¹ Ebee ! Mi na emɔ ŋ nɔ ma xo ŋɖɛmanya nuxu hwɛɖeka. ɛɛ, mi xɔɛ nɔ ŋ nɛnɛ! ² ŋhwan kpakpa ɖeka sɔsɔ ŋ do mi nu , Mawu ŋtɔ ŋhwan ŋhwan yi ŋ le. Ɖo ɔ, ŋsu kuɖeka, kliso lɔ yi ŋ dradra mi do ɖɛ nɔ yi a sɔ na yi a sɔ mi cu ete do Kliso lɔ ŋkɔ shigbe nyɔnuvi le alɔji ci le mɛmɛɖe nɛnɛ. ³ Gankegan shigbe lehan yi edan ble ɛvu do mɛ nɛnɛ ɔ, ŋ vɔnvɔn mɔ miwo susu a va baɖa yi mi a va te le jijɔfafa kodo mɛmɛjinɔnɔ kliso lɔ tɔ nu. ⁴ Nyao ɔ , nɔ amɛ ŋkɔtɔ ci yi a va mi gbɔ gbe va do axwa yi xo nuxu nɔ mi sɔso yesu bu ɖe nu to akpo nɔ Yesu ci nyɔ yi miwo va nu nɔ mi nuɔ, mi xɔɛni ji se kaka a! Alo mi xɔnɔ gbɔngbɔn bu to akpo nɔ ci yi xɔ alo mi xɔnɔ Eŋɛnyui yoyi bu ci yi to akpo nɔ ci ji mi xɔde hɛnnɛ can nyuiɖe kaka! ⁵ Keŋgan ɔ, ŋ de bu mɔ ŋ hwe le enuɖe mɛ sɔwu amɛ ciwo yi mi kpɔkpɔ do amɛdɔdɔ gangan hunnɔwp ɖe ji go. ⁶ Nɔ le enuyaya kpaxwe ŋ de le eɖe go can ɔ, le enuwonyanya kpaxwe yɛ ɔ, ŋ de le nɛnɛ go. Mi doas ɛenɔtɔxu nɔ mi niɖe stɔo alɔkpawo pleŋ ji le nɔnmɔmɛwo pleŋ mɛ vayi. ⁷ Alo, ci yi ŋ bubɔ enyɛɖeki keŋ nɔ wo a kɔ wiwo do eji ɖee, enuvɔn yi ŋ wa a ? Hwenu yi ŋ do Mawu ? ŋɛnyui lɔ nɔ mi vayi ehoɖemaxɔ ɖee, afɛn yi ŋ wa a ⁸ ? ŋ xɔ enuwo vɛ le eha buwo shi yi xɔxɔ efɛncu le wowo gbɔ yi sɔ wawa edɔ nɔ miwo. ⁹ Gacimɛ yi enuwo pleŋ wudo ŋ le mi gbɔ ɔ, ŋ de sɔ enyɛɖeki wa agban nɔ amɛɖe go. Ɖo ɔ, nɔvi ciwo yi so Maseduwanu kanmɛ hɛn enu ciwo yi wudo ŋ va nɔ. Le enuwo pleŋ mɛ ɔ, ŋ le enyɛɖeki mɔ ŋ da nyi agban nɔ mi go yi na kpɔtɔ yi a leleɔ enyɛɖeki. ¹⁰ Sɔto Kliso lɔ nyɔnɔnui lɔ ci yi le ŋ mɛ ji ɔ, amɛɖe a sɛn eŋ gbe nɔ ŋ mɔ enyɛ ŋgbe sansan do amɛwo nu le Akayi kan nutuiwo mɛ go. ¹¹ Nyi yi na taoɖ yi ŋ nu nɛɛ ɔ? E nyi kpɔ mɔ lɔn yi ŋ de lɔnnɔ mi taɖo yɔ a ? Oo, Mawu nya mɔ ŋ lɔn mi a ! ¹² Enu ci yi ŋ wawa ɔ, na kpɔtɔ yi a wɛɛwɛɛ yi nɛnɛ ɔ, na kpɔtɔ yi a wɛɛwɛɛ yi nɛnɛɔ, ma sɔ ɖe enyɔ gbali ɖe ci jijɔ yi amɛwo a le yi a to ji a mɔ yewo sɔ koɖo miwo le enu ci mɛ yi wo sansan le lɔ mɛ. ¹³ Amɛ hunnɔwo ɔ, evihoho mɛdɔdɔwo yi wo nyi. Edɔwatɔ amɛbletɔwo yi wo nyi yi sɔ wowoɖekiwo wa kliso lɔ mɛdɔdɔwo. ¹⁴ Enuɖe de ji eŋ le enɔtɔxu go. Ɖo legbz ŋtɔ can sɔ yiɖeki wanɔ cikplɔtɔ klɛnklɛnnɔ. ¹⁵ Ci yi e le nɛnɛ ɔ, d'a va nyi enu kpaca amɛ ɖe mɔ yi dɔwaviwo sɔ wowoɖekiwo wawa jɔjɔɛnyinyi dɔwatɔwo go. Wowo gbe vɔvɔnu a va le shigbe lehan yi wowo dɔwawawo le do nɛnɛ. ¹⁶ Na gbe trɔ yi a nui ke mɔ : amɛɖekpokpui ŋgbe kpɔkpɔ mɔ enumanya nuxuwo xoxoɔ yi ŋ le go. Alo ɖe, mi kpɔ ŋ do amɛ cci yi le lɛlu nuxuwo xoxoɔ ji nɔ ,nɛnɛ ɔ, enyɛ can ma wa ci yi vo eŋ fɛɛ do yiɖeki nu hwɛɖeka. ¹⁷ Enyɔ cɛ ci yi ŋ nunuɔ ɔ, ŋ de nuinuiɔ shigbe mɔ Axweto yi nui nɔ ŋ nɛnɛ go. Vɔ ɔ, ŋ nuinuiɔ shigbe amɛ ci yi tagbɔ de sɔ egbe nɔ go nɛnɛ nɔ ci yi e nyi kpɔ mɔ sansan nyɔ yi e nyi taɖo. ¹⁸ Nɔ ci yi amɛ sugbɔ kɔnɔ yiɖeki do lehan yi gbaza lɔ dro do mɛ taɖo ɔ, rnyɛ can na kɔ nyɛɖeki hɛnnɛ. ¹⁹ Miwo ciwo yi tagbɔ ku nɔ koŋ ɔ, mi lɔnnɔ fɛɛ yi xɔnɔ amɛ ciwo yi tagbɔ de sɔ egbe nɔ go nyɔwo! ²⁰ Mi lɔnnɔ fɛɛ mɔ wo de sɔ wa hwashi, wode vuvu mi, nyi enu wo de tafu mi du, wo de gbali mi, wo de xo tomɛ nɔ mi. ²¹ ŋ nuinuiɔ mɔ ŋkpɛn gangan yi e nyi. E le shigbe mɔ mi ɖe miwo gbɔjɔgbɔjɔ doasɛ le akpa hunnɔ xwe nɛnɛ. Gankegan ɔ, a sɔ xo nuxu shigbe amɛ ci yi tagbɔ de sɔ egbe nɔ go nɛnɛ ɔ, na sɛn eŋ nu dru mɔ enu ci iji amɛɖe a gbedon a nu mɔ ŋ nyi enu lɔ hɛnnɛ. ²² Eblenuwo yi wo nyi a ? Enyɛ can,, ŋ nyi Eblenu! Israyɛlivi! Ablahamu jijimɛviwo yi wo nyi a? Enyɛ can ŋ nyi Ablahamu jijimɛvi. ²³ Klisolo lɔ dɔwatɔwo yi wo nyi a ? Na xo nuxu shigbe amɛ ci yi tagbɔ de sɔ egbe nɔ go nɛnɛ mɔ ŋ gbe nyi Kliso lɔ dɔwatɔ sugbɔ sɔwu wo. Le edɔsɛnŋsɛnŋwawawo mɛ ɔ, ŋ gbe jeshii sɔwu wo. Le gahohosɛnsɛn mɛ yɔ a, ŋ gbe jeshii sɔwu wo. Le xoxo le lanba nu nyɔwo mɛ yɔ a? ŋ gbe jeshi Kliso lɔ dɔwatɔ sɔwu wo. Le eku fɔku sugbɔ mɛ todo yɔ a ? ŋ gbe jeshii sɔwu wo. ²⁴ Zeatɔn yi Yuɖatɔwo do eba nɔ ŋ ze ɖeka to le eka mɛ nɔ ŋ ze ɖeka to le eka mɛ. ²⁵ Zetɔn yi Hlɔmutɔwo xo ŋ le ekpo nu. Zeɖeka wo xoxoɔ ekpe ŋ kaka yi a wu ŋ. Zetɔn yi etɔjihun trɔn koɖo ŋ kpɔ yi ŋ nɔ axushiwo mɛ kaka wa ŋkeke ɖeka koɖo ezan ɖeka. ²⁶ ŋ zɔnnɔ emɔ jinjin koɖo affɔ zenɛniɖe; ŋ do ego afɔku sugbɔ leetɔsasawo ji, afɔku le flanfinɔ ganganwo nyɔ mɛ, afɔku le anyi jumɛtɔwo koɖo le amɛmanyi Yuɖatɔwo gbɔ. ŋ nɔ afɔkuwo mɛ le jugan mɛ, le zoxu sakli sakliwo mɛ, le axuwo ji yi nɔ afɔkuwo mɛ le amɛ ciwo yi hovi mɔ yewo nyi nɔvinyɛwo mɛ. ²⁷ ŋ nɔ afɔku mɛ le edɔ gbɔnnugbɔnnu wawa mɛ koɖo le xaxawo mɛ; kabakaba ɔ, ŋ nɔnɔ afɔku mɛ le alɔnmadɔn mɛ, le shive koɖo shikɔ mɛ; le enublablawo mɛ, le vuvɔ koɖo enumakpɔado mɛ. ²⁸ Nɔ ŋ d'a gbe hlɛn enu kpɛtɛwo go can ɔ, lehan yi na wɛɛ do nɔ eha lɔwo nyinɔ agban nɔ ŋ gbeɖeka duu. ²⁹ Amɛɖe kle eha lɔwo me d' e nyi enyɛ yi kle go a? Mi juinjuinɔ le mimɛ yi d'e nyinɔ vevesese nɔ enyɛntɔ di ɔ ? ³⁰ Nɔ e le dandan mɔ wo a vo eŋ fɛɛ do enuɖe nu ɔ, anyi klekle nu yi na sansanɔ do. ³¹ Mawu, axwetɔ yesu dalɔ, ci tɔ yi nyi kanfukanfu sɔyi tɛgbɛɛ, nya mɔ ŋ de hohoɔ evi go. ³² HHwenu yi ŋ le Damasi jugan mɛ ɔ, ekanjikpɔtɔ ci yi le edɔ waaɔ nɔ efiɔ Aletasu ɖo agbonuglawo do jugan lɔ gbonu nɔ wo a le ŋ. ³³ Vɔ ɔ, amɛwo sɔ ŋ do Kishi gangan ɖeka mɛ yi do eka nii keŋ yi dyi ŋ do nyigban todo flɛsɛ ɖeka nu nɔ gbogbu gangan ci yi wo cu trɔdo ejugan lɔ nu mɛ. Nɛnɛ yi e gli ŋ do do nɛ.