¹ Yi ŋvakpo weman le olɔdunun nɔn mecinɔn yi nangnin le ofiɔzikpo lɔ ji cinɔn mɛn yi owlinnun do godo kuɖɔ ŋkɔ yi do gɛ ɖo toxue amandrɛ. ² Yi ŋva kp dɔla sɛnŋsɛnŋ ɖeka cinɔn yi le nunnunkɔ kuɖo axua kpo be mɛnɖexa yi je la tiŋ gban oga amandrɛ lɔwo yitinŋ hun we manlɔ. ³ Yi mɛnɖe kpokpui le ayamɛn gningbanji kuɖo gningbantumɛ mɛn valio yi la va tinŋ kpuɛ kpecio. ⁴ Yi ŋva fanvin be mɛnɖekokpkui nɛn je nɔn onuncɛ o. ⁵ Gnɔnxonɔn ɖeka le womɛn va le nunkɔ nunbe ŋgbefanvino kpɔ kininkin akɔta judatɔ jiji mɛn Daviditɔ eɖuji yi la kpeŋci wemancɛ kuɖo oga ama jrɛlɔ wo. ⁶ Yi ŋva kpɔ le dodomɛn nɔn ofiɔ zikpolɔ kuɖo olan amɛn nɛn lɔ wo kuɖo gnɔnxonɔnlɔwo dodomɛn lɛngbɔ ɖeka le oxɔn si be ŋci nɔn ohu xa eɖo azo amadrɛ kuɖo ŋkuvi amadrɛ cinɔn wo gnin gbɔn gbɔn amadrɛ Mawutɔ cinɔn yi odo ɖaɖa agningbanlɔ ji. ⁷ Yi va xɔ wemanlɔ le alɔ ɖusi amɛnlɔtɔ mɛn. ⁸ Cinɔn yi va xɔ wemanlɔ a olanamadrɛ lɔ wo kuɖo gnɔnxonɔn wivɔnnɛlɔ wo va do ta gu le ŋkɔ nɔn lɛngbɔlɔ ƥyi dekadeka wotɔ va hin sika go kuɖo kɔkpɔ sikatɔ cinɔnwo va ɖɔ kuɖo amin xuɛn xuɛn cinɔnwo gnin okufan amɛn kɔkuɛwotɔ. ⁹ Yi ovale oha yoyo jikɔ be oje la xɔ wemanlɔ yi la gbe huin kuɖo agbe gban oga amadrɛ lɔwo ɖoa osɔ wɔokui sɔ savɔ yi osɔ ohuntɔ o sɔ xle amɛnwo le akɔtawomɛn nɔn Mawu to ohun yɛtɔ mɛn a amɛn wo cinɔnwo le ogbe vovo dokɔ le kɔtawo keŋkeŋ mɛn. ¹⁰ Osɔwo sɔ wa ofiɔ du kuɖo avɔsatɔ gangan nɔn Mawu miantɔ yi olava u fiɔ le agningban ji. ¹¹ Ŋva kpɔ yi se ogbe dola sugbɔtɔ wo yi trɔdo ofiɔ zikpo kuɖo elanlɔwo kuɖo gnɔnxonɔnlɔwo yi osugbɔ taŋ. ¹² Evale nun nunkɔ kuɖo ogbe sɛnŋɛnŋ ɖekabe lɛngbɔ cinɔn asɔsavɔlɔ a je la xɔ ŋsɛnlɔ dɔkunɖoɖo lɔ onungnanganlɔ hlɔnhlɔn kɔkɔlɔ dodoɖo ji lɔ kuɖo kafukafulɔ. ¹³ Onunwawa ɖesiaɖe cinɔn wole aya mɛn agningbanji agningbangɔmɛ kuɖo axumɛn kuɖo onunsianun ŋva ɖoto yi o va le nunkɔ be mɛn cinɔn yi nangnin le ofiɔzikpolɔ ji kuɖo lɛngbɔ lɔ je nɔn kafukafu kɔkɔɖoji kuɖo hlɔnhlɔn sɔ yi manvɔ manvɔ. ¹⁴ Yi olan amɛn nɛnlɔwo va le nunnunkɔ be amin yi gnɔnxonɔn lɔwo va dotagunin yi va le sinsinkɔ.