ nɔ mi Kolazin juganmɛtɔwo! Babɛɛ nɔ mi Bɛtisayida juganmɛtɔwo! Ɖo nɔ e nyi mɔ enujiŋ ciwo yi ŋ wa le miwo gbɔ, yi e nyi Tii koɖo Sidɔn juganmɛtɔwo gbɔ yi ŋ wa wo le ɔ, wa trɔ wowoɖekiwo a ji xoxoxo, yi a sɔ dɔkpowo do, yi a shi afi do eta. ²² Eyi na taɖo yi ŋ nunuɔ nɔ mi mɔ: Kojoɖogbe ɔ, wa dɔn eto nɔ mi sugbɔ sɔwu Tii koɖo Sidɔn juganmɛtɔwo. ²³ Miwo Kafanawɔmu juganmɛtɔwo, mi bubuɔ mɔ Mawu a kɔ yowo yi jiŋkuimɛ a? Gbeɖe! Kaka ekuwodi yi Mawu a ɖyi mi do. Ɖo nɔ enyi Sodɔmu yi Mawu sɛŋ wa jeshidu ciwo yi e wa le mi gbɔ ɔ, jugan hunnɔ a gbe kpɔtɔ yi a li gbɛɛ. ²⁴ Eyi na taɖo yi ŋ, nunuɔ nɔ mi mɔ kojoɖogbe ɔ, wa dɔn eto nɔ mi sɔwu Sodɔmu juganmɛtɔwo.» ²⁵ Hwenɔnu ɔ, Yesu nu mɔ: «Ada, jiŋkui koɖo nyigban 'xetɔ, ŋ dodoɔ akpe nɔ wu mɔ, enu ci e sɔ wla do ŋɖɛnyatɔwo koɖo enunyatɔwo ɔ, e sɔ wo doasɛ nɔ ɖevixwɛviwo. ²⁶ Ɛɛ, Ada, nɛnɛ yi e ji mɔ yi ɖe nɔ do nɛ. ²⁷ Edanyɛ sɔ enuwo pleŋ do alɔmɛ nɔ ŋ. Amɛɖe ɖe jeshi enu ci yi Evi lɔ nyi sɔ zeto Eda lɔ nu o; yi amɛɖe ɖe jeshi enu ci Eda lɔ nyi, sɔ zeto Evi lɔ nu o. Evi lɔ ɖekɛ yi jeshi koɖo amɛ ciwo yi e ji mɔ ye a doasɛ yii nɔ wo. ²⁸ Mi va ŋ gbɔ, miwo ciwo pleŋ yi agban kpɛnkpɛn, yi enu cikɔ nɔ wo, nɔ ma na gbɔgbɔndomɛ mi. ²⁹ Mi xɔ agban kinnyɛ, yi a kplan enu le ŋgbɔ. Ɖo ɔ, amenyui koɖo xomɛvunɔ yi ŋ nyi. Eyi ɔ, miwo kpu a nɔ fafamɛ. ³⁰ Agban ci yi ŋ yɔyɔ mi nɔ, ɖe kpɛn o, yi ekɔ ciwo yi na do nɔ mi ɖe ve nyinyi o.»