¹ Eyi nyisɔmɛ ɔ, wo jijiɔ a wa nɔnɔɖeɖekɔnu ɖeka kɔxwimɛ le galil kan mɛ. ² Yesu nɔlɔ va nɔnɔɖeɖekɔnu lɔ tɔxu. Wo yɔ yesu e yi nukplaviwo hɛnnɛ yi wo va enɔ lɔ. ³ Eva ɖo hweɖekanu ɔ, vɛn ci yi wo mama lɔ vɔ. Eyi yesu nɔlɔ va nu nɔ yesu mɔ ɖe le wu shi o? ⁴ Vɔ ɔ, yesu ɖonu nii mɔ : miwo nɔ ewɔ yia yi a dre enu ciyi ŋɖo awa nɔ ŋ a? Anyi ga xo hɔɖe go. ⁵ Eyi enɔlɔ vayi nu nɔ edɔwatɔ lɔwo mɔ: miwa do yɔ ciwo pleŋ yi ava nu nɔ mi ji. ⁶ Eyi eze gangan ciyi wo sɔ ekpe mɛ yi yuɖatɔwo kunɔ eshi do mɛ yi sɔ wanɔ eɖyiklɔklɔ kɔnuwo amaɖɛn le enɔtɔxu lɔ. Eze lɔwo domɛtɔ ɖeka ɖeka xɔnɔ eshi lita kave howi hanwo. ⁷ Yesu nu nɔ enuɖuɖumatɔ lɔwo mɔ: mi ku eshi do eze hunnɔ mɛ nɔ wo a ɖɔ. Eyi wo ku eshi do eze lɔwo mɛ kaka wo ɖo weɖyi weɖyi. ⁸ Gacɛmɛ yi yesu va nu nɔ wo mɔ: Eviɛ ɔ, mi ku le ezamɛ shi lɔ nu sɔyi nɔedɔwatɔ lɔwo ga. Eyi wo kui yi nii. ⁹ Edɔwatɔwo ga lɔ ɖyiɖo eshi ci yi yesu na yi etrɔ vɛn lɔ kpɔ. De nya fiŋge yi kio kpɔ cɛ lɔ so o. Vɔ ɔ, edɔwatɔ ciwo yi ku eshi lɔ nya. E yi na yi e yɔ nyɔnuɖetɔ lɔ. ¹⁰ Yi nu nii mɔ : amɛshamɛ manɔ vɛn adoduitɔ doŋkɔ. Eyi nɔ amɛ ciwo yi wo yɔ nu kaka yi e sun wo ɖegbɔ gbɔxwe yi wo va ɖenɔ vɛn ci yi ɖe nyɔ nyuiɖe tii. Vɔ ewɔ yɛ ɔ, ɔ gbe vɛn adoduitɔ lɔ ɖɛ kaka hwecɛnu ɖo! ¹¹ Hunnɔ yi nyi enukpaca ŋkɔtɔ ci yi yesu wa nɛ. E wɛɛ le kanna kɔxwimɛ le galile kan mɛ. Sɔ todo enujiŋ lɔ wawa mɛ ɔ, yesu ɖe e yi kɔkɔ doase yi e nukplaviwo xɔɛ ji se. ¹² Le eyi godu ɔ, yesu koɖo enɔlɔ, nɔviɛ ŋsuviwo koɖo eyi nukplaviwo zɔn vayi kafanawɔmu kɔxwimɛ yi nɔ enɔtɔxu yi wa a zan kankin. ¹³ Atadoamɛxwe ci yi yuɖatɔwo ɖunɔ gbɔgbɔ. Eyi yesu fan ekpo yi yi zeluzalɛmu. ¹⁴ Ekpɔ yi amɛwo sasa nyibuwo, lɛngbɔwo,koɖo hwanniwo le Mawuxwe lɔ mɛ. Egbe kpɔ ehoɖɔlitɔwo hɛnnɛ yi wo pleŋ nɔ anyinɔnɔ do wowo kplɔnwo nu. ¹⁵ Eyi yesu sɔ ekawo lɔn ebaxoamɛ yi nya wo koɖo wowo lɛngbɔ lɔwo kodo wowo nyibu lɔwo kpu tii le Mawuxwe lɔ mɛ. Eɖɔ ehowo kɔ ɖaɖa nyigban nɔ ehoɖɔlitɔwo yi flii wowo kplɔnwo cɔn. ¹⁶ Enu nɔ hwannisatɔwo mɔ : mi lɔ enu hunnɔwo pleŋ so le elɛ : mi ŋgbe sɔ edanyɛ xwe a sɔ wa ashimɛ go. ¹⁷ Eyi eyi nukplaviwo va ɖo eŋui mɔ wo ŋwlɛ ɖɛ do Mawu nyɔ wemawo mɛ mɔ : mawu, lehan yi ŋ ɖe lɔnnɔ enu le ekɔ nɔ awu xwe do nyi enu yi bibiɛ le ŋmɛ shigbe ezo nɛnɛ. ¹⁸ Eyi yuɖatɔwo ga va biɔ yesu se mɔ: jeshi hunɖe yi a ɖe doasɛ yi a sɔ dre nɔ mi mɔ yi ɖo acɛ yi a wa enu nɛnɛ ɔ? ¹⁹ Yesu ɖonu nɔ wo mɔ : gban Mawuxwe lɔ; na trɔ a cui le ŋkeke amɛtɔn. ²⁰ Eyi yuɖatɔ lɔwo ɖe mɛ nɔ yesu mɔ : exwe eka hoadɛn yi wo sɔ ɖo ete yi cu Mawuxwe cɛ, yi ɔ na va trɔ yi a cui le ŋkeke amɛtɔn mɛ a? ²¹ Vɔ ɔ, Mawuxwe ci yi nu yi yyesu yɛ xoxoɔ nuxu so yinyi yesu ŋtɔ lankpu. ²² Gacimɛ yi mawu va fɔn yesu sɔso ekuwodi ɔ, yi e yi nukplaviwo va ɖo eŋui mɔ yi nu nɛnɛ han sa. Enu hunnɔ dɔ yi anukplavi lɔwo xɔ enyɔ ci yi Mawu nyɔ wemawo mɛ yi gbe xɔ enyɔ ciwo yi yesu nu ji se. ²³ Le atadoamɛxwe lɔ hwɛn ɔ, yesu le zeluzalɛmu. Ci yi amɛ sugbɔ kpɔ jeshidu nu ciwo waa yi ele ɔ, wo xɔɛ ji se. ²⁴ Vɔ ɔ, yesu ɖeɖe eji do wo nu go. Do e jeshi wo kpu nyuiɖe. ²⁵ De zan nɔ amɛɖe a va ɖe kunnu so enu ci yi agbetɔ nyi nii go. Do yiŋtɔ jeshienyɔ ci yi le ejimɛ nɔ agbetɔ.