¹ Le cɛ godoa ŋva kpɔ ohɔn ɖeka va le hunhun le jiŋkusi egbe ŋkɔtɔ cinɔn yi ŋse va ɖi sibe be okpin xa yi va le nunnunkɔ be yi efiɛ nɔn man sɔ fiɔ ŋcinɔn la va jɔ. ² Eɖeda a ŋva kpɔ jijuɛ le gbɔngbɔnmɛn yi kpɔa ofiɔ zikpo ɖeka va ke ji un kusi yi mɛnɖeka va nɔn agnin ɖoji. ³ Mɛncinɔ yi nangnin le jia ɖo okpe xɔasiɖeji yi afiɔzikpolɔ va trɔdo kuɖo gninɖo huɛɖo. ⁴ Ofiɔ zikpo wui vɔn nɛn gbeva trɔ do ofiɔ zikpo cinɔn ji gnɔnxo nɔn wole ɖekaɖeka yi odo onun ɣi sika fiɔ kuku yi le ata nɔn wo. ⁵ Le ofiɔzikpo lɔ mɛ an ogbeɖe kuɖo jiŋkusiwo otu. ozo amandrɛ va le tata le ŋkɔ nɔn ofiɔ zikpo cɛ. ⁶ Kɔkpo axutɔ ɖeta can va leŋkɔ nɔn ofiozikpolɔ cinɔn va ɖi ekpe le goto kuɖo dodomɛn nɔn ofiɔzikpo cɛ a olan amɛn nɛn cinɔ ɖo ŋkuvi le godo kuɖo ŋkɔ. ⁸ Olan ŋkɔtɔ va ɖi okpɔ ovregɔlɔ va ɖi agnin amɛntɔƥn gɔnlɔ va ɖo agbetɔ o ŋkumɛn yi amɛntɔ lo va le sibe ohɔn xe vi cinɔn yi le yiyikɔ. ⁷ Olan amɛnlɔ wo vaɖo awa ɖekaɖeka yi ova ɖo ŋkuvi trɔde le goto kuɖo domɛn yi ozan kuɖo kedia evanɔn nun nun kɔ be axwuetɔ gninkɔ le kɔkuɛ ŋsɛnkeŋ ɖotɔ cinɔn yi va yi li cinɔn yi le gbɛ yi la gbe va li. ⁹ Nɔn olan cɛwo va nɔn nɔn Mawu dokɔ ɖo oji eva nɛngnin ɖo ofiɔzikpɔlɔ ji yi va le mɛn ci nɔn la nɔn agbe. ¹⁰ Sugba sɔyi manvɔmanvɔ yi ova le ofiɔkukulɔ daɖo le ŋkɔ nɔn yi va le nun nunkɔ be. ¹¹ Axuetɔ Mawu miantɔ oji nɔn kafukafu kuɖo hlɔnhɔn ɖoa awa onun sianun ɖoa Mawu yi ɖo min kuɖo ojro yetɔ cinɔn wo li ci oɖo wo.