¹ Enu nɔ wo mɔ: Edanyɛwo koɖo nɔvunyɛwo mo ɖo eto a se enyɔ ci yi le ŋshi yi ŋ jiji a nu nɔ mi yi a sɔ hwlɍn anyi ta. ² Ci yi wo se yi e dodo ɔ eblegbe ɔ, eɖa va ɖo do ji. Eyi pɔlu nu mɔ : ³ Enyɛ ɔ, yuɖatɔ ŋ nyi yi so tasi jugan mɛ le silisi kan mɛ. Vɔ ɔ, zeluzalɛmu elɛ yi ŋ nɔ yi shin ke gamaliyɛli yi nyi anyi cica. E kpla ese ci Mawu na miwo tɔgbiwo to do Mɔyizi ji ŋ nyyuiɖe. ŋ gbe bianɔ ŋkouvi do Mawu sɛnsɛn ji hɛnnɛ shigbe lehan yi miwo kpu wɛwɛɛ do, egbɛ nɛnɛ. ⁴ Vayi ɔ, ŋci yumɛ nɔ amɛ ciwo yi zɔnnɔ to emɔ ci yi Mavɔmavɔtɔ mɔ wo ɖe to ji kaka amɛ ɖewo ku. ŋ dɔ yi wo le ŋsuwo koɖo nyɔnuwo gakpamɛ kpɔ. ⁵ Avɔsatɔ gangantɔ koɖo ame ciwo yi le ehamɛmɛganwo bɔbɔ a sɛn eŋ ɖe kunu nɔ wemawo doashi nɔ ŋ yi ŋ sɔyi nɔ miwo nɔvi yuɖatɔ ciwo yi le Damasi jugan mɛ. ŋ ji vayi mɔ na le xɔsetɔ ciwo yi le jugan hunnɔ mɛ yi a do ega wo yi a hɛngbɛva zeluzalɛmu yia va dɔn eto nɔ wo. ⁶ Pɔlu yi ji yi nu mɔ : ŋ le emɔ ji yi jijiɛ a ɖo Damasi jugan mɛ do gawive mɛ hanwo. Eyi zedeka tɔntɔn vɔ, klɛnklɛn gangan ɖeka so jeŋkuimɛ yi trɔ do ŋ. ⁷ Yi ŋ juin yi se egbe ɖeka ɖyi yi nu nu ɔ nɔ ŋ mɔ : sɔlu, sɔlu ŋ ɖe yi jɔ yi e ci yumɛ nɔŋ nɛnɛɔ? ⁸ Eyi ŋ ɖo nu mɔ : ewɔ mɛ e yɔ mɛgan? Egbeɖyiɖyi lɔ ɖonu nɔŋ mɔ : enyɛ yi nyi yesu Nazalɛtitɔ, amɛ ci yi eci yumɛ nɔ. ⁹ Amɛ ciwo yi kplɔ ŋ do kpɔ klɛnklɛn lɔ nyuiɖe. Vɔ kpɔ wowoɖe se egbe ci yi xoxoɔ nuxu nɔ ŋ o. ¹⁰ Ganɔ mɛ ɔ, ŋ va nu mɔ : le na wɛɛ do, axwetɔ? Enu nɔ ŋ mɔ : fɔn, yi a yi Damasi. Wo a dre edɔ ciwo pleŋ yi mawu ɖo nɔ wu do enɔtɔxu. ¹¹ ŋ gbe sɛn eŋ kpɔkpɔ enu o. Do klɛnklɛn lɔ sɛn eŋ sugbɔ. Amɛ ciwo yi kplɔ ŋ do le alɔnu nu nɔ ŋ yi kplɔ ŋ yi Damasi jugan lɔ mɛ. ¹² A kpɔ ŋsu ɖeka le Damasi lɔ. Wo yɔɛ nii mɔ ananiyasi. E shinɔ Mawu yi gbe nɔnɔ egbeji nɔ e yi sewo yi yuɖatɔ ciwo kpu yi le jugan lɔ mɛ nunɔ e yi nyɔ nyui. ¹³ Eva ŋ gbɔ yi nu nɔ ŋ mɔ : sɔlu nɔvunyɛ, gbe tɔ enu kpɔkpɔ. Eyi zeɖeka vɔ gbe tɔ enu kpokpɔ kaka ananiyasi lɔ. ¹⁴ Eyi e va nu nɔ ŋ mɔ : miwop tɔgbiwo Mawu doŋkɔ yi can wu nɔ na nya enu ci yi nyi e yi dro yi a gbe jeshi amɛjɔjɔɛ lɔ yi a gbe se e yi gbe. ¹⁵ Do ɔ, a ɖe kunu nii le amɛshamɛ ŋmɛ yi a nu ciwo yi e kpɔ koɖo ciwo yi ese. ¹⁶ Ecɛɛ ɖee, ŋ ɖe yi e le ete kpɔ ɔ? Soje ete nɔ woa le Mawushi nɔ yi le Yesu nyikɔ mɛ ɔ, wo a klɔ enuvɔn ciwo e wawo sii? ¹⁷ Pɔlu yi ji yi nu mɔ : le e yi godu ɔ ŋ trɔyi zeluzalɛmu. Ci yi ŋ fanfan ekui le, Mawuxwe mɛ ɔ, ŋ kpɔ tegan ɖeka. ¹⁸ ŋ kpɔ Axwetɔ yi e nu nɔ ŋ mɔ : Wa blaŋ yi a so le zeluzalɛmu jugan lɔ mɛ. Do ɔ, jugan lɔ mɛtɔwo d'a lɔn yi a xɔ kunu ci yi a ɖe sɔso ŋ nu o. ¹⁹ Eyi enyɛ ŋ nu mɔ : Axwetɔ wo nya nyuiɖe mɔ nyɛ ŋ yinɔ Mawu sɛnxv, Mawusɛnxuwo sasa yi a le amɛ ciwo yi xɔ wu ji se a xo wo yi a sɔ wo do gakpamɛ. ²⁰ Kaka ci yi wo wu kunuɖetɔ tɔo Etuyɛnu can ɔ, ŋ le enɔ lɔ hɛnnɛ. ŋ xɔ egbe do ji nɔ amɛ ciwo yi wui yi xɔ wowo wuwo ɖɛ nɔ wo. ²¹ Vɔ ɔ, Axwetɔ lɔ va nu nɔ ŋ mɔ: so a yi. Do ɔ, na dɔ wu ɖaɖa jijitɔxu le amɛmanyi yuɖatɔwo gbɔ. ²² Ahwakɔn lɔ ɖo eto yi se enyɔ ciwo yi pɔlu nunu ɔ kaka v ɖo enɔtɔxu. Vɔ eviɛ ɔ, wo kpu lɔ tɔ axwa dodo mɔ : Mi wu ŋsu hunnɔ! D'e ɖo yi a nɔ agbe o. ²³ Wo kpakpa abobo yi ɖeɖe ɛ wowo wuwo danŋkpe yi lɔlɔ ekɔ ɖaɖa eji. ²⁴ Eyi hlɔmutɔwo sɔjawo ga ɖe egbe mɔ wo ɖe kplɔ pɔlu yi sɔjawo nɔxu lɔ yi a xuii kaka nɔ a xo nuxu nɔ wa nya enu ci yi taɖo yi ahwakɔn lɔ le axwa do ɔ do eta nii nɛnɛ. ²⁵ Vɔ ci yi wo blabla pɔlu koɖo langba ɔ, e nunɔ sɔjakavehowiga ci le enɔ le mɔ : Ese ɖe emɔ nɔ mi mɔ miwo ɖe tɔ alɔ hlɔmujuvi ci yi wo ɖe ɖo kojo koɖo kpetii a? ²⁶ Ci yi sɔjakawehowiga lɔ se enyɔ ci yi pɔlu nu ɔ, eyi wowo ga gbɔ yi nu mɔ : «ŋ ɖe nɔ yi e jijiɛ a wa sasa? Hlɔmujuvi yi nyi ŋsu lɔ!» ²⁷ Sɔjawo ga lɔ wa pɔlu gbɔ yi nu nii mɔ «nu nyɔnɔnui nɔ ŋ, Hlɔmujuvi yi e nyi a?» pɔlu ɖo nu mɔ : ɛɛ, e yi ŋ nyi. ²⁸ Eyi sɔdjawo ga lɔ trɔ nu mɔ : Eho sugbɔ yi ŋ cu gbɔxwe yi wo na acɛ ŋ mɔ nyɛ ŋ nyi hlɔmujuvi. Pɔlu nu mɔ : Enyɛ yɛ ɔ, ŋ nyi hlɔmujuvi so jijim. ²⁹ Zeɖeka vɔ ɔ, amɛ ciwo yi jijiɛ a na yi sɔjawo ga lɔ va kpɔ mɔ hlɔmujuvi yi ye na yi wo do ega vayi ɔ, etɔ vɔnvɔn. ³⁰ Hlɔmutɔwo sɔjawo ga lɔ ji mɔ ye a nya ŋci koŋ yi na yi yuɖatɔwo dodo ɔ ehwɛ nɔ Pɔlu do. Eyi na taɖo yi le eyi ŋkegbu ɔ, e dɔ yi wo ɖe egawo nii yi yɔ avɔsatɔwo gawo koɖo sɛnsɛnhwɛxɔnunɔtɔ bɔ. Le e yi godu ɔ, e kplɔ pɔlu yi ehwɛxɔnu le wo gbɔ.