¹ Amɛɖewo so Ʒuɖe kan mɛ yi va Antiwɔshi jugan mɛ yi va tɔ enukplakpla nɔvi xɔsetɔ lɔwo mɔ: «Nɔ mɛɖe de so evo shigbe lehan yi Mɔyizi se nui do nɛnɛ ɔ, d'a kpɔ hwlɛngan o.» ² Pɔlu koɖo Banabasi wo de xɔ egbe do amɛ lɔwo nyɔ ji, yi dɔn lɔ koɖo wo sugbɔ. Eyi wo va sɔ gbeta mɔ Pɔlu koɖo Banabasi koɖo Antiwoshi tɔ ɖewo ɖe yi Ʒeluzalɛmu a yi enyɔ lo kpɔ koɖo dɔlawo koɖo hamɛmɛganwo . ³ Ci yi Mawu ha lo dɔ wo ɖaɖa nɛnɛ ɔ, wo to Fenisi koɖo somali kanwo mɛ yi nunuɔ, lehan yi amɛmanyi Yuɖatɔwo trɔva Mawu gbɔ do nɔ amowo teŋteŋ. Enyɔ lɔ jɔ eji nɔ nɔvi xɔsetɔ lɔwo kpu. ⁴ Ci yi wo va yi Ʒeluzalɛmu jugan mɛ ɔ, Mawu ha koɖo dɔlawo koɖo ehamɛmɛgan lɔwo xɔ wo yi wo nu ciwo yi Mawu wa to wo ji nɔ wo . ⁵ Ci yi wo xo nuxu ɖegbɔ ɔ, Falisitɔ domɛtɔ ɖeka ciwo yi va trɔ xɔsetɔ le eno lɔ nu mɔ: « Wo ɖo a so evo nɔ amemanyi Yuɖatɔ ci yi va trɔ xɔsetɔ yi a gbe ɖo ekpe yii ji nɔ wo mɔ wo ɖo a wa do ese ci yi Mawu so to Mɔyizi wo ji.» ⁶ Eyi dɔla lɔwa koɖo ehamɛmɛgan lɔwo bɔ yi a le enyɔ lɔ kpɔ. ⁷ Wo dɔn enyɔ lɔ nyuiɖe gbɔxwe yi Piyɛ va xɔ nuxu yi nuxu yi nu mɔ: « Nɔvinyɛwo mi ɖo ŋuin mɔ vayi ɖe Mawu can ŋ le miwo domɛ mɔ nyɛ ɖe vayi do eŋɛnyui lɔ nɔ amɛmanyi Yuɖatɔwo nɔ wo a se enyɔ lɔ yi a xɔ ye ji se. ⁸ Eyi Mawu ci yi kpɔnɔ ejimɛ nɔ amɛ na gbɔngbɔn kɔkɔɛ wo shigbe nɔ wo. ⁹ Mawu ɖe do emɔ to do miwo koɖo wo mɛ o. E klɔ wowo jiwo me ɖo wo xɔɛ ji se taɖo. ¹⁰ Evie ɖee ŋɖe na taɖo yi mi dodo ɔ MAwu kpɔ yidodoɔ agban ci miwo koɖo miwo tɔgbiwo ɖe sɛn ŋ kɛin nɔ nukplavi lɔwo? ¹¹ Vɔ ɔ, mi bu mɔ lehan yi Mawu hiwlɛn miwo gan to do axwetɔ Yesu dɔmɛnyɔnyɔ ji ɖe nɛn ke yi e hwlɛn wowo can do nɛ.» ¹² Eyi wo kpu bɔ nu kplii yi ɖo ɖoɔ eto jeshidu koɖo enoudanŋdonu ciwo pleŋ yi Mawu wa to Banabasi koɖo Pɔlu ji le amɛmanyi Yuɖatɔwo mɛ. ¹³ Ci yi Pɔlu Banabasi xo nuxu ɛgbɔ ɔ, Ʒaki nu mɔ: « Nɔvinyɛwo mi ɖo eto ŋ! ¹⁴ Shimɔ dre lehan yi Mawu le bu nɔ amɛmanyi Yuɖatɔwo do yi can jukɔn ɖeka le wowo domɛ nɔ wo a nyi e yi jukɔn. ¹⁵ Enyɔ lɔwo je koɖo Mawu ŋɛdotɔwotɔ.Nyɔnɔnuitɔ ɔ, wo ŋwɛ doɖɛ do blibu mɛ mɔ: ¹⁶ Le eyi goduɔ, na va trɔgbɔ, yi a va trɔ a cu Davidi xwe ci yi gban sasa lɔ. Na trɔ a cui yi a ƒɔin do ete. ¹⁷ E yi mɛ amɛ kpɛtɛwo a tɔ enyɛ Mavɔmavɔtɔ jiji kpɔ. Yi akɔta ciwo pleŋ yi ŋyɔ nɔ wo a va trɔ kinyɛwo. Enyɔ ci yi enyɛ mavɔmavɔtɔ nu yi gbe wa nɛ. ¹⁸ Enyɛ ci yi donɔ asɛ anyi mɔwo nɔ amɛwo sɔso tɛgbɛɛ yi nui. ¹⁹ E yi na taɖo ɔ, enyɛ Ʒaki ŋ xɔ egbe mɔ wo d'a do aya nɔ amɛmanyi Yuɖatɔ ciwo yi trɔva Mawu gbɔ o. ²⁰ Vɔ ɔ, mi a ŋwlɛ wema no wo mɔ wo de ɖo anyi hetelitɔnɔwo o. wo de ɖo a ɖu elan ci yi wo sɔ sa avɔ nɔ vojuwo o. Nɛneke yi wo de ɖo a tɔ enu ehun o nɛ. ²¹ Ɖo amɛwotɔ axwa dodo yi xoxoɔ nuxu so ese ciwo yi Mawu sɔ to Mɔyiziji nu le ejuganwo mɛ viɛ ɔ, eyi tɔxu ɖe sɔ ɔ. Nɛnɛke wo gbe hlɛnnɔ wo le Mawusenxunco le gbɔngbɔngbe ɛkpokpui nɛ.» ²² Susu ci yi wo ɖe lo je eŋ nɔ amedɔdɔwo koɖo ehamɛmɛgan koɖo Mawu ha lɔ mɛ yi sɔ bɔ ɖe Pɔlu koɖo Banabasi nu nɔ wo a yi antiwɔshin jugan mɛ keŋ yi a sɔ wema ci yi wo ŋwlɛ lo yi na Klisotɔ lɔwo. Amɛ ciwo yi wo can lɔwo yi nyi Yuɖa ci yi wo gbe yɔnɔ mɔ Banabasi koɖu silasi. Amɛgleuvile ji wa yi wo nyi le Mawu ha lɔ mɛ. ²³ Wo ŋwlɛ do wema lo ci wo sɔ doashi nɔ wo mɛ mɔ: «Miwo, emiwo, amɛdɔdɔwo koɖo ehamɛmɛganwo do egbe ɖaɖa miwo Klisotɔ amɛmanyi Yuɖatɔ ciwo yi le Antiwɔshi jugan koɖo sili koɖo silisi kanwo mɛ mɛ. ²⁴ Mi se mɔ miwomɛ ɖekawo va mi gbɔ yi na do vɔnvɔn nɔ mi yi gbe caka susu nɔ mi koɖo enyɔ ɖekawo vɔ kpɔ mi de dɔ edɔ ɖe wo o. ²⁵ Eyi na tado mi sɔ egbe ɖo eju yi e je eŋ nɔ mi yi mi can amɛwo bɔdo miwo nɔvi vevi Banabasi koɖo Pɔlu nu yi dɔ wo ɖaɖa mi. ²⁶ Banabasi koɖo Pɔlu nyi amɛ ciwo yi wowo gbewo ke eku eta nɔ Axwetɔ Yesu kliso dɔ lɔ. ²⁷ Yuɖa koɖo silasi yi mi dɔ ɖaɖa mi nɔ wo a gbe ɖe eyɔ ciwo yi mi ŋwlɛ do wema cɛ mɛ gɔnmɛ mɔ mi le ŋmɛŋmɛ. ²⁸ Nyɔnɔnuitɔ ɔ, e je eŋ nɔ gbɔgbɔn kɔkɔɛ koɖo miwoŋtɔwo can mɔ mi d'a do agban nɔ mi to akpo nɔ enu ciwo yi le veviɖe o. ²⁹ Mide ɖo yi a ɖu elan ci yi wo sɔ sa avɔ nɔ vjuwo o. Nenɛke mi ɖe ɖo a tɔ enu ehun nɛ kpɔ mi de ɖo aɖu elan ci yi hun ɖe kɔdo nyigban. Mi de ɖo a nyi hetelitɔnɔwo. Nɔ mi va do ese cɛwu jiɔ a nyɔ nɔ mi. Ewa....!» ³⁰ Amɛ ciwo yi wo dɔ ɖaɖa edɔ gbe lɔwo so le Ʒeluzalemu yi jeŋkɔ hntiwɔshi jugan lɔ mɛ. Ci yi wo vayi ɖo ɔ, wo bɔ Klisoto lɔwo Pleŋ yi sɔ wema lɔ jo nɔ wo. ³¹ Wo hliin, eyi ci yi wo sii ɔ, eji jɔ wo. Ɖo enyɔ lɔwo do ŋsɛɛn lanmɛ nɔ wo. ³² Mawu ŋɛdotɔwo yi nyi Yuɖa koɖo Silasi hɛnnɛ. Wo kpla enu sugbɔ Klisotɔ lɔwo a sɔ do ŋsɛn lonmɛ nɔ wo le Mawujixɔse mɛ. ³³ Wo nɔ enɔ lɔ viɖeka gbɔxwe yi va so. Klisotɔ lɔwo klan wo mɔ wo a zɔn emɔ le ƒaƒa mɛ yi a gbe kpɔ wowo mɛwo nyuiɖe . ³⁴ (Vɔ ɔ, Silasi ye so gbeta mɔ y'a ciwo gbɔ.) ³⁵ Pɔlu kodo Banabasi wowo ci Antiwɔshi jugan mɛ yi wowo koɖo amɛ sugbɔ buwo to enu kplakpla amɛwo yi gbe nunuo Mawumavɔtɔ nyɔ nɔ wo. ³⁶ Le ŋkeke ɖewo godu ɔ, Pɔlu va nu nɔ Banabasi mɔ: « nɔ mi a gbe trɔ yi jugan ciwo pleŋ mɛ mi nu Axwetɔ nyɔ to sasa keŋ a kpɔ lehan yi miwo nɔvi Klisotɔ lɔwo le do. ³⁷ Banabasi ji mɔ no yewo yikɔ ɔ, Ʒan ci yi wo yɔnɔ mɔ Maki a kplɔ yewa do hɛnnɛ. ³⁸ Vɔ ɔ, Pɔlu kpɔ mɔ yewo ɖe ɖo a wɛ nɛnɛ. Ɖo ɔ, Maki lɔ trɔ gbeɖe wo ɖɛ vayi le Panfili kan mɛ yi d'e gbe yi edɔ lɔ gbe koɖo wo o. ³⁹ pɔlu koɖo Banabasi do ɖyika do enyɔ nɔ ji sugbɔ kaka klan yi Banabasi kpla Maki yi wo ɖo etɔjihungangan ɖeka yi kpe shiplo tɔdomɛju mɛ. ⁴⁰ Eyi Pɔlu silasi mɔ yi ɖe va kplɔ eye yi , Klisotɔ lɔwo sɔ wo do alɔmɛ nɔ Mavɔmavɔtɔ xomɛvu yi wo jeŋkɔ. ⁴¹ Pɔlu ɖyi esa to do sili koɖo Silisi kanwo mɛ yi ƒaƒa akɔn nɔ Mawu ha lɔwo.