¹ Yesu yɔ eyi dɔla wive lɔwo bɔ̀ yi na ŋsɛn wo do gbɔngbɔnvɔnwo ji nɔ wa nya wo y'a da edɔ wo keykey yi agbe na yi vevesese vovovowo pleŋ a mi ² Dɔla wive lɔwo nyikɔwo ke: ŋkɔtɔ ɔ, simɔ ci yi wo yɔ nɔ mɔ Piyɛ koɖo nɔviɛ Anŋdre; Ʒaki koɖo nɔviɛ Ʒan ci wo yi nyi Zebede eviɛwo, ³ Filipu koɖo Bahemi, Tɔma kOɖo Matiye ci yi nyi tagajɔtɔ; Ʒaki, Alufe viɛ Koɖo Taɖe; ⁴ Simɔ ci yi nyi eju nyikɔhwɛngantɔ koɖo Yuda Ishikaliwɔti ci yi sa yesu. ⁵ Ci yesu ɖo dɔla wive lɔ wo ɖaɖa eju lɔ mɛ ɔ, e nu le wa zɔn do nɔ wo mɔ: "mi ŋgbe yi ekan ciwo mɛ maxɔse tɔwo lé o, yi mi ŋgbe yi Samaliatɔwo jumɛ o. ⁶ Vɔ ɔ, Israyɛlivi ciwo yi te so Mawu mɔ ji yi va le shigbe lɛngbɔ bubu wo han nɛnɛ. ⁷ Nɔ mi yi kɔ ɔ, mi do axwa yi a sɔ do eŋɛnyui lɔ nɔ amɛwo mɔ: "jeŋkwime fiɔɖuxu lɔ gogo vɔ"" ⁸ Mi da edɔ nɔ dɔnɔwo yi a fɔn amɛkuku. Wo do agbe. Mida edɔ nɔ Ekpo nɔ wo yí a nya gbɔngbɔnvɔnwo. wo na enu mi gbali, miwo can mi gbe na amɛwo gbali. ⁹ Mi ŋgbe hɛn shika alo ehokɔ alo gajun do miwo kpo wo mɛ o. ¹⁰ Miŋgbe hɛn godu nɔ emɔ ci yi mi jijiɛ azɔn o. Mi ŋgbe hɛn awu bu bɔ do ci yi do nu o. Miŋgbe hɛn fɔkpa wo alo aci hɛn do alɔnu o. Do ɔ, edɔ watɔ ɖo axɔ fɛncu ¹¹ Nɔ mi ɖo jugan ɖe alo kɔxwi ɖe mɛ ɖe, mi a biɔ eta se nɔ mɛ ci yi le gbesɔsɔ yi a xɔ miwo mɛdru se, yi mia nɔ gbɔ kaka a sɔ je gacimɛ yi mia so le ejugan lɔ alo kɔxwi lɔ mɛ. ¹² Nɔ mi ɖo axwe ɖe mɛ ɔ, mia do egbe nɔ axwe lɔ mɛ tɔ wo mɔ: Fafa mia kpɔ!. ¹³ Nɔ axwe lɔ mɛ tɔ wo xɔ mi mɛɖru ɔ, fafa ci yi mi biɔ nɔ wo a nɔ wo ji.Vɔ nɔ wo ɖe xɔ mi mɛdru ɔ, fafa a trɔ va emi wo gbɔ. ¹⁴ Vɔ ɔ, nɔ wo ɖe xɔ mi mɛdru alo wo ji mɔ y'e wo a se mi wo gbe le axwe ɖe alo jugan ɖe mɛ ɔ, mi a so le enɔ tɔxu yi a xuxu mi wo fɔkɔwo. ¹⁵ Le nyɔnɔnwimɛ ɔ, ŋnu nu ɔ nɔ mi mɔ, le kojoɖogbe ɔ, woa dɔn eto nɔ jugan hunnɔ mɛtɔwo sɔ wu sodomu koɖo Gomɔ jugan mɛ tɔ wo. ¹⁶ Eyi ke mile shigbe lɛngbɔ wo han nɛnɛ, yi ŋdɔdɔ ehlawo domɛ. Eyi taɖo ɔ, mia je aye shigbe edanwo han nɛnɛ yi afa xomɛ shigbe le han yi hwanniwo fanɔ xomɛ nɛnɛ. ¹⁷ Mi kpɔ nyuiɖe, ɖo ɔ, wa va sɔ mijo nɔ kojo ɖoxugawo yi wa va sɔ mi cucu ɖaɖa so wo sɛnsɛn xɔ wo mɛ. ¹⁸ Woa va yɔ kojo mi le ekanjikpɔtɔ koɖo efiɔ wo gbɔ do anyi tamɛ yiasɔ ɖe kun nu han wo so ŋnu nɔ ekanjikpɔtɔ kodo efiɔ lɔwo koɖo mɛciyi wo yi nyi yuɖatɔwo can hɛnnɛ. ¹⁹ Nɔ wo va le mi kpe kojoɖoxu ɔ, mi ŋgbe vɔn nɔ nyɔ ciwo yi mia vayi nu alo le han yi mia yi nui do o. Enyɔ ci yi mia nu ganɔmɛ a va susu mɛ nɔ mi. ²⁰ Do ɔ, nyi emiwo ŋtɔwo yi axe nuxu o. Gbɔngbɔn miwo da tɔ, yia to enyɔ do nu mi ²¹ Amewo a va sa wowo nɔvi nɔ wa wu. Nɛnɛ ke edawo a va sa eviwo amɔ wo ɖe wunɛ. Eviwo a tɔ koɖo wowo dawu koɖo wowo nɔwo kaka asa wo amɔ woɖe wu. ²² Amɛshiamɛ a va gbe nu so mi gbɔ do anyi ta. Vɔ ɔ, mɛ ci yi agbedɔn kaka asɔyi vɔvɔnu ɔ, Mawu a hwliin gan. ²³ Nɔ wo ci yumɛ nɔ mi le jugan ɖe mɛ ɖe, mi gbe shi a yi ebumɛ le nyɔnɔnui mɛ ɔ, ŋnu nuɔ nɔ mi mɔ, mi d'a ɖyí esa toɖo Israhɛli juganmɛ pleŋ vɛ gbɔxwe yi Agbetɔvi lɔ a va o. ²⁴ Sukluvi ɖe nya nɔ enu sɔwu eyi cica o, yi dɔwavi ɖe de nyanu wu eyi ga o. ²⁵ Nɔ sukluvi ɖe nya enu sɔ koɖo eyi cica ɔ, enyɔ nií ; eyi nɔ edɔ wavi ɖe nya enu sɔ koɖo eyi ga ɔ, enyɔ nií. Nɔ wo yɔ ega ci yi le enu nɔ axwe ɖe mɔ Bɛlizebuli ɖee, nyikɔ ci yi nyana wu nɛnɛ yi wa na axwelɔ mɛ tɔwɔ. ²⁶ Ci yi ele nɛnɛ ɔ, miŋgbe vɔn nɔ

agbetɔwo o. Do enu ciwo pleŋ wo sɔ enu cɔn ɔ, wo keŋkeŋ a ci dandanŋgbe, yi enu keŋkeŋ ci yi wo sɔ wlaɛ wo a kpɔ wo.

²⁷ Enyɔ ci yi ŋnu nɔ mi zanmɛ ɖee, nui kede. Enu ci yi ŋɖekpa yi nu nɔ mi ɔ, mi do axwa anui le xɔtawo nɔ amɛshamɛ asii. ²⁸ Mi ŋgbe vɔn nɔ amɛciwo yi wu nɔ lankpu vɔ yi wo ɖe sɛn ŋ wu nɔ ese o. Mawu ci yi sɛn ŋ yi sɔ lankpu koɖo ese dɔŋkpe do ezomavɔ mɛ yi mi ɖo a vɔn nɔ. ²⁹ Wo ɖe sanɔ hwiʒihwiʒi amɛve doju ganŋkegan yi eho lɔ da sun ŋɖe ba? Ele nɛnɛ ganŋ ke e ɖe de ku nɔ emiwo da Mawu na nya o. ³⁰ Emiwo yɛ ɖe kaka je ɖakwui ci yi le eta nɔ mi ji can ɔ, Mawu jeshi nɛnï ci yi wo nyi . ³¹ Eyi dɔ ta ɖo ɖee, mi ŋgbe vɔnɔ. Do ɔ, mi xɔ ashi nɔ Mawu sɔ wugan hwiʒihwiʒí sugbɔ wo. ³² Nɔ mɛɖe hunmɛ le amɛwo mɛ mɔ. ye jeshi nyɛ ɖɛ ɖee, nyɛ can na nu le edanyɛ ci yi le Jekwi mɛ ŋkɔ, a mɔ ŋjeshiɖɛ. ³³ vɔ ɔ, nɔ amɛɖe de hun mɛ le amɛwo mɛ mɔ ye jeshi nyɛ ɖɛ ɔ nyɛ can na gbe le eda nyɛ ci yi jeŋkwimɛ ŋmɛ mɔ ɖe jeshiɖɛ. ³⁴ Mi ŋgbe bubu ɔ mɔ fafa yi ŋhɛn va nyigbanji o. Ŋ de hɛn fafa yi ŋhɛn va nyigbanji o. Ŋ ɖe hɛn fafa vɛ o, ahwa yi ŋhɛavɛ. ³⁵ Ŋ va yi ma evi ŋsuvi koɖo edalɔ domɛ yí a va ma evi nyɔnuvi koɖo enɔlɔ domɛ yi a gbe ma evishi koɖo asunɔ domɛ. ³⁶ Ketɔwo a so le amɛŋtɔ xomu mɛ nɔ amɛ. ³⁷ Nɔ mɛɖe lɔn edalɔ alo enɔlɔ sɔ wu gan ŋ ɔ, amɛlɔ ɖe je yi a-nyi anyi ndɛ dɔdɔ o. Nɔ mɛɖe lɔn eviɛ ŋsuvi alo eviɛ nyɔnu sɔ wu gan ŋ ɔ, mɛlɔ de je yia nyi anyi mɛ dɔdɔo. ³⁸ Nɔ mɛɖe sɔ acisosa yitɔ yi kplɔŋ do ɔ, mɛ lɔ de je yi a nyi anyi nukplavi o. ³⁹ Nɔ mɛɖe ji mɔ y'i a hwlɛn ye gbe gan yeŋtɔ ɔ, a sɔ bu. Vɔ ɔ, nɔ mɛɖe eyigbe sɔ bu do eta nɔ ŋ ɔ, a gbe kpɔɛ. ⁴⁰ Nɔ mɛɖe xɔ mí ɔ, enyɛ yi e xɔ yi nɔ mɛɖe xɔŋ ɔ, exɔ Mawu ci yí dɔ ŋ ɖaɖa. ⁴¹ Nɔ mɛɖe xɔ Mawu ŋɛdotɔ ɖo ci e nyi Mawu ŋɛdotɔ taɖo ɔ, mɛlɔ axɔ fɛncu ci yí je yi eŋɛdotɔ axɔ. Nɔ mɛɖe xɔ amɛjɔjwɛ ɖo ci yi e nyi amɛjɔjwɛ ta ɖo ɔ, mɛ ɔ lɔ a xɔ fɛncu ci yi je yi amɛjɔjwɛ a xɔ. ⁴² Nyɔnɔnui mɛ ɔ, ŋ nunuɔ nɔ mi mɔ, nɔ mɛɖe eshi fafa kɔpu ɖeka kpaŋ amɛhwɛhwɛ ɖe ɖo e nyi anyi nukplawi ta ɖo ɔ, mɛlɔ a xɔ edɔ ci yi ewa fɛncu.