¹ Ci yi Zingidi lɔ mi xoxo ɔ, Pɔlu dɔ yi wo yɔ nukplavi lɔ wo nii yi e do ŋsɛn lanmɛ nɔ wo. Le e yi godu ɔ, e klan wo yi kpe Maseduwanu. ² E to do Maseduwanu kan lo mɛ yi yi nɔ vi xɔsetɔ lɔwo gbɔ yi so ŋsɛn lanmɛ nɔ wo sugbɔ gbɔxwe yi vayi Glɛsi kan mɛ. ³ E nɔ enɔtɔxu sɔnanɔ wleci amɛtɔn. Hwecinu yi e jijiɛ a ɖo etɔjihungangan yi a yi sili ju mɛ ɔ, e se mo Yuɖatɔwo blabla enu do eye nu yi a wa enu koɖo eye. Eyi e va sɔ gbeta mo ye a trɔyi Maseɖuwanu. ⁴ Sopatrosi ci yi nyi Pilusu ci so Bele jugan me evie ŋsu kplɔ Pɔlu do. Nɛnɛke Alishitaki koɖo sekundusu ciwo yi so Tesalonika jugan mɛ gbe sɔkpenɔ Gayiyusi ci yi so Dɛbe jugan mɛ ji mɔ yowo a kpɔɛ hɛnnɛ. ⁵ Amɛ cɛwo o doŋkɔ yi vayi nɔ ete kpo mi le Trowasi. ⁶ Ci yi wo du kpɔnnɔ cikemado xwe vayi ɔ, mi va ɖo etɔjihungangna le Filipi jugan mɛ yi vayi xoto wo e yi ŋkeke amatɔntɔ lɔ mɛ. Mi nɔ trowasi ŋkeke amadrɛ . ⁷ Le kuɛshila ŋkeke nkɔtɔ mɛ ɔ, mi bɔ yi a ɖu ɖekawawa nuɖudu yi Pɔlu xɔ nuxu le Klisotɔ lowo ŋkɔ. E le nuxu xoɔ kaka azangawive xo. Ɖo , e ɖo yi a so e yi ŋkegbu . ⁸ Wo tɔ kaɖigban sugbɔ do exɔ ci yi mɛ yi mi bɔdo lɔ tamɛ le exɔlixɔji lo mɛ. ⁹ Ɖajɛti ɖeka ci yi wo yɔnɔ mɔ Etiki nɔ anyinɔnɔ do ƒlɛsɛtu. Ci yi Pɔlu bnuxu va tɔ jijiji ɔ, ɖajɛvi lɔ va dɔn alɔn kaka e yi eku nii yi e ƒlii juin so exɔliexɔji amɛtɔntɔlɔ ji. ci yi wo jijimɛ a kɔɛ ɔ, wo kpo mɔ yi ku vɔ. ¹⁰ Eyi Pɔlu ɖyi yi shi eju yi vayi kɔkɔɛ do alɔ mɛ yi nu nɔ amowo mɔ: « Mi ŋgbe caka le susu mɛ o. E le agbe! » ¹¹ Le e yi goduɔ, Pɔlu gbe trɔ yi la exɔliexɔji lɔ ji yi ƒen kpɔnnɔ mɛ ti ɖu yi gbe tɔ nuxu xoxo kaka eŋ ke gbɔxwe yi e va so. ¹² Ɖajɛvi lo ƒɔn yi wo kplɔɛ yi a xwemɛ. E do ŋsɛn lanmɛ nɔ amɛ sugbɔ. ¹³ Pɔlu ye sɔ gbeta mɔ ye a to nyigban mɔ yi a va so mi le Asɔsi. Miwo doŋkɔ yi ɖo etɔjihungangan yi yi nɔ ete kpɔɛ le enɔtɔxu. ¹⁴ Ci yi e va xotɔ mi le Asɔsi ɔ, e ɖo etɔjihungangan lɔ mɛ le mi gbɔ yi mi yi Mitilɛnu jugan mɛ. ¹⁵ E yi ŋkegbu ɔ, mi gbe sɔ etɔjihungangan lɔ sɔso enɔ yi vayi shiwo etɔdomɛju mɛ ŋkɔ. Ci yi eŋ gbe ke ɔ, mi yi samɔsu tɔdomɛju mɛ. Ŋkeke ci yi a kplɔ yɛ do ɔ, mi vayi Milɛ jugan mɛ. ¹⁶ Pɔlu ɖe ji mɔ ye a gu game le Azi kan mɛ o. E yi na toɖo yi hwecinu yi wo yikɔkɔ ɔ, e sɔ gbeta mɔ ye a to Eƒɛzi ŋkɔ. E ɖeɖeɛ eblɛ mɔ nɔ yɛ a nyɔ ɔ, ye a ɖo Ʒeluzalɛ,u le Panŋte koti zan lɔ gbe. ¹⁷ Vɔ ɔ, Pɔlu va dɔ ame sɔso Milɛ nɔ a vayi kplɔ Mawu ha lɔ hamɛmɛganwo vɛ nii le Eƒɛzi. ¹⁸ Ci yi wo va ɔ, e nu nɔ wo mɔ: « Mi woŋtɔwo nya le han yi ŋ nɔ agbe koɖo mi do sɔso ŋkeke ŋkɔtɔ lɔ ji, hwenu yi anyi ƒɔ ŋkɔtɔ je Azi kan lɔ mɛ. ¹⁹ Ŋsɔ enyɛɖeki hwe yi wa edɔ nɔ Mavɔmavɔtɔ lɔ, shigbe hwashi nɛnɛ, koɖo vevesese koɖo avi. Ɖo ɔ, Yuɖatɔwo donɔ ŋ kpɔ. ²⁰ Le amowo ŋmɛ koɖo axwewo mɛ, enuɖe mawla do mi ɔ, Ŋ xo nuxu nɔ mi yi kpla mi enu ciwo pleŋ yi a do alo mi. ²¹ Ŋ kpla enu Yuɖatɔwo koɖo Glɛkitɔwo mɔ wo ɖe trɔ ɖaɖa Mawu gbɔ yi a sɔ trɔ wowoɖekiwo a ji teŋ yi a xɔ miwo xwetɔ Yesunji se. ²² Ecɛ yɛ ɔ, ŋ ɖo a yi Ʒeluzalɛmu shigbe lehan yi gbɔngbɔn kɔkɔɛ lɔ drɔ do nɛnɛ. Ŋɖe nya enu ci yi a vayi jɔ do ŋ ji le enɔ lɔ o. ²³ Ci yi ɖekɛ yi ŋ nya yi nyi mɔ nɔ ŋ yikɔ jugan ɖekpokpoi mɛ ɔ, Gbɔngbɔn kɔkɔɛ ɖonɔ aƒɔ aƒɔta nɔ ŋ mɔ gakpamɛnɔnɔ koɖo vevesesewo nɔ nɔ ete kpɔ ŋ. ²⁴ Vɔ agbe kinnyɛ ɖe ɖyinɔ enuɖe do enu nɔ ŋ o. E nu ciwo le veviɖe nɔ ŋ e yi nyi kpɔ mɔ na wa edɔ ci yi axwetɔ Yesu ɖo nɔ ŋ yi a do eŋɛnyui lo nɔ agbetɔwo kaka a sɔyi vɔvɔnu. Eŋɛnyui lɔ yi donɔ asɛxomɛvuvu ciwo yi Mawu wanɔ wo. ²⁵ Ecɛyɛ ɔ, enyɛ, ŋ nya nyuiɖe mɔ miwo pleŋ ci ji ŋ ɖyi esa to yi xo nuxu koɖo axwa sɔso jeŋkuimɛ ƒiɔɖuɖu lɔ nu mɔ domɛtɔ ɖe d'a gbe va kpɔ ŋ o. ²⁶ E yi na toɖo ŋ tɛtɛ egbe do ji mɔ mi egbɛ mɔ nɔ miwo domɛtɔ ɖe va trɔn ɔ, ŋ ɖe le mɛ koɖi o. ²⁷ Ɖo ɔ, ŋ doasɛ totomɛ ci yi Mawu lɔ pleŋ nɔ mi, eɖe mawa. ²⁸ E yi na taɖo ɔ, mi le ebu nɔ miwo ɖekiwo koɖo lɛngbɔ ciwo yi Gbɔngbɔn kɔkɔɛ sɔ doashi nɔ mi mɔ miwo ɖe kplɔ. Mi le ebu do Mawu le ebu do mawu ha ci yi yiŋtɔ sɔ eviɛ jiji hun xwle. ²⁹ E nyɛ, ŋ nya nyuiɖe mɔ nɔ ŋ so le mi gbɔ ɔ, amɛ ciwo yi le shigbe elanwadanwoo nɛnewo a zo do mi mɛ yi a wa enu koɖo lɛngbɔ lɔwo. ³⁰ Ŋsu ɖewo a so miwoŋtɔwo domɛ yi a tɔ enyɔwo nunu do akpo yi a dɔn klisotowo kplɔ wowo ɖekiwo do. ³¹ E yi na taɖo ɔ, mi nɔ ŋzɔn. Mi ɖo eŋui yi mɔ e ŋui yi mɔ exwe amɛtɔn yi ŋ sɔ nɔ mi gbɔ yi ɖoɖo ɔ aƒɔ aƒɔta nɔ miwo domɛtɔ ɖeka ɖeka ezan koɖo kede koɖo ɖashi le ŋmɛ. ³² Ecɛyɛ ɔ, ŋ sɔ mi dodoɔ alomɛ nɔ Mawu koɖo e yi xomɛvu nyɔ. Xomɛvu nyɔ lo a sɛn eŋ na yi mi a shin do ji le Mawu ji xɔse mɛ. A gbe sɛn eŋ na yi mi a xɔ enu ciwo pleŋ yi Mawu gbeɖɛ nɔ amɛ ciwo pleŋ yi e na yi wo yitɔ. ³³ Ŋ ɖe sɔ ŋkovi ɖo amɛɖe, amɛɖe shika alo amɛɖe wuwo ji kpɔo. ³⁴ Miwoŋtɔwo, mi nya mɔ edɔ yi ŋ sɔ enyɛŋtɔ lɔwo wa yi kpɔnɔ enu ciwo yi wudo enyɛ koɖo amɛ ciwo yi kplɔnɔ ŋ do. ³⁵ Le enushanu mɛ ɔ, ŋ doasɛ yi nɔ mi. Nɔ wo wa edɔ nɛnɛ ɔ, e yi wo kpɔnɔ enu yi a kpedo wamɛnɔwo nu yi a sɔ ɖoɖo ɔ eŋui ebnyɔ ciwo yi Axwetɔ Yesu nu ji mɔ: " Shicu le wo a na enu amɛ mɛ sɔwu wo a xɔ enu le amɛ shimɛ.» ³⁶ Ci Pɔlu nu enyɔ hunnɔ ɖegbɔ ɔ, e je kloji yi wa kuiƒan koɖo amɛ lɔivo pleŋ. ³⁷ E yi amɛ lɔwo kpu ƒan avi sugbɔ yi ƒan Pɔlu yi kpla ashi ekɔ nii. ³⁸ Vevitɔ ɔ, wo ci ŋshishi mɛ. Ɖo Pɔlu nu nɔ wo mɔ wo d'a gbe va kpɔ eye o. Le e yi godu ɔ, wo kpɔɛ yi ɖo do kaka etɔjihungangan lɔ gbɔ.