¹ Le e yi godu ɔ ye kpe ago lɔ ji nɔ galile tan ci yi wo gbe yɔnɔ mɔ tibe liyadi tan lɔ. ² Amɛ sugbɔ lɔ ahwa kplɔɛ do do ɔ wo kpɔ jeshidu nu ci wo yi e wawa yi sɔ dada a nɔ amowo. ³ Yesu la ekpo ɖeka ji e yi nukplaviwo kplɔɛ do yi wo vayi nɔ anyinɔnɔ do enɔtɔxu. ⁴ Yuɖatɔwo xwe ci yi wo yɔnɔ mɔatadoamɛxwe gbɔgbɔ hwenɔnu. ⁵ Yesu kɔ eta eji yi kpɔ yi ahwankɔn gangan ɖeka gbɔgbɔ gbɔ eyi e biɔ filipu se mɔ fie yi mi a sɛn eŋ kpɔ ŋɖuɖu le a xwle yi a wo kpu yi wo a ɖu. ⁶ E nu nɔ filipu nɛnɛ yi a sɔ doi kpɔ do ɔ yesu ŋtɔ nya enu ci yi a wa xoxoxo. ⁷ Eyi filipu ɖonu nii mɔ nɔ mi sɔ ga jɔnho sanŋdive (200) xwle enu nɔ alawakɔn lɔ ɖu can ɔ wowo domɛtɔ ɖeka ɖeka a kpɔ kanki kpetii a ɖu go. ⁸ Yesu nukplavi lɔwo domɛtɔ bu ci yi wo yɔ nɔ mɔ anŋdre yi e nyi simɔ piyɛ nɔviɛ nu nɔ yesu mɔ. ⁹ Ɖajɛvihwɛhwɛ ɖeka le mi gbɔ le elɛ yi ɔzi kpɔnnɔ amatɔn koɖo kpavi amɛve le shi vɔ ŋɖe yi kpɔnnnɔ koɖo kpani hunnɔwo a sɛn eŋ wa nɔ amɛ blebu cɛwo.n ¹⁰ Eyi yesu nu mɔ mi nu nɔ amɛ lɔwo nɔ wo o a nɔ nyinɔnɔ egbewo sugbɔ le enɔtɔxu lɔ amɛ lɔ wo nɔ anyinɔnɔ do wo ji ŋsu ci wo yi le wo mɛ a sun agbetɔ kotokun amatɔn (5000) hanwo. ¹¹ Yesu sɔ kpɔnnɔ lɔ wo yi ci yi e do akpe nɔ Mawu do wowo ji ɖegbɔ e ma wo nɔ wo pleŋ ciwo yi le enɔ tɔxu lɔ nɛnɛ lɔ ke yi e gbe ma kpavi lɔwo nɔ wo nɛ yi amɛɖeka amɛɖeka xɔ nɛni ci yi e dro. ¹² Ci yi wo pleŋ ɖu enu yi xodu ɖɔ wo ɖegbɔ yesu va nu nɔ eyi nukplaviwo mɔ mi bɔ enuɖuɖu kpɛtɛwo nɔ eɖe ŋgbe kpɔtɔ a dɔn o. ¹³ Eyi wo bɔ kpɔnnɔ ciwo yi kpɔtɔ lɔwo yi e gbe ɖɔ kishi wive (12). ¹⁴ Ci yi amɛwo kpɔ enujiŋ lɔ ci yi yesu wa ɔ wo nu mɔ Mawu ŋɛdotɔci yi ɖo a va xexe lɔ mɛ yi ŋŋsu cɛ nyi nyao. ¹⁵ Susu yesutɔ gbe kpɔɛ blaŋ mɔ amɛ lɔwo a va kɔ eye koɖo ŋsɛnn a sɔ ɖo efiɔ eyi e gbe to le wo mɛ xwlɛɛ yi gbe vayi ci azɔge nɔ wo le ekpo lɔ ji yiɖekɛ. ¹⁶ Ci yi bfiɛshimɛ ɖoɔ yesu nukplaviwo zɔn vayi galile tan lɔ tu. ¹⁷ Wo ɖo etɔ jihungangan ɖeka mɛ yi kpe kafanawɔnu le ago eɖetɔ lɔ ji nɔ etan lɔzinflu tɔ dodo vɔ yesu ɖe kpɔ va ɖo wo gbɔ hɔɖe o. ¹⁸ Etan lɔ le adan ji do jehɔn xoxoɔ koɖo ŋsɛn. ¹⁹ Nukplavi lɔwo ku etɔjihun lɔ sɔso agoji kaka yi ɖoɖoɔ kpeci amatɔn sɔyi amadɛn bonu hanwo gbɔxwe yi kpɔ yi yesu zɔnzɔn zɔnlin to etan shi lɔ ji yi gbɔgbɔ etɔ jihungangan lɔ gbɔ eyi vɔnvɔn ɖo wo. ²⁰ Vɔ yesu nu nɔ wo mɔ evinyɛwo ni gbe vɔn o. ²¹ Nukplavi lɔ wo ji mɔ yowo a kɔɛ do etɔjihun lɔ mɛ vɔ tro lolo ahan vɔ etɔjihungangan lɔ gbe tɔ nyigban gbali do fiŋge yi wo yiyiɛ. ²² Le e yi ŋke ɔ ahwa ci yi ci ago ci yi ji nukplaviwo so le nɔ etan lɔ va mɔŋje nu mɔ etɔjihungangan kuɖeka yi le etan lɔ ji sasa amɛwo nya mɔ yesu ɖe ɖo etɔ ji hun lɔ mɛ koɖo e yi nukplaviwo go nukplavi lɔwo ɖekɛ yiyi. ²³ Vɔ ɔ etɔjihoungangan buwo so tibeliyadi jugan mɛ yi gbɔgbɔ wo gogo fie yi axwetɔ do akpe nɔ Mawu le yi sɔ ma nɔ amowo yi wo ɖu le. ²⁴ Ci yi amowo kpɔ nya mɔ yesu koɖo e yi nukplaviwo ɖe gbe entɔxu lɔ wo ɖo etɔ juhun gangan ci wo yi va lɔwo mɛ yi kpe kafanawɔmu keŋ a vayi ji yesu kpɔ. ²⁵ Amɛ lɔwo vayi kpɔ yesu le akpa etɔ lɔ ji nɔ etan lɔ yi biɔɛɛ se mɔ ci cagan hwenu yi e va ɖo elɛ ɔ. ²⁶ Yesu ɖonu nɔ wo mɔ le nyɔnunui mɛɔ nunuɔ nɔ mi de nyi jeshidu nu ciwo yi ŋ wa gɔnmɛ yi mi se taɖo yi jijiɛ ŋ o vɔ ɔ kpɔnnɔ ci yi ŋ na mi yi mi ɖu yi xodu ɖo mi taɖo yi mi jijiɛŋ do. ²⁷ Ŋgbe ɖɔnɔ eŋ nɔ enuɖuɖu cɛ ci yi donɔ ahɛn o vɔɔ mi ɖɔ eŋ nɔenuɖuɖu donɔ ahɛn o vɔ ɔ mi ɖɔ eŋ nɔ enuɖuɖu ci yi ni nii ɖɛ tɛgbɛɛ nɔ agbemavɔ agbetɔvi. lɔ a na enuɖuɖu hunnɔ mi do ada Mawu sɔ e yi nutrenu ɖo wo nu. ²⁸ Eyi amɛ lɔwo va biɔ yesu se mɔ le yi mi a wɛɛ do yi a wa edɔ ciwo yi Mawu dro. ²⁹ Yesu ɖonu nɔ wo mɔ edɔ ci yi Mawu jijiɛ mɔ miwo ɖe wa yi nyi kpɔ mɔ mi a xɔ amɛ ci yi e dɔ ɖaɖa ji se. ³⁰ Wo gbe biɔ yesu se mɔ enujiŋ hinɖe yi a sɛn eŋ wa nɔ mia kpɔ yi a xɔ wu ji se ɔ edɔ hinɖe wagbe yi e to. ³¹ Miwo tɔgbiwo ɖu mana nuɖuɖu le zoxu sakli sakli lɔ mɛ mi hliin le Mawu nyɔ wemawo mɛ mɔ e na enuɖuɖu ci yi so jeŋkuimɛ wo. ³² Yesu ɖonu nɔ wo mɔ le nyɔnɔnui mɛ ɔ ŋ nunuɔ ɖe nyi mɔyizi yi na enuɖuɖu ci yi so jeŋkuimɛ mi o vɔ ɔ edanyɛ yi na enuɖuɖo adodutɔ ci yi so jeŋkui mɛ mi. ³³ Ɖo enuɖuɖu ci yi Mawu na lɔ ɔ e yi nyi amɛ ci yi ɖɖyi so jeŋkuimɛ yi nanɔ agbe xexe lɔ. ³⁴ Eyi amɛ lɔwo nunɔ yesu mɔ axwetɔ nanɔ enuɖuɖu hunnɔ lɔ mi tɛgbɛɛ. ³⁵ Yesu xɔ nuxu yi nu nɔ wo mɔ enyɛ yi nyi onuɖuɖu ci yi nanɔ agbe amɛ nɔ amɛɖe va ŋ gbɔ ɔ shive ɖa cii gbeɖee yi nɔ amɛɖe xɔ ŋ ji se ɔ kpɔ shikɔ ɖa cii gbeɖe go. ³⁶ Vɔ ŋ nui nɔ mi mɔ mi kpɔ ŋ keŋgan yi mi ɖe xɔ ŋ jise. ³⁷ Amɛ ciwo pleŋ yi edanyɛ sɔ na ŋ a va gbɔ yi ŋ ɖa gbe amɛɖe ci yi a va ŋ gbɔ maxɔ gbeɖe o. ³⁸ Ɖo ɔ ɖe ɖyi ŋ ɖyi so jeŋkuimɛ yi a va wa enu ci yi ŋ dro go vɔ ɔ na ŋ va yi a va wa enu ci yi amɛ dɔ ŋ ɖaɖa dronɔ. ³⁹ Amɛ ci yi dɔ ŋ ɖaɖa lɔ dro yi nyi mɔ enyɛ ŋgbe sɔ amɛɖekpokpoi bu le amɛ ciwo yi esɔ na ŋ wo mɛ go vɔ ɔ ŋ ɖo afɔn wo sɔso ekuwodi le ŋkeke vɔvɔ kpɛtɛkpɛtɛ lɔ ji. ⁴⁰ Edanyɛ dro yi nyi kpɔ mɔ amɛ ciwo pleŋ yi kpɔ vilɔ yi xɔɛ jise a kpɔ agbemavɔ yi ma fɔn wo sɔso ekuwodi le ŋkeke vɔvɔ kpɛtɛkpɛtɛ lɔ ji. ⁴¹ Yuɖatɔwo ɖyika dodo yesu nɔ ci yi o nu mɔ yi nyi enuɖuɖu ci yi ɖyi sɔso jeŋkuimɛ yi va lɔ. ⁴² Wo nunuɔ mɔ de nyi yesu zozefu eviɛ ŋsuvi lɔ yi nɔ ba mi jeshi edalɔ koɖo enɔlɔ ɖɛ nyuiɖe lehan yi a wɛɛ a va nunuɔ mɔ ye ɖyi so jeŋkuimɛ do ɔ. ⁴³ Yesu ɖonu nɔ wo mɔ mi mi ɖyika dodo le miwonnɔnɔwomɛ. ⁴⁴ Amɛɖekpokpoi ɖa sɛn eŋ gbɔ nɔ edanyɛ ci yi ɖo ŋ ɖaɖa ɖe kplɔɛ vɛɛ o eyi enyɛ ɔ na va fɔn amɛ ci yi va ŋ gbɔ lɔ sɔso ekuwodi le ŋkeke vɔvɔ kpɛtɛkpɛtɛ lɔ ji. ⁴⁵ Wo ŋwlɛ ɖe do Mawu nyɔ ŋdotɔwo wema mɛ mɔ Mawu a kpa enu agbe tɔwo kpu eyi ɔ amɛshamɛ ci yi a ɖo eto ada yi a xɔ e yi nukplamɛnyɔwo ji se a va ŋ gbɔ. ⁴⁶ Ɖe nyi mɔ nu yi ŋ nunuɔ mɔ amɛɖe kpɔ ada kpɔ yɔ go amɛ ci yi ɖyi sɔso jeŋkuimɛ yi va lɔ ɖekɛ yi kpɔɛ. ⁴⁷ Le nyɔnɔnui mɛ ɔ ŋ nunuɔ nɔ mi mɔ nɔ amɛɖe xɔ ŋ ji se ɔ e kpɔ agbemavɔ. ⁴⁸ Enyɛ yi nyi enuɖuɖu ci yu nanɔ agbe amɛ. ⁴⁹ Miwo tɔgbiwo ɖu mana nuɖuɖu le zoxu sakli sakli mɛ ganŋkegan ɔ wo ku. ⁵⁰ Vɔ enuɖuɖu ci yi ɖyi so jeŋkuimɛ lɔ yɛ nyi enuɖuɖu ɖeka ci yi nɔ amɛɖe ɖui ɔ amɛ lɔ yɛ ɖa ku o. ⁵¹ Enyɛ yi nyi enuɖuɖu agbe agbe ci yi ɖyi jo jeŋkuimɛ yi va nɔ amɛɖe ɖu enuɖuɖu cɛ lɔ ɔ a nɔ agbe tɛgbɛɛ enuɖuɖu ci yi nana lɔ nyi lankpu ŋ sɔ jojo ɔ nɔ xexe lɔ a kpɔ agbe. ⁵² Trololo ɔ yuɖatɔwo gbe tɔ enyɔ dɔndɔn kpɔ sɛnŋsɛnŋɖe le wowoɖeɖe wo mɛ mɔ lehan yi ŋsu hunnɔ a wɛɛ a vana e yi lankpu mi nɔ mi a ɖu do ɔ. ⁵³ Yesu nu nɔ wo le nyɔnɔnui mɛ ɔ ŋ nunuɔ nɔ mi mɔ nɔ mi ɖe ɖu agbetɔ vi lɔ lankpu yi nu e yi hun ɔ agbe ɖa le mi mɛ go. ⁵⁴ Amɛ ci yi ɖo anyi lankpo yi nu anyi hunɔ amɛ lɔ kpɔ agbemavɔ yi na va fɔn so ekuwodi le ŋkeke kpɛtɛkpɛtɛ lɔ ji. ⁵⁵ Ɖo ɔ lankpu kinnyɛ nyi enuɖuɖu adodui yi anyi hun nyi enunu adodui. ⁵⁶ Amɛ ci yi ɖu anyi lankpu yi nu anyi hun ɔ amɛ la a wa koɖo ŋ yi enyɛ can na wa ɖeka koɖoi. ⁵⁷ Edanyɛ ci yi dɔ ŋ ɖaɖa le agbe yi ŋ le agbe todo edanyɛ ji eyike amɛ ci yi ɖu anyi lankpu a nɔ agbe todo ŋ ji nɛ. ⁵⁸ Enuɖuɖu ci yi ɖi so jeŋkuimɛ yi va lɔ ke de le shigbe ci yi miwo tɔgbiwo ɖu keŋgbon yi gbe ku nɛnɛ go vɔ amɛ ci yi a ɖu enuɖuɖu cɛ yɛ ɔ a nɔ agbe tɛgbɛɛ. ⁵⁹ Yesu x nuxu hunnɔ le gacimɛ yi e kplakpla enu amowo le Mawusɛn xu le kafanawɔmu . ⁶⁰ Ci yi yes nukplaviwo se enyɔ ci yi e nu lɔ wo ɔ amɛ sugbɔ tɔ nunuɔ le wo mɛ mɔ enyɔ lɔ wo tɔ eŋsɛnsɛn glo mɛ e yi a sɛn eŋ a xɔ enyɔ hunnɔwo ɔ. ⁶¹ Yesu kpɔ enu je mɛ nyuiɖe yi nya mɔ ye nukplaviwo dodoɔ ɖyika enyɔ lɔ ci yi ye nu eyi dɔ taɖo yi e biɔ wo se mɔ enyɔ lɔ jijiɛ a nyi afɔklɛnnu nɔ mi yɔ a. ⁶² Nɔ mi va kpɔ va kpɔ yi agbetɔvi lɔ trɔyikɔ jeŋkuimɛ le fiŋge yi e nɔnɔ sasa ɖee le yi a va nɔ do nɔ mi hwenɔnu. ⁶³ Mawu gbɔngbɔn yi nanɔ agbe amɛ agbetɔ ŋtɔ ɖa sɛn eŋ a wa enuɖe go. enyɔ ciwo yi ŋ nu nɔ mi nyi gbɔngbɔn kɔkɔɛ mɛ nyɔ ciwo yi nanɔ agbe amɛ. ⁶⁴ Vɔ ɔ miwo domɛtɔ ɖekawo ɖe ɖo xɔse o nyaotɔ ɔ yesu jeshi amɛ ciwo yi ɖe xɔɛ ji se koɖo amɛ ci yi a sɔ so gɔnmɛjeje lɔ mɛ ɖii. ⁶⁵ Yesu gbe nu doji nɔ wo mɔ enyɔ ci taɖo yi ŋ nu nɔ mi mɔ amɛɖe ɖa sɛn eŋ a va ŋ gbɔ nɔ ɖe nyi edanyɛ yi na egbe yi o nɛ. ⁶⁶ Sɔso hwenɔnu ɔyesu nukplavi sugbo trɔgbeɖii ɖɛ yi mi kplɔkplɔɛ do. ⁶⁷ Eyi yesu va biɔ amɛ wive (12) lɔwo se mɔ miwo can mi ɖe jijiɛ a yiba. ⁶⁸ Simɔ Piyɛ ɖonu nii mɔ axwetɔ mɛ e gbɔ yi mi a yi e wɔ gbɔ yi wose nɔ enyɔ ciwo yi nanɔ agbemavɔ amɛ le. ⁶⁹ Vɔ miwo yɛ ɔ mi xɔ ɛji se yi nya mɔ ewɔ nyi amɛ kɔkɔɛ ci yi Mawu dɔ ɖaɖa lɔ. ⁷⁰ Yesu nu nɔwo mɔ ŋ ɖe can mi wive ba ganŋkegan ɔ miwo domɛtɔ ɖeta va nyi legba mɛ le ete. ⁷¹ Yuɖa ci yi nyi simɔ ishikalinuti eviɛ ŋsuvi nu yi yesu xoxoɔ nuxu sɔso nɛnɛ ɖo ci yi nukplavi wive lɔwo domɛtɔ ɖeka can ɔ e yi va sɔ yesu yesu doashi nɔ ketɔnɔwo.