¹ Nɔvinyɛwo, enyɛ yɛ ɖe, ci yi ŋ va mi gbɔ yi vá xonuxu nɔ́ mi sosó enu ci yi nyi Mawu nuwlawla lɔ nú ɔ, ŋ de dó egbe ci yi sɛ́n eŋ gló mi sese, alo ŋ de sɔ́ ŋununyanya ci yi wú egan mi sɔ núi nɔ́ mi o. ² Ɖó ŋ kpɔ mɔ́ ŋ dá nyá enyɔ bude le miwo domɛ sɔ zeto Yesu Kliso nyɔ ɖekɛ, Yesu Kliso ci yi wo kán do acisosa ji ɖekɛ nyɔ o. ³ KleKle, vɔnvɔn koɖo hunhunhun sugbɔ mɛ yi ŋ nɔnɔ hwenu yi ŋ nɔ mi gbɔ.

⁴ Anyi nuxu koɖo anyi Mawu nyɔnunu de le shigbe amɛklɔklɔ nuxu agbetɔ ŋununyatɔwo tɔ nɛ o. Vɔ ɔ Gbɔngbɔn Kɔkɔɛ doasɛ yiɖeki, Mawu ŋsɛn yidoasɛ yiɖeki hwenu yi ŋ xonɔ nuxu nɔ́ mi

⁵ Nɔ́ nɛnɛ ɔ, miwo xɔse ŋgbe nɔ anyinɔnɔ do agbetɔwo ŋununyanya ji o; nɔ́ á xɔ zinkpin do Mawu ŋsɛn ji. ⁶ É le nɛnɛ gankegan ɔ, ŋununyanya fɔ é nyi yi mi ɖe nɛnɛ le amɛ ciwo yi shin le xɔse me domɛ . ŋununya hunnɔtɔ de nyi xexe cɛ me ŋununyanya o , dë nyi ŋsɛn ciwo yile acɛ kpa do xexe cɛ mɛ ji, ciwo a vá gu hɛnnɛ o. ⁷ Mawu ŋununyanya ci le wlawla mɛ yi agbetɔwo de kpɛkpɛ sasa o fɔ yi mi ɖedɛ. Mawu dra ŋununyanya hunnɔtɔ do dɛ́ gbɔxwe yi xexe a vá jɔ, nɔ́ mi a ɖó Mawu kanfukantu. ⁸ Xexe cɛ mɛ fiɔ ɖe de jeshi ŋununyanya hunnɔtɔ o. Nɔ́ wo jeshi sasa ɔ , wo dá kan Axwetɔ, bubumɛ lɔ dó acisosa ji o. ⁹ Vɔ ɔ , é le shigbe enu ci yi wo ŋwle do Mawu nyɔ wema mɛ ɛnɛ mɔ '' Enu ci yi ŋkuvi de kpɔ́ o, enu ci yi eto de se o, kodo enu ci yi de vá susu mɛ nɔ agbetɔ o ɔ, é yi Mawu drado dadɛ nɔ́ amɛ ciwo kyi lɔinni.'' ¹⁰ Keŋ ɔ , miwo yi Mawu trɔ́ dji doasɛ nɔ́ toto gbɔngbɔn kɔkɔɛ ji. Ɖo gbɔngbɔn kokɔɛ kijenɔ enuwo pleŋme kpɔ kaka je mawu toto ciwo yi le wlawlamɛ ji hɛnnɛ. ¹¹ Ci yi é le nɛnɛ ɖe, mi yi le agbetɔwo mɛ yi nyá enu ci yi le agbetɔ mɛ ɖekɛ yi a nia nyá, Nɛnɛ ɔ, amɛde dë nyá enu ci yi wlá dó Mawu mɛ o. Mawu gbɔngbɔn ɖekɛ yinyá ¹² keŋɔ, dë nyi gbɔngbɔn ci yi só mawu gbɔ́́ yi mi xɔ o. Vɔ ɔ, gbɔngbɔn ci yi só Mawu gbɔ́ yi mi xɔ. Gaxoxonɔmɛ nɔ́́ mi a sɛ́n eŋ jeshi enu ciwo yi Mawu ná mi xomɛvutɔ. ¹³ Nɛnɛ ɔ, dë nyi ŋununyanya ci yi wo xɔnɔ toto agbetɔwo nukplamɛnyɔwo mɛ yi mi sɔ́ xo nuxu soso nunana cɛwo nú́ o. Vɔ ɔ, ŋununyanya ci yi mi xo tot mawu gbɔn gbɔn nukplamɛnyɔwo mɛ yi mi sɔ́ xoi. Nɛnɛ yi mi ɖenɔ gbɔngbɔn mɛ nyɔnɔnuiwo gɔ amɛ ciwo mɛ yi gbɔngbɔn lɔ le do nɛ ¹⁴ Vɔ ɔ, amɛ ci yi nɔ anyinɔnɔ do agbetɔ jɔjɔmɛ ɖekɛ ji d'a sɛ́n eŋ xɔ enu ci yi só gbɔngbɔn mɛ o suku nyɔ hanwo yi é ɖyinɔ dó enu nii. D'á sɛ́n eŋ jeshii o, ɖó ɔ, wo d'a sɛ́n eŋ xo yi nyɔ nɔ́ d'é nyi Gbɔngbɔn lɔ mɛ yi wo le o. ¹⁵ Amɛ ci mɛ yi Mawu Gbɔngbɔn le sɛn eŋ xonɔ enyɔwo pleŋ. Vɔ eyɛ ɔ, amɛɖe d'a sɛ́n eŋ xo yi nyɔ o. ¹⁶ Nyao ɔ, wo ŋwlɛ daɖɛ do Mawu nyɔ wema mɛ mɔ : " Mi yi nyá susu ci yi le Tɔhonɔ shi ɔ ? Mi yi a sɛ́n eŋ kplá enu yi ɔ ? " Miwo yɛ ɔ, susu ci yi le Kliso lɔ shi yi le miwoshi.