¹ Ci yi mi klan amɛ lɔwo ɔ, mi ɖo etɔjihungangan lo yi transɔyi kɔsi tɔdomɛju mɛ. E yi ŋkegbu ɔ, mi yi Hlodɛsi tɔdomɛju mɛ yi so le enɔ yi yi Patala jugan mɛ. ² Mi kpo etojihungangan ɖeka le enɔ ci yi jijiɛ a yi Fenisi kan mɛ. Mi ɖoi yi ɖe do. ³ Ci yi mi gogogo ɔ shikplo tɔdomɛju ɔ, mi todo ƒɔde ɖaa nii yi ɖe do sili ju mɛ ɖaa etemaci. Mi vayi ɖyi do tii ju gan me fici yi etɔjihungangan lo jiji a ɖe agban do. ⁴ Eyi mi kpɔ nukplavi ɖekawo enɔtɔxu yi ci wo gbɔ sɔnz ŋkeke amadrɛ gbɔngbɔn kɔkɔɛ kanxle nukplavi lɔwo yi wo nu nɔ Pɔlu mɔ yi ŋ gbe yi Ʒeluzalɛmu o. ⁵ Vɔ ci yi ŋkeke ci yi mi a wa enɔ lo sun ɔ, mi so. Nukpavi lɔwo Pleŋ kodo wowoshiwo koɖo wowoviwo kplo mido yisɔ ɖeɖeɛ aƒɔnun ti nu mi kaka mi ƒla jugan lɔ mɛ. Eyi mi je e kloji do axutu yi wa kuifan. ⁶ Ci yi mi kan miwonɔnɔwo ɖegbɔ ɔ, miɖo etɔ jihungangna mɛ yi ɖedo yi woow trɔ yi axwemɛ. ⁷ Miwo yɛ ɔ mi so le Tii jugan hunnɔ lɔ mɛ kaka va ɖo Putoolemayisi jugan mɛ yi sɔ vɔ etɔji mɔzɔnzɔn lɔ. Mi do egbe nɔ nɔvi xɔsetɔ ciwo yi le enɔ yi nɔ wo gbɔ ŋkeke ɖeka. ⁸ E yi ŋkegbu ɔ, mi so le wo gbɔ yi yi Senale jugan mɛ yi vayi yi ze Filipu, Mawuŋɛnyuidratɔ gbɔ. Filipu yi nyi amɛ amadrɛ ciwo wo can le Ʒeluzalɛmu no wo a kpɔ enuɖuɖumama nyɔwo gbɔ domɛtɔ ɖeka. ⁹ Filipu wa evi nyɔnuvi lealɔji amɛnɛ ɖɛ. Wo xonɔ nuxu eŋɛnyuidratɔwotɔ. ¹⁰ Mi nɔ enotɔxu sɔna ŋkeke ɖewo gbɔxwe yi Mawu ŋɛdotɔ ɖeka so ʒuɖe kan mɛ yi va kɔɖɛ. Wo yɔɛnimɔ Agabusu. ¹¹ E va mi gbo yi sɔ Pɔlu kpablanu bla aƒɔwo koɖo alɔwo nɔ yiɖeki yi nu mɔ: « Enyɔ ci yi gbɔngbɔn kɔkɔɛ nu ke: e nu mɔ ahan yi Yuɖatɔwo bla amɛ ciwo yi nyi kpablanu cɛ le Ʒeluzalɛmu yi a sɔ amɛ lɔwo sa nɔ amɛmanyi Yɖatɔwo nɛ.» ¹² Le enyɔ hunnɔ godu ɔ, miwoŋtɔwo koɖu nɔvi xɔsetɔ ciwo yi le sezale enɔlɔ ɖe kuku nɔ Pɔlu mɔ yi ŋgbe yi Ʒeluzalɛmu o. ¹³ Vɔ ɔ, Pɔlu biɔ mi se :« ŋɖe vi yi ƒanƒan yi lanmɛ a cuka nɔ li? Enyɛ ye ɖee d'e nyi awlɔgaa mɛ nɔnɔ ɖekɛ yi ŋ egbesɔsɔ nɔ le Ʒeluzalɛmu go, vɔ ɔ, ŋgbe le egbesɔsɔ yi a ku le Ʒeluzalɛmu do eta nɔ Axwetɔ Yesu.» ¹⁴ Ci yi mi ɖe sɛn eŋ nu nii yi e xɔ egbe do miwo nyɔ ji ɔ, mi tashi yi nu mɔ: « Mavɔ mavɔtɔ dro ɖe nyi wawa!» ¹⁵ Le ŋkeke hunnɔwo goduɔ, mi drado yi ɖedo Ʒeluzalɛmu. ¹⁶ Senale nukplavi ɖekawo can kplɔmido. Wo kplɔ mi yi nukplavi ɖeka ci yi wo vɔnɔ mɔ Munasɔn yi e so shiplo tɔdomɛju mɛ gbɔ, nɔ mia vayi ze gbɔ. Munasɔn trɔ nukplavi viɛ ɔ e jiji. ¹⁷ Ci yi mi va yi ɖo Ʒeluzalɛmu ɔ, nɔvi xɔsetɔwo xɔ mi koɖo jijɔ. ¹⁸ Yi ci eŋke ɔ, Polu kplɔ mi yi Ʒaki xwemɛ. Ehamɛmɛganwo kpu can va enɔlɔ. ¹⁹ Eyi Pɔlu do egbe nɔ wo yi tɔ enu ciwo Plzŋ yi MAwu wa to do sɛnsɛn dɔ ci yi e wa me nunu nɔ amɛ manyi Yuɖatɔwo. ²⁰ Ci yi wo se enyɔ lɔ wo ɖegbɔ ɔ wo kanfu Mawu yi nu nɔ Pɔlu mɔ nɔvi e kpɔ amiwo nɔvi yuɖatɔ kotokun nɛni ɖe xɔ yesu ji se wo pleŋ gbe leŋkuvi esewo nu yi wawa do wo ji. ²¹ Vɔɔ wo nunɔuɔ so wu nu nɔ wo mɔ wɔ kplakpla enu yuɖatɔ ciwo yi le akata buwo mɛ mɔ wo ɖe ɖe ekɔ le mɔyizi nu mɔ wo ŋgbe so evo nɔ wowo viwo alo a nyi wowo xwe kɔwo o. ²² Le mia wɛɛ do ɛ wo ke a va se koko ko mɔ wɔ va elɛ. ²³ Eyi na taɖo ɔ nɔ mi nu enyɔ ɖe ɔ na sii amɛ amɛnɛ le mi mɛ le elɛɛ viwo yi ɖo egbe nɔ Mawu. ²⁴ Kplɔ wo yia yi wa eɖyiklɔklɔ kɔnu wɔtɔ yi a gbe wa nɔ wowo can eho co pleŋ yi wo a zan yi a sɔ xlɔ eta ɔ na cui ganɔ mɛ ɔ amɛshamɛ a kpɔ enyɔ ɖe ɖe nyi nyɔnɔnvi le enyɔ ciwo yi wo nu nɔ yowo sɔso enu tɔwo mɛ vɔ ɔ ewɔ can wawa do ese lɔwo ji. ²⁵ Miwo ɔ miwo ŋwlɛ enu ɖaɖa amɛ manyi yuɖatɔ ciwo yi va trɔ xɔsetɔwo mɔ mi wo kpɔ mɔ wo ɖe ɖo a ɖu elan ci yi wo sɔ sa avɔ nɔ vojuwo kpɔ wo ɖe ɖo a tɔ enu ehun wo ɖe ɖo a ɖu elan ci yi ehun ɖe kɔdo nyigban nɔ kpɔ wo ɖe ɖo a nyui hete li tɔnɔwo. ²⁶ Eyi ŋkegbu ɔ Pɔlu kplɔ ŋsu amɛnɛ lɔwo yi yi va yi wa eɖyiklɔklɔ kɔnu lɔ yiŋtɔ yi gbe wa nɔ wowo can ci yi vayi ɔ e yi Mawuxwe yi vayi azan ci gbe yi akɔnu lɔwo a vɔ nu do yi wo o sa avɔ nɔ wowo domɛtɔ ɖeta ɖeta do nɔ amowo. ²⁷ Ci yi ŋkeke amadrɛ yi kɔ vɔvɔ nu ɔ yuɖatɔ ci wo yi le azi kan mɛ va kpɔ Pɔlu le Mawuxwe lɔ mɛ yi fɔn ahwakɔn lɔ do ji keŋ yi lii. ²⁸ Wo tɔaxwa dodo mɔ izrayɛlitɔwo mi va xɔ nɔ mi isu ci yi kplakpla enu amɛshamɛ to do afishafi ke e kpanŋkɔ jukɔn lɔ ese ciwo yi Mawu do to do mɔyizi ji koɖo Mawuxwe cɛ eviɛ ɔ e gbe edɔn kplɔ amɛmanyi yuɖatɔ ɖe kawo va Mawuxwe lɔ mɛ yi xo eɖyi texwe kɔkɔɛ cɛ. ²⁹ Ɖo ɔ yuɖatɔwo kpɔ Pɔlu koɖo trofimu ci yi so efɛzi yi wo ɖyi ɖyiɛ esa le zeluzalɛmu jugan lɔ vayi eyi wo bubu ɔ mɔ Pɔlu kplɛ yi Mawuxwe lɔ. ³⁰ Zingidi xoxoɔ le jugan lɔ pleŋ mɛ huu yi jukɔn lɔ lɔ ahwa so afi afiwo yi va le Pɔlu yi dɔn fi le Mawuxwe lɔ mɛ yi Cu ehɔn lɔwo zeɖeka. ³¹ Wo jijiɛ mɔ yowo a wu Pɔlu. vɔɔ Hlɔmutɔwo sɔjawa ga va se mɔ ʒingidi xoxo ɔ le ʒeluzalɛmu lɔ xleŋ. ³² Zeɖeka ɔ, yɛ yɛ kpɔlɔ Hlɔmutɔ lɔ sɔjawo koɖo sɔjakave howigawo yi shi eju ɖe do. Kaka ahwakɔn lɔ a kpɔ Hlɔmutɔwo sɔjawo ga lɔ koɖo sɔja kpɛtɛwo ahan vɔ, wo mibli xoxo ³³ Eyi Hlɔmutɔwo sɔjawo ga lɔ te sɔ enɔ lɔ yi le Pɔlu yi ɖe egbe mɔ wo ɖe blɛɛ koɖo awlɔga amɛve. Le e yi godu ɔ, e biɔ ahwakɔn lɔ se mɔ mɛ e yi nyi mɛ yi ŋ de yi wa mɛ? ³⁴ Vɔ le ahwakɔn lɔ mɛ, mɔ mɛɖewo dodo axwa yi a nunuɔ ebu. Ci yi sɔjawo ga lɔ ɖe se eta nɔ ɖe le amɛɖe nu le wo mɛ ɔ, e ɖe egbe mɔ wo ɖe kplɔ Pɔlu sɔjawo nɔxu. ³⁵ Ci yi Pɔlu toto ɔ ex mɔnukpɔwo ji yi yikɔ ɔ, e va zin yi sɔjawo kɔ Plɔu to éji. Ɖo ahwakɔn lɔ le adan ji ³⁶ Amɛ sugbɔtɔ le jukɔn lɔ mɛ yi kplɔ Pɔlu do yi dodoɔ axwa mɔ : «Mi wui!» ³⁷ Ci yi wo kplɔ Pɔlu yikɔ kaka yi jijiɛ a ɖo sɔjawo nɔxu lɔ ɔ, e nu nɔ sɔjawo ga lɔ mɔ: Enyɔ ɖeka le ŋ shi A na emɔ y nɔ ma nui a ? Eyi yɛ biɔɛ se m ɔ: A nyi e se glɛkigbe ? ³⁸ D'e yi nyiEʒipututɔ ɖeka ci yi na ʒingidi na na le ŋkeke cɛwo mɛ yi kplɔ ejugantɔ kotokun amɛnɛ yi zoxu sakli mɛ ba? ³⁹ Eyi Pɔlu ɖonu nii mɔ : Enyɛ, yuɖatɔ ŋ nyi so Tasi jugan mɛ le silisi kan mɛ Jugan ci yi nyikɔ yi eto nɔ mɛ yi ŋ so ŋ ɖe jukɔnlɔ ⁴⁰ Sɔjawo ga lɔ na egbe Pɔlu yi e la exɔ mɔnukpe lowo ji wa alɔ nɔ jukɔn lɔ yi amɛshamɛ bɔ enu Eyi e xo nuxu nɔwo le Eble yuɖatɔwo ge mɛ y .