¹ Le xɔn godoa ŋva kpɔ dola amɛnnɛn le ote le tonuntonun agnigbajitɔ ova ɖo aya xoxo amɛn nɛn agningbanjitɔlɔ kuɖo susu nɔn wogbevaxo o le agningbanji o alo le axujio alo le acijio. ² Yi ŋgbe va kpɔ dɔlaɖeka vale owe mɛn la ɖokɔ yi ova hin tɔka Mawu agbeagbelɔtɔ cinɔn ova nun nanbe ya wa onun baɖa kuɖo agningbanjilɔ kuɖo axu yi va nun be. ³ Mingbe wa onungnran do agningban o alo axu o alocibo kaka sɔ na gacimɛn yi min la yi subɔvi Mawu mian tɔ. ⁴ Yi ŋva se agbetɔ nɛn nɛn cinwo ŋci jesidolɔle o ovagnin agbetɔ kotokun kave ciwin kuɖo kacinɛn le kɔtawo keŋkeŋ izraɛliviwomɛn. ⁵ Agbetɔ kotokun wuive xɔ jesido xɔn le akɔta judatɔmɛn kotokun wuive le rubɛnu o akɔtamɛn kotokun wuive le akɔta gaditɔmɛn. ⁶ Kotokun wuive le akɔta aseritɔmɛn akɔta nɛfitalitɔmɛn kuɖo manasetɔmɛn wo can gnin kotokun wuive ke. ⁷ Le akɔta simeontɔmɛn akɔta levitɔmɛn kuɖo akɔta isacatɔmɛn wo can gnin agbetɔ kotokun wuive ke. ⁸ Akɔta zabulɔntɔmɛn akɔta Josɛfutɔmɛn akɔta benjamintɔ wo can gnin agbetɔ kotokun wuive ke. ⁹ Xɔngodoa ŋvakpɔ agbetɔ sugbɔwo ma hlin mahlin le akɔtawomɛn keŋkeŋ le oduomɛn kuɖo aɖeo keŋkeŋ ovale ŋkɔnɔn lɛn gbɔlɔ le ofiɔzikpolɔ ŋkɔ yi ova do owulɔgbɔ ɣi wo. ¹⁰ Yi va le nun nunkɔ kuɖo axua kpobe ɖeɖe kpɔkɔlɔ gnin Mawu miantɔtɔ cinɔn nangnin ɖo ofiɔzikpo lɔ ji kuɖo lɛngbɔ lɔ tɔ. ¹¹ Dɔlawo vatrɔdo ofiɔzikpolɔ kuɖo gnɔn xonɔnwo kuɖo onunwawa lɔwo yi ova dotagu le ŋkɔnɔn ofiɔzikpolɔ yi va Mawu sɛnɔ. ¹² Yi va le nunnunkɔ be amin ohajiji dodoɖoji onungnan gan akpedodo kɔkɔ acɛ kuɖo hlɔnhlɔn. ¹³ Yi gnɔn xo nɔn ɖe ka la le nun nunkɔ be mɛncinɔwo yi do onun ɣi mɛnɖe xa yi ognin yi fide oso. ¹⁴ Ŋva nunninbe axuetɔ xignɛn o gnin yi va nun nunbe mɛncinɔn yi to so vevesese ganganlɔmɛn wo yɔ oklɔ awulɔ gbɔ ɣi wotɔ yi ava sɔ lɛngbɔ hunglɔ sɔ va gnin. ¹⁵ Yidɔ ovale ofizikpolɔ ŋkɔ yi va sinsinkɔ ozan kuɖo kedi mɛncinɔn yi le ofiɔzikpo lɔ ji la va tu oxɔvi yɛtɔ ɖo woji. ¹⁶ Sive nangbe va ciwo sikɔnan va ciwo gnindɔn nangbe va ɖuwo yi zozo nan gbeva doŋxonɔnwo. ¹⁷ Ɖoa lɛngbɔ cinɔn yi le ofiɔzikpo lɔ dodomɛn la va kplɔ sɔ yi osinun xue yi Mawu la va tutu ɖasi le ŋkuvimen nɔn wo.