¹ Ci yi ete nɔnɔ kpɔ mi va sɔ gbeta mɔ miwo ɖekɛwo a ci Atɛnu jugan mɛ. ² Yi dɔ Timɔte, miwo nɔvi ɖaɖa mi. E nyi kpedonutɔ nɔ mi le Mawu dɔ lɔ mɛ yi miwo koɖo eyɛ bɔ donɔ Yesu kliso ŋɛnynui lɔ. Midɔɛ ɖaɖa migbɔ nɔ a va do ŋsɛn lanmɛ nɔ mi le gbɔngbɔn me yi a do ŋsɛn lanmɛ nɔ mi le xɔse mɛ. ³ Agahunnɔ mɛ ɔ, amɛɖe ɖa tran emɔ nɔ jihɔn ciwo yi ɖuɖu ŋci o. Ɖo miwoŋtɔwo mi nya vɔ mɔ aya ɖuɖu yi nyi miwo klisotɔwo dɔ. ⁴ Hwecinu yi mi le mi gbɔ ɔ, mi doŋkɔ yi nu nɔ mi mɔ mi va ɖu aya yi e gbe jɔ do ji nɛnɛ yi mi pkɔ. ⁵ E yi na taɖo yi ci e va wu egan ŋ ɔ, ŋ dɔ Timɔte ɖaɖa mi gbɔ nɔ a vayi kpɔ le yi mi wo xɔse le do .Ŋ vɔnvɔn mɔ taŋfɔin ɔ, Legba va te mi kpɔ ,yi edɔ ci yi mi wa a trɔ edɔgbali. ⁶ Vɔ ci yi Timɔte va mi gbɔ yi trɔgbɔ ɔ, e nu enyɔ nyuiwo nɔ mi so miwo xɔse koɖo miwo lɔnlɔn nu. Enu nɔ mi hɛnnɛ mɔ mi kpɔtɔ dodo ɔ eŋui mi tɛgbɛɛ yi miwo kpɔkpɔ drodro ɔ mi shigbe le yi miwo kpɔkpɔ drodro ɔ miwo can do nɛ. ⁷ Nɔvinyɛwo, le miwo yaɖuɖuwo koɖo miwo xaxa wo mɛ o, mi na yi mi donɔ eji, nɔ xɔse ci yi mi ɖo ŋci. ⁸ Ecɛyɛ ɔ, ezo gbe ɖo lanmɛ nɔ mi ; ɖo ɔ, mi kpɔtɔ le eju koɖo Axwetɔ goŋgoŋ. ⁹ Eji jɔjɔ ɔ mi sugbɔ do mi kaka kpɔ mi ɖe gbe nya le yi mi a do akpe lɔ nɔ miwo Mawu do o. ¹⁰ Ezan koɖo keɖe ɔ, mi wanɔ gbedo ɖaɖa veviɖe mɔ Mawu le kpe do mi nɔ mi a trɔva yi a va kpɔ mi yi a kplan mi enu ciwo yi hwedo le miwo xɔse nu. ¹¹ Miwo da Mawu ŋtɔ koɖo miwo xwetɔ Yesu le ɖe emɔ nɔ mi nɔ mi a sɛnŋ a va mi gbɔ . ¹² Miwo xwetɔ Yesu le wɛɛ nɔ mi a lɔn miwo nɔnɔwo koɖo amɛ pleŋ sɔwu nɛnɛ shigbe le yi mi do nɛ. ¹³ Agahunnɔ mɛ ɔ, a do ŋsɛn mi yi mi a kɔ le miwo da Mawu ŋmɛ hwecinu yi miwo xwetɔ Yesu a trɔgbɔva xexe lɔ mɛ koɖo yi mɛwo pleŋ. Eyi amɛɖe ɖa kpɔ ehwɛ ɖe a do mi o! xoaɖi.