¹ Ɖɔlawo koɖo Klisotɔ ciwo yi le ʒuɖe kan lɔ mɛ se mɛciwo yi ɖe nyi Yudatɔwo can xɔ Mawu nyɔ ji se . ² Ci yi Piyɛ gbɔva ʒeluzalemu ɔ , Yuɖatɔ ciwo yi nyi klisotɔwo tɔ enyɔ ɖika dodo kodi mɔ :'' ³ E yi tɔtɔnɔwo gbɔ yi ɖu enu koɖo wo .'' ⁴ Eyi Piyɛ yi enu ciwo yi va jɔ keŋkeŋ ji yito nɔ wo mɔ : ⁵ ''ŋ le ʒafa yi dodo ɔ egbe ɖaɖa yi kpɔ edɔ gangan ɖeka ci yi wo le zogo amɛnɛ nɔ yi e dyi so jeŋkuimɛ gbɔgbɔ kakaa va je ŋ gbɔ ŋtegantɔ. ⁶ Glo mɛ kpɔ nyuiɖe yi kpɔ elan afɔ amɛnɛnɔ ciwo yi le nyigbanji , egbemɛ lanwo koɖo elan ciwo yi sanɔ koɖo xevi zozuiwo le mɛ. ŋ se egbe ɖeka dyi yi nu nu ɔ mɔ : ''Piyɛ shile wu wo a ɖu :'' ⁷ ŋse egbe ɖeka dyi yi nunu ɔ nɔŋ mɔ :'' Piyɛ shile wu wo a ɖu !'' ⁸ Vɔ ɔ , ŋɖonu mɔ :'' gbeɖe ! Axwetɔ enu xoɖyixoɖyi alo enu ci yi nyi ekɔ nɔ ŋ de ɖo aglanmɛ nɔŋ kpɔ o. '' ⁹ Eyi egbe lɔ gbe trɔɖyi so jeŋkuimɛ ke mɔ :'' ŋgbe yɔ enu ci yi Mawu yɔ mɔ enu mɛmɛ mɔ enu mamɛmamɛ o''. ¹⁰ Kaka egbe lɔ a dyi zetɔntɔ lɔ ɖegbɔ ahan yɔ ɔ wo gbe trɔ enu lɔ kpu yi jeŋkuimɛ . ¹¹ Zeɖeka vɔ , wo dɔ ŋsu amɛntɔn ɖeka wo so Sezale jumɛ yi wo gbɔgbɔ ŋ gbɔ le axwe ci mɛ yi ŋ ze. ¹² Gbɔngbɔn kɔkɔɛ nu nɔ ŋ mɔ nyɛ ɖe kplɔ wo do ayi . Enyɛ ŋ gbe do dyika o. Miwo amadɛn ciwo yi ŋ kplɔ va elɛ cɛwo , yi sezale lɔ koɖo ŋ hɛnnɛ mi pleŋ lɔ yi yi ¹³ kɔnɛyi xwemɛ kɔnɛyi lɔ nu lehan yi dɔla ɖeka va e yi xwemɛ do nɔ mi . E nu mɔ yi nu nɔ eye mɔ :'' Ɖo amɛwo ɖaɖa ʒafa nɔ wo a vayi kplɔ simɔ ci yi wo na mɔ Piyɛ vɛ ,ɔ wu. ¹⁴ Piyɛ lɔ a va nu enyɔ ciwo yi a xɔ ewɔ koɖo xomu tɔwo pleŋ do agbe nɔ wu. ¹⁵ Ci yi ŋtɔ nuxu xoxo ɔ , gbɔngbɔn kɔkɔɛ dyiva woji shigbe le han yi e dyiva do le mɛjeje lɔ mɛ nɛnɛ . ¹⁶ E yi ŋ ɖo eŋui enyɔ ci yi Axwetɔ nu mɔ :''ʒan sɔ eshi le Mawushi nɔ amɛwo , vɔ emiwo yɛ ɔ , gbɔngbɔnkɔkɔɛ yi wo sɔ lii nɔ mi . ¹⁷ Mawu na enu wo womɛvutɔ , shigbe lehan yi e na miwo do vayi hwecinu yi mi xɔ axwtetɔ , Yesu Kliso ji se nɛnɛ. Mɛ e yi ŋ nyi yi a xe emɔ nɔ Mawu dro ɔ?'' ¹⁸ Gacimɛ yi wo se enyɔ hunnɔ ɖegbɔ ɔ , adan ci nɔ wo yi wo tɔ Mawu na enɔ amɛmanyi Yudatɔwo hɛnnɛ mɔ wo a trɔ wowoeɖkiwo aji yi axɔ agbe adoduitɔlɔ ¹⁹ Ci yi Etiyɛnu ku godu ɔ , wo ci yumɛ nɔ xɔsetɔwo kaka wo gba hlɛn. Amɛɖewo shi yi Fenisi kamɛ , Shiplo kan mɛ koɖo Antiwɔshi jugan mɛ , yi le Mawu nyɔ ɔ nɔ Yudatɔwo ɖekɛ . ²⁰ Vɔ ɔ , Xɔsetɔ ciwo le shiplo kanmɛ lɔ koɖo ciwo yi le Silɛnu jugan mɛ domɛtɔ ɖekawo shiyi Antiwɔshi jigan mɛ . wowo le axwetɔ ŋɛnyui doɔ nɔ mɛciwo yi dodo ɔ Gɛkigbe wo. ²¹ Axwetɔ lɔ ŋɛɛn le koɖo wo yi amɛ sugbɔ trɔ wowo ɖekiwo yi ji yi xɔ Axwetɔlɔ ²² Ʒeluzalɛmu Mawu ha mɛ towo se enyɔ lɔ yi dɔ Barnabasi ɖaɖa Antiwɔshi jugan lɔ mɛ. ²³ Ci yi e va ɖo yi kpɔ lrhan yi Mawu cu eshi nɔ xɔsetɔ lɔwo do ɔ , e jɔ eji nii yi e do ŋsɛn wo pleŋ mɔ wo ɖe nɔ egbeji nɔ axwetɔ lɔ. ²⁴ Barnabasi nyi amɛ yi wanɔ enunyui . Gbɔngbɔn kɔkɔɛ yi e xɔṣe nyiɖe . Nɛnɛ yi sɔ to do Barnabasi ji ɔ , amɛ sugbɔ xɔ axwetɔ ji sedonɛ ²⁵ Le e yi godu ɔ , Barnabasi yi tasi yi vayi kplɔsɔlo , ²⁶ Ci yi e vayi kpɔɔ , e kplɔ ɛ va antiwɔshi .jugan mɛ , yi woɖo ve lɔwo va ci Mawu ha ci yi le anɔtɔxu lɔ mɛ sɔna exwe ɖeka blebu yi kpla enu amɛ sugbɔwo. Antiwɔshi lɔ yi wo yɔ nukplaviwo le doŋkɔ mɔ klisotɔ. ²⁷ Le ŋkeke hunnɔ jiɔ , Mawu ŋɛdotɔ so ʒeluzalemu yi va Antiwɔshi. ²⁸ Ɖeka le wo mɛ yi wo yɔɛmi mɔ Agbusu . Gbɔngbɔn kɔkɔɛ lɔ na yi enu enyɔ daɖe mɔ shive ɖekajiji a vato le exe lɔ kpumɛ. Nyɔnɔnuitɔ , shive lɔ va to le hwecinu yi klodi le hɔmu fɔɖuxu kplɔ ɔ. ²⁹ Nukplaviwo va sɔ gbeta mɔ amɛ ɖeka ɖeka ɖe na enuciji yi yɛ a kpe nɔ yewo asɔ kpedo yewo nɔvi ciwo yi le ʒude kan mɛ nu . ³⁰ Eyi wo jɔ enu lɔwo nyao yi sɔ na Barnabasi koɖo sɔlu yi wosɔ yi na ehamɛmɛgan ciwo yi le ʒude kan mɛ lɔ