¹ Ci Pɔlu hpolini juganwo me yi va yi Tesalonika jugan mɛ,fi ci yi Yuɖatɔwo Mawu senxu ɖeka le. ² Pɔlu yi Mawusɛxu lɔ shigbe le han yi e wɛni do nɛnɛ. Edɔn enyɔ koɖo wo sɔso Mawu nyɔ wema lɔwo nu sɔnanɔ gbɔngbɔngbe amɛtɔn. ³ Ena yi wo mɔŋje wo mɛ klisolɔ ɖo a kpe efun, vɔ ɔ, Mawu a ƒɔin so amɛkukuwo domɛ. Enu nɔ wo :« Yesu ci nyɔ yi ŋ nunjɔ nɔ mi ɔ, e yi nyi kliso lɔ.» ⁴ Enyɔ lɔwo wa edo le lanmɛ nɔ amɛɖewo le wo mɛ yi wowo kplɔ Pɔlu koɖo silasi do. Nɛnɛ han ke yi wo gbe wa edɔ le lanmɛ nɔ Glɛkitɔ ciwo yi sɛn wo gbe wa edɔ le lanmɛ nɔ Glɛkitɔ ciwo yi sɛn nɔ Mawu koɖo nyɔnu sugbɔtɔ le amɛ ŋkuvilejiwo dodomɛ nɛ. ⁵ Vɔ ɔ, e je ŋhwan ji nɔ Yuɖatɔwo yi wo vayi kplɔ gbevuviwo le emɔwo ji bɔdo wowoɖekiwo nu yi do Ʒigidi do ahwankɔn lɔ mɛ yi na yi ezin xo le jugan lɔ mɛ. wo yi trɔdo ŋsu ɖeka ci yi wo yɔnɔ mɔ Ʒasɔn xwenyi sɔ jijiɛ Pɔlu silasi kpɔ yi a kplɔ wo yi jukɔn lɔ ŋmɛ. ⁶ Vɔ kpɔ wo ɖe kpɔ wo o. Eyi wo le Ʒasɔn kaɖo nɔvi ɖekawo sɔ yi kojoɖotɔwa gbɔ le jugan lɔ mɛ yi vayi tɔ axwa dodo enɔtɔxu mɔ: « Ŋsu cɛwo na yi zigidi nana le xexe lo pleŋ mɛ. Ecɛyɛ ɔ, wo va ɖo elɛ! ⁷ Ʒasɔn xɔ wo do e yi xwe mɛ! wo wawa onu yi dada le hlɔmu ƒiɔgangan, seza sewo ji yi nunuɔ mɔ efiɔ bu gbe li yi eyi nyikɔ nyi Yesu.» ⁸ Ci yi ahwakɔn lɔ koɖo jugan lɔ mɛ kojoɖotɔ wo se enyɔ cɛwo ɔ, wo caka le wowo ɖekiwo mɛ. ⁹ Eyi wo xɔ eho gangan ɖeka le Ʒasɔn koɖo nɔvi lɔwo shi gbɔxwe yi tashi wo. ¹⁰ Eyi zeɖeka le ezan lɔ mɛ ɔ, nɔvi lɔwo vayi ɖo Pɔlu koɖo silasi gbɔ yi wo yi Bele jugan mɛ. Ci yi wo vayi ɖo enɔ lɔ ɔ, wo yi ¹¹ Yuɖatɔwo Mawusɛn xu. Yuɖatɔ hunnɔ wo se enu gɔn mɛ sɔwu ciwo yi le Tesalonika. Wowo xɔ Mawu nyɔ lɔ ji se koɖo ezo yi ŋkeŋke ɔ, wo kakanɔ Mawu nyɔ wama lɔwo mɛ kpɔ, kpɔ mo enyɔ ciwo yi wo nunu nɔ wo nyi nyɔnɔnui mɛ. ¹² Amɛ sugbɔ trɔ xɔsetɔ le wo mɛ. Glɛkitɔ nyɔnu ŋkuvilejiwo koɖo wowo ŋsu sugbɔ ɖekawo can trɔ xɔsetɔ. ¹³ Vɔ ci yi Yuɖatɔ ciwo yi le Tesalonika se mɔ Pɔlu nunuɔ Mawu nyɔ Bele can ɔ, wo va enɔ lɔ yi tɔ Ʒigidi dodo do ahwakɔn lɔwo mɛ nɔ ezin a xo. ¹⁴ Eyi na taɖo yi nɔvi lɔwo kplɔ Pɔlu yi ɖoɖogbe zeɖeka yi ɖe do axuto ɖaa koɖyi: Vɔ ɔ, Silasi koɖo Tinɔte wowo ci Bele. ¹⁵ Amɛ ciwo yi kplɔɛ ɖe do lɔwo kplɔɛ kaka yi atɛnu jugan mɛ. Gbɔxwe wa trɔyi Bele ɔ, Pɔlu do eŋɛ nɔ wo mɔ wo ɖe do nɔ Silasi koɖo Timɔte mɔ wo ɖe ɖe eblɛ a xotɔ eye le Atɛnu. ¹⁶ Ci yi Pɔlu nɔnɔ ete kpɔ Silasi koɖo Timɔte le Atɛnu ɔ, e kpɔ mɔ vojuwo dɔ jugan lɔ mɛ sugbɔ kaka yi e gbe kpekpe nɔ eyi gbɔngbɔn. ¹⁷ Le Mawusɛnxu enɔ lɔ tɔ mɛ ɔ, Pɔlu dɔnnɔ enyɔ sɔ so Mawu nyɔ lɔ nu koɖo yɖatɔwo koɖo amɛ ciwo yi sɛnnɔ Mawu. Nɛnɛke ŋkeŋke ɔ, e gbe wɛɛni koɖo amɛ ciwo yi edo nɔ go wo. ¹⁸ Ŋununyatɔ Epikui gbɛvi ɖekawo koɖo ŋununyatɔ shitowa gbɛvi ɖekawo va yi yi a va kan aseŋ koɖo Pɔlu. Wowo domɛtɔ ɖekawo biɔbiɔ wowoɖekiwo se mɔ: « Enyɔ ci yi nuxusugbɔxotɔ hunnɔ nunuɔ? » Amɛ buwo nunuɔ mɔ: « e le shigbe mɔ enusɛnsɛn ciwo yi ɖe le miwo gbɔ le elɛ nu yi e xoxo ɔ nunnu so nɛnɛ.» Wo nunuɔ nɛnɛ, ɖo pɔlu xoxo ɔ nuxu sɔso Yesu koɖo ƒɔnɔnsɔso ekuvodi nu. ¹⁹ Eyi wo le Pɔlu yi kplɔɛ yi ejunyɔxoxu, ti ci yi wo yɔ nɔ alewopaʒi yi nu nii mɔ: « Mi a sen eŋ nya enu ci yi nyi nukplamɛnyɔ yoyu ci yi nu ɔ yi e le a? ²⁰ Ɖo ɔ, e le enyɔ ciwo yi mi ɖe se kpɔ wo nuɔ do etomɛ nɔ mi. Mi ji mɔ a se enyɔ lɔwo gɔnmɛ.» ²¹ Nyɔnɔnuitɔ ɔ, Atɛnutɔwo kpu koɖo mɛdvu ciwo yi le jugan lɔ mɛ zannɔ wowo gamɛwo a sɔ seseɛ enyɔjɔjɔyoyuwo yi gbe xonɔ nuxu so wa nu. ²² Pɔlu so je ete le dodomɛ no ejunyɔxoxu lɔ yi nu nɔ wo mo: « Atɛnwo, ŋ do jeshii le miwo nuwawawo pleŋ mɛ mɔ mi sɛnnɔ enu sugbɔ wo. ²³ Ɖo hwecinu ŋ ɖyidyiɔ esa le jugan lɔ mɛ yi kpɔkpɔ miwo nusɛnsɛnwo ɔ, ŋ kpɔ yi wo ŋwlɛ do avɔsakpe ɖeka nu mɔ: " Avɔsakpe cɛ nyi enumajeshi ci yi wo sɛnsɛntɔ. E yi na taɖo ɔ, enumajeshi ci yi mi sɛnsɛn tɔ! E yi na taɖo ɔ, enumajeshi ci yi wo sɛnsɛn tɔ nu yi enyɛ, ŋ xoxo ɔ nuxu sɔso mi mi. ²⁴ Mawu ci yi wa egbɛ lɔ koɖo enushianu ci yi le mɛ, amɛ ci yi nyi axwetɔ le jeŋkui mɛ yi gbe nyi nyigban ji ɖe nɔnɔ axwe ci agbetɔ wo sɔ alɔ cu nii mɛ o. ²⁵ E yi dɔ ɖe Ʒian agbetɔwo lɔ o. Ɖo enuɖe ɖe hwedii o. E yi na agbe, gbɔngbɔn koɖo enu kpɛtɛwo plɛŋ amɛhamɛ. ²⁶ Amɛ kuɖeka yi e wa yi sɔ wa jukɔnwo pleŋ nɔ wo yi gbe ɖo eshihwenuwo koɖo efiɔwo nɔ wo yi gbe ɖo eshihwenuwo koɖo eƒiɔtowo ɖɛ. ²⁷ Mawu wa enu lɔ nɛnɛ nɔ agbetɔwo ajii. Nɔ e yi kpɔkpɔ gbe ɖeɖe ɛ eƒun nɔ wo can, d'ejiji le amɛɖeka, amɛɖeka gbɔ o. ²⁸ Ɖo, " E yi mɛ yi mi mi nɔnɔ agbe le , yi yikɔ yi gbɔgbɔ yi le lehan yi mi le do cɛ." Enyɔ hunnɔ cucucu yi miwo hajitɔwo domɛtɔ ɖekawo nu vayi mɔ: " Mawu eviɛwo yi mi nyi hɛnnɛ." ²⁹ Ci yi mi nyi Mawu eviɛwo hɛnnɛ ɔ, mi ɖe do yi a sɔ Mawu dodoɔ acikpakpɛ ci yi agbetɔ ɖe susu yisɔ shika, ehokɔ alo ekpe mɛ koɖo adaŋ toxvo. ³⁰ Vɔ ɔ Mawu va ŋwla ŋkuvi do enu ciwo agbetɔwo wa le manyamanya mɛ. Ecɛyɛ ɔ, e va yɔyɔ wo plɛŋ le aƒiɖe kpokpui pleŋ mɔ wo ɖe trɔ wowoɖekiwo a ji ³¹ .Ɖo ɔ, e ɖo azan ɖeka ɖɛ yi a va ɖo kojo jɔjɔɛɖe koɖo amɛshama ci yi le xexe lɔ kpu mɛ to amɛ ɖeka ci e can ji. mawu doasɛ nɔ amɛshamɛ mɔ ye gbɔgbɔ kojo lɔ ɖogbe nyɔnɔnui sɔ to amɛ cancan lɔ ji ŋacimɛ yi eƒɔin so ekuwodi». ³² Ci yi wo se yi Pɔlu xo nuxu sɔso ƒɔnƒɔnspkuwod nu ɔ, amɛ ɖekawo tɔ kokoi yi amɛ ɖowo nu nii mɔ: « Gabumɛ, mi a gbe va se yi na nu enyɔ hunnɔ ke.» ³³ Eyi Pɔlu so le wo gbɔ. ³⁴ Ganŋgan ɔn amɛ ɖowo gbe kpɔɛ do yi xɔ Yesu ji se. Amɛ lɔwo domɛtɔ ɖekawo yi nyi ŋsu ci yi wo yɔnɔ mɔ Denisi ejunyɔxaxu gawo domɛtɔ ɖeka koɖo nyɔnu ci yi wo yɔ nɔ mɔ Damalisi sɔkpenɔ amɛ buwo.