¹ ŋkeke amatɔn godu ɔ, avɔsatɔ gangantɔ ananiyasi koɖo ejumɛmɛgan ɖekawo koɖo tɛtulusu, etahwlɛnnɔ amɛtɔ ɖeka va ɖo seza jugan mɛ. Wo yi ekanjikpɔtɔ Felisi lɔ gbɔ yia vayi do ehwɛ nɔ pɔlu le gbɔ. ² Eyi wo yɔ pɔlu vɛ yi tɛtulusu tɔ ehwɛ dodo nɔ pɔlu yi nu nɔ ekanjikpɔtɔ lɔ mɔ : bubutɔ, eo ji yi mito yi eju lɔ mɛ fa yi ebulele nɔ enu nayi enudradotɔwo gbe le akɔta cɛ mɛ. ³ BUbutɔ gangan Félisi, enu lɔ lɔwo kpu ci yi e wawa nɔ mi gaɖekpokpui mɛ le afishafi ɔ, mi xɔnɔ wo koɖo akpedodo. ⁴ Vɔ nɔ enyɛ, ŋgbe do aya nɔ eo sugbɔ do ji ɔ, ŋ ɖe kuku nɔ eo mɔ eo ɖe wa xomɛvunu nɔ mi yi a se enyɔ kankin ci yi ŋ jijiɛ a nu. ⁵ Nyɔnuitɔ ɔ, mikpɔ mɔ ŋsu cɛ ɖe nyɔ ekan. Ena yi yuɖatɔwo dɔndɔn enyɔwo le wowonɔnɔwo mɛ le xexe lɔ pleŋ mɛ. Eyi nyi ega nɔ Nazalɛtitɔwo egbɛ. ⁶ Gbesɔ wu nɛnɛ ɔ, etekpɔ mɔ ye axo eɖyi Mawuxwe lɔ. Eyi mi lii. Mi ji mɔ mi a sɔ miwo sewo xoi. ⁷ Vɔ ɔ, sɔjawo ga lisiyasi va ɖo enyɔ lɔ mɛ yi gui le mishi koɖo ŋsɛn. ⁸ Le eyi godu ɔ, lasiyasi ɖe egbe mɔ amɛ ciwo yi dodoɔ ehwɛ nii mɔ wo ɖe yi eo Felisi gbɔ. Nɔ e biɔ enyɔwo ŋsu hunnɔ se ɔ, eoŋtɔ a nya mɔ nyɔnɔnui yi nyi rhwɛ ciwo pleŋ yi mi dodoɔ nii. ⁹ Eyi godu yi yudatɔ ciwo yi le enɔ lɔ, ɖo ekpe tɛtulusu nyɔ lɔwo ji yi nu mɔ nyɔnɔnui yi wo nyi. ¹⁰ Ci yi ekanjikpɔtɔ lɔ na nuxu pɔlu ɔ, pɔlu nu mɔ : ŋ nya mɔ eo tɔ kojo ɖoɖo le miwo kɔta cɛmɛ ɛɛ ɔ, ewa exwe sugbɔ. Eyi na taɖo yi ŋ ɖe eji ɖɛ yi ahwlɛn eta nɔ enyɛɖeki le eo gbɔ. ¹¹ Eoŋtɔ a sɛn eŋji gɔnmɛ kpɔ nii mɔ ŋkeke wive ke ŋ yi zeluzalɛmu mɔ na vayi sɛn mawu le enɔtɔxu. ¹² Le ŋkeke hunnɔ lɔwo mɛ ɔ, amɛɖe ɖekpɔ ŋ le Mawuxwe lɔ mɛ yi ŋ dɛn dɔn koɖo meɖe o. Nɛnɛke dɔn enyɔ alo le jugan lɔ mɛ o do nɛ. ¹³ Jeshi ɖe ɖe le amɛ lɔwo shi yi wo a sɔ ɖo ekpe ehwɛ ciwo yi wo nu mɔ enyɛ, ŋ ji ɛ o. ¹⁴ Vɔ ɔ, na sɛnŋ enyɔ cɛ mɛ nɔ eo. ŋ le miwo tɔgbiwo Mawu sɛn ɛ yi zɔnzɔn to emɔ ci yi wowo nu mɔ yi ɖe nyɔ ji yi yɔɛni mɔ sɛnsɛn gbɛbɔbɔ. Vɔ enyɛ ɔ, ŋ xɔ enu ciwo pleŋ wo zwlɛ do ese wema koɖo mawu ŋɛdotɔwo wemawo mɛ ji se. ¹⁵ ŋ kpɔkpɔ emɔ nɔ mawu shigbe wowo can nɛnɛ mɔ amɛshamɛ, amɛjɔjɔɛ can, amɛmajɔmajɔ can a va fɔn sɔso ekuwodi. ¹⁶ Eyi na taɖo enyɛ can ŋ, tenɔkpɔ mɔ anyi yix ŋgbe kpɔ afɛ ɖe le ŋ nu le mawu koɖo agbetɔ ŋmɛ o. ¹⁷ ŋ wa exwe sugbɔ le egbeji yi trɔgbɔva zeluzalɛmu koɖo enunanawo yi a sɔ kpedo anyi kɔta lɔ nu yi a gbe sa avɔwo nɔ Mawu. ¹⁸ Enu ci yi ŋwawa le Mawuxwe yi wo va kpɔ ŋlɔ nɛ. Eɖyiklɔklɔ kɔnu yi ŋ wa ɖegbɔ ahan. Kpɔ zigidi ɖeɖe dyidyiɛ le ahwakɔn lɔ mɛ le ŋgbɔ ɔ yi ezin ɖe ɖe xoxo ɔ le ŋgbɔ. ¹⁹ Vɔ ɔ yuɖatɔ ɖeka ciwo yi so azi kan mɛ le tɔxu. Wowo taŋ yi ɖo a va eo gbɔ le elɛ ɛ sa yi a va dodo ɔ ehwɛ nɔ ŋ nɔ wo kpɔ afɛn ɖe nɔ ŋ sa. ²⁰ Alo ci yi wo kplɔŋ yi wowo sɛnsɛn hwɛxɔnu nɔ amɛ ciwo yi va elɛɛ kpɔ mɔ ŋ wu ehwɛ ɖe gbenɔgbeɔ, wo ɖe nui. ²¹ Enyɔ kuɖeka ci yi ŋ nɔ ete le sɛnsɛn hwɛxɔnu ga lɔwo ŋmɛ gbenɔgbe yi do axwa yi nu yi nyi mɔ : ŋ xɔ se mɔ amɛkukuwo a va fɔn so ekuwodi. Enu ci taɖo yi wo kplɔŋ va kojo mɛ le mi gbɔ egbɛ do nɛ. ²² Felisi ci yi nya ŋɖɛ sɔso axwetɔ mɔ lɔ nu nyuiɖe gli kojo lɔ yi nu nɔ amɛ ciwo yi dodo ɔ ehwɛ nɔ pɔlu mɔ : sɔjano ga lisiyasi a va gbɔxwe yi na ɖo koɖo lɔ. ²³ Eɖe egbe nɔ sɔjakavehowiga lɔ mɔ yiɖe pɔlu ji le gakpamɛ. Yi ɖe na vovo yi. Nɔ ŋɖe wudii ɔ, yiɖe ɖe emɔ eyi mɛwo a wɛɛ nii fɛɛ. ²⁴ ŋkeke ɖewo godu ɔ, Felisi va koɖo ashiɛ druziyi ci yi nyi yudatɔ. Felisi dɔ yi wo yi kplɔ Pɔlu vɛ. Eɖo eto yi se yi pɔlu xo nuxu sɔso yesu kliso jixɔxɔse nu. ²⁵ Vɔ gacimɛ yi pɔlu tɔ nuxu xoxo sɔso jɔjɔɛnyinyi, amɛɖekijiɖuɖu koɖo kojoɖoɖo ci yi gbɔgbɔ nuɔ, felisi vɔn yi nu nii mɔ : «Egbɛ tɔ sun. Yi gbɔxwr. Nɔ ŋ va kpɔ vovo ɔ, na gbe yɔ eo. ²⁶ Felisi kpɔkpɔ emɔ mɔ pɔlu a na eho ye. Eyi dɔ taɖo blaŋblaŋ ɔ, e dɔnɔ yi wo kplɔɛni vɛ yi e kannɔ sɛŋ koɖoi. ²⁷ Nɛnɛ wo le ji kaka exwe ve vayi yi pɔsuwusu Fesutusu va dɔli Felisi nɛ. Vɔɔ, felisi mɔ ye a wa xomɛvunu nɔ yuɖatɔwo yi gbe pɔlu do gakpamɛ.