¹ Lě gonmɛ jeje lɔ mɛ enyɔn liɖɛ sa koɖǒ Mawu yi nyɔn lɔ nyi mawu. ² Yi nyɔn lɔli so gɔnmɛ jeje sa koɖo mawu. ³ Wo wa enu wo kpu to nyɔlɔ mɛ ŋde kpokpui ci nyi wawa to nyɔn lɔ mɛ wo ɖe teŋ wa enu ɖe yi ɖe nyi enyɔn lɔ yimɛ. ⁴ Agbe le nyɔn mɛ, agbe lɔ nyi klɛ,klɛn nɔ agbetɔ wo. ⁵ Klɛnklɛn klɛn le zizi wo mɛ ti zizi lɔ wo ɖe gbe li. ⁶ Amɛ li yi Mawu dɔ ɖaɖa, nyi nyikɔ nyi zan. ⁷ Va shi gbe kunuɖetɔ yi a va ɖe kunu do klɛnklɛn lɔ nu, gbɔxwe yi amɛ sugbɔ ateŋ xɔ enyɔn lɔ ji to yɛ mɛ. ⁸ Zan ɖe nyi klɛklɛn sa ga, vɔ e va yi a va ɖe kunu so klɛnklɛn lɔ nu. ⁹ Klɛnklɛn ci li sa yi a klɛn nɔ agbe tɔ wo keŋkeŋ, yi va nɔ xexe lɔ pleŋ. ¹⁰ Eli se le xexe lɔ mɛ, yi o waa xexe lɔ toji xexe lɔ ɖe je shi o. ¹¹ E va yi tɔ wo gbɔ, kpɔ yi tɔ lɔ wo ɖexwɛ. ¹² Vɔ ɔ, amɛ ciwo yi xɔɛ, ji se ɔ ŋkɔ lɔ ji se ɔ, wo na wo yi ɖo a nyi mawu vi. ¹³ Yi wo ji wo, kpɔ ɖe ehun agbetɔtɔ yɔ go. Kpɔ ɖe drɔwamu ŋci lan tɔ yɔ go, kpɔ ɖe nyi drowamu agbetɔ tɔtɔ yɔ go vɔ mawu tɔ e nyi. ¹⁴ Yi nyɔ lɔ va trɔ ŋci lan yi va le mi wo do mɛ. Mi kpɔ jiɖuɖu yi tɔ, jiɖuɖu ɖeka ci so amɛ kuɖe ka gbɔ, mɛ ci so ed lɔ gbɔ, eɖɔ koɖo ŋcifafa koɖo nyɔnnɔ nwi. ¹⁵ Zan ɖekunu so nu, yi edo axwa : mi kpɔ amɛ ci yi nunu wɔ nɔ mi sa nɛ amɛ ci yi va godu nɔŋwɔ, yi nyi mɛ ci le ŋkɔ nɔ, ɖo yɛ li sa gbɔ xwe yi nyɛn va. ¹⁶ Sɔ to wa lɔ yi to mɛ wɔ mi xɔ afenu je afenu ji. ¹⁷ Wo sɔ ese wo sɔ nan mose, vɔ afetɔnu koɖo nyɔnnɔnvi lɔ ɔ wo va to yesu kliso ji. ¹⁸ Amɛ ɖe kpokpui ɖe va teŋ kpɔ Mawu le wo gamɛ. (Hwenu) amɛ kuɖeka lɔ ci amɛ agbetɔ vi lɔ ɔ, yi ŋtɔ lɔ yi nyi Mawu, yi teŋ wɛ yi do je si do je si yi. ¹⁹ Mi kpɔ ɖa, kunu ɖeɖe zan tɔ hwenu ci yuda tɔ wo dɔ amɛ wo so yeluzalɛmu avɔsalawo koɖo lewitɔwo so nyɔn biwɔseɖe wo ta : Mɛ wɔ nyi. ²⁰ Yi ehohwɔ ɔ nuxu vovotɔ ɖe gbe nyɔn ɖe koɖo ŋei ɖoɖo cɛ : e nyɛn yi nyi kliso go. ²¹ Vɔ, wo be trɔ yi biɔse : vɔ mɛ e va nyi? Eli e nyi a? Yi e nu mɔn : yi nyɛn nyi go. Wo gbe nu mɔn : nyagblɔ la enyi a? Ye eɖe nu nɔ wo mɔn : oxo. ²² Vɔ, wo gbe nu mɔn : mɛ enyi? Ggwɔxwe yi mi a teŋ yi a va yi ɖɔ egbe nɔ mɛci wo yi dɔmi ɖaɖa? Nyɔn hyin ɖe kpɔ do nu so wɔ tɔ nu? ²³ Yi e ɖo nu nɔ wo mɔ : e nyɛn yi nyi amɛ ci dodo axwa le zogbe lɔ ji : mi dra xwetɔ lɔmɔn jwɛjwɛ ɖe shigbe le nyangblɔnla Ezaya nu ɖe sa nɛnɛ. ²⁴ Amɛ dɔdɔ ɖe wo so falisitɔwo mɛ, yi bibiwɔ se mɔn : ²⁵ ŋɖe ta ɖo yi wɔ dodo eshi ta keŋ yi ɖe nyi kliso, kpo ɖe nyi Eli kpɔ ɖe nyi enyɔnnuɖɛ tɔ. ²⁶ Zan ɖonu nɔ wo mɔ : enyɛyɛɔ eshi yi ŋ sɔ leleɛ Mawushi nɔ amɛwo. Vɔ ɔ, amɛɖeka le mi mɛ, yi mi ɖe jeshi amɛ ci yi enyi go. ²⁷ Ele godu nɔ ŋ yi gbɔgbɔ. Vɔ ɔ, ŋ ɖe je yi a ɖe e yi fɔkpa kawo le afɔ nii kpeti o. ²⁸ Enu hunnɔwo kpu jɔ le betani kɔxwimɛ le zuludɛn tɔsasa lɔ godu le fiŋge yi zan leleɛ Mawushinɔ amɛwo lo. ²⁹ Le eyi nke ɔ, zan kpɔ yi yesu gbɔgbɔ gbɔ. Eyi enu mɔ : Mi kpɔ ɖa! Mawu lɛngbɔvi ci yi va cucu xexe lɔ nuvɔinwo sii ke. ³⁰ Eyi nu ŋ xo nuxu so mɔ : amɛɖeka le godu nɔ ŋ yi gbɔgbɔ. Vɔ ɔ, enyi mɛgan nɔ ŋ. Do ɔ e eli xoxoxo gbɔxwe yi na va jɔ. ³¹ Enyɛŋtɔ ɔ, ŋɖe jeshi sasa go. Vɔ ɔ, ŋ va eshi sɔ lele ɔ Mawushi nɔ amowo keŋ a doasɛ yi nɔ Israyɛliviwo nɔ wo a jeshi. ³² Zan ɖe kunnu mɔ : kpɔ yi gbɔngbɔn kɔkɔɛ sɔ hwanni nɔnɔmɛ so jeŋkuimɛ yi dyi je ji. ŋɖe jeshi sasa go. ³³ Vɔ ɔ, Mawu ci yi dɔ ŋ ɖaɖa yi ŋ va leleɛ Mawushi nɔ amowo nu nɔ ŋ mɔ : a va kpɔ yi gbɔngbɔn kɔkɔɛ a ɖyi gi je do ŋsu ɖeka ji. ŋsu lɔ yi a va sɔ gbɔngbɔn kɔkɔɛ le Mawushi nɔ amowo. ³⁴ Enyɛŋtɔ kpɔ do enu lɔ ji nɛnɛ yi ɖe kunnu mɔ ŋsu hunnɔ lɔ nyi Mawu eviɛ. ³⁵ Le eyi ŋke ɔ, Zan gbe va enɔtɔxu lɔ ke kodo eyi nukplaviwo domɛtɔ amɛve. ³⁶ Ci yi ekpɔ yi yesu zɔn vayikɔɔ, enu mɔ : Mi kpɔ ɖa! Mawu lɛngbovi lɔ ke! ³⁷ Ci yi zan nukplavi amɛve lɔwo se enyɔ lɔwo ahanɔ, wo so yi kplɔ yesu do. ³⁸ Yesu trɔ kpɔ godu yi kpɔ mɔ wo kplɔ eye do. Eyi e biɔ wose mɔ : ŋɖe ji ɔ mi le? Wo ɖonu nii mɔ : Fiŋge yi e nɔnɔ ɔ, hlabi? Hlabi gɔnmɛ yi nyi kpɔ mɔ cicagan. ³⁹ Yesu ɖonu nɔ wo mɔ: mi va yi a kpɔɛ. Ewetrɔmɛ do ganɛ han wo mɛ nu yi wo wawa enu lɔ do. Eyi wo kplɔ yesu do yi vayi kpɔ fici e nɔnɔ yi ci gbɔ gbenɔgbe. ⁴⁰ Zan nukplavi amɛve ciwo yi se enyɔ ci yi zan yi kplɔ yesu do domɛtɔ ɖeka tɔ mɔ andre simɔ piyɛ nɔviɛ yi e nyi. ⁴¹ Amɛŋkɔtɔ ci yi andre vayi do ego va nyi fofo shimɔ. Enu nii mɔ : Mikpɔ mɛsiya lɔ/ Mɛsiya lɔ gɔnmɛ yinyi mɔ : kliso lɔ. ⁴² Eyi ekplɔ shimɔ yi yesu gbɔ. Yesu gloi kpɔ yi nu nii mɔ : Eɔ nyi shimɔ zan eviɛ. Vɔ ɔ, wo a va tɔ wu yɔyɔ mɔ kefusi. Kefusi gɔnmɛ yi nyi kpɔ mɔ : Ekpegbaja. ⁴³ Eyi ci eŋke ɔ, yesu sɔ gbeto mɔ ye ayi galile kan mɛ. Edo ego filipu yi nu nii mɔ : kplɔ ŋ do. ⁴⁴ Filipu lɔ so Bɛlisayida, kɔxwici mɛ yi andre koɖo piyɛ can so. ⁴⁵ Le eyi godu ɔ, Filipu vayi kpɔ Natanayɛli yi nu nii mɔ : Mi kpɔ amɛ ci nu yi mɔyizi xonuxu so le ese wemawo mɛ yi Mawu ŋɛdotɔwo can gbe nuxu so nu lɔ. Yesu Nazatɛtitɔ zoozɛfu eviɛ yɔ. ⁴⁶ Eyi natanayɛli nu nɔ Filipu mɔ : Enunyui ɖe a sɛn eŋ a to so nazalɛti kɔxwimɛ a? Filipu nu nii mɔ : va kpɔ ɖa! ⁴⁷ Gacimɛ yi yesu kpɔ Natanayɛli yi e gbɔgbɔ ɔ, enu sɔso nu mɔ : Mi kpɔ ɖa! Israyɛlivi adodui ɖeka ke. Enuficiwawa ɖe le lanmɛ nii o. ⁴⁸ Natanayɛli niɔ yesu se mɔ : fiŋge yi e jeshi ŋ ɖɛ le? Yesu ɖonu nii mɔ : ŋ kpɔ o le figici lɔ gɔnmɛ gbɔxwe yi filipu ava yɔ o. ⁴⁹ Gahunnɔ mɛ yi Natanayɛli trɔxɔ nuxu yi nu mɔ : cicagan, eɔ yi nyi Mawu eviɛ lɔ, eɔ yi nyi Israyɛli fiɔ lɔ. ⁵⁰ Eyi yesu ɖonu nii mɔ : ci yi ŋ nunɔ wu mɔ ŋ kpɔ wu le figici lɔ gɔnmɛ ɔ, e yi dɔ yi exɔ ŋji se a? Agbe kpɔ enu gangan buwo sɔwu hunnɔ! ⁵¹ Yesu ɖonu nii mɔ : le nyɔnɔnui mɛ ɔ, ŋ nunu ɔ nɔ mi mɔ mi a va kpɔ yi jeŋkui a le hunhun yi Mawu cikplɔtɔwo a yikɔ eji yi a ɖyɖyiɛ je agbetɔvi lɔ ji.