¹ Ŋsu €ka li , wo yɔɛni mɔ nikodɛmu yuɖatɔ wo domɛtɔ ɖeka yi e nyi . E le Falisitɔwo gbɛbɔbɔ mɛ. ² Eva Yesu gbɔ ezanmɛ gbɛɖeka yi nu nii mɔ : '' cicagan , mi mɔ Mawu dɔ wu ɖaaɖ nɔ na va kpla enu mi. Ɖo amɛɖe d'a sɛn eŋ waa jeshidu nu ciwo yi e wawa hunnɔwo Mawu ɖe li koɖeyi go . ³ '' Yesu ɖonu nii mɔ : ''Le nyɔnunui mɛ ɔ ŋ nunɔ nɔ mɔ nɔ amɛɖe ɖe trɔ yiɖɛki yiji ɔ , ɖ'a kpɔ Mawu fiɔɖuxu lɔ o.'' ⁴ Nikodɛmu xɔ nuxu yi biɔ Yesu se mɔ : ''Lehan yi amɛ ci yi shin vɔ a sɛn eŋ a gbe trɔ yiɖeki a ji do ɔ ? Sɛn a sɛn eŋ trɔyi enɔlɔ xomɛ yi enɔlɔ a gbe jii zevetɔlɔ a ? ⁵ Eyi Yesu ɖonu nii mɔ : '' le nyɔnɔnui mɛ ɔ , ŋ nunuɔ nɔ wu nɔnɔ amɛɖe ɖe trɔ yiɖeki todo eshi koɖo gbɔngbɔn kɔkɔɛ mɛ ɔ , amɛ lɔ ɖa sɛn eŋ yi Mawu fiɔɖuxu lɔ mɛ go. ⁶ Amɛ ci yi agbetɔwo ji nyi agbetɔ. vɔ amɛ ci yi wo ji sɔso Mawu gbɔngbɔn mɛ yɛ nyi gbɔngbɔn. ⁷ Igbe kpaca wu mɔ ŋ nunɔ wu mɔ : '' E le mɔ mi ɖo a trɔ miwoɖeki a ji go. ⁸ Jehɔn xonɔ ɖaɖa fici yi e dro e senɔ lehan yi e ɖyinɔ egbe do. vɔ kpɔ ɖe nya fici yi e sonɔ alo fici yi e yinɔ o. Nɛnɛ yi e nyinɔ nɔ amɛɖekpokpui ci yi wo ji todo Mawu gbɔngbɔn mɛ nɛ.'' ⁹ Eyi Nikodɛmu trɔxɔ nuxu yi biɔ Yesu se mɔ :'' Lehan yi enu a sɛn eŋ nyi nɛnɛ do ɔ ?'' ¹⁰ Yesu ɖonu nii mɔ :'' Eɔ yi nyi enukplamɛtɔ gangan ɖeka le Israyɛli jukɔn mɛ gankegan yi ɖé nya enyɔ hunnɔwo a ? ¹¹ Le nyɔnɔnui mɛ ɔ , ŋ nunu ɔ nɔ ewɔ mɔ , mi xoxo ɔ nuxu sɔso enu ci yi mi jeshi nu yi gbe ɖeɖe ɛ kunnun sɔso ci yi mi kpɔnu nɔ mi vɔ yi mi ɖe xɔxɔ ɔ kunnu ci yi mi ɖeɖe ɛ nɔ mi lɔ go. ¹² Ci yi ŋ xoxoɔ nuxu sonyigbaji nuwo nu yi mi ɖe xɔxɔ ɔ ŋ ji se ɖee , le yi mi a wɛɛ do a va xɔ ŋ ji se n ɔŋ va tɔ nuxu xoxo nɔ mi sɔso jeŋkuimɛ nuwo ɔ? ¹³ Amɛɖekpokpui ɖe yi jeŋkuimɛ kpɔ sɔ zeto Agbetɔvi lɔ ci yi dyi so jeŋkuimɛ nu o. ¹⁴ Shigbe lehan yi Moyizi kɔ egamumu dan lɔ do eji le zoxu sakli lɔ mɛ do nɛnɛ ɔ , nɛnɛhanke yiwo a gbe va kɔ agbetɔvi lɔ do eji do nɛ . ¹⁵ Nɔ amɛɖekpokpui ci yi a xɔɛji se a kpɔ agbemavɔ . ¹⁶ Ɖo Mawu lɔn agbetɔwo le xexe lɔ mɛ sugbɔ kaka sɔ eviɛ akogo lɔ sɔ na nɔ amɛɖekpokpui ci yi a xɔɛ ji se ŋ gbe trɔn o. Vɔ ɔ , amɛ lɔ a kpɔ agbemavɔ. ¹⁷ Mawu ɖe ɖo eviɛ ɖaă xexe lɔ mɛ nɔ a va ɖo koɖo xexe lɔ o. Vɔ ɔ e ɖoi ɖaɖa keŋ a hwlɛn xexe lɔ gan todo eyɛ ji. ¹⁸ Amɛ ci yi xɔ eviɛ lɔ ji seɔ , Mawu ɖa ɖo kojo kodoi o. Vɔ amɛ ci yi de xɔɛ ji se ɔ , Mawu ɖo kojo eyɛ vɔ . Ɖo ɖe xɔ Mawu Eviɛ akogo lɔji se o. ¹⁹ Enu ci yi ji Mawu nɔ anyinɔnɔ do yi sosoɔ ekuhwɛ nɔ amɛ yi nyi mɔ , ci yi agbetɔwo kpo klɛnklɛn ci yi so Mawu gbɔ yi va lɔ can ɔ , wo lɔn ʒinflu nyɔ gbɔ sɔwu klɛnklɛn lɔ . Ɖo ɔ , wowo nu wawawo ɖe nyɔ . ²⁰ Amɛɖekpokpui ci yi wanɔ enudɔndɔnwo ɖe lɔ lɔnnɔ klɛnklɛn lɔ nyɔ gbɔ o. Ɖo e vɔnnɔ mɔ nɔ ye sɔ klɛnklɛn lɔ gbɔ ɔ yi a va kɔdo eye ji amowo a va kpɔ enudɔndɔn ciwo yi ye wawa. ²¹ Vɔ ɔ , amɛ ci yi kplɔnɔ nyɔnui do le e yi nuwawawo mɛ , te nɔ va klɛnklɛn lɔ gbɔ . Nɛnɛ ɔ , a sɛn eŋ doasɛ mɔ e yi nuwawawo sɔsɔ ɔ egbe koɖo Mawu dro .'' ²² Le enyɔ hunnɔwo godu ɔ , Yesu koɖo e yi nukplaviwo vayi ʒude kan mɛ . E wa azan viɖeka le enɔtɔxu koɖo wo yi le Mawushi leɛ nɔ amowo . ²³ Ʒan can, leleɛ nɔ amowo le ayinɔnu le salimu kɔxwi xa ji . ɖo ɔ , eshi sugbɔ le enɔtɔxu . Eyi amowo vavaa gbɔ yi e lele ɛ Mawushi nɔ wo. ²⁴ Hwenɔnu ɔ , wo ɖe le ʒan do do ega hɔɖe go. ²⁵ Ʒan nukplaviwo koɖe yudatɔ ɖeka va tɔ enyɔ dɔndɔn sɔso eɖyiklɔklɔ kɔnuwo nu. ²⁶ Eyi nukplaviwo va Zan gbɔ yi nu nii mɔ : '' Cicagan e , ɖo eŋui ŋsu ci yi nɔ wu gbɔ le ago eɖetɔ lɔ ji nɔ ʒuludɛn tɔsasa lɔ a ? Amɛ ci yi nu yi e ɖe kunnu sɔso nɔ mi leleɛ Mawushi nɔ amowo ɖaɖa , e yi gbɔ yi amɛshamɛ va yiyiɛ '' ²⁷ Ʒan ɖonu nɔ wo mɔ : '' Enu ci yi Mawu na amɛ ɔ ,e yi wo xɔnɔ . ²⁸ Miwoŋtɔwo a ɖe kunnu nɔ ŋ mɔ ŋ nu vayi mɔ '' De yi enyɛ yi nyi Kliso o vɔ ɔ , dɔ yi Mawu dɔ ŋ ɖaɖa nɔ ma va dra emɔ do ɖɛ nii ²⁹ Amɛ ci yi ɖe nyɔnu yi nyinɔ nyɔnuɖetɔ vɔɔ , nɔ nyɔnuɖetɔ lɔ xlɔ ci yi le axa ji nii seseɛ enyɔ ciwo yi e nunuɔ eji jɔɛni sugbɔ . Jijɔ gangan hunnɔ han yi ŋkpɔkpɔ ɛ nɛ. Kpɔjijɔ lɔ nyuiɖe . ³⁰ E le mɔ Yesu a xoxɔ ɔ eta yi nyɛ ŋ ma ɖeɖe ɛ kpɔtɔ .'' ³¹ '' Amɛ ci yi so jeŋkuimɛ yi va wu egan amɛshamɛ yi amɛ ci yi so nyigban ji nyi nyigbantɔ yi xonɔ nuxu so nyigban ji nuwo nu ( vɔ ɔ amɛ ci yi so jekuimɛ yɛ le ŋkɔ nɔ amɛshamɛ) ³² E ɖenɔ kunnu so enyɔ ci yi e kpɔ koɖe enyɔ ci yi e se nu nɔ amɛshamɛ . Vɔ ɔ , kpɔ amɛɖɛkpokpui ɖe xɔnɔ kunnɖede e yi tɔji se o . ³³ Amɛ ci yi xɔ e yi kunnuɖeɛ ɖoɖo ɔ ekpe yi ji nɛnɛ mɔ Mawu nunɔ nyɔnɔnvi. ³⁴ Amɛ ci yi Mawu ɖɔ ɖaɖă ɔ , Mawu nyɔwo yi e nunɔ . Ɖo ɔ , Mawu na yi e yi gbɔngbɔn lɔ sugbɔ haan . ³⁵ Ada lɔn eviɛ lɔ yi na ocɛ yii do anuwo kpuji . ³⁶ Amɛ ci yi xɔ Eviɛ lɔ ji se kpɔ agbemavɔ yi amɛ ci yi gbe mɔ ye ɖ'a xɔɛ ji se ɔ , yɛ ɖa kpɔ agbemavɔ lɔ go . Vɔ ɔ , Mawu xomɛshin a kpɔtɔ a le ji ''.