¹ Enyɔ vive ɖeka ke: Nɔ amɛɖe ɖe jiji ɔ mɔ ye a nyi ehakplɔtɔ ɔ,edɔnyui; jiji ɔ yi e le. ² Eyi na taɖɔ ɔ, wo ɖe ɖo a kpɔ ehwɛ ɖe a do ehakplɔtɔ lɔ o. nyɔnu kuɖeka yi ɖo a ɖe. Ɖa nyi evihodo amɛtɔ o. Eɖo awanɔ enu do dredre nu koɖo le yi e je do nu .E ɖo xɔnɔ ŋdru yi akplanɔ enu amɛ. ³ Ɖe ɖo a nyi ahanumutɔnɔ alo edanuwatɔ o. Vɔ ɔ, e ɖo a fa ecu yi anyi evuɖatɔ. Eho ɖe ɖo a bianɔ ŋkuvi nii o. ⁴ Eɖo a hɛnnɔ yi xwe nyuiɖe yi eviɛ a buini yi a ɖo eto yi . ⁵ Ɖo ɔ, amɛɖe sun yi xwe ji a kplɔɖe, le a wɛɛ do yi a le bu nɔ Mawu ha lɔ ɔ? ⁶ Ehakplɔtɔ de ɖo anyi amɛ ci yi xɔ Mawu ji se yoyu o. Nɔ ɖe nyi nɛnɛ ɔ, a va tɔ ego yiyi yi Mawu adɔn eto nii shigbe le yi edɔin nɔ legba do nɛ. ⁷ E le mɔ amanyikliso tɔwo can a ɖenɔ kunnu nyuiwo so ehakplɔkplɔ lɔ nu.Nɛnɛ ɔ, ɖa va je ŋkpɛn nyɔ ɖe koɖo Legba fɛca ɖewo o. ⁸ Nɛnɛke yi e le mɔ ehamɛviwo kpedonutɔwo can anyi amɛ ciwo nu yi wo donɔ bubu yi a gbe nyi ahanumutɔnɔwo alo ehovɔinjitɔwo o. ⁹ Wo ɖo a le nyɔnɔnui ci yi Mawu ɖe doasɛ nɔ agbetɔwo so xɔse nu doashi sɛnsinɖe koɖo ayixa nyui. ¹⁰ Ggbɔwxe nɔ wo a sɔ amɛɖe ɖo ehakplɔtɔwo kpedonutɔ ɔ, wo ɖo a dui kpɔ. Le yi godu maɛ nɔ wo ɖe ehwɛ ɖe yi a do nii o ɔ, amɛ lɔ a sɛnŋ edɔ lɔ dru. ¹¹ Nynɔ ciwo yi nyi ehamɛviwo kpedonutɔwo can ɖo a amɛ ciwo nu yi wo donɔ bubu. Wo ɖe ɖo a nyi amɛnyɔnutɔwo o. Wo ɖo awanɔ enu do dredre nu yi anyi amɛxodowo le enu pleŋ mɛ. ¹² Nyɔ kudeka yi ehakplɔtɔ kpedonutɔ ɖo a ɖe. E ɖo a kplɔnɔ eviɛwo nyuiɖe yi wa ɖaŋ hɛnnɔ yii xwe. ¹³ Ḍo ɔ, amɛ pleŋ a bu e ehamɛvio kpedonutɔ yi ɖaŋ wawa yii dɔ. Wo a sɛnŋ xoxo nuxu koɖo kankandoji blebu so xɔse ci yi bɔ mi do eju le Yesu kliso mɛ nu. ¹⁴ Timɔte, ŋ ŋwlɛ ŋwlɛ enyɔ cɛwo ɖaɖa wu koɖo susu mɔ na va kpɔ wun le majinjinɖe mɛ. ¹⁵ Vɔ nɔ ŋ vava blaŋ ɔ, wema cɛ nyɔwo a kpekpe ɔ do wu nu nɔ na nya le yi zannɔ ewɔ ɖeki do le Mawu xomu lɔ mɛ. Xomu lɔ yi Mawu agbeagbe lɔ ha ci yi nyi exɔdomɛci nɔ nyɔnɔnui lɔ yi gbe donɔ alɔ yi. ¹⁶ Le nyɔnɔnui mɛ ɔ, enyɔ wlawla ci yi Mawu ɖe doasɛ nɔ mi yi mi xɔɛ ji se nyu enyɔ kloklu: kliso lɔ sɔ agbetɔ jɔjɔmɛ yi va. Ggbɔngbɔn kɔkɔɛ ɖe doasɛ mɔ amɛjɔjɔɛ yi yi nyi. Cikplɔtɔwo kpɔɛ. Amɛwo do axwa yi nu yi nyɔ le jukɔn wo domɛ yi amɛwo xɔɛ ji se le xexe lɔ mɛ. Eyi Mawu kɔɛ yi jekuimɛ yi sɔɛ ɖo bubu ʒinkpin ji.