¹ Gahunnɔ mɛ ɔ, sɔlu gbe kpɔtɔ kankan adan nɔ Axwetɔ nukplavwo mɔ ye a wu wo. ² E vayi kpɔ avɔsatɔ gangan lɔ yi biɔ Damassi Mawusɛnxu wemawo nɔ ui a sɔ wo hɛnyi nɔ wo; hwenɔ nu nɔ e kpɔ xɔsetɔ yoyu hunnɔ wo domɛtɔ ɖe ŋsu mɛ, le nyɔnu mɛ ye a sɛn eŋ le wo yi akplɔ wo gbe va ʒelusalɛmu. ³ Ci yi e le emɔ ji yi jijiɛ a ɖo Damasi jugan lɔ mɛ, zeɖeka tɔntɔn vɔ ɔ ezo ɖeka klɛn so jeŋkuimɛ yi trɔdii. ⁴ Eyi e juin se egbe ɖeka ɖyi nunu ɔ nii mɔ:« Sɔlu ŋɖe yi jɔ yi e ci yu mɛ nɔ ŋ nɛnɛ? ⁵ Eyi sɔlu ɖonu nii mɔ:« E wɔ mɛɖe yɔ mɛgan ?» Yi egbe lɔ ɖonu nii mɔ:« Enyɛ yi nyi Yesu, amɛ ci yi e ci yumɛ nɔ. ⁶ Vɔ ɔ, fɔn a yi jugan lɔ mɛ nɔ wo a dre enu ci yi e ɖo a wa nɔ wu.» ⁷ Amɛ ciwo yi kplɔ sɔlu do wo ci ete do enɔ lɔ kpɔ wo ɖe gbe nya enyɔ ci yi wo a nu. Wo se egbe lɔ ɖyiɖyi ɛ, vɔ kpɔ wo ɖe kpɔkpɔ amɛ ɖe. ⁸ Sɔlu fɔn so nyigban. Ci yi e hun ŋkuviwo can ɔ, d'e gbe kpɔkpɔ enu. Eyi wo la alɔnu nii yi kplɔɛ yi Damasi jugan lɔ mɛ. ⁹ E nɔ enu makpɔ, enu maɖu koɖo eshimanu kaka xɔ ŋkeke amɛtɔn. ¹⁰ Le enɔ ɔ, nukplavi ɖeka nɔnɔ Damasi lɔ yi wo yɔɛni mɔ Ananiyasi. Axwe ɖe yiɖeki doasɛ nɔ eyɛ ŋtegan yi nu nii mɔ:« Ananayasi» Eyi yɛ ɖonu nii mɔ:« Axwetɔ, e nyɛ ke.» ¹¹ Eyi Axwetɔ nu nii mɔ:« s'eyi emɔ ci yi wo yɔnɔ mɔ emɔjɔjɔtɔ ji. Nɔ e ɖo yuɖa xwemɛ ɔ, na biɔ tamɛ se nɔ ŋsu ɖeka ci yi so Tasi jugan mɛ yi wo yɔnɔ sɔlu. E le egbe dɔ ɖaɖa eviɛ. ¹² Eyi e kpɔ ŋsu ci yi wo yɔnɔ mɔ Ananiyasi nii le ŋtegan mɛ yi e sɔ elɔ dado ji keŋ nɔ a gbe tɔ enu kpɔkpɔ» ¹³ Eyi ananiyasi ɖonu mɔ:« Axwetɔ, amɛ sugbɔ xo nuxu nɔ ŋ so enubaɖebaɖa ciwo kpu ŋsu hunnɔ wa koɖo awu mɛwo le ʒeluzalɛmu nu. ¹⁴ Avɔsatɔwo gawo na acɛ, yi a va le nɔ amɛ ciwo pleŋ yi yɔ yɔ nyikɔ tɔ o le elɛ» ¹⁵ Vɔ ɔ, Axwetɔ lɔ nu nɔ Ananiyasi mɔ:« eyi axwetɔ lɔ nu nii mɔ so yi, ɖo ɔ, ŋ can ŋsu cɛ mɔ yi a nyi anyi dɔwanu. A ɖe amɛ ci ŋ nyi nɔ jugan kpɛtɛwo wowo fiɔwo koɖo Israyɛli viwo. ¹⁶ Enyɛtɔ na doasɛ le han yi a ɖu aya do eta nɔ ŋ do nii.» ¹⁷ Eyi ananiyasi yi. Ci yi e ɖo axwe lɔ mɛ ɔ, e sɔ alɔ daɖo eta nɔ sɔlu yi nu nii mɔ:« Nɔvinyɛ sɔlu, Axwetɔ Yesu ci yi ɖe yiɖeki doasɛ nɔ wu le emɔ ji yi dɔ ŋ ɖaɖa wu gbɔ nɔ na gbe tɔ enu kpɔkpɔ yi koɖo nɔ gbɔngbɔn kɔkɔɛ a ɖɔ wu mɛ.» ¹⁸ E yi le trololo ɔ, enuɖekawo hlɛn le ŋkuvi mɛ nɔ sɔlu shigbe kpavi kpawo nɛnɛ, yi e gbe tɔ enu kpɔkpɔ. E so je ete yi wo le Mawushi nii. ¹⁹ Le e yi godu ɔ, e ɖu enu yi kpɔ ŋsɛn. Sɔlu nɔ nukplavi ciwo yi le Damasi gbɔ sɔ na ŋkeke ɖewo. ²⁰ hwenɔnu zeɖeka vɔ, e do axwa yi tɔ nunu nɔ amɛwo le Mawusɛnxuwo mɔ Yesu yi nyi Mawu eviɛ lɔ. ²¹ E ji eŋ nɔ amɛ ciwo pleŋ yi se enyɔ ciwo yi sɔlu nunu ɔ, yi wowo biɔ se mɔ:« Le ʒelusalɛmu ɖee, d'e nyi ŋsu hunnɔ yi ci nɔ yumɛ sɛnsɛnɖe nɔ amɛ yi yɔyɔ Yesu nyikɔ ba? D'e nyi xa yi e xa yi va elɛ yi a va le xɔsetɔwo sɔyi na avɔsatɔwo gawo ba? ²² Vɔ hɔnnɔ xwe yi sɔ gbe le eŋsɛnsɛn do enyɔ ci yi enu nu ɔ ji ke. Hweci nu yi sɔlu dredre ɛ lehan yi Yesu nyi klisolɔ do Yuɖatɔ ciwo yi le Damasi ɔ, Yuɖatɔ lɔwo dan enyɔ ci yi wao nu nii sɔlu. ²³ Le ŋkeke ɖewo godu ɔ, Yuɖatɔwo bɔ yi sɔ gbeta mɔ yewo a wu sɔlu. ²⁴ Vɔ ɔ, wo kan tofi nɔ sɔlu. Yuɖatɔwo cɔcɔ jugan lɔ gbonuwo ezan koɖo kede keŋ a wui. ²⁵ Vɔ ezan ɖeka mɛ ɔ, sɔlu nukplaviwo va kɔɛ do kishi mɛ to do gbogbu ci yi wo cu trɔdo ejugan lɔ tamɛ. ²⁶ Ci yi sɔlu ɖo ʒeluzalɛmu ɔ, e ji mɔ ye a ɖo nukplaviwo ha mɛ, vɔ ɔ, nukplaviwo lɔwo vɔnvɔn nii. Ɖo wo ɖe kando ji mɔ yi nyi nukplavi nyɔnɔnuitɔ o. ²⁷ Eyi Balabasi xɔ sɔlu do yiɖeki gbɔ yi kplɔɛ yi dɔlawo gbɔ yi nu lehan yi e kpɔ Axwetɔ lɔ le emɔji yi Axwetɔ lɔ xo nuxu nii do nɔ wo.E gbe nu lehan yi sɔlu nu Mawu nyɔ le Yesu nyikɔ mɛ keɖo edɔngbegbe do le Damasi nɔ wo do. ²⁸ Eyi sɔlu ɖo dɔlawo ha lɔ mɛ yi le Mawu nyɔ nu ɔ koɖo edɔngbegbe me Axwetɔ lɔ nyikɔ mɛ ta do ʒeluzalɛmu jugan lɔ mɛ. ²⁹ E donɔ ɖyika koɖo Yuɖatɔ ciwo yi se gbɛkigbe wo. Vɔ ɔ, wowo kpɔtɔ jijiɛ mɔ yewo a wui. ³⁰ Ci yi nɔvixɔsetɔ lɔwo se nɛnɛ ɔ, wo kplɔ sɔlu yi sezale, yi na yi e yi Tasi jugan mɛ. ³¹ Eyi Mawu ha lɔ kpɔ fafa le ʒude, Galile koɖo samali kanwo mɛ. Mawu ha lɔ yi yiɛ ŋkɔ do ji, yi nɔnɔ agbe le Mavɔmavɔtɔ vɔnvɔn mɛ. Gbɔngbɔn kɔkɔɛ lɔ dodo ɔ ŋsɛn lanmɛ nɔ xɔsetɔwo yi wo susu ɔ gbɔ do ji. ³² Piyɛ ɖyiɖyiɛ esa to xosetɔwo ji le ekan hunnɔwo pleŋ mɛ. E yi xɔsetɔ ciwo yi le Lida jugan mɛ gbɔ hɛnnɛ. ³³ E vayi kpɔ ŋsu ɖeka ci yi wo yɔnɔ mɔ enɛ le enɔ tɔxu. E xo ekplɛ yi ci baji so exwe amɛnyi ke ³⁴ Piyɛ nu nii mɔ:« Enɛ, Yesu kliso yɔ edɔ nɔ wu. So je ete yi a ŋwla eba lɔ. » Eyi enɛ shite zeɖeka. ³⁵ Eyi ci Lidatɔwo koɖo shalɔnu kanmɛtɔwo kpɔ enu ci yi jɔ ɔ, wo trɔ ji mɛ yi xɔ Axwetɔ lɔ. ³⁶ Nyɔnu xɔsetɔ ɖeka le ʒafa jugan mɛ. Wo yɔɛni mɔ Tabita ci yi gɔnmɛ yi nyi Dɔkashi do glɛkigbe mɛ. Enunyuiwawa jɔnɔ eji nii yi e gbe kpenɔ do wamɛnɔwo nu. ³⁷ E va le edɔ yi ku. Wo le eshi nii yi kɔɛ dado sanŋji ³⁸ Nukplavi ciwo yi ʒafa se mɔ Piyɛ le Lida jugan mɛ le axa nɔ yewo. Yi wo dɔ ŋsu amɛve ɖaɖa gbɔ wo vayi nu nii mɔ:« Mi ɖe kuku nɔ wu. Va mi gbɔ trololo, a va kpɔ enu ɖeka nɔ mi.» ³⁹ Eyi Piyɛ shi ete yi kplɔ wo do zeɖeka. Ci yi e va yi ɖo ɔ, wo kplɔɛ yi sanŋ ji le exɔlɔ mɛ. Kposuwo kpu fanfan avi yi te va gbɔ yi dodo asɛ awu gba koɖo vuvɔwu ciwo yi Dɔkashi tɔn gbɔxwe yi va ku nii. ⁴⁰ Piyɛ dɔ yi wo nya amɛshamɛ ti, yi je ekloji yi tɔ egbe dodoɖaɖa. Etrɔ ɖaɖa ecɔ lɔ gbɔ yi nu mɔ:« Tabita shi te» Eyi e hun ŋkuvi. Ci yi e kpɔ Piyɛ ɔ, e so yi je anyin nɔ. ⁴¹ Piyɛ le alɔ nii yi fɔin shi te yi yɔ xɔsetɔ lɔwo koɖo kposu lɔwo yi doasɛ yi nɔ wo. ⁴² Eyo cɛ gban do ʒafa jugan lɔ kpu me yi amɛ sugbɔtɔ xɔ Axwetɔ ji se ⁴³ Piyɛ ci ʒafa le gbazadɔwatɔ ɖeka ci yi wo yɔnɔ mɔ Simɔ gbɔ sɔnanɔ azan ɖe gbɔxwe yi va so.