¹ Le e yi godu ɔ, yesu ɖyiɖyiɛ esa todo galile kan mɛ. D'e ji mɔ ye a ɖyiɖyiɔ todo zuɖe kan mɛ go. Do ɔ, yuɖatɔwo gawo jijiɛ le enɔtɔxu mɔ yowo a wui. ² Zarawo xwe ci yi yuɖatɔwo ɖunɔ gogo. ³ Eyi yesu nɔviɛwo nu nii mɔ : so le galile kan mɛ yi a yi zude kan mɛ nɔ nukplanvitɔwowo can a kɔ edɔ ciwo yi e wawawo. ⁴ Do amɛɖekpokpoi ci yi ji mɔ amowo a jeshi eye ɖe wanɔ le bebe mɛ go. Ci yi e wawaa enu gangan hunnɔwo ɖee, na nɔ amɛshamɛ a jeshi wu ɖɛ. ⁵ Do ɔ, yesu nɔviɛwo ŋtɔwo can ɖe xɔɛ jise go. ⁶ Yesu ɖonu nɔ wo mɔ : Ega ɖe xo nɔ ŋ hɔɖe go? Vɔ ɔ, gaxoxowo kpu mɛ yi nyi gamɛ nyui nɔ miwo. ⁷ Xexe lɔ mɛtɔwo a sɛn eŋ a xa miwo ba! vɔ ɔ, wo xaxa enyɛ. Do ɔ, ŋ ɖeɖeɛ kunnu sɔso wo nu mɔ enu ciwo yiwo wawa ɖe ɖe nyɔ go. ⁸ Miwo ɖe yi exwe lɔ ɖuxu. Enyɛ yɛ ɔ, ŋ ɖe yiyiɛ exwe hunnɔ tɔ xu gbeɖe go. Do gamɛ ɖe sun nɔ ŋ hɔɖe go. ⁹ Ci yi yesu nu nɛnɛ ɔ, e ci galile kan lɔ mɛ. ¹⁰ Ci yi yesu nɔviɛ lɔwo vayi exwe lɔ ɖo gbe godo ɔ, yesu va be yi vayi hɛnnɛ. Amɛɖe ɖe nya go. ¹¹ Yuɖatɔwo gawo va jijiɛ kpɔ le exwe lɔ uxu yi biɔbiɔ amɛwo se mɔ : fini yi a le ɔ? ¹² Amɛ sugbɔ le ahwakɔn lɔwo mɛ yi le enyɔ dɔndɔn kpɔ sɔso yesu mɛ. Amɛdowo nunuɔ mɔ : amɛnyui yi e nyi. Amɛ buwo gbegbe mɔ : oo, é bleble ɔ jukɔn lɔ do mɛ yɔ. ¹³ Vɔ ɔ, amɛdekpokpui de le wo mɛ yi gbe edɔn yi xɔxɔ nuxu sɔso nu ntégan o. Do wo pleŋ vɔnvɔn nɔ yudatɔwo gawo. ¹⁴ Ci yi wo le exwe lɔ nunuɔ keke ma evemɛ nɔ azan nɛni ci yi wo a du exwe lɔ sɔnanɔ ɔ, yesu vayi mawuxwe lɔ mɛ yi tɔ enu kplakpla amɛwo. ¹⁵ Lehanci yi e kplakpla enu lɔ mɛwo do ji en nɔ yudatɔwo gawo yi wo tɔ biɔbiɔ semɔ : lehanci yi nsu cɛ wɛɛ do yi nya Mawu nyɔ lɔ sugbɔ ahan gankegan yi de yi suklu kpɔ o ɔ? ¹⁶ Yesu donci nɔ wo mɔ : enyi ci yi n kplakpla amɛwode so enyɛnhɔ gbɔ o. Vɔ ɔ, Mawu ci yi do n dodo gbɔ yi eso. ¹⁷ Nɔ amɛde le egbesɔso awa do Mawu dro ji ɔ, ava nya nɔ Mawu gbɔ yi enɔ ci yi n kplakpla amɛwo so alo nɔ anyɛntɔ gbɔ yi e so. ¹⁸ Nɔ amɛde le nuxu xo ɔ yi nuxu lɔ so yintɔ gbɔ ɔ, amɛ ci yi jinɔ mɔ ye awa edɔ nɔ wo a kanfu amɛ ci yi do eye dado ɔ, yɛ tonɔnyɔnɔnui yi evixoxo dekɛ de nɔnɔ yi nyɔwo mɛ o. ¹⁹ De nyi Mɔyizi yi na esewo mi ba? Gankegan ɔ, miwo domɛtɔ dekpokpui de sɔ wa dodo ɔ edɔ wawa mɛ o. Ci yi é le ahan dee, nyi yi na tado yi mi jijiɔ enyɛ a wu ɔ? ²⁰ Ahwa ci yi bɔdo enɔ ɔ lɔ ɖonci nii mɔ : gbɔngbɔnvɔn yi leo mɛ! Mi yi jijiɔ e o a wu ɔ? ²¹ Yesu donci nɔ o mɔ: Edɔ kudeka yi n wa yi é kpaca mi pleŋ ahan a! ²² De nyi Mɔyizi ji yi evososo nɔ eviwo tɔ soso o. Miwo tɔgbiwo ji yi evososo nyɔ tɔ soso. Gankegan ci yi Mɔyizi va de egbe nɔ mi mɔ miwo le sonɔ evo nɔ miwo viwo ɔ, mi soini keke nɔ wo gbɔngbɔngbewo can. ²³ Nɔ e nyi kpɔ mɔ mi sonɔ evo eviwo gbɔngbɔnwo can yi a gbe mada le ese ci yi Mɔyizi do nɔ mi ji dee, nyi yi da tado mi wa dɔmɛzi do n nɔ agbetɔ blebu deka ci yi n da edɔ nɔ le gbɔngbɔngbe nci ɔ? ²⁴ Mi ngbe kpɔnɔ enu ciyi le agogbe asɔ sonɔ kojo o. Vɔ ɔ, mi soini jɔjɔɛde. ²⁵ Zeluzalɛmu juganmɛtɔ dekawa biɔbiɔ se mɔ : d'e nyi nsu ci wo jujɔ yi wu nɛ ba? ²⁶ Mi kpɔ da! Exoxo ɔ nuxu le ahwa domɛ yi amɛdekɛ de nunu ɔ enyɔ de nii o. Miwo gawo wa nya nya mɔ e yi nyi klisolɔ a? ²⁷ Nsu cɛ yɛ ɔ, mi nya fini ci yi é so. Vɔ nɔ kliso lɔ va va ɔ, amɛdekpokpoi da nya fini ci yi eso o. ²⁸ Hwehunnɔtɔnu ɔ, yesu le enu kplakpla amɛwo le Mawuxwe lɔ mɛ yido axwa yi biɔbiɔ ahwakɔn lɔ se mɔ : Mi nya amɛ ci yi n nyi kodo fini ci yi n so a? D'e nyi enyɛntɔ yi dro yi va o. Vɔ amɛ ci yi dɔ n dada nyi amɛ ci ji wo a kando. Miwo do jeshi dɛ o. ²⁹ Enyɛ ɔ, n jeshi dɛ. Do eyɛ gbɔ yi n so yi va yi é yi dɔ n dada. ³⁰ Gahunnɔtɔmɛ ɔ, wo ji mɔ yewo a lii vɔ ɔ, kpɔ aɛmɛde kpokpo lɔ de sɛn en yi je mɔ o. Do yi ga de de kpɔ xo hɔdo o. ³¹ Gankegan le ahawakɔn lɔ mɛ ɔ, amɛ sugbɔ xɔ yesu jise yi bibiɔ se mɔ : Nɔ kliso lɔ va va dee, gbe va wa jeshidu nuwo sɔwu ciwo wawa yi dejɛ le a? ³² Falisitɔwo se enyɔ ciwo amɛo ɖeɖeɛ ekpa yi nunuɔ ahwakɔn lɔ mɛ soso yesu nu. Eyi ayɔnsatɔwo gawo koɖo Falisitɔwo dɔ Mawuxwe dɔkpɛgawo ɖaɖa nɔ wo a vayi lii. ³³ Yesu nu nɔ wo mɔ : azan viɖaka yi kpɔtɔ yi na wa le mi gbɔ. Le i dodu ɔ, trɔyi amɛ ci yi dɔ ŋ ɖaɖa gbɔ. ³⁴ Mi a va ji ŋ. Vɔ mi d'a kpɔ ŋ go. Do mi d'a sɛn eŋ a va fini ci yi ŋ yiyiɛ a vayi nɔ go. ³⁵ Eyi yuɖatɔwo tɔ biɔbiɔse le wowoɖeɖewo mɛ mɔ : Fie yi nyi afi lɔ yi yi miwo d'a sɛn eŋ a kpɔ o ɔ? E jijiɛ a yi yuɖatɔ ciwo yi kaka do glɛkitɔwo can yɔ a? ³⁶ Gɔnmɛsese ci yi le enyɔ ciwo yi e nu shi ɔ? E nu mɔ : Mi a va ji ŋ, vɔ mi d'a kpɔ ŋ go. Do mi d'a sɛn eŋ a yi fini ci yi na yi nɔ go. ³⁷ Gbecigbe yi wo a vɔ exwe lɔ yi nyi ŋkeke vevitɔ le exwe lɔ ɖuɖu ŋkekewo mɛ, gbenɔgbe ɔ, yesu le ete yi do axwa yi nu nɔ ahwakɔn lɔ mɔ : Nɔ shikɔ co amɛɖe ɔ, le va ŋ gbɔ a va nu eshi. ³⁸ Amɛ ci yi xɔ ŋ ji se atrɔ etɔjɔxu ci mɛ yi eshi ci yi nanɔ agbe amɛ a totoɔ soso hwahwahwa shigbe lehan yi Mawu nyɔ wema ɖeka nui do nɛ? ³⁹ Sɔ toto enyɔ hunnɔwo mɛ ɔ, yesu xoxo ɔ nuxu soso gbɔngbɔn kɔkɔɛ ci yi amɛ ciwo yi xɔɛji se a va xɔ nu. Hwecinu yi e xoxoɔ nuxu lɔ ɔ, Mawu de na gbɔngbɔn kɔkɔɛ lɔ amɛɖɛ hɔɖe go. Do ɔ, Mawu de na kɛnklɛn gangan yesu hɔɖe go. ⁴⁰ Ci yi ahwa ci yi bɔdo enɔtɔxu lɔ se enyɔ ci wo yi yesu nu ɔ, amɛɖekawo nunuɔ le wo mɛ mɔ : Mawu ŋɛdotɔ lɔ yi ŋsu cɛ nyi nyao. ⁴¹ Amɛ buwo nunuɔ mɔ : kliso lɔ yi e nyi! Amɛ buwoo can gbe nunuɔ mɔ : Eɖe yi klisolɔ a sɛn eŋ aaso galile mɛ a? ⁴² Wo ŋwlɛ do Mawu nyɔ wemawo mɛ ɖɛ mɔ kliso lɔ a va nyi davidijijimɛvi yi yi a so bɛtɛlɛhɛm kɔxwimɛ, le afi ci yi davidi nɔ sasa. ⁴³ Eyi ahwa ci yi bɔdo enɔtɔxu lɔ ma do yesu taɖo. ⁴⁴ Le ahwakɔn lɔ mɛ ɔ, amɛɖewo ji mɔ yewo a le yesu. Vɔ ɔ, kpɔ eɖe lɔ de je nu go. ⁴⁵ Mawuxwe lɔ dɔkpɛga bwo trɔyi avɔnsatɔ gangantɔwo koɖo Falisitɔwo gbɔ yi wo biɔ wo se mɔ : nyi yi na taɖo yi ni de kpɔ yesu vɛ ɔ? ⁴⁶ Dɔkpɛga lɔwo ɖoŋci nɔ wo mɔ : Mi de kpɔ amɛɖe yi exo nuxu ahan shigbe ɓsu hunnɔ lɔ nɛ kpɔ go. ⁴⁷ Eyi Falisitɔwo biɔ se mɔ : Miwo can mi tashi miwoɖekiwo ɖɛ yi eble hɛnnɛ yɔ a? ⁴⁸ Amɛde e miwo gawo do le Falisitɔwo mɛ yi xɔ ŋsu hunnɔ lɔ ji se a? ⁴⁹ Vɔ amɛ ciwo yi lɔ ahwa kplɔɛ xɔ yi nyɔwo ji se de jeshi ese ciwo yi Mɔyizi do nɔ mi go Kpɛnsɛn le wo ji. ⁵⁰ Nikodɛmu, ŋsu ɖeka ci yi va yesu gbɔ vayi le Falisitɔ ciwo yi le enɔtɔxu lɔ domɛ. Enu nɔ amɛ kpɛtɛwo mɔ : ⁵¹ le miwo seci lɔ nu ɔ, mi de ɖo a ɖo ehwɛ nɔ amɛɖe mase yi a gbe enu ci yi ewa manya doŋkɔ go. ⁵² Amɛ lɔwo doŋci nii mɔ : Eo can, eo so galile kan mɛ hɛnnɛ yɔ a? Geje Mawu nyɔ wema lɔwo mɛ kpɔ. A kpɔ mɔ Mawu ŋɛdotɔ ɖekpokpoi de so galile kan mɛ kpɔ go. ⁵³ Le i godu ɔ, amɛɖeka amɛɖeka trɔyi yi xwe mɛ.