¹ Timɔte, ŋgbe gbe enyɔ nɔ mɛganxoxuwo koɖo adan o. V ɔ ɔ, xonɔ nuxu nɔ blɛwu shigbe le yi a xo nuxu nɔ edao do nɛ. nɔnɔ koɖo ɖajɛvio do nɛ. ² Nɔnɔ koɖo nyɔnuxoxuwo shigbe le yi anɔ koɖo enɔ do nɛ, yi anɔ koɖo nɔviwo nyɔnuviwo do nɛ. ³ Le bu nɔ kposu ciwo shin yi amɛɖe de le nayao. ⁴ Vɔ nɔ eviwo do viviwo le kposu de shin ɔ, wowo yi a doŋkɔ akplan le yi wo le bu nɔ wowo xomuwo do sɔ toto le yi wo a nɔ ekacaca adodui mɛ koɖo Mawu do mɛ. Nɛnɛ yi wo a wa yi cu enu ciwo yi wowo xomu wo wa nɔ wo vayi fɛn nɔ wo do nɛ. Enu ci yi jɔ nɔ eji Mawu nɛ. ⁵ kposu ci yi nyi yiɖɛkɛ nyao yi amɛ ɖe lini yi a lewɔ bu ni ɔ, yɛ doŋdo Mawu nu yi biɔ enu yi yi wanɔ gbedoɖa ni tɛgbɛɛ ezan koɖo kede. ⁶ Vɔ kposu ci yi agbeɖuɖu jɔ nɔ ji nɔ yɛ ɔ, yɛ ku do ete. ⁷ Enu ci yi agbe ɖo eŋui nɔ kposu lɔwo nɛ nɔ gbe va kpɔ ehwɛ ɖe a do nɔ wo o. ⁸ Nɔ amɛɖe ɖe le bu nɔ yi mɛwo ɔ; vevitɔ nɔ amɛɖe ɖe le bu nɔ yi xwemɛtɔwo ɔ, ehovi mɔ ye xɔ kliso ji se.Egbe nyi amɛ dɔndɔn sɔwu maxɔsetɔ. ⁹ Timɔte, nɔ a xɔ nyi kɔ nɔ nyɔnu ɖe mɔ e nyi kposu ehalɔmɛ ɔ, yi eha lɔ a kpenɔ do nu ɔ, e glo kaka ɔ, kposu lɔ ɖo a exwe eka howi. Agbe sɔwu nɛnɛ ɔ, asu kuɖeka yi e ɖo ɖe kpɔ vayi. ¹⁰ Wo ɖo a denɔ kununyui so nu mɔ yi wanɔ enu nyui yi hɛnnɔ eviwo nyuiɖe yi xɔnɔ mɛdru yi klɔnɔ afɔ xɔsetɔwo yi kpenɔ do amɛ ciwo yi le xaxa mɛ nu yi gbe wanɔ edɔ nyuiwo le ago ɖekpokpui mɛ. ¹¹ Vɔ ɔ, ŋgbe xɔ kposu ciwo yi ɖe shin o. ɖo nɔ asuɖe ɖe tɔ wu drodro ɔ, wo ɖe gbe kplɔ nɔ kliso do o. ¹² Nɛnɛ ɔ, wo jenɔ ehwɛmɛ .ɖo ɔ, wo wa do egbe ŋkɔtɔ ci yi wo do nɔ kliso ji o. ¹³ Gbe sɔwu nɛnɛ ɔ, wo a va gbe edɔmawa dan dan todo axwewo mɛ wo gbe trɔ nɔ enyɔ dowatɔwo amɛnyɔnutɔwo .E nyɔ ci ɖe nyɔ mɔ wo a nu o can ɔ, wo a nu. ¹⁴ E yi na tado ɔ, ŋ ji mɔ kposu ciwo yi ɖe shin ɔ, wo le gbe trɔ a ɖe asu yi a ji eviwo yi a le bu nɔ wowo xwewo . Agahunnɔ mɛ ɔ, wo a he emɔ nɔ miwo. Ketɔ wo yi wo ɖa kpɔ enyɔ vɔin ɖe a nu so mi nu o. ¹⁵ Can hɛnnɛ can kposu ɖekawo trɔ kplɔ nɔ legba vɔ. ¹⁶ Vɔ nɔ nyɔnu klisotɔ ɖe wa kposuwo ɖɛ le yi xomu mɛ ɔ, e ɖo a kpe nɔ do wo nu. ŋgbe gbi do ekɔ eha lɔ o. Agahunnɔ mɛ ɔ, eha lɔ a kpɔ emɔ a ŋkuvi do kposu ciwo yi ɖe wa amɛ ɖeɖɛ nyaoo nu yi doɔ alɔ wo. ¹⁷ Ehamɛ mɛgan ciwo yi wadoŋ kpɔkpɔ eha lɔ nyɔuiɖe ɔ, wo do a do bubu wo do zeve ji. Veviɖe ehamɛ mɛgan ciwo yi jenɔ agbla sɛnŋ sɛnŋ ɖe yi nunɔ Mawu nyɔ yi gbe kplan kplan enyɔ lɔ amɛwo. ¹⁸ Ɖo ɔ, wo ŋwlɛ do Mawu nyɔ wemawo mɛ mɔ :«ɖa bla enu nɔ xwenyi ci yi e zan yi sɔ to ɔ jinuku o.»wo gbe ŋwlɛ ke mɔ!«edɔwatɔ ɖo a xɔ yi fɛncu» ¹⁹ Timɔte, nɔ amɛɖe va je ehwɛ nɔ wu so hamɛ mɛgan ɖe nu ɔ, ɔ e nu yi a se enyɔ lɔ le kunuɖetɔ amɛve alo amɛtɔn nu mɛ gbɔxwe yi a sɔ enyɔ lɔ. ²⁰ Nɔ amɛɖe le enuvɔin waa le eha lɔ mɛ ɔ, nagbe enyɔ nii le amɛ pleŋ ŋmɛ. Agahunnɔ mɛ ɔ, amɛ kptɛwo a tɔ vɔnvɔn Mawu. ²¹ Enu ci yi ŋ jiji ɔ sowu gbɔ sɛnŋseŋ ɖe le Mawu koɖo Yesu kliso koɖo cikplɔtɔ cancan wo ŋmɛ yi nyi mɔ ewɔ ɖe tekpɔ a do enyɔ cɛwo ji amɛŋmɛmashi . ²² ŋgbe lɔn eju yi a sɔ alɔ danɔ amɛɖeji yi a ciin nɔ edɔ ɖe wawa le eha lɔ mɛ o. ŋgbe se eɖe le enuvɔin ci yi amɛɖe a wa mɛ o.hɛn ɔɖeki mɛmɛɖe. ²³ Timɔte, ci yi domɛ wanɔ enu koɖo ewo yi elenɔ bleble ɔ ŋgbe gbe nunu ɔ eshi kɛɖɛɛ o. tɔ vɛn hwɛɖeka nunu kpɔ. ²⁴ Enuvɔin ci yi ameɖewo wanɔ zenɔ goɖuu nɛnɛ gbɔxwe yi wo a va tɔ kojo dodo nɔ wo. Vɔ ɔ, azan yikɔ gbɔwxe yi amɛdowotɔ va zenɔ. ²⁵ Nɛnɛke yi edɔ nyui ciwo yi amɛwo wanɔ can gbe zenɔ goduu zeɖɛka nɛ Kaka je nyui ciwo yi ɖeze yi wo kpɔkpɔ kaaka nɛ ci can o ɔ, wo ɖe nyi enu yi va ci nɔ wlawlamɛ bu ɖe o.