¹ Gacinɔnɛn yi va hun oga amadrɛ gɔnlɔ jiŋkuvi va bɔnun kaka nan miniti amɛngban. ² Yi ŋva kpɔ dɔla amadrɛ le ofiɔzikpolɔ ŋkɔ yi ovasɔ okpɛn amadrɛ sɔ nanwo. ³ Dɔla bu va nɔn ote ɖo avɔsa kpe lɔ ji cinɔn yi sɔ amɛnkɔ nu ɖji sikatɔ ɔyi ova sɔ aminhuin huin sugbɔsugbɔ sɔ nin kuɖo kufan amɛnkɔkɔwotɔ avɔsakpe sikatɔlɔ ji ci nɔn yi le ofiɔzikpolɔ ŋkɔ. ⁴ Yi zizɔ amin xuin xuin lɔ tɔ kuɖo kufan amɛnkɔkuɛlɔwotɔ va yi Mawu gbɔ. ⁵ Ɖɔlalɔ va sɔ onungoviwɛɖe ci nɔn mɛn ozo avosa kpetɔlɔ ɖɔ yi va kuɛɖo agnɛn gban ogbe ɖiɖio jiŋkusiwo tu klinklinwo kuɖo agningban va hunhun. ⁶ Yi dɔla amandrɛlɔwo va sɔ okpɛn amandrɛ lɔ wo yi va le dradraɖo wakɔ a tiŋ a xuwo. ⁷ Amɛn ŋkɔtɔ xo agalɔ yi ozo kudo aminwo blibɔ kuɖo ozo ci nɔn ovasɔ kɔ ɖo agningban yi agbɛngban manɖo amɛnwo va fiɔn kuɖo ozo ye ogbe wo va fiɔn. ⁸ Ɖola amɛnve gɔnlɔ va xo okpɛnlɔ yi oto gangan ɖe ka va lezo ci nɔn ovasɔ da ɖaɖa axu mɛn yi axu lɔ manɖo amɛntɔn va trɔ zun ohun. ⁹ Axumɛnlan manɖo toxue amɛn tɔn kuɖo tojihɔnlɔwo va fiɔn. ¹⁰ Ɖɔla amɛntɔngɔnlɔ va xu okpɛnlɔ yi wlecivi gangan ɖe ka le ozo so jiŋkusi va jɔje agningban si be klinklin xa yi va je otɔwo kuɖo otɔwo mɛn. ¹¹ Wlecivi tɔnɔn be abi sɛnty yi manɖo amɛntɔn nɔn etɔwo va trɔzun abisɛnty yi otɔlɔwo va hu amɛn sugbɔwo ɖoa ovahunzo. ¹² Ɖɔla amɛnnɛntɔ lɔ va hukpɛn lɔ owe manɖo amɛntɔn va le ozo kuɖo wleci kuɖo wleciviwo va cizo ŋkeke va bu klinklin manɖo amɛntɔn nɛnnɛnke nɔn ozan can. ¹³ Ŋvakpɔɔ oxɔn xeviɖeva cinɔn yi le dodomɛnnɔn ji ŋkusi yi va le nununkɔ kuɖo ogbe gangan ɖeka baba nɔn agbetɔ cinɔnwo le agnin gbanjiwo sɔ so okpɛn xuxu dɔla amɛntɔnlɔwo la va xo.