¹ Ci Yesu vayikɔ ɔ, e kpɔ ŋsu ɖeka. ŋsu lɔ nyi ŋkuvitɔnnɔ soso jiimɛ. ² Eyi nukplaviwo biɔ Yesu se mɔ : «Cicagan, nyi na taɖo yi wo ji ŋsu cɛ ŋkunvitɔnnɔ ɔ ? Yiŋtɔ nuvɔn ɖe yi na alo edalɔ koɖo enɔlɔ nuvɔn ɖe yi na ?» ³ Yesu doŋci nɔ wo mɔ : «D'enyi yi nuvɔn alo edlɔ koɖo enɔlɔ nuvɔn ɖe yi na go. E nyi ŋkuvitɔmɔ nɔ Mawu a toto ji a ɖe yi dɔwawa doasɛ nɔ amɛwo. ⁴ Hwenu yi kede gbe kpɔtɔ li ɔ mi ɖo a wa amɛ ci yi dɔ ŋ ɖaɖa dɔwo. Ezan jyiɛ a do yi amɛɖekpokpi d'agbe sɛn en wa edɔ go. ⁵ Gacime yi ŋkpɔtɔ le xexe lɔ mɛ ɔ, ŋ nyi klɛnklɛn nɔ xexe lɔ. » ⁶ Ci yi Yesu nu ahan ɖegbɔ ɔ e cu etan do anyigban yi sɔ nya ekɔ yi sɔ shishi do ŋkuviwo nɔ ŋkuvitɔnnɔ lɔ. ⁷ Le i godu ɔ, e nu nii mɔ : «Soyi eshidu ci wo li ɖɛ yi yɔɛni silowe gbɔ yi a fun ŋmɛ.» «Silowe» gɔnmɛ yi nyi «Amɛdɔdɔ» ŋkuvitɔrnɔ lɔ yi yi vayi fun ŋmɛ. ⁸ Yi kpenawo koɖo amɛ ciwo yi kpɔɛni sasa yi a le enu biɔ va nunuɔ mɔ: «D'e nyi kpo mɔŋsu ci yi nɔnɔ anynɔnɔ ɖɛ yi a le enu blɔ sasa ne ba ? » ⁹ Amɛɖekawo nunuɔ mɔ : «E yi yɔ» Amɛ buwo nunuɔ mɔ : «O o, e yi yɔ go, amɛɖiamɛ yɔ» Eyi ŋsutɔ ŋtɔ nunuɔ mɔ : «Enyɛ yɔ nyuiɖe aa ! » ¹⁰ Eyi ame lɔwo biɔɛ se mɔ : «Leyi e wɛɛ do yi nkuviwo tɔ enu kpɔkpɔ nɔ eoɔ ?» ¹¹ E ɖonci nɔ wo mɔ : «ŋsu ci yi wp yɔnɔ mɔ yesu yi nya ekɔ keŋ sɔ shishi do nkuviwo nɔ ŋ yi nu nɔ ŋ mɔ enyɛ le yi silowe a yi fun ŋmɛ. Ŋ yi yi hwenu yi ŋ fun ŋmɛ ɖegbɔ vɔ ŋ tɔ enu kpɔkpɔ.». ¹² Eyi amɛ lɔwo biɔɛ se mɔ ! «Fie yi ŋsu hunnɔ lɔ le ?» E ɖoŋci nɔ wo mɔ : «ŋ de nyɔ go.» ¹³ Wo kplɔ ŋsu ci yi nu ŋkuntɔnnɔ sasa lɔ vayi nɔ falisitɔwo. ¹⁴ Hunnɔ ɔ é nyi gbɔngbɔngbe yi Yesu nya ekɔ lɔ yi sɔ hun ŋkuviwo nɔ ŋkuvitɔnnɔ lɔ. ¹⁵ Eyi na taɖo yi Falisitɔwo can gbe biɔ ŋsu lɔ se mɔ nyi yi jɔ kaka yi yi va le enu kpɔɔ ɛɛ mɛ. ŋsu lɔ doŋci nɔ wo mɔ : Amɛ lɔ sɔ ekɔ shishi do ŋkuviwo nɔ ŋ. Eyi ŋ vayi fun ŋmɛ yi ɛcɛye ɔ, ŋ le nu kpɔɔ » ¹⁶ Falisitɔ ɖekawo nu mɔ : «Amɛ ci yi wa nɛnɛ nu ɖ'a sɛn eŋ so Mawu gbɔ go. Ɖo ɔ, d'é nyi ese ci yi kan gbɔgbɔngbe lɔ go.» Amɛ buwo nu mɔ ! « Amɛ ei yi nyi enuwɔnwatɔ d'a sɛn eŋ wa jeshidu nu hunnɔwo go » ¹⁷ Falisitɔ lɔwo gbe biɔ ŋkuvitɔnnɔ sasatɔ lɔ se mɔ : «Eo ɖe le yi e nunuɔ soso amɛ ci yi hun ŋkuviwo nɔ eo ɔ ?» E doŋci nɔ wo mɔ : «Mawu ŋɛdotɔ yi amɛ lɔ nyi.» ¹⁸ Ci yi e le ahan can ɔ yuɖatɔwo ga lɔwo de kandoji mɔ ŋsu lɔ nyi ŋkunvitɔnnɔ sasa yi ecɛyɛ ɔ, yi va kpɔkpɔ enu. Eyi na taɖo yi wo dɔ yi wo yɔ ame ciwo yi ji ŋsu lɔ va nɔ wo ¹⁹ Wo biɔ wo se mɔ : «Miwo vi teŋ yi nyi ŋsu ce a ?» Ji yi mi jíi ŋkuvitɔnnɔ nyao a ? Nyi yi jɔ kaka e va kpɔkpɔ enu ye ɔ ? ²⁰ Evida lɔwo ɖoŋci nɔ wo mɔ :«Mi nya mɔ miwo vi ŋsuvi yi enyi yi ji mi jii ŋkuvitɔnnɔ. ²¹ Vɔ ɔ, mi ɖe nya enu ci yijɔ kaka yi e va le enu kpɔɔ ye yi mi de jeshi amɛ ci yi da edɔ nɔ ŋkuviwo nii nɛnne go. Mi biɔɛ se. E shin a ɖo enyɔ nunɔ mi yiŋtɔ dru.» ²² ŋsu lɔ dalɔwo nu ahan. Do ɔ, vɔnvɔn nɔ Yuɖatɔwo gawo. Nyɔnɔnuitɔ ɔ, Yuɖatɔwo do ego yi toi le wowonɔnɔwo mɛ ɖe mɔ, amɛɖekpokpoi ci yi a nu a mɔ Yesu nyi klisɖɔ ɔ, yewo a nyii toi le Mawusɛnxu lɔ. ²³ Enu ci yi na taɖo yi ŋsu lɔ dalɔwo nu vayi mɔ wo le biɔ ŋsu lɔ se yi shin a ɖo enyɔ nu nɔ wo yiŋtɔ dru nɛ. ²⁴ Falisitɔ lɔwo gbe trɔyɔ ŋsu ci nyi ŋkuvitɔnnɔ vayi lɔ yi nu nii mɔ : « Kanfu nɔ Mawu mɔ nyɔnɔnui to nuɔ yi ye le. Miwo ɖe miwo nya mɔ ŋsuci yi da edɔ nɔ ŋkuviwo nɔ eo nyi enuvɔnwatɔ.» ²⁵ ŋsu lɔ ɖɔnci nɔ wo mɔ : « ŋ de nya nɔ enuvɔnwatɔ yi e nyi go. Vɔ ɔ, ŋ nya enu ɖeka. E yi nyi mɔ sasa, ŋ nyi ŋkuvitɔnnɔ yi evie ɔ, ŋ le enu kpɔɔ.» ²⁶ Eyi wo biɔɛ se mɔ : «ŋɖe yi amɛ lɔ wa nɔ eo ɔ ?» ²⁷ ŋsu lɔ ɖɔnci nɔ wo mɔ : « ŋ drii nɔ mu vayi vɔ. Vɔ ɔ, mi do tokuitokuiŋ. ŋ ɖe yi na taɖo yi mi jijɛ mɔ enyɛ le gbe trɔ a dre mɛ nɔ mi ke ɔ ? Taŋfuin ɖee miwo ca jijiɛ mɔ yewo a nyi amɛ lɔ nukplanviwo yɔ a ?» ²⁸ Eyi wo zu ŋsu lɔ mɔ : «Eo yi nyi ŋsu hunnɔ lɔ nukplanvimiwo ɔ, Mɔyizi nukplanviwo yi nuwo nyi. ²⁹ Miwo ,nya mɔ Mawu xo nuxu nɔ Mɔyizi. Vɔ eye ɔ, mi de nya afi ci ye so kpetii go» ³⁰ ŋsu lɔ ɖonci yi nu nɔ wo mɔ : «Enu ci yi ji eŋ le enyɔ lɔ mɛ nɛ : mi de nya afi ci yi amɛ lɔ so go gankegan yi e da edɔ nɔ ŋkuviwo nɔ enyɛ ! ³¹ Mi nya mɔ Mawu ɖe ɖonɔ eto enuvɔnwatɔwo go vɔ amɛɖekpokpoi ci yi donɔ bubu yi nu yi gbe wanɔ enu ciwo yi e dro ɔ, e ɖonɔ eto yi» ³² Wo de se kpɔ mɔ amɛɛ da edɔ nɔ ŋkuviwo nɔ amɛ ci yi wo ji ŋkuvitɔnnɔ go. ³³ Nɔ ŋsu ci yi da edɔ nɔ ŋkuviwo nɔ ŋ lɔ de so Mawu gbɔ go ɔ, d'a sɛneŋ a wa enuɖe go» ³⁴ Wo ɖonci nii mɔ : «Eo bleby lɔ le enuvɔn mɛ soso gbecigbe yi wo ji eo yi e va jijiɛ mɔ ye a na ekpla miwo a ?» Eyi wo nyi toi le Mawusɛnxu lɔ ³⁵ Yesu va se mɔ Falisitɔ lɔwo nya ŋsu ci ci ŋkuviwo hunnɔ lɔ toi ke Mawusɛnxu. Eyi ci yi Yesu va kpɔɛ ɔ e biɔɛ se mɔ : «E xɔ Agbetɔvi lɔ ji se a ?» ³⁶ ŋsu lɔ ɖɔŋci n'i mɔ : «Mɛgan dre amɛ ci nyi Agbetɔvi lɔ nɔ ŋ nɔ ma xɔɛ ju se» ³⁷ Yesu nu nii mɔ : « Ame lɔ ke yi e kpɔ ke. E yi nyi ame ci yi le nuxu xoa koɖo eo yɛ.» ³⁸ ŋsu lɔ nu nii mɔ : «Axwetɔ, ŋ xɔe ji se » Eyi e je ekloji yi doŋ do nɔ Yesu. ³⁹ Yesu nu mɔ ! «ŋ va xexe lɔ mɛ yi a va ɖo kojo koɖo agbetɔwo le enu ciwo yi wo wawa mɛ nɔ ŋkunvitɔnnɔwo atɔ enu kpɔkpɔ yi amɛ ciwo yi kpɔkpɔ enu a trɔ ŋkuvitɔnnɔwo». ⁴⁰ Falisittɔ ɖekawo le exa ji nɔ Yesu. Ci yi wo se enyɔ ci e nu ɔ, wo biɔɛ se mɔ : «Miwo can mi nyi ŋkuvitɔnnɔwo yɔ a ?» ⁴¹ Yesu ɖoŋci nɔ wo mɔ : «Nɔ ŋkuvitɔnnowoyi yi mi nyi sasa ɔ, kpɔ enuvɔn ɖe d'a le ekɔ nɔ mi go. Vɔ ɔ, ci yi mi nunuɔ mɔ yewo kpɔkpɔ enu yi na yi enuvɔn le ekɔ nɔ mi»