¹ Sɔso enyɔ ciwo yi mi ŋwle ɖaɖa ŋ nu ɔ, a nyɔ mɔ ŋsu a nɔ nyɔnumaɖe. ² E le nɛnɛ, vɔ nɔ ŋsu ɖe ŋgbe va tɔ nyɔn jiji hangna hangna ɔ, a nyɔ mɔ ŋsu ɖeka ɖeka a ɖe yi nyɔnu yi nyɔnu ɖeka ɖeka a eɖe yi su. ³ Ŋsu le sɔ enu ci e ɖo yi a sɔ na ashiɛ. Nɛnɛke nyɔnu can le sɔ enu ci e ɖo yi a sɔ na asuɔ. ⁴ D'e nyi nyɔnu yi ɖo acɛ do yiŋtɔ ji o, asuɔ yi ɖo acɛ do yiŋtɔ yi o, ashiɛ yi ɖo acɛ ji.Nɛnɛke ɔ, d'e nyi ŋsu yi ɖo ecɛ do yiŋtɔ ji o ashiɛ yi ɖo acɛ do ji . ⁵ Mi ŋgbe tenɔ miwoɖekiwo miwonɔnɔwo o. Nɔ a va nyi nɛnɛ can ɔ, nui mi a nui do ɖekɛ yi a wɛɛ sɔnanɔ hwenu kleŋ gbɔxwe a vo a kuifan. Vɔ nɔ kuifan hwenu lɔ vayi ɔ, mi a gbe tɔ su koɖo ashi gbe nɔnɔ, nɔ Legba ŋgbe va do mi kpɔ o. Ɖo mi d'a va nya lehan mi a wɛɛ do yi miwoɖekiwo ji o. ⁶ Enyɔ lɔ ci yi ŋ nu nɔ mi cɛ, d'e nyi egbeɖeɖe yi e nyi o. Vɔ ɔ, le any nukpɔkpɔ mɛ ɔ, nɛnɛ yi a nɔ nɛ. ⁷ E dro ŋ mɔ amɛshamɛ a nɔ shigbe enyɛ nɛnɛ. Vɔ le womɛvu mawutɔ mɛ ɔ, amɛɖeka amɛɖeka xɔ enunana ci yi to akpo alɔkpaɖe. Amɛɖeka xɔ to wanaɖemɛ, yi a mɛbu can xɔ yi tɔ le wana bu mɛ. ⁸ Amɛ ciwo yi de ɖe asu alo nyɔnu o koɖo kposuwo ɔ, ŋ nunu nɔ wo mɔ yi nyɔ mɔ wo a nɔ shibge enyɛ han nɛnɛ. ⁹ Vɔ nɔ wo d'a sɛn eŋ ɖu wowoɖekiwo ji o ɔ, wo le ɖe nyɔnu alo wo le ɖe asu. Ɖo ɔ, e nyɔ mɔ nɛnɛ mɛwo a ɖe nyɔnu alo a ɖe asu sɔwu ci yi wo a ci nɛnɛ yi nyɔnugbɔyiyi alo ŋsugbɔyiyi dro a nyi eʒo yi a binɔ le wo mɛ. ¹⁰ Amɛ ciwo yi ɖe asu alo yi ɖe nyɔnu, ŋ le gbeta cɛ nana mi. D'e nyi enyɛ yi nana hɛnnɛ o. Axwetɔ yi nana gbeta lɔ mi mɔ nyɔnu ŋgbe gbe asu o. ¹¹ Vɔ nɔ nyɔnu ɖe gbe asu ɔ, le ci nɛnɛ asumaɖe alo le trɔgbɔ yi a wa ɖeka koɖo asuɔ, ŋsu can ŋgbe gbe ashiɛ o. ¹² Vɔ amɛ kpɛtɛ wowo ɔ, enyɛ yi nunu ecɛ nɔ wo o, ɖe nyi axwetɔ yi nunu nɔ wo o, ŋ nunumɔ: nɔ e nyi kpɔ mɔ nɔvi ŋsu xɔsetɔ ɖe ɖe nyɔnu maxɔsetɔ yi nyɔnu lɔ xɔ egbe mɔ ye a nɔ koɖoi ɔ, nɔvi lɔ ŋgbe gbii o. ¹³ nɔ ŋsu maxɔsetɔ ɖe yi nyi asu nɔ nɔvi nyɔnu xɔsetɔ ɖe yi ŋsu lɔ xɔ egbe mɔ ye a nɔ koɖoi ɔ, nyɔnu lɔ ŋgbe gbii o. ¹⁴ Ɖo ɔ, nyɔnu xɔsetɔ a na yi asuɔ maxɔsetɔ a trɔ amɛɖedoakpo yi ŋsu xɔsetɔ a na yi ashi maxɔsetɔ a trɔ amɛdedoakpo. Nɔ de nyi nɛnɛ o ɔ, miwo viwo a nyi amɛmakɔmakɔwo vɔ ɔ, eviɛ ɔ wo nyi amɛkɔkɔɛwo. Vɔ ɔ, eviɛ ɔ wo nyi amɛmakɔmakɔwo. ¹⁵ Vɔ nɔ maxɔsetɔ ɖe ji mɔ ye a gbe xɔsetɔ ci yi e ɖe ɔ, le gbi fɛɛ. Nɔ enu va nyi nɛnɛ ɔ, eka ɖe ɖe gbe bla nɔvi xɔsetɔ ŋsu alo nyɔnu koɖo amɛ ci yi gbii o! Mawu yɔ mi mɔ miwo le va nɔ agbe le fafa mɛ. ¹⁶ Nyao ɖe, nyɔnu, le a wɛɛ do yi a nya mɔ eye a hwlɛn yesuye gan yɛ ɔ? Alo ŋsu, le a wɛɛ do yi a nya mɔ eye a hwlɛn yeshiye gan yɛ ɔ? ¹⁷ E le nɛnɛ can ɔ amɛɖeka, amɛɖeka le nɔ agbe le nɔnɔmɛ ce yi Axwetɔ wa nii mɔ yi le nɔ mɛ shigbe lehan yi amɛ lɔ le do hwenu yi Mawu yɔɛ ,nɛ. Enyɔ ci yi ŋ ŋwlɛ nɔ Mawu hawo pleŋ mɔ wo ɖo yi a wa nɛ. ¹⁸ Amɛɖe so evo gbɔxwe yi Mawu yɔɛ a ? Amɛ lɔ le kpɔtɔ a nyi evosoi. Amɛɖe nyi tɔtɔnɔ gbɔxwe yi Mawu yɔɛ a? Amɛ lɔ le kpɔtɔ a nyi tɔtɔnɔ. ¹⁹ Evososo de nyi enuɖe o, yi evomaso can de nyi enuɖe o. Enu ci yi le veviɖe yi nyi mɔ wo a wa do Mawu gbeɖewo yi. ²⁰ Amɛɖeka amɛɖeka le nɔ lehan yi e le gbɔxwe yi Mawu yɔɛ. ²¹ Amɛ xwexwle yi e nyi *weyinu yi Mawu yɔ eo a? ŋ gbe wa eɖe do lanmɛ nɔ eo o. Vɔ nɔ mɔnu ɖe li nɔ eo mɔ a je vovomɛ can ɔ, na nɔ ao amɛ xwexwlenyinyi nɔnɔmɛ a ɖe evi nɔ eo. ²² Ɖo ɔ, amɛ xwexwle ci yi axwetɔ yɔ trɔ vovomɛ mɛ nɔ Axwetɔ. Nɛnɛke ɔ, vovomɛ mɛ ci yi Mawu yɔ trɔ amɛ xwlexwle nɔ kliso. ²³ Efɛn yi Mawu cu yi sɔ xwle mi. Mi ŋgbe va trɔ amɛ xwlexwlewo nɔ agbetɔ wo. ²⁴ Nɔvinyɛwo, amɛ ɖeka ɖeka le nɔ lehan yi e le hwecinu yi Mawu yɔɛ. ²⁵ Nyɔnuvi ciwo yi le alɔji koɖo ɖajɛvi ciwo yi le egbeji wowo ɔ, ŋ de xɔ egbeɖeɖe ɖe so axwetɔ gbɔ nɔ wo o vɔ ɔ, ŋ nunuɔ lehan yi ŋ kpɔ mɔ yi nyɔ yi wo a wa do shigbe amɛ ci yi axwetɔ ku ŋshishi nɔ yi amɛ lɔ nyi amɛ ci yi ji wo kando nɛnɛ. ²⁶ Enu ci yi ŋ kpɔ mɔ yi nyɔ nɔ wo kuso xaxa ci yi li yɛ ŋci ŋkpɔ mɔ e nyɔ mɔ amɛ ɖeka ɖeka le nɔ shigbe lehanci yi e le do nɛ. ²⁷ Nyɔnu le eo shi a? ŋgbe ji mɔ ye a gbii o. Ɖ'e ɖe nyɔnu o loo? ŋgbe vayi ji nyɔnu yi ade o. ²⁸ Dekpokpoiɖe nɔ e ɖe nyɔnu can ɔ, d'e wa enuvɔn o, yi nɔ cugbejɛ le alɔji ɖe ɖe asu can ɔ, d'e wa enuvɔn o. Vɔ ɔ, amɛ ciwo yi ɖe asu alo yi ɖe alo yi ɖe nyɔnu a va nɔ vevesese mɛ le wowo gbe mɛ. Ŋ de ji mɔ miwo a nɔ vevesese hunnɔ han wo mɛ o. ²⁹ Ŋɔvinyɛwo, enyɔ ci yi ŋ nunu ɔ ke Gamɛ sugbɔ de gbe li o. Soso kaakacɛ ɔ, Amɛ ciwo yi wa nyɔnu ɖe le nɔ shigbe nyɔnu de le wo shi o ɛnɛ. ³⁰ Amɛ ciwo yi le avin fan le wa shigbe wo de le avin fan o ɛnɛ. Amɛ ciwo yi le jijɔ kpɔ le wa shigbe wo de le jijɔ kpɔ o ɛnɛ. Amɛ ciwo yi le enu xwle le wa shigbe wo de wa enuɖe ɖɛ o ɛnɛ. ³¹ Amɛ ciwo yi le xexe cɛ mɛ dɔkunuwo zan ɔ le wa shigbe wo de le o zan nyao o ɛnɛ, Ɖo xexe cɛ mɛ nɔnɔmɛ cɛ vayi. ³² Keŋ ɔ, ŋ trɔ ji mɔ miwo le vo le susu mɛ. Amɛ ci yi de ɖe nynu o xanɔ do axwetɔ nuwo nu; nɛnɛ mɛ biɔnɔ yiɖeki se mɔ lehan yi ye a wɛɛ do kaka ye nu a jɔ eji nɔ Axwetɔ mɛ. ³³ Vɔ ɔ, amɛ ci yi ɖe nyɔnu xanɔ do xexe cɛ mɛ nuwo nú. E biɔnɔ yiɖeki se mɔ lehan yi ye a wɛɛ do kaka ye nu a jɔ eji nɔ yeshiye mɛ. ³⁴ Nɛnɛ ɔ, e ma do eve. Nyɔnu maɖeasu alo cugbejɛ le alɔji can xanɔ do axwetɔ nuwo nu yi sɛn eŋ nɔnɔ kɔkɔɛɖe le lankpu koɖo gbɔngbɔn mɛ. Vɔ ɔ, ci yi ɖe asu xanɔ do xexe cɛ nuwwo nu. E biɔnɔ yiɖeki se mɔ lehan yi ye wɛɛ do kaka ye nu a jɔ eji nɔ yesuye mɛ. ³⁵ Nɔ enu a nyɔ nɔ mi tado yi ŋ nunu ɔ ahan do. D'e nyi ji ŋ ji mɔ na ɖo fɛnca ɖɛ nɔ mi yɔ o j ŋ jijiɛ mɔ miwo le wanɔ enu ci yi je yi a ca do Axwetɔ nu blebu. ³⁶ Vɔ nɔ amɛɖe kpɔ mɔ ye de nɔnɔ agbe shigbe lehanci jiwo d'o a nii do o ɛnɛ ɖaɖa ye nyɔnuvi gbɔ, ye desɛn eŋ yi ɖuɖu ɔ eyeɖeki ji oɔ, le ɖe nyɔnu shigbe lehanci yi e droi do ɛnɛ D'e wa enuvoɔn o. ³⁷ Vɔ ɔ amɛɖe sɔ gbeta koŋ le yiɖeki mɛ mɔ ye d'a ɖe nyɔnu o yi d'e nyi amɛɖe yi ʒiin ji o yi e nyi edro ci yi le eje mɛ nii nɛ, nɔ e ɖu yiɖeki ji ji sɔ do bubu cugbejɛ lɔ nu ɔ, nyi nɛnɛ mɛ wa enu nyuiɖe. ³⁸ Nɛnɛ ɔ, amɛɖe ci ɖe yi nyɔnu vi wa enu nyuiɖe, amɛ ci yi de ɖe o wo enu nyuiɖe sɔwu. ^{39 40} Ese bla nyɔnu ci yi ɖe asu koɖo asuɔ do ɖeka nɔ ŋsu lɔ le agbe dúu. Vɔ nɔ ŋsu lɔ va ku yi e dro nyɔnu lɔ ɔ, a ɖe ŋsu bu ci yi droi. Vɔ ɔ, ŋsu lɔ le vlɛ a nyi xɔsetɔ. Gankegan enyɛ yɛ ŋ kpɔ mɔ nɔ e ci lehanci yi e le, asumaɖe ɔ, a vo sɔwu. Ŋ bu mɔ enyɛ can ɔ, Mawu gbɔngbɔn le ŋ mɛ.