¹ Gbɔngbɔn kɔkɔɛ ɖe mɛ nyuiɖe mɔ le ŋkeke vɔvɔ kpɛtɛkpɛtɛwo mɛ ɔ, amɛɖewo agbe Yesu kliso jixɔxɔse. ² Wo a va kplɔkplɔ gbɔngbɔn gbɔnamɛbletɔwo do koɖo gbɔngbɔvɔinwo nukplanmɛvɔinwo do. Wo a gbe wowoɖekikiwo ɖɛ yi ayimɛnuwatɔ koɖo evihotɔwo a dɔn so Mawu mɔ ji. Wo sɔ ega zozu do jeshi ayimɛnunwatɔwo koɖo evihotɔ lɔwo jimɛnuxuwo. ³ Amɛ hunnɔ lɔwo kplan kplan enu amɛwo mɔ wo ɖe ɖo a ɖe nyɔnu alo asu o yi wo ɖe ɖo a ɖu enuɖuɖu ɖekawo o. Vɔ Mawu yɛ ɔ, yɛ wa enuɖuɖu hunnɔ lɔwo ɖɛ mɔ nɔ amɛ ciwo yi xɔse yi jeshi nyɔnui lɔ ɖɛ a ɖuɖu ɔ wo keŋ yi a dodo ɔ akpe nɔ eye do wo o ta. ⁴ Ɗo ɔ, enu pleŋ ci Mawu ɖo ɖɛ nyɔ. Eɖe ɖe le wo mɛ yi wo sɔ dɔ o. Vɔ ɔ, e le mɔ wo a xɔ wo pleŋ koɖo akpe dodo nɔ Mawu. ⁵ Enyɔ ci yi Mawu nu koɖo gbeɖa ci yi mi a wanɔ do ji yi asɔ wo wanɔ enuɖuɖu adoduiwo le Mawu ŋmɛ. ⁶ Timɔte, kplan enu hunnɔwo nɔvi nyɔnu koɖo ŋsuwo le kliso mɛ. Agahunnɔ ɔ, na nyi Yesu kliso dɔwavi adodui ci yi a doasɛ mɔ xɔsemɛ nyɔwo koɖo ekplan nyuitɔ ciwo yi e xɔ so wu gbɔ. ⁷ Ggbe nyɔxowo xolɔlɔ dɔndɔn ciwo yi ɖe sɔ gbe koɖo xɔse nyɔ lɔ o. Tekpɔ a nɔ ekacaca adodui mɛ koɖo Mawu le awu nuwawomɛ. ⁸ ŋsɛn ciwo mi a doonɔ nɔ miwo lankpu a le nyuiɖe nyɔ nɔ enu hwɛɖeka kpoŋ. Vɔ ɔ, ŋsɛn ciwo yi a donɔ le gbɔngbɔnmɛ kpawxe yi a nɔ ekacaca adodui mɛ koɖo Mawu nyɔ sɔwu enuwo pleŋ. Ɖo ɔ, egbɛɖu li ɖɛ mɔ amɛ ci yi a ekacaca adodui koɖo Mawu ɔ, yi a nɔ agbe egbɛtɔ koɖo esɔmɛtɔ. ⁹ Enyɔ hunnɔ nyi enyɔ vevi ɖeka ci ji yi amɛ pleŋ ɖo axɔ gbe do. ¹⁰ E yi na taɖo yi mi le edɔ waa yi ɖɔɖɔ ɔ. ɖo ɔ, mi ɖɔŋdo Mawu agbebgbea lɔ nu. E yi hwlɛnnɔ amɛ pleŋ gan, veviɖe ɔ, e nyi amɛ ciwo yi xɔ kliso ji se tɔ. ¹¹ Timɔte, enu hunnɔ wo ji yi a tɛ egbe do yi a kplan amɛ lɔwo nɛ. ¹² Ŋgbe ɖe emɔ nɔ amɛɖe agbali wu nɔ ci yi e nyi ɖajɛvi taɖo o. Vɔ ɔ, nyi kpɔwɛ nɔ xɔsetɔwo awu nuxuxoxowo mɛ, le awu wanawo mɛ, le lɔnnɔ amɛwo do mɛ le yi xɔ Yesu lkiso ji se do nɛ, le agbenɔnɔ mɛ. ¹³ Tekpɔ a hlɛn hlɛn Mawu nyɔ wema lɔwo nɔ kliso tɔ lɔwo nɔ wo bɔ. Dodo ɔ ŋsɛn lanmɛ nɔ yi a kplankplan enu wo nɛnɛ kaka a sɔ na agacimɛ yi na trɔ va migbɔ. ¹⁴ Ŋgbe wa taye le enu nana ci yi gbɔngbɔn kɔkɔɛ na wu hwecinu yi Mawu ŋɛdo tɔwo xo nuxu yi ehamɛ mɛganwo sɔ alɔ daɖo wu ji nu o. ¹⁵ Tekpɔ a kpe ŋkuvi di. Sɔ wɔɖeki blebu jo nɔ edɔ lɔ ci yi e wawa ɔ. Gahunnɔmɛ ɔ, amɛ pleŋ a Kpɔ, yi anya mɔ wɔ yikɔ ŋkɔ. ¹⁶ Le ŋnkuvi do enu ci yi ekplan kplan a mɛwo nu. Li egui le enu hunnɔwo pleŋ wawa mɛ. Ɖo nɔ e wɛwɛ nɛnɛ ɔ, a hwlɛn eɔ ɖeki koɖo amɛ ciwo yi ɖoɖoɔ eto eo gan.