¹ Ŋsu ɖeka le sezale jugan mɛ. Wo yɔɛni mɔ kɔnɛyi yi nyi ahwakplɔtɔ ci yi kpɔ nɔ sɔ jawo gbɛ ɖeka ci yi wo yɔnɔ mɔ:« Itali sɔjawo gbɛ» ² Ŋsu hunnɔ koɖo yi xomu lɔ kpu nɔnɔ egbe ji nɔ Mawu yi gbe vɔnnɔ nii. E kpenɔ do jukɔn lɔ nu nyuiɖe yi gbe wanɔ gbedoɖa gashagamɛ. ³ Gbeɖeka fiɛshi mɛ shigbe gatɔn han nɛnɛ ɔ, E kpɔ yi Mawu ɖola ɖeka va gbɔ le ŋtegan mɛ, yi yɔɛ mɔ:« kɔnɛyi» ⁴ Evɔn yi le ŋkuvi do dɔla lɔ nu yi biɔɛ se mɔ:« Axwetɔ, ŋɖe yi jɔ ɔ? » Eyi dɔla lɔ nu nii mɔ:« Le e wanɔ gbedoɖa do koɖo le e kpenɔ do wamɛnɔwo nu do je eŋ nɔ Mawu yi d'a ŋlɔbe wu o. ⁵ Ecɛ ɛ ɖe ɖɔ amɛ ɖewo ɖaɖa ʒafa jugan mɛ nɔ wpa yi yɔ mɛci yi wo yɔnɔ mɔ Simɔ vɛ nɔ ŋ. Wo gbe yɔɛ ni mɔ Piyɛ hɛnnɛ. ⁶ E yi ze Simɔ, gbazadɔwatɔ ɖeka ci eyi xwe le axutu gbɔ» ⁷ Ci yi dɔla lɔ so ɔ, kɔnɛyi yɔ eyi dɔwavi amɛve koɖo e yi sɔjawo domɛtɔ ɖeka ci yi le gbɔ xoxoxo yi e dɔnɔ edɔ yi sa. Sɔja lɔ nɔnɔ egbe ji nɔ Mawu. ⁸ Kɔnɛyi to enyɔ ci yi jɔ pleŋ nɔ wo, yi dɔ wo ɖaɖa ʒafa jugan mɛ. ⁹ Eyi ŋkegbu ɔ, wo je emɔ kaka jiji a ɖo ʒafa lɔ. Ganɔ mɛ teŋ ɔ, Piyɛ la sanŋ lɔ tamɛ shigbe gawive han wo yi ayi do egbeɖaɖa. ¹⁰ Shive ci Piyɛ yi e ji mɔ ye a ɖu enu, yi hwecinu yi wo ɖaɖa enu lɔ nii ɔ, e kpɔ ŋtegan ɖekan. ¹¹ E kpɔ yi ŋeŋkui hun yi enu ɖeka ɖyi so mɛ yi gbɔgbɔ shigbe eɖɔ gangan ɖeka nɛnɛ yi wo le zogo amɛnɛ lɔwonii yi e ɖyiɖyiɛ kaka va je nyigban. ¹² Elan afɔ amɛnɛ nɔwo koɖo elan ciwo yi sanɔ to nyigbanjiwo koɖo xevizozuiwo le mɛ hamɛhamɛ. ¹³ Eyi egbe ɖeka ɖyi yi nu nii mɔ:« Piyɛ shite yi a wu wo a ɖu» Vɔ ɔ, ¹⁴ Piyɛ ɖonu mɔ:« Gbeɖe! Axwetɔ! ŋ ɖe ɖu enu xoɖyixoɖyi ɖe alo enu ci yi nyi ekɔ nɔ ŋ kpɔ o» ¹⁵ Egbe lɔ gbe ɖyi yi nu nii mɔŋgbe yɔ enu ci yi Mawu nu mɔ yi nyi enu mɛmɛ mɔ enu mamɛmamɛ ¹⁶ Wo wa enu nɛnɛ zetɔn. Le eyi godu zeɖeka ɔ, wo gbetrɔ enu lɔ sɔ yi jekuimɛ. ¹⁷ Piyɛ caka le susu mɛ, yi biɔbiɔ yiɖeki se mɔ ŋde yi nyi enu lɔ ŋkpɔ le ŋtegan lɔ mɛ teŋ? Gahunnɔmɛ ɔ, amɛ ciwo yi kɔnɛyi dɔ ɖaɖɛɛ biɔ Simɔ xwe temɛ se kaka va ɖo agbomɔ nu lɔ. ¹⁸ Wo do agoo yi biɔ se mɔ:« Elɛ yi simɔ ci yi wo yɔnɔ mɔ Piyɛ ze ke a?» ¹⁹ Piyɛ gbe kpɔtɔ le tamɛ buɔkpɔ sɔ so ŋtegan lɔ nu. Vɔ ɔ, gbɔngbaɔn kɔkɔɛ nu nii mɔ:« Kpɔ ɖa ŋsu amɛtɔn ɖekawo jijiɛ wu kpɔ le elɛ. ²⁰ Ɖyi a kplɔ wo do. Ŋgbe gbe wo do ma kplɔ o. Enyɛ yi ɖo wo ɖaɖa wu gbɔ. ²¹ Eyi Piyɛ ɖyi va ŋsu lɔwo gbɔ yi nu nɔ wo mɔ:« Enyɛ yi nyi amɛ ci yi mi jijiɛ, gbali yɔ a? » ²² Wo ɖonu mɔ:« ahwakplɔtɔ kɔnɛyi yi dɔ mi ɖaɖa wu gbɔ. E nyi amɛjɔjɔɛ yi gbe vɔnnɔ nɔ Mawu yi Yuɖatɔwo kɔta lɔ pleŋ nunɔ e yi nyɔ nyui. Mawu dɔla kɔkɔɛ ɖeka ɖe egbe nii mɔ yi ɖe dɔ nɔ wo a yi kplɔ ewɔ vɛ nii. Yi nɔ wo va yi va nu enyɔ ɖe nii ɔ, yi ɖe se» ²³ Eyi Piyɛ xɔ wo do axwemɛ yi wo ci gbɔ kaka yi eŋke. Yi ŋkegbu ɔ, Piyɛ so je emɔ kkoɖo wo. Nɔvi ʒafatɔ ɖekawo kplɔɛ do. ²⁴ Wo va ɖo sezale jugan mɛ le ŋkegbu. Ci yi kɔnɛyi le ete kpɔ wowo vava ɔ, e yɔ e yi xomuwo koɖo e yi xlo veviwo bɔ. ²⁵ Ci yi Piyɛ jiji a ɖo axwe lɔ mɛ ɔ , kɔnɛyi va do ego yi yi doŋdo nii . ²⁶ Vɔ ɔ Piyɛ foin yi nu nii mɔ : ''shite ɖo agbetɔ yi ŋ nyi shigbe e wo han nɛnɛ. ²⁷ Piyɛɛ kpɔtɔ yi xoxoɔ nuxu koɖo kɔnɛyi yi wo ɖo axwe lɔ mɛ. Eyi e kpɔ amɛwo su egbɔ yi bɔ le exɔ lɔ mɛ. ²⁸ Piyɛ nu nɔ wo mɔ : ''Mi nya mɔ sɛnsɛn do ese nɔ Yuɖatɔ mɔ yi ŋgbe do eha koɖo amɛ ci yi ɖe nyi Yudatɔ alo a do eyi xwemɛ a vɔ ɔ ; Mawu daasɛ nɔ enyɛ mɔ nyɛ ŋgbe yɔ amɛɖe mɔ amɛmamɛmamɛ alo amɛ ci wo ɖe ɖo a do eha koɖo o. ²⁹ E yi na taɖo ci mi dɔ amɛ ɖaɖa ŋ ɔ, ŋ ɖe mɔ ŋde va o . Ecɛ ɛ ɔ , na biɔ mi se mɔ gbali yɔ a? ³⁰ Eyi kɔnɛyi nu nii mɔ :'' ŋkeke amɛnɛ hwe ɛ nu han , shigbe fiɛshi gatɔn mɛ nɛnɛ ɔ , ŋ dodo ɔ egbe ɖaɖa le axwemɛ . Zedeka vɔ ŋ va kpɔ ŋsu ɖeka le ŋmɛ nɔ nyɛɖeki yi e le awu ci yi klɛnklɛn ozo ɖekawo mɛ . ³¹ E nu nɔ ŋ ŋ mɔ ;'' Kɔnɛyi Mawu se gbedodoɖa tɔ o yi ɖo ŋui le han yi e kpenɔ do wamɛnɔwo nu do . ³² Ɖo amɛ ɖeka ʒafa nɔ wo a yi Simɔ ci yi wo yɔnɔ mɔ Piyɛ vɛ . E le Simɔ gbazadɔmatɔ xwemɛ le axutu . ³³ Eyi ŋgbe dɔ amɛ ɖaɖa nu zedeka yi e lɔn yi va ecɛyɛ ɔ , mi pleŋ bɔdo elɛ le Mawu yi ase eŋɛ ci yi Mavɔmavɔtɔ do ɖaɖa mi. ³⁴ Eyi Piyɛ xɔ nuxu yi nu mɔ: '' Nyao ɔ , ŋ kpɔ mɔ Mawu ɖe cannɔ amɛ o. ³⁵ Amɛ ci yi vɔnnɔ nɔ Mawu yi gbe wanɔ enu jɔjɔɛ nujɔnɔ eji nii. D'e kan jujɔn cimɛ yi ele o ³⁶ Mawu sɔ yi nyɔ eŋɛnyui ci yi nanɔ fafa amɛ ɖaɖa Israyɛli jukɔn lɔ .Fafa hunnɔ ɔ , Yesu Kliso ci yi nyi axwetɔ nɔ agbetɔwo kpu ji eto yi va . ³⁷ Miwo ɔ , miwo nya mɔ ci yi ʒan do axwa yi nu Mawu nyɔ nɔ amɛwo yi le Mawushi tọ jɔjɔ le Galile kan mɍ kaka ba gbando ʒuɖe kan lɔ pleŋ mɛ. ³⁸ Mawu shi gbɔngbɔn kɔkɔɛ koɖo ŋsɛn mi nɔ Yesu Nazalɛtitɔ lɔ . Yesu lɔ ɖyi yi yi fiɖe wo yi wa enyui nɔ amɛwo yi gbe da edɔ nɔ amɛ ciwo kppu yi le legba cɛkpakpa gɔnmɛ . Ɖo Mawu li koɖii ³⁹ Miwo yɛ ɔ , mi kpɔ enu ciwo kpu yi e wa le Yudatɔwo ju mɛ koɖo ʒeluzalɛmu tɔxu!; wo kiin do acisosaji yi wui. ⁴⁰ Vɔ ɔ , Mawu fɔin so ekuwodi le ŋkeke amɛtɔn mɛ yi na yi e doasɛ yiɖeki nɔ amɛwo. ⁴¹ De nyi jukɔn lɔ pleŋ yi kpɔɛ o . Vɔ ɔ miwo ciwo Mawu can xoxoxo shigbe kunɖeɔwo nɛnɛ yi kpɔɛ ci yi e fɔn so ekuwodi ɔ , miwo yi ɖu enu yi nu enu kodi. ⁴² E dɔ mi mɔ emiwo ɖe yi do axwa yi a nu Mawu nyɔ nɔ jukɔn lɔ yi a gbe tɛ aɖe do ji nɔ wo mɔ eye yi nyi amɛ ci Mawu can mɔ ye ɖe ɖo kojo nɔ amɛ leagbewo koɖo amɛkukuwo. ⁴³ Mawu ŋɛdotɔwo kpu ɖe kunu cɛ sɔso Yesu lɔnu vayi mɔ , amɛ ci yi a xɔɛji se ɔ , amɛ lɔ a xɔ nuvɔnwosɔsɔke to do Yesu lɔ ŋtɔ nyilɔ mɛ.'' ⁴⁴ Piyɛ ɖe xo nuxu ɖegbɔ gbɔxwe yi gbɔngbɔnkɔkɔɛ ɖyiva amɛ ci wo pleŋ yi se enyɔ lɔ wo jio. ⁴⁵ E kpaca Yudatɔ ciwo kpu yi nyi xɔsetɔwo yi kplɔ Piyʒ do yi va enɔ lɔ mɔ Mawu na gbɔngbɔn kɔkɔɛ mɛciwo yi ɖe nyi Yuɖatɔ can hɛnnɛ . ⁴⁶ Ɖo ɔ , wo se yi amɛ lɔwo le egbe ebu ebu wo doɔ yi kankanfu lehan yi Mawu gangan do. Gahunnɔmɛ ɔ , Piyɛ nu nɔ wo mɔ ⁴⁷ : '' Wo a sɛn eŋ gbe mɔ wo da le Mawushi nɔ amɛ ciwo xɔ gbɔngbɔn kɔkɔɛ shigbe miwo nɛnɛ a ? ⁴⁸ Eyi e dɔ mɔ wo de le Mawushi nɔ wo le Yesu Kliso nyikɔ mɛ . wo kpu lɔ biɔ sɔso gbɔ mɔ yi ɖe nɔ yowo gbɔ nɔ nkeke ɖewo gbɔxwe yi a so.