¹ Nɔvinyɛwo, kpɛtɛtɛkpɛtɛ lɔ, mi kpan enu so le yi Mawu ji mɔ wo le nɔ agbe do nɛ. Mi nya mɔ mi nɔnɔ ɔ agbe do nɛnɛ ji nyao. Vɔ ɔ, mi ɖe ɔ kuku nɔ mi sugbɔ le axwetɔ Yesu nyi kɔ mɛ mɔ miwo le wɛɛ sɔwu nɛnɛ. ² Nyɔnɔnuitɔ ɔ, mi jeshi enu ciwo yi mi so AxwetɔYesu gbɔ yi kplan mi ³ Enu ci yi Mawu ji yi nyi kpɔ mɔ mi a nyi yitɔ blebu, yi mi ɖa wanɔ heteli nuwo o. ⁴ Mi nɔ eju koɖo miwo shiwo koɖo miwo suwo ɖeka ɖeka shigbe le yi Mawu dro do nɛ. ⁵ Mi ŋgbe tashi miwoɖewo ɖɛ nɔ gbaza lɔ drowo aɖu mi ji le ŋsu koɖo nyɔ junɔnɔ mɛ o.Shigbe le nɔnɔ nɔ maxɔsetɔ ciwo yi ɖe jeshi Mawu ɖɛ o nɛ. ⁶ Le nyɔnu koɖo ŋsu nyɔ cɛwo mɛ ɔ, amɛɖe ŋgbe wa evɔin ɖe koɖo nɔviɛ alo a ba nɔviɛ o. Mi nu yi gbe tɛ egbe do ji nɔ mi vayi mɔ miwo xwetɔ ɖonnɔ eto nɔ amɛ nɔ nɛnɛ nuwo. ⁷ Mawu ɖe yɔ mi mɔ miwo ie va nɔ agbe yakayaka le nyɔnu koɖo ŋsu junɔnɔ mɛ o. Vɔ ɔ, e yɔ mi nɔ mi a nyi yitɔ blebu. ⁸ Ci yi le nɛnɛ ɔ, amɛ ci yi gbe enyɔ hunnɔ wo, ɖe nyi agbetɔwo yi e gbe o. Vɔ ɔ, Mawu ci yi nanɔ yi Gbɔngbɔ kɔkɔɛ mi yi e gbe. ⁹ Nɔvinyɛwo, enyɔ ɖe ɖe gbe kpɔtɔ yi na ŋwɛ ɖaɖa mi so nɔvi lɔnlɔn nu o. Do ɔ, Mawu kplan nɔvi lɔnlɔn hunnɔ miwoŋtɔwo vɔ. ¹⁰ ɛɛ Lɔnlɔn fɔ hunnɔ yi mi ɖenɔ ɖaɖa klisotɔ ciwo pleŋ yi le Maseduwanu kan lɔ pleŋ gbɔ nɛ. Vɔ ɔ, mi gbe dodo ɔ ŋsɛn lanmɛ nɔ mi mɔ miwo le gbe wɛɛ sɔwu nɛnɛ. ¹¹ Mi tekpɔ a nɔ agbe fafɛɛɖe yi a le bu nɔ miwo nyɔwo ɖeka ɖeka. Amɛka amɛka le sɔ yi lɔwo wa edɔ shigbe le yi mi nui nɔ mi vayi do nɛ. ¹² N

ɔɔmi wawa nɛnɛ ɔ, amɛ ciwo yi ɖe nyi klisotɔwo o a bunɔ mi yi mi ɖa biɔ enu amɛɖe gbɔxwe yi a ɖu o.

¹³ Nɔvinyɔɛwo, mi ji mɔ mi a mɔŋje enu ɖeka mɛ so amɛ ciwo yi ku nu nɔ mi ŋgbe ci ŋshi shi mɛ shigbe amɛ ciwo yi ɖe kpɔ kpɔ emɔ mɔ agbe agbe gbe le eku godu o nɛ. ¹⁴ Mi kandoji mɔ Yesu ku yi gbe fɔn so amɛkukuwo domɛ. Ci yi e le nɛnɛ ɔ, mi nya mɔ amɛ ciwo yi xɔ Yesu ji se gbɔxwe yi ku ɔ, Mawu a fɔn wo so amɛkukuwo domɛ nɔ wo a nɔ Yesu gbɔ. ¹⁵ Enyɔ ci Axwetɔ ŋtɔ nu yi mi nunu ɔ nɔ mi nɔ miwo ciwo yi a kpɔtɔ le agbe hwecinu yi Axwetɔ lɔ a trɔgbɔ ɔ, mi ɖa doŋkɔ nɔ amɛkukuwo ɖeeɖe o. ¹⁶ Cikplɔtɔwo ga a gbe sɛnsiɖe yi Mawu pkɛn a ɖyi. Eyi Axwetɔ ŋtɔ a ɖyi so jekuimɛ. Amɛ ciwo yi ku le kliso lɔ mɛ doŋkɔ a fɔn so ekuw odi. ¹⁷ Le yi ŋmɛ ɔ, Mawu a bɔ miwo ciwo yi kpɔtɔ le agbe koɖo wo le jeŋkuimɛ zɔwo mɛ. Aghunnɔ mɛ ɔ, mi a bɔ a vayi do ego Axwetɔ le hahamɛ. Nɛnɛ ɔ, mi pleŋ mi a vayi ci fige ci yi Axwetɔ le tɛgbɛɛ. ¹⁸ Ci yi e le nɛnɛ ɔ, mi nu enyɔ cɛwo miwoɖeɖewo mɛ, yi a sɔ do ŋsɛn lanmɛ nɔ miwonɔnɔwo.