¹ Any xlɔ veviwo, ci yi Mawu ŋgbedodo hunnɔ hanwo li ɖɛ nɔ mi ɔ, mi na nɔ mi a klɔ enu ciwo yi xonɔ edyi lankpu koɖo gbongbɔn soso miwoɖekiwo nu yi a sɔto Mawu vɔnvɔn mɛ keŋ yi a nɔ anyinɔnɔ do kɔkɔɛnyinyi me vɛ. ² Mi na texwe mi do miwo jiwo jiwo mɛ Mi de wa evɔn ɖe koƒo amɛɖɛ go; mi de sɔ amɛɖe ɖu agban go yi mi tafu amɛɖ e do go. ³ ŋ de nunuɔ nɛnɛ yi a sɔ do ehwɛ nɔ mi go. Ɖo ɔ, ŋ nui vayi vɔ mɔ, mi le ejmɛ nɔ mi sɔyi ekugbe agbegbe ⁴ ŋ kando mi ji sɔgbɔ, ŋ vo fɛɛ kɔŋ do mi nu, ŋsɛndolanmɛnɔaùɛ va nɔ ŋ kaka kpɛtɛ cɔ in ; jijɔ ɖɔ ŋ mɛ kaka gban ago le miwo vevesese pleŋ mɛ. ⁵ Nyao, ɔ, soso hwenu yi mi va ɖo Maseduwanu kanlɔ mɛ ɔ, mi de va kpɔ vovo eɖeeɖee go. Vɔ ɔ, wo do aya nɔ mi sɔtɔ alɔkpawo pleŋ ji : ahwawawa yiyiɔ eji koɖo mi le agogbe yi xomɛ ageɔ, vɔnvɔnwo le mimɛ. ⁶ Vɔ ɔ, Mawu ci yi donɔ ŋsɛn lanmɛ nɔ amɛ ciwo yi amɛɖekihwehwe le lanmɛ nɔ do ŋsɛn lanmɛ nɔ mi sɔto vava ci yi titu va mi gbɔ ji. ⁷ D'e nyi kpɔ mɔ yi vava lɔ ɖekɛ y wa edɔ hunnɔ le mi mɛ go. Vɔ ɔ, ŋsɛndolanmɛnɔamɛ ci yi e xɔ sosso mi gbɔ nɔ mi can yi gbe wa nɛnɛ dɔ le lanmɛ nɔ mi. E nu lehan yi e drodroɔ mi xaxaxa mɔ yewo gbe trɔkpɔ ŋ do, avin ciwo fanfan yi mi le koɖo kpakpa ci yi sɔsɔ mi do any ta hwlɛnhwlɛn nu nu. Ci yi ŋ se enyɔ hunnɔwo, any jijɔ gbe va wu egan do ji. ⁸ Nɔ e nyi kpɔ mɔ wema ciyi ŋ wwa ɖaɖa mi vayi na mɔ mi ci ŋshishi mɛ can ɔ, d'e ve nɔ ŋ go. Nɔ e nyi kpɔ mɔ e ve nɔ y vayi nɔ ci yi ŋ kpɔ mɔ wema lɔ na yi mi ci ŋshishi mɛ sɔnanɔ hwenu kleŋ ɖe can ɔ, ⁹ ecɛyɛ ŋ va le jijɔ kpɔɔ. D'e nyi ci mi ci ŋshishi mɛ vayi taɖo yɔ go. Vɔ ɔ, ŋ le jijɔ kpɔɔ mɔ ŋshishi ci mɛ mi nɔ na mitrɔ miwoɖekiwo yi ji teŋ. Ɖo ɔ minɔ ŋshishi mɛ shigbe lehan yi e dro Mawu do nɛ kaka ele mɔ d'e nyi miwo yi a enuɖe koɖo mi go. ¹⁰ Nyao ɔ, ŋshishimɛ nɔnɔ sɔto Mawu dro mɛ hɛnnɔ amɛɖeki trɔtrɔaji teŋ ciyi na yi wo kpɔnɔ hwlɛngan va. Wo de va nunɔ mɔ ŋ nya sasa nɔ eyɛ go. Vɔ ɔ, ŋshishimɛ nɔnɔ sɔto xexe lɔ deo mɛ yɛ hɛnnɔ eku va. ¹¹ Mi kpɔ eku ciwo yi ŋshshimɛnɔnɔ sɔto Mawu dro hunnɔ lɔ ke sɛn le mi mɛ da ! Ejulɔlɔ do enu nu ke a ! Etahwlɛnhwlɛn nɔ amɛɖeki ke a! vɔnvɔn ɖoɖo nɔ Mawu ke a! Nɔvi lɔnlɔn ke a ! Mi doase sɔto alɔkpawo pleŋ mɛ mɔ xomɛvunɔwo yi mi nyi le enyɔ hunnɔ lɔ mɛ. ¹² Ci yi e le ahan nɔ ŋ ŋwlɛ wema hunnɔ ɖaɖa mi vayi ɔ, d'e nyi enuwakoɖoamɛ taɖo alo do gbazavisetɔ taɖo yɔ go. Vɔ ŋ ŋwlii ɖaɖa mi yi a sɔ doasɛ lehan yi mi yanɔ eŋ do mi. ¹³ E yi na taɖo yi e do ŋsɛn lanmɛ nɔ mi. Gbe sɔkpenɔ ŋsɛndolanmɛnɔamɛ hunnɔ ɔ, eji gbe jɔ mi sugbɔ do jijɔmɛ ci yi Titu le yi susu mɛ vo nii do mi nu taɖo. ¹⁴ Nɔ ciyi ŋ kpɔɛ ŋ doasɛ mɔ ŋ vo ƒɛɛ do mi nu ɔ, d'e nyi ŋkpɛn nyɔ ɖe ŋɔ ŋ go. Shigbe lehan yi mi tonɔ nyɔnɔnui nɔ mi tɛgbɛɛ do nɔ ɔ, ahanke yi enu ci yi sɔ mi vo fɛɛ do mi nu hwenu mi kpɔ Titu can gbe va ze petii shigbe lehan yi nyɔnɔnui zenɔ do nɛ. ¹⁵ Nɛnɛ ɔ, nɔ e ɖo eŋui lehan yi mi pleŋ se etonule enushanu mɛ do ɔ, xomɛfafa ggbe jejeɔ xomɛfafa ji nii do minu. Do ɔ mi xɔɛ koɖo vɔnvɔn koɖo hunhunhun. ¹⁶ Eji jɔjɔ ŋ lɔ na sɛn eŋ ɖe eji do nu le enushanu mɛ.