¹ Ŋvakpɔ lingbɔlɔ va hun oga ɖeka le womɛɛn yi ŋva se yi onun agbeagbe ɖeka va lee nunkɔ kuɖo ogbeɖeɖe cinɔn yi ɖi jiŋkusi otuxa yi va le nunnunkɔbe va. ² Ŋkpɔɔ yi osɔ ɣɣi ɖeka mɛncinɔn yi hlajia ɖo ohuan ɖeka onin ofiɔ kuku ɖeka yi la va yi ɖuji. ³ Cinɔn yi oga amɛnve gɔnlɔa ŋva se onunwawa amɛn ve tɔ lɔ va le nun nunkɔ be va. ⁴ Yi osɔbu gbeva to mincinɔn yi hlaji xɔ acɛ yi la va ɖe ŋcifafa te agningbanji gaxɔnmɛn a agbetɔwo avatɔ ohlososo nɔn wonɔn nuwo yi ogbe sɔ owui onunve ganganɖeka sɔ do alɔmɛn nin. ⁵ Cinɔn yi va hun oga amɛntɔngɔnlɔ ŋse yi onunwawa amɛntɔngɔnlɔ va le nun nunkɔ be va yi ŋva kpɔ osɔ yibɔ ɖɖeka va to mɛncinɔn yi le ji a hin amɛndagbɔ onun ɖeka ɖo alɔmɛn. ⁶ Yi ogbe ɖeka va le nun nunkɔ le onun nɔn onunwawa ɖeka le amɛn nɛnlɔ be wo ohogaɖeka nɔ ble agbanɖeka oxogaɖeka nɔn ɔgi ogban amɛntɔn vɔa ŋgbe wa onungnrangnran ɖaɖa amin kuɖo vin lɔ o. ⁷ Cinɔn yi hun oga amɛntɔ lɔ a ŋva se ogbeɖiɖi nɔn onunwawa amɛn nɛntɔlɔ yi va le nun nunkɔbe va. ⁸ Ŋvakpɔ osɔ cinɔn yi ɣe ɖomɛn viɖe va to mɛncinɔ yi le ji a tɔnɔnbe oku yi okuodi va kplɛdo ovananwo acɛ ɖo gningban manɖo toxue amnɛn nin ji ova tinŋ ahu amɛnwo kuɖo owuin nunve kuɖo veve sese kuɖo oku kuɖo olan gnrankou avementɔ wo le agnigbanji. ⁹ Cinɔn yi va hun oga amantɔn gonlɔ a ŋva kpɔ ekla mɛncinɔn ohu sɔ so Mawu gnɔn ŋci nɔn kunun cinɔn oɖe Mɛncɛwo le avɔsakpelɔgɔnmɛn. ¹⁰ Ova le nun nunkɔ kuɖo ogbe sɛnŋsɛnŋ kpo yi va le nununukɔ be kaka do gaɖexamɛn cicakɔkuɛ ognɔn gnanwotɔlɔ yi ola gbe va ci godo sɔ nan yi la va fɔngu nɔn ogun miantɔ ɖo agbetɔ agningbantɔ woji. ¹¹ Ova sɔ awu didi sɔ va nan ɖekaɖeka wotɔ yi ova nun nɔnwo be onɛn gbɔnjiɖɛ nɔn gaxoxoɖe kaka sɔ bab ovegɔn dɔmɛntɔ wotɔ avasɔgbe kuɖo wonɔnviwo cinɔnwo oɖo la hu si be wo xa. ¹² Ŋva kpuɛ gacinɔnmɛn yi le oga amɛndɛngɔnlɔ yi agningban va hunhun gnindɔn lɔ va yibɔ si be saki yibɔ wle cilɔ va trɔzun ohun. ¹³ Yi wlecivi jiŋkusitɔwo va le jɔnjɔnkɔ je agnɛngbanji kɔ be aciku sɛnsɛn cinɔn aya gangan hunhun xa. ¹⁴ Jiŋkusi va bu si be weman ci nɔn hunkɔ olexaeto wo kuɖo etɔwo va hunhun le nɔnxue wotɔwo. ¹⁵ Efiɔ gningbanji tɔƥwo sɔja ganganwo ehotɔwo ŋsɛntɔwo kluviwo kuɖo amɛnle vovomɛn wo va be le odomɛnwo kuɖo okpemɛnwo. ¹⁶ Yi ovale nun nunkɔ nɔn oto xɔnwo be voa munjewoji atɛnŋ sɔwo sɔ hluado mɛncinɔn yi nangnin ɖo azikpolɔji kuɖo ŋcɔ nɔn lɛngbɔn cinɔn yi ɖɔ kuɖo dɔmɛnzi kpo. ¹⁷ Ɖoa ŋkeke gangan domɛn zi yɛtɔlɔva yi mɛnɖekpeŋci la nɔnte.