¹ Le e yi godu ɔ, Pɔlu so le atɛnu yi yi kolɛnti jugan mɛ. ² E ya yi do Yuɖatɔ ɖeka a le enɔtɔxu. Wo yɔɛni mɔ Akilasi yi e so Pɔn kan mɛ. E yi nɛ yi Akilasi lɔ koɖo ashiɛ Plishika so le Itali yi va ci Kolɛnti jugan lɔ mɛ yɛ nɛ. Ɖo ɔ, eƒiɔgangan klodi ɖe egbe vayi mɔ Yuɖa tɔwo plɛŋ ɖe so yi yɔ wo kpɔ. ³ Ci yi e nyi edɔ ŋmɛ ɖeke watɔwo yi wo nyiɔ, e ci wo gbɔ yi wo tɔ edɔ wawa do ɖekɛ Zavacutɔ ɖeɖewo yi wo nyi. ⁴ Gbɔngbɔn ɖeka duu ɔ, Poɔlu yino Mawu sɛnxu yi va vayi dɔnnɔ enyɔ sɔso Mawu sɛnxu yi vayi dɔnnɔ enyɔ sɔso Mawunyɔ nu koɖo Yuɖatɔwo koɖo Glɛkitɔ ciwo yi sɛnnɔ Mawu. E tenɔ kpɔ Glɛkitɔ ciwo yi sɛnno Mawu. E tenɔ kpɔ nɔ wo a nya mɔ ye nyɔ nyi nyɔnɔnui yi a xɔ Yesu ji se. ⁵ Gacimɛ yi silasi koɖo Timɔte so le Maseduwanu me yi va ɖo kolɛnti jugan lɔ mɛ ɔ, Pɔlu va sɔ yiɖeki sɔ jo nɔ Mawu nyɔ nunu ɖekɛ. E ɖenɔ lehan yi Yesu Kliso do dosɛ nɔ Yuɖatɔwo. ⁶ Vɔ ɔ, Yudatɔwo trɔkpanŋkɔ yi yi zuzuiɛ. Eyi e xuxu e yi wu kɔwo yi nu mɔ: «Nɔ enuɖe va wa mi ɔ, miwoŋtɔwo nyɔ yi enyi. Enyɛ, ŋto le mɛ. Sɔso egbɛ ji jɔ amɛmanyi Yuɖatɔwo gbɔ yi na tɔ yiyi.» ⁷ Eyi e so le enɔtɔxu yi yi ŋsu ɖeka ci yi wo yɔnɔ mɔ Titiwusu ʒutusu gbɔ. Ŋsu lɔ sɛnnɔ Mawu yi e yi xwe axa nɔ Mawusɛnxu lɔ. ⁸ Klisipusu, Mawusɛnxu ga lɔ yɛ koɖo yi xomu lɔ kpu xɔ Axwetɔ ji se. Kolɛntitɔ sugbɔ ciwo yi se enyɔ ci yi Pɔlu nu xɔ Axwetɔ ji se hɛnnɛ yi wo le Mawushi nɔ wo. ⁹ Ezanme ɔ, Polu Axwetɔ ŋtegantɔ yi e nu nii mo: « ngbe vɔn o. Nu nuɔ anyi nyɔ lɔ. ŋgbe mio. ¹⁰ Ɖo ŋ le koɖo wu. Amɛɖe d'a sɛn eŋ wa enuvɔn ɖe koɖo wu o. Ɖo ame sugbɔ le jukɔn lo mɛ yi nyi kinyɛ le jugan lo mɛ.» ¹¹ Pɔlu nɔ kolɛnti sɔnanɔ exwe ɖeka koɖo efan yi nu nu ɔ. Mawu nyɔ nɔ amowo. ¹² Gacimɛ le Akayi kan mɛ ɔ, Yuɖatɔwo kanjikpɔtɔ le Akayi kan mɛ ɔ, Yuɖatɔwo pleŋ trɔkpanŋkɔ Pɔlu yi kplɔɛ yi ehwɛxɔnu. ¹³ Yi nu mɔ: « yi nu mɔ:« ŋsu cɛ trɔtrɔ susu nɔ amowo mɔ wo ɖe sɛn Mawu do alokpa ci yi ese lɔ ɖe nu ji.» ¹⁴ Gacime yi Pɔlu jijiɛ mɔ ye a ɖoŋci no wo ahan ɔ, Galiyɔn xɔ nuxu yi nu Yuɖtɔ lɔ wo mɔ: « Miwo Yuɖatɔwo, nɔ e nyi dɔndɔn ɖe han yi Pɔlu wa alo enuvɔn gangan ɖe yi e wa sa, nɔ enyɔ lɔ gbe le eɖe can ɔ, na gbɔn ji ɖɛ fɛɛ enyɔ lɔ gbe le eɖe can ɔ, na gbɔn ji ɖɛ fɛɛ yi a xɔ enyɔ nɔ mi. ¹⁵ Vɔ ci yi e nyi enyɔ yi Pɔlu dɔn koɖo mi sɔso enyɔciwo, nyikɔwo koɖo miwo sewo nu ɔ, enyɔ hunno ɖe nyi anyi nyɔ ɖe o. ŋɖe ji kojo hunnɔ hanwo ɖe a ɖo.» ¹⁶ Eyi e nya wo ti le ehwexɔnu lɔ. ¹⁷ Yuɖatɔ lɔwo kpu vayi je sosutɛnu, Mawu sɛnxu ga lɔ ji yi lii yi to xoxwii le ehxwɛxɔnu lɔ ŋkɔ. Ganŋkegan kpɔ d'e ɖyi do enu nɔ Galiyɔn kpetii o. ¹⁸ Pɔlu gbe nɔ kɔlɛnti yi xɔ azanɖewo. Le e yi godu ɔ, e klan nɔvi lɔwo yi vayi ɖo etɔ ji hungangan ɖeka yi yi sili kan mɛ. Gbɔxwe yi a so ɔ, e vɔ eta sankle. Ɖo e ɖo egbe ɖeka. Plishika koɖo Akilasi yi koɖi. ¹⁹ Ci yi wo va ɖo Efɛzi jugan mɛ ɔ, Pɔlu tashi Plishika koɖo Akilasi do enɔtɔxu yi yiŋtɔ yi Mawusɛnxu yi tɔ enyɔn dɔndɔn koɖo Yuɖatɔ sɔ so mawu nyɔ nu. ²⁰ Wowo biɔ so gbɔ mɔ yi ɖe nɔ yowo gbɔ hwɛɖeka, vɔ e gbe. ²¹ E nu nɔ wo mo: « No Mawu lon ɔ, na trɔ gbɔva mi gbɔ.» Yi ɖo etɔjihungangan yi so le Efɛzi jugan lo mɛ. ²² Hwecinu yi e vayi ɖo Sezale jugan mɛɔ, e yi Ʒeluzalemu jugan mɛ do ŋkɔ yi ɖo egbe nɔ amɛ ciwo yi le Mawu ha lɔ mɛ. Le e yi goduɔ, e vayi Antiwɔshi jugan mɛ. ²³ Eyi e nɔ lo hweɖeka gbɔxwe va so yi to Galati koɖo Filizi kanwo mɛ yi do do ɔ eji exo nɔ nukplaviwo. ²⁴ Yuɖatɔ ɖeka ci yi wo yɔnɔ mɔ Apolosu yi e so Alesandri jugan mɛ va ɖo Eƒɛzi. Enyɔ vivinɔ le aglan mɛ nii yi e gbe mɔŋje Mawu nyo mɛ nyuiɖe. ²⁵ Wo enu yi sɔso emɔ ci yi Axwetɔ ji mɔ wo ɖe to nu. Gbɔngbɔn kɔkɔɛ zo le lanmɛ nii yi e xonɔ nuxu so Yesu ŋɛnyui lo nu jɔjɔɛɖe yi gbe kplanɔ enu amowo so nu jɔjɔɛɖe. Vo ɔ, Mawushilele ci nu yi zan xo nuxu sɔso ɖekɛ yi e jeshi. ²⁶ Apolosu to nuxu xoxo kpɖo kankandoji le Mawusɛnxu lɔ. Ci Plishika koɖo Akilasi se enyɔ ci yi e nu ɖegbɔ ɔ, wo kpɔɛ yi axwemɛ yi vayi dre emɔ ci teŋ yi Mawu ji mɔ wo ɖe to nyuiɖe nii. ²⁷ Apolosu ji mɔ ye a yi Akayi kan mɛ. Nɔvi lɔwo do eji exo nii yi ŋwlɛ wema nii nɔ a sɔoyi na nukplavi ciwo yi lee ekan lo mɛ nɔ wo a xɔɛ nyuiɖe. Ci yi e vayi ɖo enɔ lɔ ɔ, e nyi tanyui nɔ ame ciwo yi va trɔ xɔsetɔ to do Mawu xomɛ vu ji. ²⁸ Ɖo ɔ e xoxoɔ nuxu le ameshame ŋmɛ nyuiɖe kaka kpɔ Yuɖatɔwo ɖe kpɔ enyɔ ɖe yi a nu nii o. Esɔnɔ Mawu nyɔ wemawo ɖenɔ lehan yi e nyi Yesu yi nyi Kliso lɔ gɔnmɛ no wo.