¹ Nɔvinyɛwo, mi ji mɔ mia nya mɔ Mawu wa xomɛvunu nɔ Eha ciwo yi le Masediwanu kan mɛ. ² Ciyi eha hunɔ lɔwo sɔtɔ vevesese sugbɔ mɛ can ɔ, eji gbe jɔjɔ wo ɖoɖu. Kpoxi teŋ ci mɛ yi wo le koɖo wowo jijɔkpɔkpɔ lɔ na yi enunanamɛ jijɔ ɖo wo mɛ. ³ Enyɛtɔ ŋ ɖoɖo ekpe i ji do enu nɔ wo mɔ wo nana enu ci yi ji wo kpe. Hɛnnɛcan ɔ, wo nana enu zeto ci ji wo kpe nu koɖo eji faa. ⁴ Wo biɔ miwo le ɖe emɔ nɔ yewo a nyɔ efu do ʒude kan mɛ xɔsetɔwo kpekpedonu dɔ ci yi wo ssɔ ɖo ete mɛ. ⁵ Wo wɛɛ sɛwu ci nu yi miwo ɖo eŋu do le wo gbɔ. Do ŋkɔ ɔ, wo sɔ wowoɖekiwo jo nɔ Axwetɔ yi evetɔ lɔ ɔ, wo gbe sɔ wowoɖekiwo jo nɔ miwo hɛnnɛ sɔ toto Mawu dro mɛ. ⁶ Eyi na taɖo yi mido ŋsɛn lanmɛ nɔ Titu mɔ ci yi yi je enumana faa cɛ dɔ gɔmmɛ le migbɔ ɔ, yi le yi ji yi a ɖe egbɔ i. ⁷ Ecɛyɛ ci yi mi je dɔku le enuwo pleŋ mɛ : xɔseɖoɖo, nuxuxoxo, ŋununyanya, ezosɔsɔdenunu hamɛhamɛwo sɔkpenɔ lɔnlɔn ɖoɔ nɔ mi ɔ, mi a gbe yi ŋkɔ do ji le kpekpedonu nunana cɛ mɛ hɛnnɛ. ⁸ D'é nyi egbe yi e nyi yi ŋ ɖeɖeɔ nɔ mi go ŋ xoxoɔ nuxu nɔ mi soso ezo ci yi amɛ eɖewo sɔnɔ do enu nunɔ miwo can mi doasɛ lehan yi miwo lɔnlɔn nɔ mi nyi akun-akun do. ⁹ Do ɔ, mi jeshi xomɛvu ci yi miwo xwetɔ yesu Kliso wa nɔ mi : eyɛ ci yi nyi dɔkunɔ ɔ, e sɔ yiɖeki wa ayatɔnɔ do miwo ta keŋ yi a do dɔku axwe nɔ miwo sɔto yi ayajeje mɛ. ¹⁰ Lehan yi ŋ kpɔɛ doyi ŋ nunuɔ nɔ mi le kpekpedonu nunana nyɔ cɛ mɛ mɔ : e do mi ji, miwo ciwo yi nyi amɛ ŋkɔtɔwo kɔnmɔlike vayi yi ji mɔ yewo a wa enunana hunnɔ lɔ yi gbe sɔ gbeta kaka tɔɛ ji. ¹¹ Ecɛyɛ ci yi e le ahan ɔ, mi wa enu wa lɔ do a sɔ koɖo edronyui cihan yi mi do koɖo enu ciwo yi mi zan yi sɔ wɛɛ. ¹² Nyao ɔ, nɔ e nyi mɔ edroyui li ɔ d'e nyi enu ci yi de le amɛ shigo nu yi Mawu kpɔkpɔ nɔ Mawu do enu ci yi le amɛ shi taɖo. ¹⁴ Ɖo ɔ, d' e nyi kpɔ mɔ mi a sɔ miwoɖekiwo do vevesese mɛ yi a sɔ do jijɔ nɔ amɛ buwo yɔ go. Vɔ mi tekpɔ yi a wɛɛ vevemase nɔ enu ci yi to le mɛ nɔ wo. ¹³ Le nɔnɔmɛ cɛ mɛ yɛ ɔ, enu ciwo su egbɔ le miwo shi a xe eʒiantɔxu nɔ amɛ ciwo yi le eʒian mɛ. Nɛnɛke yi enu ciwo yi su egb ɔle wowo can shiaxe gbangbantɔxu nɔ mi hɛnnɛ nɛ. Ahan ɔ, mi a nɔ alɔ ɖka ji yi a le ssɔɔminasɔɛ. ¹⁵ E le nɛɛ shigbe lehan yi wo ŋwlii daɖɛ do Mawu nyɔ wema ɖeka mɛ do nɛ mɔ: « Amɛ ci yi wa enu sugbɔ ɖɛ ɔ, d'e su egbɔ nii ɖoɖu bu ɖe go. yi amɛ ci yi wa enu hweɖeka ɔ, d'e va ʒian enuɖe go.» ¹⁶ Kanffukanfu nɔ Mawu nɔ ci e sɔ ezosɔsɔdonunu hunnɔ do lanmɛ nɔ Titu do mi nu. ¹⁷ Ɖo ɔ, exɔ miwo ŋsɛndolanmɛnɔamɛ lɔ koɖo ezo sɔwu enuɖe. Yiŋtɔ dro faa mɛ ti e je emɔ yi gbɔgbɔ mi gbɔ le. ¹⁸ Titu koɖo nɔvi ci yi Mawu hawo pleŋ kanfukanfu edɔ ci yi e wawa le Eŋɛnyui lɔ nunu mɛ taɖo yi mi ɖɔɖɔ ɖaɖa mi ¹⁹ Sɔwu nɛn ɛɔ, Mawu ha lɔwo sɔ nɔvi hunnɔ lɔ nɔ a zɔnnɔ emɔ koɖo mi le kpekpedonu dɔ cɛ mɛ. Wo sɔ eɖɔ hunnɔ lɔ doashi nɔ mi nɔ a nyi kanfukanfu nɔ Axwetɔ ŋtɔ yi gbe ɖeɖe kpakpa ci yi sɔsɔ mi do edɔ lɔ nu doasɛ. ²⁰ Mi de ji mɔ amɛɖe a va kpɔ afɛn ɖe nɔ mi le eho nɔnui jjɔɔ dɔ ci yi wo sɔ do alɔmɛ nɔ mi mɛ go. ²¹ Ɖo ɔ, d'e nyi kpɔ mɔ Tɔhonɔ ŋmɛ ɖekɛ yimi jijiɔ veviɖe mɔ mia wa enu ci yi nyɔ le go. Vɔ ɔ, mi gbe jijiɔ mɔ mi a wa enu ci yi nyɔ lɔ le agbetɔwo ŋmɛ hɛnnɛ. ²² Mi sɔ miwo ŋɔvi bu bɔdo amɛ ciwo yi mi dɔdɔ ɖaɖa mi nu. Mi do yi zosɔsɔdonunu kpɔ sugbɔ le nɔnɔmɛ sugbɔ mɛ kpɔ yi e gbe dodo asɛ ezo lɔ yɛ do kankandoji blebu ciyi é ɖo do mi nutaɖo. ²³ Titu yɛ ɔ any bɔdonutɔ ciyi enyɛ koɖo eyɛ nyi edɔɖekɛwatɔ yɔ. E le edɔ ji nɔ Kliso lɔ le miwo domɛ. Miwo nɔvi kpɛtɛwo ɔ, wowo nyi Mawu ha lɔwo mɛɖɔɖɔwo yi wo le edɔ wawa nɔ Kliso lɔ kanfukanfu. ²⁴ Ci yi e le nɛnɛ, nɔ wo va ɖo mi gbɔ ɔ, midoasɛ lehan yi mi ɖo lɔlɔn nɔ mi do nɔ wo. Nɛnɛ ɔ, Mawu ha lɔwo a kpɔ yi a kandoji mɔ 'é nyi gbali yi mi vo eŋ fɛɛ do mi nu go.