¹ Ci yi miwo bɔ nyi edɔwatɔ koɖo Mawu ɔ, mi dodoɔ ŋsɛn lanmɛ nɔ mi mɔ miwo ŋgbe xɔ Mawu xomɛvunu tɔ do gbalimɛ go. ² Do' ɔ énu mɔ : « Do gamè enyuii lɔ , ŋ tɔ nɔ eo. Ci yi hwlɛngan ga xo ɔ, ŋ hwlɛn eogan. » Eyi ke trololo cɛɛ yi nyi hwenu nyuilɔ ke, kaakacɛ yi nyi hwlɛngan ŋkeke lɔ ke! ³ Mi de sɔ enyɔ ɖe dodaa do atɛ ji nɔ a nyi afɔklɛnnu nɔ amɛɖe go. Nɔ é nyi nɛnɛ ɔ, amɛɖe ŋgbe kpɔ enyɔ ɖe yi a nu sɔsɔ miwo dɔwawa nu go. ⁴ Vɔ le enushanu mɛ ɔ, mi sɔ miwoɖekiwo wanɔ amɛxodowo yi donɔ asɛ miwoɖekiwo shigbe Mawu dɔwatɔwo nɛnɛ : mi donɔ vevi enu sugbɔ le vevesesewo, cakacakawo, koɖo le jikasoifunkpekpewo hwenu. ⁵ Mi donɔ vevi enu le amɛxoxowo, egakpamɛwo, hunnyahunnyawo, edɔ sɛnŋsɛnŋwawo, alɔnmadɔnwo koɖo enumaɖuwo hwenu. ⁶ Mi donɔ vevi enu le mɛmɛjinɔnɔ, enunyanya, jigbɔnɖɛ, ɖɔmɛnyɔnyɔ,Gbɔngbɔn kɔkɔɛ, lɔnlɔnɖoɖo ayemɛnumanɔmɛ mɛ. ⁷ Mi donɔ vevi enu le nyɔnɔnui nuxuxoxo, Mawu ŋsɛn, jɔjɛnyinyi hwaƒɔnƒɔn hwawawanuwo koɖo yi hwanyanya hwawawanuwo zanzan mɛ, ⁸ le amɛkanfukanfu koɖo le amɛgbaligbali mɛ, le ehɛndoamɛ koɖo nyikɔnyuixɔxɔ mɛ. Amɛwo kpɔnɔ mi do evixotɔwo ji gankegan yi mi nyɔnɔnuitɔwo. ⁹ Wo kpɔnɔ mi do amɛmajeshiwo ji gankegan yi amɛshamɛ jeshi miɖɛ. Wo kpɔnɔ mi dio amɛ ciwo yi le ekudinu ji gankegan yi le agbe cekeceke. ¹⁰ Wo kpɔnɔ mi do amɛ ciwo dɔndɔn eto nɔ ji gankegan kpɔ wo de wu mi go. Wo kpɔnɔ mi do ŋshishi mɛwo ji gnkegan yi mi le jijɔ mɛ tɛgbɛɛ. Wo kpɔnɔ mi do ayatɔnɔwo ji gankegan yi mi do ɖɔku amɛ sugbɔtɔ. Wo kpɔnɔ do enuɖe mawaɖɛtɔwo ji. ¹¹ Nɔvi Kolɛntitɔwo, mi xo nuxu nɔ mi vovomɛtɔ. Mi hun miwo xomɛ nɔ mi vɛ gbajaa. ¹² Mi de wa xomɛkucui do mi go. Vɔ ɔ, mioŋtɔwo yi wa xomɛkucui. ¹³ Ecɛyɛ ɔ, ŋ xoxoɔ nuxunɔ mi shigbe exinyɛwo yi minyi nɛnɛ mɔ nɔ mi a sɔ ɖo xomɛ ci yi mi hunnɔ nɔ mi ŋci ɔ, miwo hun xomɛ nɔ mivɛ gbajaa. ¹⁴ Mi ŋgbe dodoɔ eha koɖo maxɔsetɔwo go. Mi d'a sɛn eŋ nɔ dekɛ go. Nyao ɖee ekacaca ciyi a sɛn le jɔjɔɛnyinyi koɖo enuvɔn domɛ ɔ? ¹⁵ Ɖekawawa ci yi le kliso kodo Betiya, ci yi xɔsetɔ a sɛn eŋ ɖo koɖo maxɔsetɔ ɔ? ¹⁶ Ekacaca ciyi le kuifantɔxu koɖo vojuwo domɛɔ? Nyao ɔ, miwo ɖe, miwo yi nyi Mawu agbeagbe lɔ kuifantɔxu shige lehan yi Mawu ŋtɔ nui do daɖɛ ŋɛŋɛ mɔ: « Na nɔnɔwowo domɛ yi a zɔnzɔn koɖo wo. Na nyi wo Mawu yi wowo ɔ, wo a nyi anyi jukɔn.» ¹⁷ ɔ, eyi na taɖo yi Tɔhonɔ gbe nu ke mɔ: « Mi to soso wowo domɛ yi a klan le wo nu. Mi ŋgbe Klɛn enumakɔmakɔ ɖe go. Nɔ mi wee ɔ, enyɔ ɔ, na xɔ mi. ¹⁸ Na nyi Eda nɔ mi yi miwo ɔ, Nanyui Eda nɔ mi yi miwo ɔ, mi a nyi evi ŋsuviwo evi nyɔnuviwo nɔ ŋ. Enyɛ Tɔhɔnɔ, ŋsɛnwopleŋtɔ yi nu nɛnɛ.»