¹ Nɔvinyɛwo, miwoŋtɔwo mi nya mɔ miwo gbɔ vava ɖe gu amɛ o. ² Mi gbe nya mɔ wo do aya nɔ mi, yi zu mi le Filipi jugan mɛ. Ci yi cukaɖa sugbɔ le Tɛsaloniki hɛnnɛ can ɔ, Mawu na yi mi gbe edɔn yi nu yi ŋɛnyui lɔ nɔ mi. ³ Ci yi mi biɔ biɔ so amɛwo gbɔ mɔ wo ie xɔ Mawu nyɔ lɔ ji se, ɖe nyi enyɔ e nyi yi mi nunu ɔ kpoŋ o yi ɖe nyi susu baɖa ɖe yi mi sɔ nui ɔ o. Nɛnɛke ɖɛ nyi amɛ yi mi bleble ɔ do mɛ o. Vɔ ɔ, enyɔ ciwo yi Mawu nu mɔ miwo le nu yi mi nu. Ɖo ci yi e do mi kpɔ ɔ, e sɔ eŋɛnyui dodo doashi nɔ mi. Mi ɖe xɔxɔ ɔ nuxu yi a jeŋ nɔ agbetɔo o. ⁴ Vɔ ɔ, mi sese ɔ yi a jeŋ nɔ Mawu ci yi kpɔnɔ ejimɛ nɔ amɛ. ⁵ Mi nya nyuiɖe mɔ yi ɖe nyi enumɛ yi mi va vivi le mi gbɔ o nɔ ɖe nyi va mi va xo nuxu nɔ mi yi sɔ le ele ji ɔ o. Mawu ŋtɔ aɖe kunu nɔ mi. ⁶ Miwo can, amɛbuɖewo can, mi ɖe ji mɔ amɛɖe le bu mi o. ⁷ Nɔ mi ji sa ɔ, mi a wanɔ enu shigbe egawo nɛ .Ɖo mi nyi kliso mɛdɔdɔwo. Kpɔ mi ɖe wɛɛ nɛnɛ o.Mi fa ecu yi nɔ miwo domɛ shigbe le ajinɔ nɔnɔ eviɛwo gbɔ do nɛ. ⁸ Mi lɔn mi sugbɔ kaka ɖe nyi Mawu ŋɛnyui lɔ ɖekɛ yi mi jiji ɔ a nu nɔ mi sa o. Vɔ ɔ, mi le egbesɔsɔ a sɔ miwo gbe ke eku. Nyɔnɔnuitɔ, ɔ mi ve nɔ mi sugbɔ. ⁹ Nɔvinyɛwo, mi ɖoɖo ɔ eŋui le yi e wa edɔ sɛnŋzɛnŋɖe le mi gbɔ do. Mi wa edɔ ezan koɖo kede nɔ mi ŋgbe va biɔbiɔ enu mi hwehunnɔ wo ci yi mi le Mawu ŋɛnyui lɔ do ɔ nɔ mi koɖo axwa o. ¹⁰ Miwo koɖo Mawu a sɛnŋ ɖe kunu nɔ mi mɔ ci yi mi nɔ miwo xɔsetɔwo gbɔ ɔ, mi nɔ agbe kɔkɔɛɖe, jɔjɔɛɖe yi amɛɖe kpɔ ehwɛ ɖe a do mi o. ¹¹ Mi nya hɛnnɛ mɔ mi kplɔ mi pleŋ shigbe le yi evida kplɔnɔ eviɛwo do nɛ. ¹² Mi donɔ eji xo nɔ mi yi donɔ ŋsɛn lanmɛ nɔ mi. Mi gbe biɔnɔ so gbɔ mɔ miwo le nɔ agbe shigbe le yi Mawu ci yi yɔ mi va yii fiɔɖuxu koɖo yii klɛnklɛn lɔ mɛ ji do nɛ ¹³ Enu ci ŋci yi miwo can, mi gbe dodo ɔ akpe nɔ Mawu mamimami do yi nyi kpɔ mɔ mi xɔ Mawu ŋɛ ci yi mi va do nɔ mi lɔ. Mi ɖe xɔɛ do agbetɔwo nyɔkpakpaji o.Vɔ ɔ, mi xɔɛ do enu ci yi e nyi ji nyao, Mawu ŋɛ ci yi so Mawu ŋtɔ gbɔ nɔ mi. Enyɔ lɔ yi le edɔ waa lemiwo ciwo yi xɔɛ ji mɛ. ¹⁴ Nɔvinyɛwo, mi va sɔ koɖo Mawu ha ciwo yi le Yesu kliso mɛ le Yuɖa kan mɛ. Ɖo ɔ, miwo jumɛvi wo yi ɖe xɔ Yesu ji se o ci yumɛ nɔ miwo can shigbe le yi Yuɖatɔ ciwo yi ɖe xɔ Yesu kliso ji o, yumɛ nɔ klisotɔ ciwo yi le Ʒude kan mɛ do nɛ. ¹⁵ Yuɖatɔ hunnɔ ciwo yi wu Axwetɔ Yesu koɖo eŋɛdotɔ ɖewo yi gbe yumɛ nɔ miwo can. Woo ɖe wanɔ enu do Mawu tɔ ji o, yi nyi ketɔwo nɔ agbetɔwo pleŋ. ¹⁶ wo xexe ɔ emɔ nɔ mi nɔ mi ŋgbe yi nu Mawu nyɔ amɛmnyi Yuɖatɔwo nɔ Mawu ahwlɛ wo gan o. Enu hunnɔ na nɔ wowo nuvɔin va su egbɔ do ji kaka gban ago. Eyi le vɔvɔnu ɔ, Mawu wa homɛshin do wo. ¹⁷ Nɔvinyɛwo, miwo yɛ ɔ, mi sɔ le mi gbɔ yɛ ɔ, ɖe jinjin o. Ci yi mi ɖe gbe le mi gbɔ o can ɔ, miwo susu wo le mi ji. E dro mi sugbɔ yi tekpɔ zenɛniɖe mɔ mia trɔ va mi gbɔ. ¹⁸ Ḍe nyi zeɖeka o yi ɖe nyi zeve o, eyi mi ji mɔ a trɔva mi gbɔ. Veviɖe enyɛŋtɔ Pɔlu ɔ, ŋ jinɔ mɔ na trɔ va mi gbɔ gbɔwxe yi legba xenɔ emɔ nɔ ŋ. ¹⁹ Ɖo miwo can ɔ, mi na yi mi kpɔnɔ emɔ nɔ Mawu koɖo kankandoji. Mi gbe na yi mi le jijɔ gbɔ ɔ hɛnnɛ. Miwo yi ɖe doasɛ mɔ miwo du ji. Enu ci yi a va na yi mi a kpɔ jijɔ gbecigbe yi miwo xwetɔ Yesu a va trɔgbɔ nɛ. ²⁰ Nyao ɔ, mi na yi wo kannɔfu mi yi mi gbe kpɔnɔ jijɔ.