¹ ŋ do a kɔ nyɛɖeki do ji a ? Dandan mɛ ɔ, enyɔ gbali yi e nyi, vɔ eviɛɖe ɔ, nava enu ciwo yi Tɔhonɔ na yi ŋ kpɔ ŋtegantɔ koɖo enu ciwo yi e ɖe doasɛ nɔ ŋ nyɔ ji. ² ŋ jeshi Klisotɔ ɖeka ɖɛ. Exwe winɛ yi nyi ecɛ yi wo kɔɛ sɔyi jeŋkui ci yi yi eji sɔwu kpɛtɛwo mɛ. ŋ de nya nɔ amɛ lɔ le yiŋtɔ lankpu mɛ nɛnɛ yi wo kɔɛ sɔyi go alo d'e le mɛ gbɔxwe yi wo kɔɛ sɔyi go. Mawu ɖekɛ yi nya. ³ ŋ nya mɔ wo kɔ ŋsu hunnɔ lɔ yi vovonyigban lɔ ji le Mawu gbɔ. ŋ gbe trɔ yi nuinuiɔ ke mɔ ŋ de nya nɔ yiŋtɔ lankpu mɛ yi e le nɛnɛ yi wo kɔɛ sɔyi go alo d'e le mɛ gbɔxwe yi wo kɔɛ sɔyi go. Mawu ɖekɛ yi nya. ⁴ Eyi le nɔtɔxu lɔ ɔ, ese enyɔ ciwo yi aɖe sɛn eŋ nu go yi wo de na egbe agbetɔ ɖe mɔ yi le trɔ todo wo ju yi a nunuɔ go. ⁵ Na sɔ nɛnɛ mɛ yi ego. Vɔ ɔ, ŋ d'a sɔ enyɛɖeki yi ego go. Nɔ na yi ego can ɔ, a nyi ke any gbɔjɔgbɔjɔwo yi na sɔ yi ego. ⁶ Nɔ ŋ ji mɔ na wa amɛ ci yi sɔ yiɖeki yinɔ ego ɔ, d'a nyi etagbɔ yi de sɔ egbe nɔ ŋ go. Ɖo nyɔnɔnui na nunuɔ nɛnɛ. Vɔ ɔ, ŋ d' a wa nɛnɛ go. Nɔ d'e nyi nɛnɛ go ɔ, amɛɖe sɛn eŋ va sɔ ɓ ɖo texwe kɔkɔ ɖe le yi susu mɛ ci yi a kɔkɔ sɔwu lehan yi e kpɔkpɔ ŋ do alo e se yi wo nunuɔ sɔsɔ ŋ do. ⁷ Nɔ ci yi ŋtegan ciwo yi ŋ kpɔ lɔwo nyi enu cigan taɖo yi nɔ enyɛ ŋgbe va tɔ egoyiyi taɖo ɔ, wo sɔ ŋuja ɖeka trɔn lanmɛ nɔ ŋ. E cii shigbe Legba cikplɔtɔ ɖe nɛnɛ yi wo dɔ nɔ xoxoɔ ŋ keŋ nɔ enyɛ ŋgbe va tɔ egoyiyi go ⁸ Zetɔn yi ŋ ɖe kuku nɔ Awwetɔ mɔ y le nyii ɖaɖa azɔge nɔ ŋ ⁹ yi e nu nɔ ŋ mɔ : « Xomɛvunu kinyɛ sun nɔ eo. ŋ donɔ asɛ anyi ŋsɛn le Klekletɔnɔnyinyi mɛ.» Ci yi e le nɛnɛ ɔ, na lɔn fɛɛ yi a sɔ anyi kleklewo yiyiɔ ego nɔ nɛnɛɔ, Kliso lɔ a nɔ ŋ ji. ¹⁰ E yi na taɖo can ɔ, ŋ kpɔnɔ jijɔ le anyi Kleklewo, ezuwo, efunkpekpewo, yumɛciciwo koɖo vevesesewo nɔ Kliso lɔ mɛ. Nyao ɔ, hwenu yi ŋ nyi amɛ Klekleɔ, wenɔnu ɔ, yi ŋ nyinɔ amɛ ŋsɛntɔ nɛ. ¹¹ ŋ va le nuxu xoxoɔ shigbe amɛ ci yi etagbɔ de sɔ egbe nɔ go nɛnɛ. Vɔ ɔ, e nyi miwo yi dɔn ŋ yi do mɛ. Nyao ɔ, enyɛ yi nyi amɛ ci nu yi mi ɖo a ŋwlɛ kanfukanfuwema sɔsɔ nɔ amɛwo. Ɖo nɔ ŋ de nyi enuɖe go can ɔ, ŋ de hwe glo le enuɖe mɛ le aùɛdɔdɔ-gangan hunnɔ lɔwo gbɔ go. ¹² Jeshidu ciwo yi doasɛ mɔ ŋ nyi amɛdɔdɔ ɔ, miwo domɛ yi wo ze le sɔ todo ejidodo blebu le tetekpɔ ɖekpokpui mɛ koɖo jeshiwo, enudanŋdowo koɖo enujiŋwo hmɛhamɛ ciwo yi Mawu wa todo ŋ ji mɛ. ¹³ ŋɖe yi nyi enu lɔ yi de kpɔ yi wadɛ yi e le eha kpɛtɛwo shi ɔ ? A nyi ci enyɛ, ŋ de sɔ enyɛɖeki do agban do i ji go yɔ. Mi sɔ esejidadale hunnɔ sɔ ke ŋ ! ¹⁴ Enyɛ ke le egbesɔsɔ yi a va yɔ mi kpɔ zetɔntɔ lɔ ke , ŋ d' a va nyi agban le ekɔ ji nɔ mi go. yi ŋ le go. ɔ ɔ, miwoŋtɔwo jijiɔ yi ŋ le. Le mɛ nyao ɔ, d'e nyi eviwo yia a bɔ enuwo dɛ yi sɔ hɛn wowo dawo go. Vɔ ɔ, edawo yi ɖo a bɔ enuwo ɖɛ yi a sɔ hɛn eviwo. ¹⁵ Enyɛ yɛ ɖe, na zan eho ci pleŋ yi le shi fɛɛ yi a gbe zan enyɛŋtɔkpu do miwo ta. Nɔ e nyi mɔ nɔ gbe lɔnlɔn mi do ji ɖee, e yi miwo d'a va lɔn enyɛ nyuiɖe go a? ¹⁶ Mi a nu mɔ mi xɔ egbe mɔ ŋ d'e nyi agban yi kpɛn mi vayisasa lɔ go. Vɔ ɔ, mi a nu mɔ evihotɔ yi enyɛ, ŋ nyi yi sɔ aye ɖo feca nɔ yewo yi yewo je mɛ. ¹⁷ Ɖee, ŋ xo mi du todo amɛ ciwo yi ŋ dɔ ɖaɖa mi vayi ɖe ji a? ¹⁸ ŋ do ŋsɛn lanmɛ nɔ Titu vayi mɔ le va mi gbɔ yi sɔnɔvi ci mi jeshi ɖɛ lɔ sɔ bɔdo nu. Titu va xo mi ɖu a? D é susu kuɖeka yi enyɛ koɖo Titu bɔ sɔ wa edɔ ba? D' e nyi afɔ ŋmɛɖeka ji yi mi bɔ to le enuwana lɔwo mɛ ba? ¹⁹ Sɔso gaɖewomɛ vayi ɔ, mi bunɔ le miwoɖekiwo mɛ mɔ miwo hwlɛnhwlɛn eta nɔ miwoɖekiwo le mi gbɔ. Oo, Mawu ŋkuvi mɛ yi le yi le nuxu xoxoɔ le Kliso lɔ mɛ. Xlɔ veviwo, mi wawa enu hunnɔwo pleŋ yi a sɔ cu ni do ete le xɔse mɛ yɔ. ²⁰ Ɖo ɔ, jika sosoɔ ŋ mɔ nɔ ŋ va va mi gbɔ ɔ, n d'a va kpɔ mi le lehan yi ŋ ji mɔ miwo a le nɔ ŋ do ji do. Nɛnɛke yi miwo can d'a va kpɔ ŋ do lehan yi mi dro do ji go nɛnɛ ŋ vɔnvɔn mɔ nɔ ŋ va va mi gbɔ ɔ, mi a le evu waa koɖo miwonɔnɔwo, ŋhwan dɔndɔntɔwo a le mi mɛ, mi a le enuwo waa elanwotɔ nɛnɛ koɖo miwonɔnɔwo, mi a le enyɔ jijiɔ le amowo nu, mi a le enyɔ vɔnwo nuɔ do amɛwo nu , nuxu sugbɔ xoɔ ɖo amowo nu, mia va le egoyiyiɔ yi hunnyahunnyawo a le miwo domɛ. ²¹ ŋ gbe vɔnvɔn mɔ nɔ va ɖo mi gɔ ɔ, anyi Mawu ŋgbe va sɔ ŋ hwe le miwo ŋmɛ go. Nɛnɛ ɔ, ma va le avin fanɔ sɔsɔ amɛ sugbɔ ciwo yi wa enuvɔn vayi nu, ciwo yi de trɔ le enubaɖabaɖa ciwo yi wo wa godu go yi kpɔtɔ l enu makɔmakɔwo, jeleti koɖo agbeyakayakanɔnɔ ji.