¹ Vɔ ɔ, wo yɔ nɔ ŋsu ɖeka mɔ Ananiyasi yi ashiɛ tɔ mɔ Safila. Ŋsu lɔ sa wowo nyigban ɖeka. Ashiɛ can se koɖi. ² E bla enu koɖo ashiɛ yi ɖe le nyigban ho lɔ nu yi sɔ kpɛtɛ va akɔnmɛ nɔ dɔla lɔwo. ³ Eyi piyɛ Piyɛ nu nii mɔ: «Anniyasi, ŋɖe taɖo yi e na mɔ legba yi e so axwe do ejimɛ nɔ wu yi e ble gbɔngbɔn kɔkɔ, yi sɔ le nyigban ho lɔ nu ɔ ?. ⁴ Tɔ o yi nyi nyigban lɔ gbɔxwe yi e sɛɛ. Ci yi sɛɛ can ɔ, eho lɔ gbe nyi tɔ o . Ŋɗe yi na taɖo yi e ɖe susu mɔ nɛnɛ yi ye a wa eho lɔ do nɛ ɔ ?. Agbetɔwo yi e ble do mɛ go , Mawuyi e ble . ⁵ Ci yi Ananiyasi se enyɔ lɔwo ,e ɖyiɖyijuin yi ku. E ɖyi vɔnvɔn nɔ amɛ ci wo yi se enyɔ lɔ sugbɔ. ⁶ Dajɛviwo va sɔ ayɔ tvodii yi kɔɛ sɔ yi ɖyi ⁷ Shigbe egaxoxo amɛtɔn han wo godu ɔ , ananiyasi ashiɛ va ɖo exɔ lo mɛ ɖɛ se enyɔ ci yi jɔ va yi lɔ. ⁸ Piyɛ biɔɛ se mɔ : «Eho cɛ yi wɔ koɖo asuao sa nyigban lɔ ke a ? Eyi nyɔnu lɔ ɖonu nii mɔ » . «ɛɛ eho ci yi mi sɛɛ lɔ nɛ ». ^{9 11} Eyi Piyɛ nu nii mɔ «Le e wɛ yi wɔ koɖo asuo bla enu yi le Axwetɔ Gdɔngbɔn do ɔ kpɔ ɔ? Kpɔ ɖa, ɖajɛvi ci wo yi yi ɖyi asuo nɛ yi trɔgbɔ va le exɔmɔnu nɛ. Wowo a gbe kɔ ewɔ can yi». ¹⁰ Zeɖeka vɔ ɔ, nyɔnu lɔ ɖyidyijuin le ŋmɛ nii yi ku. Ci yi ɖajɛvi ɖo exɔ lɔ mɛ yi kpɔ mɔ yi ku ɔ , wo sɔɛ yi va yi ɖyii do axa nɔ asuɔ. E ɖyi vɔnvɔn sugbɔ nɔ xɔsetɔ lo wo kpu koɖo amɛ ci wo pleŋ yi se enyɔ lɔ. ¹² Mawu to do dɔlawo yi wa jeshiduwo koɖo envdanŋdonu sugbɔno le jukɔn lɔ dodomɛ xɔsetɔ lɔwo pleŋ wanɔ bɔbɔ do eju le salomɔ yaxoxu. ¹³ Vɔ kpɔ amɛ buɖe ɖe gbe edɔn yi a yi wogbɔ o. Ganŋkegan ɔ, jukɔn lɔ do nɔ bubu wo nu sugbɔ. ¹⁴ Amɛ sugbɔ, le ŋsu mɛ, le nyɔnu mɛ va xɔxɔ Mawu ji se do ji le wowo ha mɛ. ¹⁵ Eyi amɛ wo kɔ dɔnɔwo do baciwoa alo e va ahwa mɔwo tu koɖo susu mɔ nɔ Piyɛ vayikɔ ɔ, e yi se kpeetii a do fafɛ do dɔnɔ lɔwo ɖowo ji. ¹⁶ Amɛ sugbɔ wo so eju ciwo yi trɔdo ʒelucalɛmu mɛ yi kɔ wowo dɔnɔwo koɖo amɛ ciwo yi gbɔngbɔn vɔnwo ɖeɖe ɔ efun nɔ wo vɛ hɛnnɛ yi wo da edɔ nɔ wo pleŋ. ¹⁷ Avɔsatɔ gangantɔ koɖo amɛ ciwo pleŋ yi lii koɖyi, saduki tɔ wo gbɛbɔbɔmɛtɔ wo hwanhwan eŋ koɖo dɔla lɔwo sugbɔ. ¹⁸ wo dɔ yi wo le dɔla lowo yi cu do jukɔn lɔ gakpamɛ. ¹⁹ Vɔ ezanmɛ ɔ, mavɔmavɔtɔ dɔla ɖeka va hun gakpa lɔ hɔnwo nɔ wo, yi na yi wo to, yi e nu nɔ wo mɔ ²⁰ :« mi yi mawuxwe mɛ a yi nu agbe cɛ nyɔwo pleŋ nɔ jukɔnwo». ²¹ Ci yi dɔla lɔwo se nɛnɛ ɔ, wo yi mawuxwe lɔ mɛ fɔnfɔnmɛ yi vayi tɔ enu kplakpla amowo. Avɔsatɔ gangan koɖo amɛ ciwo yi le koɖyi va kɔɖɛ yi yɔ Israyɛli mɛganwo bɔ, nɔ egododo ɖeka; yi dɔ amɛ ɖe wo ɖaɖa gakpa lɔ mɛ mɔ wo ɖe va yi kplɔ dɔla lɔwo vɛ. ²² Ci yi amɛ lɔwo va yinɖo ɔ, kpɔ woɖe kpɔ dɔla lɔwo le gakpa lɔ mɛ. Eyi wo trɔgbɔ va yi egalɔwo gbɔ yi va ɖo egbe nɔ wo mɔ ²³ :« mi kpɔ yi gakpa lɔ le cucu gbanŋgbanŋ yi ezancɔtɔwo le xɔmɔnu lɔwo nu. vɔ ci yi mi hun gakpa lɔ kpɔ ɔ, kpɔ mi ɖe kpɔ mɛɖe le mɛ o». ²⁴ Ci yi mawuxwe ji kpɔtɔ lɔwo ga koɖo avɔsatɔ gangantɔ lɔwo se enyɔ lɔ ɔ, e ji eŋ nɔ wo kaka kpɔ wo ɖe gbe nya enyɔ ci yi wa nu do nu. Eyi wo va biɔbiɔ wowonɔnɔwo se mɔ, le han yi enyɔ cɛ a va yi do? ²⁵ Eyi amɛɖeka va ɖo, yi nu nɔwo mɔ:«mi kpɔ ɖe e! Amɛ ciwo yi mi cu do gakpa wo le gbedoxɔmɛ, yi kpakpa enu jukɔn lɔ». ²⁶ Eyi Mawuxwe ji kpɔtɔwo ga lɔ kplɔ e yi bɔdonutɔwo yi yi vayi kplɔ dɔla lɔwo ɖɔɖɔɖɔ, ɖo wo vɔnvɔn mɔ jukɔn lɔ a va dɔ ekpe yowo. ²⁷ Ci yi wo kplɔ wo gbɛ ɔ, wo kplɔ wo yi gbedoxɔ lɔ ŋkɔ, yi avɔsatɔ gangantɔ lɔ biɔ wo se ²⁸ mɔ :« Mi ɖe do ese nɔ mi mɔ miwo ŋgbe kpla enu mɛɖe le amɛ hunnɔ nyikɔ mɛ ba? Miwo nukplamɛ. Nyɔwo kaka do ʒeluzalɛmu jugan lɔ mɛ pleŋ ! Mi jijiɛ mɔ ŋsu hunnɔ ku a nɔ ekɔ nɔ miwo!» ²⁹ Eyi Piyɛ koɖo dɔla kpɛtɛwo ɖo nu nii mɔ:« le Mawu koɖo agbetɔwo domɛ ɔ, Mawu yi wo ɖo a ɖo shishi nɔ. ³⁰ Yesu ci yi mi kan do acisosa ji yi e ku ɔ, miwo tɔgbiwo Mawu fɔin le amɛkukuwo domɛ. ³¹ Mawu kɔɛ sɔyi daɖo yi ɖushimɛ, yi sɔ ɖo efiɔ koɖo hwlɛngantɔ, nɔ Israyɛli jukɔn lɔ a trɔ yiɖeki a ji koɖo e yi nuvɔnwo sɔsɔke. ³² Emiwo kpɔ enu hunnɔwo tɔxu. Gbɔngbɔn kɔkɔɛ ci yi Mawu na amɛ ci wo yi senɔ tonu nii can, kpɔ wowo kpɔ tɔxu. » ³³ Amɛ ciwo yi nɔnɔ kojo ɖoxu lɔwo shin xomɛ yi ji mɔ yowo a dɔ nɔ wo a wu dɔla lɔwo. ³⁴ Vɔ ɔ, Falisitɔ ɖeka le kojoɖoxulɔ lɔwo mɛ yi nyi ese dɔwatɔ. Wo yɔɛ ni mɔ Gamaliyɛ. Israyɛli jukɔn lɔ pleŋ ɖonɔ bubu ni. E sɔ ja ete, yi dɔ mɔ wo ɖe kplɔ dɔla lɔwo tii keŋ. ³⁵ E yi godu ɔ, e nu nɔ wo mɔ:« Israyɛlitɔwo, mi kpɔ nyuiɖe koɖo enu ci yi mi jijiɛ a wa koɖo amɛlɔwo. ³⁶ Ɖo vayi ɔ, mi kpɔ ŋsu ɖeka ci wo yɔnɔ mɔ Tedasu. E nu mɔ amɛjɔamɛ ye nyi, yi amɛ shigbe sandi amɛnɛ han wo kplɔɛdo. Wo va wui, yi amɛ ciwo kpu yi kpɔɛdo lɔwo gbahlɛn yi enyɔ lɔwo vɔ do enɔ tɔxu. ³⁷ Le eyɛ godu ɔ, mi va kpɔ Yuɖa Galiletɔ lɔ le hwecinu yi efiɔ dɔ mɔ wo ɖe hlɛn amɛ. Wo kpɔ le ye ju mɛ. E dɔn amɛ sugbɔ kplɔ yi ɖeki do. wo va wu e yɛ can, yi amɛ ciwo pleŋ yi kplɔɛ do lɔwo gbahlɛn hɛn nɛ. ³⁸ Eviɛ ɔ, ŋ nunu ɔ nɔ mi mɔ, miwo ɖe ɖe ekɔ le mɛ hunnɔwo nu, yi a tashi wo nɔ wo a yi nɔ wowo susu wo kodo wowo dɔwawawo so agbetɔwo gbɔ ɔ, kpɔ d'a jeji nɔ wo o. ³⁹ Vɔ nɔ wo so Mawu gbɔ ɔ, mi d'a sɛn eŋ a ɖu wo ji o. Mi a kpɔ nyiɖe nɔ mi ŋgbe va le amɛciwo yi fɔn egu do Mawu ji wo mɛ o. Amɛ ciwo yi le kɔjoɖoxu lɔ xɔ egbe do enyɔ ci yi Gamaliyɛli nu ji. ⁴⁰ Wo dɔ yi wo kplɔ dɔla lɔwo vɛ yi dɔ yi wo xo wo yi do ese nɔ wo sɛnŋsɛnŋ ɖe mɔ, wo ŋgbe gbe xo nuxu ɖe le yesu nyikɔ mɛ o. Yi tashi wo yi wo yi. ⁴¹ Dɔla lɔwo so le sɛnsɛn hwɛxɔnu lɔ. Eji jɔ wo mɔ Mawu kpɔ mɔ yowo sun a kpe efun do Yesu nyikɔ ci yi yowo yɔyɔ ji. ⁴² Eyi wo kplakpla enu amɛwo, yi le Yesu kliso lɔ ŋɛnvi do ɔ, le Mawuxwe lɔ koɖo axwewo mɛ.