¹ Yesu gbe nu nɔ nukpavi lɔwo mɔ : «ŋ nu enyɔ hunnɔwo nɔ mi nɔ enuɖe ŋgbe va kɔ nɔ miwo xɔse a klɛn afɔ o. ² Wo a va nya mi toi le Mawusɛnxuwo sɔwu nɛnɛ ɔ, hwenu lɔ gbɔgbɔ yi amɛ ciwo yi a wuwuɔ mi a nunuɔ nɔ wowoɖekiwi lɔ Mawu sɛnsɛŋ lɔ ji yi yewo le ahan.» ³ Amɛ lɔ a va wawa ahan ɖo wo de jeshi Edanyɛ alo enyɛ ɖɛ go. ⁴ Vɔ ɔ, doŋkɔ yi nui ɖe nɔ mi mɔ nɔ hwe lɔ nu va sun yi enu lɔ va tɔ jɔjɔ ɔ, mi a ɖo eŋuji mɔ ŋ nu : nɔ mi ɖe sasa. «ŋ de nui nɛnɛ nɔ mi sɔso gɔnmɛ jeje lɔ go Do ŋ le mi gbɔ gahunnɔmɛ.» ⁵ Ecɛɖɛye ɔ, ŋ jeŋkɔ amɛ ci yi dɔ ŋ ɖaɖa gbɔ. kpɔ miwo domɛtɔ ɖekɛ de biɔbiɔ ŋ se mɔ : FI yi e yikɔ ɔ ? mɛ go ⁶ Vɔ ci yi ŋ nu nɛnɛ nɔ mi ɔ, mi ci ŋshishi mɛ. E ⁷ le ahan gankegan na nu nyɔnɔnui nɔ mi. Nɔ ŋ so le mi gbɔ ɔ, a do mi ji sɔwu. I gɔnmɛ nyi kpɔ mɔ nɔ ŋ de so o ɔ, kpedonutɔ lɔ ci yi ɖo a va a v do alɔ mi d'a va migbɔ go. Vɔ nɔ ŋ so ɔ na dɔɛ ɖaɖa mi. ⁸ Nɔ e va ɔ, a va doasɛ nɔ agbetɔwo petii mɔ susu ci wo ɖo do enu ci yi nyi enuvɔwawa. jɔjɔɛnyinyi koɖo kojo ci yi Mawi ɖo nɔ xexe lɔ mɛtɔwo nude nyɔ go. ⁹ Enu ci wo wa yi e nyi enuvɔn yi nyi kpɔɔ mɔ wo de xɔ ŋji se go. ¹⁰ Enu ci yi nyi jɔjɔɛ nyinyi yi nyi kpɔ mɔ ŋ yikɔ Edanyɛ gbɔ yi mi gbe va kpɔ ŋ go. ¹¹ Enu ci yi nyi kojo ci yi Mawu a va ɖo nɔ xexe lɔ mɛtɔwo yi nyu kpo mɔ Mawu ɖo kojo anyigban ji cɛkpatɔ lɔ vɔ » ¹² Yesu gbe yi ji nɔ nukplavi lɔwo mɔ : « Enyɔ sugbɔ kpotɔ yi na nu nɔ mi vɔ ɔ mi d'a sɛ eŋ hɛn wo kaakace go. ¹³ Nɔ gbɔngbɔn ci yi donɔ asɛ nyɔnɔnui ci yi kuso Mawu lɔ va va ɔ, a na yi mi a jeshi nyɔnɔnui lɔ ɖɛ blebu kito kito. Enyɔ ciwo yi a va nu d'a so yiŋtɔ gbɔ go. Vɔ ɔ a va nu ciwo plɛŋ yi e se sɔsɔ Mawu gbɔ nɔ mi yi a doŋkɔ a nunuɔ enu ci yi a va kɔ esɔgodumɛ nɔ mi ɖe. ¹⁴ A va ɖe anyi klɛklɛn gangan doase. Do a va xɔxɔ enyɔ sɔsɔ ŋ gbɔ yi a nunuɔ nɔ mi» ¹⁵ Enu ciwo plɛŋ yi Edanyi wa ɖɛ nyi kinyɛ hɛnnɛ. E yi na taɖo yi ŋ nu nɔ mi mɔ yi a xɔnɔ ebyɔ sɔsɔ ŋ gbɔ yi a nunɔ no mi. ¹⁶ Yesu nu nɔ yi nukplaviwo mɔ : «Sabaaɖe ye ɔ, mi d'a gbɛ kpɔ ŋ go yi sabaaɖe ɔ, mi a gbe va gbɔ ŋ.» ¹⁷ Eyi nukplavi ɖekawo tɔ nunu nɔ wowonɔnɔwo mɔ : «Enyɔ ci yi e jijiɔ a nu nɔ mi yi nunuɔ mɔ sabaaɖe ye ɔ miwo d'a gbr kpɔ eye go yi sabaaɖe ɔ, miwo a gbe va kpɔ eye ɔ? Enyɔ ci yi e jijiɔ a nu nɔ mi yi nunuɔ mɔ yedaye gbɔ yi ye yiyiɔ ɔ ? ¹⁸ Sabaaɖe lɔ ci yi e nunuɔ lɔ gɔnmɛ ɖe ? Mi de se enyɔ lɔ ci enu gɔnmɛ go.» ¹⁹ Yesu le ŋkuvi do nu mɔ wo jijiɔ a biɔ enyɔ eye se. Eyi e nu nɔ wo mɔ : «ŋ ɖemɛ nɔ mi mɔ sabaaɖe yɛ ɔ, mi d'a gbe kpɔ ŋ go yi sabaaeɖe ɔ mi a gbe va kpɔ ŋ. Enyɔ hunnɔ taɖo yi biɔbiɔ enyowo miwpnɔnɔwo se de nɛ a ? ²⁰ Le nyɔnɔ nui mɛ ɔ, ŋ nunuɔ nɔ mi mɔ : mi a va le avin ji yi a fanfan ekui gahunnɔmɛ ɔ, xexe lɔ metɔwo a kpɔkpɔ jijɔ. Mi a seseɔ vɛvɛ vɔ ɔ, miwo vevesese a va trɔ jijɔ nɔ mi. ²¹ Nɔ nyɔnu efunɔ jijiɔ a ji evi ɔ e senɔ gbazavi. Do gbazavi sese gamɛ yi sun nii. Vɔ nɔ e va ji evi lɔ ɖegbɔ ɔ e ŋlɔnɔbe vevesese hunnɔwo. Ɖo e va kpɔnɔ jijɔ sugbɔ mɔ ye ji evi ɖeka do xexe lɔ mɛ. ²² Ahanke egbɛ yɛ ɔ, miwo can mi le veve seseɔ nɛ. Vɔ ɔ, n agbe va kpɔ mi ke. Hwehunnɔnu ɔ, eji a jɔjɔ mi yi amɛɖekpokpoi d'a sɛn eŋ a xɔ jijɔ lɔ le mi shigo . ²³ Eyi le azan hunnɔ lɔ ji ɔ, mi d'a gbe va biɔbiɔ enyɔ ɖekpokpoi ŋ se go. Le nyɔnɔnui mɛ ɔ, ŋ nunuɔ nɔ mi mɔ enu ciwo plɛŋ yi mia biɔ Eda le anyi nyikɔ mɛ ɔ a sɔ wo na mi. ²⁴ Kaka va sɔdanɔ egbɛ yɛ ɔ, mi de biɔ enuɖekpokpoi Mawu le anyi nyikɔ mɛ kpɔ go. Mi biɔ enu nɔ wo a na mi Hwehunnɔnu ɔ jijɔ ci yi mi kpɔkpɔ lɔ a le blebu. ²⁵ Yesu nu nɔ yi nukplavi lɔwo mɔ : « ŋ do elɔo yi sɔ nu enyɔ hunnɔwo pleŋ nɔ mi. Gamɛ li gbɔgbɔ yi ŋ d'a gbe do elo a sɔ xo nuxu nɔ mi go. Vɔ ɔ na va dredreɔ enyɔ ci yi kuso Mawu Eda nu mɛ nɔ mi agbaŋgba.» ²⁶ GBenɔgbe ɔ, mi a blɔ enuwo Edanye le anyi nyikɔ mɛ yi ŋ de nunuɔ mɔ na ɖe kuku nɔ Edanyɛ do miwo ta go. Ci ²⁷ gɔnmɛ yi nyi kpɔ mɔ Edanyɛ ŋtɔ lɔn mi. Ɖo mi lɔn ŋyi xɔɛ ji se mɔ Mawu gbɔ yi ŋ so yi va. ²⁸ Edanyɛ gbɔ yi n so yi va xexe lɔ mɛ. Ecɛɖeɛye ɔ, ŋ soso ɔ le xexe lɔ mɛ yi trɔyikɔ Edanyɛ gbɔ» ²⁹ pYi nukplaviwo nu nii mɔ : «Ɛheɛn ! Ecɛyɛ ɔ, e va xixi ɔ nuxu nɔ mi agbaŋgba yi de gbe dodoɔ elo go. ³⁰ Ecɛyɛ ɔ, mi nya mɔ e jeshi enuwo plɛŋ yi d'e zian mɔ amɛɖɛ a biɔ eo se gbɔxwe go. E yi na taɖo yi mi xɔɛ ji se mɔ Mawu gbɔ yi e so yi va.» ³¹ Yesu nu nɔ wo mɔ : Mi va xɔ ŋ ji se eviɛ hunnɔ a ? ³² Gamɛ li gbɔgbɔ yi e va ɖo vɔ yi wo a nya mi pleŋ do egbe. Miwo domɛtɔ ɖeka ɖeka a trɔyi yi xwe yi mi a gbe enyɛɖekɛ ɖɛ. Vɔ ɔ , d'e nyi enyɛɖeke yi le go. Ɖo Edanyɛ le koɖo ŋ. ŋ nu enyɔ hunnɔwo plɛŋ nɔ mi nɔ mi a kpɔ fafa le ŋ mɛ. Vɔ ɔ mi gbe edɔn. ³³ ŋ ɖu xexe lɔ ji !