¹ Enu ŋkɔtɔ ci yi ŋ dodo ɔ eji xomɛ nɔ mi nɔ enyi kpɔ mɔ miwo ɖe biɔbiɔ enu Mawu, ado ɔ gbeɖaɖa a ɖe ku ku ni, yi a do ɔ akpe nii do eta nɔ amɛ pleŋ. ² Mi wanɔ wo do eta nɔ efiɔwo koɖo ejumɛ gawo pleŋ. Agahunnɔ mɛ ɔ, eʒin ɖe ɖa ɖiɖi o ,fafa a li yi mi a ekacaca adodui mɛ koɖo Mawu yi a gbe le nyuiɖe le enuwo pleŋ mɛ. ³ Enu ci yi je acɔ yi gbe jɔnɔji Mawu, miwo hwlɛngantɔ nɛ. ⁴ Ejijɔjɔ ɔ mɔ ye a hwlɛn amɛ pleŋ gan yi yi a kplɔ wo nɔ nɔ wo a jeshi ny̵ɔnɔnui lɔ. ⁵ Ɖo ɔ, Mawu kuɖeka yi li yi amɛdomɛdradotɔ kuɖeka yi gbe le Mawu koɖo agbetɔ gblamɛ. amɛdomɛdradotɔ lɔ yi nyi Yesu kliso, ⁶ ci sɔ yiɖeki jo yi sɔ xwle eta agbetɔwo pleŋ yi a hwlɛn wo gan. Enu hunnɔ yi nyi kunu ci yi wo ɖe do agacimɛ yi Mawu ɖo nu nɛ. ⁷ Enyɔ hunnɔ ci mɛ yi Yesu va ɖe ŋci yi Mawu dɔ ŋ ɖaɖa do yi sɔ ŋ ɖo yi ŋɛdotɔ yi gbe sɔ ŋ do yi mɛdɔdɔ nɔ ma kplan enu ci ji yi wo ɖo a xɔse koɖo nyɔnui lɔ amɛmanyi yuɖatɔ wo. Nyɔnɔnui toɔ yi ŋ le nɔ mi nɛnɛ; ŋ ɖe hohɔvi o. ⁸ Eyi na taɖo ɔ, ŋ c ji ji ɔ m̵ɔ ŋsu wo a wanɔ gbedoɖa le afiɖekpokpui. Wo le donɔ alɔ kɔkɔɛ wo ɖaɖa eji eji le homɛshimawa koɖo ɖikamado . ⁹ Nɛnɛke ɔ, ŋ gbe ji ji ɔ mɔ nyɔnuwo ɖe wa adaŋ adranɔ do. Wowo cɔɖoɖo ŋgbe wunɔ gan ɖoɖu. wo ɖe nɔnɔ kleŋ.wo ŋgbe blanɔ eda ganganwo, ɖo eta. wo ŋgbe donɔ shika gaviwo alo kɔjenu ehogangantɔwo alo enudodo ehovevitɔwo. ¹⁰ Vɔ ɔ, edɔnyuiwowawa yi a nyi enu ciwo yi wo sɔ ɖonɔ acɔ nɔ wowo ɖekiwo. Enu ci yi je mɔ nyɔnu ciwo yi hunnɔ mɛ mɔ yewo sɛnnɔ Mawu ɖo a wa nɛ. ¹¹ Nyɔnu ɖe bɔnɔ enu kplii yi a sɔ xɔnɔ ekplan le yiɖeki bɔbɔbɔ mɛ blebu. ¹² ŋ de ɖe emɔ nɔ nyɔnu mɔ yi ɖe kplan enu ŋsu alo yi le kpa a cɛ nɔ ŋsu o. Nyɔnu le bɔnɔ kplii. ¹³ Ɖo ɔ, Adamu yi wo wa doŋkɔ yi va sɔ Ɛvu kplɔɛ do. ¹⁴ Ɖe nyi Adamu yi ble do mɛ o. Nyɔnu lɔ yi wo ble do mɛ e je agɔ do Mawu. ¹⁵ Gankegan ɔ ,Mawu a hwlɛn nyɔnu gan sɔ todo evijiji mɛ nɔ e nyi kpɔ mɔ e kpɔtɔ yi xɔxɔ Mawu ji se yi lɔnlɔn amɛwo yi nɔnɔ agbe le kɔkɔɛ nyinyi koɖo amɛɖekijiɖuɖu mɛ.