¹ Yesu nu nɔ yi nukplaviwo mɔ mi ŋgbe caka le miwoɖekiwo mɛ go mi xɔ ɔMawu jise yi a gbe xɔ enyɛ can ji se hɛnnɛ. ² Le edanyɛ exwe mɛ ɔ nɔxu sugbɔ li nɔ de le ahan go ɔ kpɔ ŋ da nu nɔ mi ŋ yikɔ a yi dra tɔxwe do ɖɛ nɔ mi o. ³ Eyi nɔ vayi dra nɔxu ɖo ɖɛ nɔ mi ɖegbɔ ɔ na trɔgbɔ ava kplɔɔ mi va enyɛɖeki gbɔ nɛnɛ nɔ afi ci yi ŋ le ɔ miwo can mi a nɔ enɔtɔxu hɛnnɛ. ⁴ Mi jeshi emɔ ci yi kplɔ amɛ yi afi ci yi ŋ yikɔ. ⁵ Toma nu nii mɔ axwetɔ mi de nya afi ci e yikɔ go le yi mi a wɛɛ do yi a jeshi emɔ lɔ ɔ. ⁶ Yesu ɖo ŋci nii mɔ enyɛ yi nyi emɔ lɔ nyɔnɔmi lɔ koɖo agbe lɔ amɛɖekpokpoi da sɛn eŋ yi eda gbɔ enyɛ ji mato go. ⁷ Nɔ mi jeshi ŋ ɖɛ ɔ mi a va jeshi edanyɛ ɖɛ hɛnnɛ eyi sɔso eyicɛ ɔ mi jeshi ɖɛ yi gbe kpɔɛ. ⁸ Eyi filipu nu nɔ yesu mɔ axwetɔ do asɛ eda nɔ mi enu ci yi mi pleŋ jijiɔ nɛ. ⁹ Yesu ɖoŋci nii mɔ filipu ŋ le mi gbɔ yɛ ɔ e jinjin sugbɔ gankegan yi de jeshi ŋ ɖɛ go a amɛ ci yi kpɔ ŋ ɔ e kpɔ eda lehan yi a wɛɛ do yi a va nunuɔ mɔ enyɛ le doasɛ eda nɔ yewo ɔ. ¹⁰ De xɔɛ ji se go mɔ ŋ le agbe le eda mɛ yi eda le agbe le ŋ mɛ ba enyɔ ciwo yi ŋ nunuɔ nɔ mi de sonɔ enyɛŋtɔ gbɔ go eda ci yi le ŋ mɛ yi le yiŋtɔ dɔwo waa. ¹¹ Ci yi ŋ nunuɔ mɔ ŋ le agbee eda mɛ yi eda le agbe le ŋ mɛ ɔ ni a xɔ ŋ ji se nɔ mi da gbe xɔ enyɔ lɔ ji se go can ɔ mi a kpɔdo edɔ giwo yi ŋ wawa nu yi a xɔ ɔŋ ji se. ¹² Le nyɔnɔnui mɛ ɔ ŋ nunuɔ nɔ mi mɔ amɛ ci yi xɔ ŋ ji se a wa edɔ ciwo yi ŋ wawa hɛnnɛ amɛ lɔ a gbe wa kaka a wa ciwo yi gangan sɔwu hunnɔwo do ɔ ŋ yiyiɔ eda gbɔ. ¹³ Eyi enu ciwo pleŋ yi mi a biɔ le anyi nuikɔ mɛ ɔ na wa wo nɔ mi nɔ evi lɔ a ɖe eda klɛnklɛn gangan lɔ doasɛ. ¹⁴ Nɔ mi biɔ enuɖe le any nyikɔ mɛ ɔɔ na wɛɛ nɔ mi. ¹⁵ Yesu nu nɔ yi nukplanviwo mɔ nɔ mi lɔn ŋ ɔ mi a wa do anyi sewo ji. ¹⁶ Eyi enyɛ ɔ na biɔ sɔso eda gbɔ mɔ yi le kpedonutɔ bu mi nɔ a va dodoɔ alɔ mi yi a nɔ mi gbɔ tɛgbɛɛ. ¹⁷ E yi nyi nyɔnɔnui gbɔngbɔn lɔ xexe lɔ mɛtɔwo d'a sɛn eŋ a xɔɛ go do wo da sɛn eŋ kpɔɛ kaka yi a jeshi can go vɔ miwo ɔ miwo jeshi ɖɛ do e le koɖo mi yi a le mi mɛ tɛgbɛɛ. ¹⁸ Ŋ d'a gbe mi ɖɛ nɔ mi a ci miwo ɖekiwo shigbe nyɔcɔviwo nɛ go.na trɔgbɔva mi gbɔ. ¹⁹ Sabaaɖe yɛ ɔ xexe lɛ mɛtɔwo da gbe kpɔ ŋ go vɔ miwo miwo a kpɔ ŋ do ŋ le agbe yi miwo a kpɔ ŋ do ŋ le agbe yi miwo can a va le agbe hɛnnɛ. ²⁰ Gbenɔgbe ɔ mi a va nya mɔ ŋ le edanyɛ mɛ shigbe lehan yi miwoi le enyɛ mɛ do yi enyɛ can ŋ le mi mɛ nɛ. ²¹ Amɛ ci yi xɔ anyi sewo ɖɛ yi wawa do wo ji ɔ amɛ lɔ yi lɔn ŋ enyɛ can na lɔn amɛ lɔ yi a doasɛ enyɛɖeki nii. ²² Eyi yuɖa de nyi Ishikaliwɔti yɔ go biɔ yesu se mɔ axwetɔ le e wɛɛ yi e nyi miwo e ɖo a doasɛ eoɖki nɔ yi da doasɛ eoɖeki nɔ xexe lɔ mɛtɔwo go ɔ. ²³ Yesu ɖoŋci nii mɔ nɔ amɛɖe lɔ ŋɔ a wa do anyi nyɔwo ji yi edanyɛ a lɔn enyɛ koɖo edanyɛ a va nɔ amɛ lɔ gbɔ yi mi a nɔ koɖoi. ²⁴ Amɛ ci yi de lɔn ŋ do de wanɔ do anyi nyɔwo ji go enyɔ cin yi ŋ nunuɔ nɔ mi cɛ de so enyɛŋtɔ gbɔ go edanyɛ ci yi dɔ ŋ dada gbɔ yi e so. ²⁵ Ŋ nu enyɔ cɛwo nɔ mi hwenu yi gbe kpɔtɔ le doɖo mi. ²⁶ Kpedonutɔ ci yi ɖo a va a va kpedo mi nu gbɔngbɔn kɔkɔɛ ci yi edanyɛ a va dɔ ɖaɖa mi le anyi nyikɔ mɛ a va kpla enuwo pleŋ mi yi a ɖoɖoɔ eŋui enyɔ ciwo pleŋ yi ŋ nu nɔ mi. ²⁷ Fafa yi ŋ gbegbe ɖɛ nɔ mi anyi fafa yi ŋ nana mi ŋ de sɔ nana mi shigbe le han yi xexe lɔ mɛtɔwo nanɔ amɛ do nɛ go mi ŋgbe caka le miwoɖekiwo mɛ o yi mi ŋgbe vɔn o. ²⁸ Mi se yi ŋ nu nɔ mi mɔ ŋ sosoɔ vɔ ɔ na gbe trɔva mi gbɔ nɔ e nyi kpɔ mɔ mi lɔn ŋ sasa ɔ a kpɔkpɔ jijɔ mɔ enyɛ ŋ yikɔ eda gbɔ do ɔ eda wu egan ŋ. ²⁹ Ŋ nu enyɔ hunnɔwo nɔ mi yɛ gbɔxwe nɔ enu lɔwo a va tɔ jɔjɔ. hwenɔnu nɔ wo va tɔ jɔjɔ ɔ mi a ɖo xɔse. ³⁰ Ŋ d'a gbe xo nuxu sugbɔ koɖo mi go do anyigban cɛ ji acɛkpatɔ gbɔgbɔ de ɖo acɛ ɖekpokpoi do ŋ ji do. ³¹ Vɔ ɔ e le mɔ xexe lɔ mɛtɔwo a nya mɔ ŋ lɔn edanyɛ yi wawa enu shigbe lehan yi e ɖe egbe nɔ ŋ do nɛ mi so je ete mi na nɔ mi a a so le elɛ.