¹ Yesu nu mɔ : « Le nyɔnɔnui mɛ ɔ, ŋ nunuɔ nɔ mi mɔ nɔ ameɖe de to lɛngbɔwo kpu lɔ xɔmɔnu ɔ yi e nyi ekpa ta e to yi ɖo me ɔ, flafinɔ alo flafinɔ gangan yi e nyi. ² Vɔ ɔ amɛ ci yi to lɛngbɔwo kpa lɔ xɔmɔnu yi ɖo ekpa lɔ mɛ ɔ, lɛngbɔ lɔwo kplɔtɔ yi e nyi ³ Ezancɔntɔ hunnɔ ekpa lɔ nii lɛngbɔ lɔwo senɔ yi gbɛmɛ.E yɔnɔ yi lɛngbɔ lɔwo nyikɔwo ɖeka ɖeka yi kplɔnɔ wo toi. ⁴ Nɔ é kplɔ wo pleŋ toi ɖegbɔ ɔ, e jenɔ ŋkɔ nɔ wo yi lɛngbɔ lɔwo kplɔɛni ⁵ Vɔ ɔ, lɛngbɔ lɔwo d'a kplɔ mɛdru ɖe do go . Shi wo a shi le gbɔ kpanŋkpanŋ. Ɖo wo de jeshi yi gbemɛ ɖɛ go » ⁶ Yesu do elo hunnɔ yi sɔ xo nuxu nɔ wo. Vɔ amɛ lɔwo demɔnŋje enyɔ ci yi e nunuɔ nɔ wo lɔ go ⁷ Yesu gbe nu ke mɔ : «Le nyɔnɔnui mɛ ɔ, ŋ nunuɔ nɔ mi mɔ : enye yi nyi lɛngɔwo kpa lɔ xɔmɔnu. ⁸ Amɛ ciwo plɛn yi va doŋkɔ nɔ ŋ nyi flafinɔwo alo flafinɔ ganganwo. Vɔ ɔ kpɔ lɛngbɔ lɔwo de se wowo gbe go.» ⁹ Enyɛ yi nyi xɔmɔnu lɔ, Nɔ amɛɖe to n ji yi ɖo ekpa lɔ mɛ ɔ, a kpɔ hwlɛngan. A yiyie yi a gbɔgbɔ yi kpɔkpɔ enu ci yi a du. ¹⁰ Flafinɔ vanɔ kpoŋ a va fi efi yi a wu lɛngbɔwo yi a do ahɛn enuwo. Enye ye ɔ, ŋ va nɔ agbetɔwo a kpɔ agbe yi nɔ agbe lɔ a dun wo shi blebu. ¹¹ Enye yi nyi lɛngbɔkplɔtɔ nyuitɔ. Lɛngbɔkplɔtɔ nyuitɔ nɔnɔ egbesɔsɔ a sɔ yi gbe ke eku do eta nɔ yi lɛngbɔwo. ¹² Lɛblɛdɔwatɔ si yu wo xɔnɔ a kplɔ lɛngbɔwo yi wo na eho yi kpoŋ de nyi lɛngbɔ kplɔtɔ go. Lɛngbɔ lɔwo de nyi yitɔ go. Nɔ ekpɔ yi elanwadan ɖe gbɔgbɔ ɔ, e shinɔ gbeɖe lɛngbɔ lɔwo ɖɛ. Eyi elanwadan lɔ zɔnɔ je lɛngbɔ lɔwo me yi wo kakanɔ gbiin. ¹³ Ahan nyi yu nɔ a ci do eɖe nɔ lɛngbɔ lɔwo ɔ, d'e kingo. ¹⁴ Enye yi nyi lɛngbɔkplɔtɔ nyuitɔ. ŋ jeshi lɛngbɔwo ɖe yi lɛngbɔ lɔwo jeshi ŋ ɖɛ. ¹⁵ Shigbe lehan yi eda jeshi ŋ ɖɛ yi enyɛ can ŋ jeshi Eda ɖe do nɛ. ŋ sɔ anyi gbe ke eku do anyi lɛngbɔwo ta. ¹⁶ Lɛngbɔ buwo gbe le ŋ shi. Wo de le ekpa hunnɔ lɔ mɛ go ŋ ɖo a kplɔ wo va hɛnnɛ. Wo a ɖo eto anyi gbe. Nɛnɛ ɔ, wo a nyi lɛngbɔwo le ekpa kuɖekamɛ yi lɛngbɔkplɔtɔ kuɖeka a kplɔkplɔ wo. ¹⁷ Eda lɔn . Ɖo ŋ sɔ anyi gbe ke ekun nɔ le i godu mɛ ɔ, ma gbe va trɔ a xɔɛ. ¹⁸ Amɛɖekpokpoi de xɔxɔ agbe lɔ le ŋshi go. Vɔ eŋyɛntɔ dro mɛ yi ŋ sɔ kekeɔ eku le.ŋ ɖo acɛ yi a sɔ ke eku yi gbe ɖo acɛ yi a gbe trɔ a xɔɛ. Egbeɖeɖe ci ŋ xɔ sisi edanyɛ gbɔ nɛ » ¹⁹ Mama gbɛ ɖo Yuɖatɔ lɔwo mɛ do enyɔ hunnɔ ci yi Yesu nu taɖo. ²⁰ Eyi amɛ sugbɔ tɔ nunuɔ le wo mɛ mɔ : «Gbɔngbɔnvɔn ɖeka lɛ me !» R je suku ! Nyi yi na taɖo yi mi ɖoɖoɔ eto yi ɔ ? » ²¹ Ame buwo nunuɔ : «Amɛ ci mɛ gbɔngbɔnvɔn le d'a sɛn eŋ a xoxo ɔ nuxu ahan go. Gbɔngbɔnvɔ ɖe a sɛn eŋ a na yi ŋkurtɔnnɔwo a tɔ enu kpɔkpɔ. ?» ²² Balowi hwenu yɔ. Hwenunnɔnu ɔ, Yuɖatɔwo le azan ci ji yi wo ɖe Mawuxwe lɔ toi do xwe ɖuduɔ le zeluzalmɛmu. ²³ Yesu dyidyɛ esa toto afi ci yi wo yonɔ mɔ salomɔ gabdenu le Mawuxwe lɔ mɛ. ²⁴ Eyi Yuɖatɔwo va bɔdo gbɔ yi nu nii mɔ : «Vasɛndo gacimɛ yi agbe mi manyasaka mɛ ɔ Nɔ eo yi nyi klisolɔ ɔ na nui nɔ mi agbangba.» ²⁵ Yesu ɖoŋci nɔ wo mɔ : ŋ nui nɔ mi vayi vɔ. Vɔ ɔ, mi de xɔ ŋ ji se go. Edɔ ciwo yi ŋ wawa le Edanyɛ nyikɔ mɛ ɖeɖeɛ kunu nɔ ŋ. ²⁶ Vɔ ɔ, miwo de xɔɛ ji se go . Do mi de le anyi lɛngbɔwo mɛ go. ²⁷ Anyi lɛngbɔwo ɖonɔ eto anyi gbemɛ.ŋ jeshi wo yi wo kplɔnɔ ²⁸ ŋ do. ŋ nanɔ agbemavɔ wo. Wo d'abu gbeɖe go yi amɛɖɛkɛ d'asɛn eŋ gui wo le alɔmɛ nɔ ŋ go. ²⁹ Edayɛ ci yi sɔ wo do alɔmɛ nɔ ŋ wu egan enushanu. Amɛɖekpokpoi d'asɛn eŋ gui enuɖe le alɔmɛ nɔ Edanyɛ go. ³⁰ Enye koɖo ɛdanyɛ ɔ, ɖeka yi mi le » ³¹ Yuɖatɔwo gbe fɔ ekpewo le anyigba, le yi a sɔ xo Yesu nɔ a ku. ³² Hwenunnɔnu yi Yesu va ,u nɔ wo le nɔ : «Edanyɛ dɔ edɔ nyuiwo ŋ yi ŋ va wa le miwo ŋmɛ. Ci yi le edɔ lɔwɔ mɛ yi e nyi yitaɖoyi mi jijiɛ a xo ekpe ŋ do nɔmaku ɔ a ?». ³³ Yuɖatɔ lɔwo ɖoŋci nii mɔ : «D'e nyi edɔ nyui ɖe ci yi e wa taɖo yi mi jijiɛ a xo ekpe eo do nɔ na ku go. Vɔ ɔ mi jijiɛ a xo ekpe eo ɖo e zuzuɔ Mawu. Do agbetɔ gbali yi e nyi keŋ yi va sɔ eoɖeki wawa Mawu !» ³⁴ Yesu ɖona nɔ wo mɔ : « Mawu nu yi wo ŋwlii ɖɛ do Mawu se wemawo mɔ : «Mawu hwɛhwɛno yi mi nyi» ³⁵ Mi nya nɔ gbe wo d'a sɛn eŋ a cucu eɖe le enyɔ ci yi le Mawu nyo wemavɔ mɛ mɛ go. Keŋ ɔ, Mawu trɔ yɔ amɛ ciwo yi e xoxoɔ nuxu nɔ nɔ Mawu hwɛhwɛwo. ³⁶ Enyɛ ye ɔ, Eda can ŋ yi dɔ ŋ ɖada xexe lɔ. Le yi mi a wɛɛ a nunuɔ zu enyɛ ŋ zuzuɔ Mawu nɔ ci yi ŋ nunuɔ mɔ ŋnyi Mawu Eviɛ ɔ ? ³⁷ Nɔ ŋ de waa edɔ ciwo edanyɛ dɔ ŋ go ɔ, miŋgbe xɔ ŋ ji se go. ³⁸ Vɔ nɔ ŋ wawa wo ɔ mi d'axɔ ŋji se go. Nɔ mi d'agbe xɔ ŋji se can goɔ, mi xɔ edɔ ciwo yi ŋ wawa lɔwo ji se. Nɛnɛ ɔ mi a va mɔŋje mɛ koŋ nɔ Mawu Eda le ŋ mɛ yi ŋ le Eda mɛ » ³⁹ Ci yi Yesu nu ahan nɔ wo ɔ wo gbe ji ke mɔ yewo a lili.Vɔ ɔ e tɔ le wo mɛ. ⁴⁰ Yesu gbe trɔyi ago eɖetɔ lɔ ji nɔ zuludɛn tɔsasa lɔ le afici yi zan Mawushi nɔ amɛwo le vayi yi ci hunnɔtɔxu. ⁴¹ Amɛ sugbɔ lɔ ahwa yi va gbɔ Amɛ lɔwo nunuɔ mɔ : «zan de wa enujiŋ ɖe go. Vɔ ɔ enyɔ ciwo plɛŋyi e nu soso ŋsu hunnɔ nu nyi nyɔnɔnui» ⁴² Eyi amɛ xɔ Yesu ji se le hunnɔtɔxu