¹ Wema cɛ sɔsɔ enyɛ, pɔlu koɖo Silasi koɖo Timɔte gbɔ nɔ mi. Mi Ŋwlɛ ŋwlɛ wema lɔ ɖaɖa Mawu ha ci yi le Tɛsaloniki jugan mɛ yi wa ɖeka koɖo Mawu Eda koɖo Axwetɔ Yesu kliso. Mawu le wa xomɛvunu nɔ mi yi na fafa mi. ² Tɛgbɛɛ ɔ, mi donɔ akpe nɔ Mawu do eta nɔ mi pleŋ yi donɔ enyui mi le miwo gbedo ɖaɖa mɛ. ³ Ŋyɔnɔnuitɔ nɔ mi le gbedo ɖaɖa waa nɔ miwo da Mawu ɔ, mi donɔ eŋui le yi miwo nuwawawo dodo ɔ asɛ mɔ xɔ Mawu ji se nyuiɖe dɔ yi miwo gblajejewo can ɖeɖe ɔ lɔnlɔn ci yi dɔ nɔ amɛwo doasɛ do. Gbe sɔwu nɛnɛ ɔ, mi donɔ eŋui le mi emɔ kpɔ nɔ Axwetɔ Yesu kliso tru ɖuɖu do . ⁴ Nɔvinyɛwo, mi nya mɔ Mawu lɔn mi yi can mi . ⁵ Ɖo ci ɖe yi mi do Mawu ŋɛnyui lɔ nɔ mi ɔ, ɖe nyi enyɔ kpoŋwo yi e nyi yi mi nu nɔ mi o. Ggbɔngbɔn kɔkɔɛ ŋsɛn le mɛ koɖo mi. Mi nya nyuiɖe mɔ enyɔ ciwo yi nunu ɔ nyi nyɔnɔnui. Hwenu ci yi mi le mi mɛ ɔ, mi ɖe miwoɖekiwo doasɛ nɔ mi yi a sɔ do alɔ mi. ⁶ Miwo yɛ ɔ, miwo kpɔ do miwo gbenɔnɔ koɖo Awxetɔ nu yi tɔ nɔnɔ. Vɔ ɔ, mi xɔ Mawu nyɔ lɔ le vevesesen sugbɔ koɖo jijɔ ci yi Ggbɔngbɔn kɔkɔɛ nanɔ amɛ mɛ. ⁷ Nɛnɛ ɔ, mi va trɔ kpɔwɛ nɔ amɛ ciwo pleŋ yi xɔ Mawu ji se le Maseduwanu koɖo Akayi kanwo mɛ. ⁸ Miwo yi na yi amɛwo se enyɔwo so miwo wxetɔ nu le Maseduwanu koɖo Akayi kanwo me. Ɖe nyi kpɔ mɔ wowo ɖekiwo yi se o. Amɛwo se le yi mi xɔ Mawu ji se do le afishifi kaka kpɔ ɖe gbe ʒian mɔ miwo agbe nu enyɔ ɖe o. ⁹ Amɛ lɔwo ŋtɔ yi le nuxu xo ɔ so le yi mi xɔ mi do agacimɛ yi mi va mi gbɔ koɖo le yi mi gbe vojutogboviwo yi va le Mawu agbeagbe, Mawu adodui lɔ sɛn ɔ nu. ¹⁰ Wo gbe nunu ɔ hɛnnɛ mɔ miwo le ete nɔ ɔ kpɔMawu Eviɛ ci yi so jiŋkuimɛ yi va. Mawu fɔin so amɛkukuwo domɛ yi e hwlɛn mi gan le enuvɔin mɛ nɔ Mawu ŋgbe va sinhomɛ do mi le kojo ci yi e jiji ɔ a va ɖo koɖo mi le vɔvɔnu mɛ nɛ o.