¹ Ova okɔn va sɔ nan cinɔn yi le se be alangblɔ ci xa li va le nunnun nunkɔ be site yi nan jijre gbedoxɔ Mawutɔ lɔ mɛn avɔsakpelɔ kuɖo mɛncinɔnwo yi le sin sinkɔ wo. ² Vɔa ŋgbe va jijre goto oxɔlɔtɔ o ɖɖo a osuɛ sɔ nan okɔta wo yɔ yi olava ɖafɔ odukɔkɔlɔ ji kaka nan ŋkeke kacive. ³ Nan va nan ognɔn nun nun de o cɛ kunun ɖevihignɛnwo yi nan va do sakinɔnwo kaka sɔ nan ŋkeke kutokun ɖeka kaɖɛku fan (1260 jours). ⁴ Oto amɛnveolivier tɔwo kuɖo ŋkɔnɔnkpe amɛnvelɔwo yi la va nɔn ŋkɔ nɔn axuetɔ agnigbantitɔ. ⁵ Nɔn mɛnɖe ji la wa onun vuin an ozo la va to le onun nɔnwo yi la va fiɔn funtɔwotɔwo yi lecinɔn mɛnɖe lawa onun vuin nɛnke ola hui nɛn. ⁶ Oɖo acɛ yi la tu jijkusi le ognɔnnunɖɛ gaxoxo mɛn kuɖo susu be oji ŋgbe va ja o oɖo acɛ yi la va sɔ otɔwo sɔ trɔzun ohun ci nɔn wo hin a olaɖo odɔ ɖekpukpui cinɔn ojro ɖaɖa agnigbanji. ⁷ Gacinɔn yi ola va ɖegbɔ kunu ɖeɖe wotɔ wo a olan cinɔn yi le tɔdolɔ nun la va wa ahua kuɖowo yi la ɖuwoji yi la gbe va hu wo. ⁸ Yi mɛnkukulɔwo le agbaŋ gba le odu gangan lɔ mɛn le gbɔn gbɔn mɛno nɔnnɔn mɛn sodonu kuɖo egyputu le ficinɔn okan axuetɔ le. ⁹ Agbetɔwo le odulɔwomen kuɖo akɔtawo mɛn ola va le kpɔ kpɔ mɛnkuku wotɔ wo kaka sɔ nan ŋkeke amɛntɔn kuɖo ofan yi onan va ɖe mɔn be mɛnkutu wotɔ ava ɖo yɔdomɛn o. ¹⁰ Yi olava nan keŋ yi agbetɔwo la va le jijuɛ kpɔ yi wonɔnnuiwo nun la va le nunvenɔn wokɔ ɖoa ognɔn nunɖɛtɔ amɛnve va caka xixe lɔmentɔwo. ¹¹ Le ŋkeke amɛntɔn kufan yɛwo goa agbe gbɔngbɔn cinɔn la so Mawu gbɔ a la va ɖowomɛn yi olava nɔnte le afɔji yi vɔnvɔn la va ɖɔ mɛnciwo yi la le wokpɔkɔ. ¹² Yi ogbe ɖiɖi ɖeka va le nunnun wokɔ so jiŋkusi be min va ofiɛ le oji yi ola va ji le lilikpomɛn yi funtɔwotɔ va kpɔwo. ¹³ Le ga xɔn men a agningban va hunhunsɛnsɛnɖe yi akpa amɛnwo gonlɔ oduatɔ va jangnin ovahu agbetɔ kotokun amadrɛ le agningban hunhun gaxoxo mɛn yi amɛnkpɛtɛlɔwo va le vɔnvɔnkɔ yi va le kɔkɔ ɖoji nan Mawukɔ. ¹⁴ Onun gnrangnran amɛnvetɔlɔ va yi zanɖea amɛntɔnlɔ la va. ¹⁵ Ɖɔla amandrɛtɔlɔ va xu kpɛn yi ogbeɖiɖi sɛnŋsɛnŋ wo wo va tɔ ɖiɖi so jiŋkusi yi va le nunnunkɔ be osɔ ofiɔɖuɖu sɔ nan axuetɔmiantɔ kuɖo kriso yi la va ɖu fiɔ kaka sɔyi manvɔ manvɔ. ¹⁶ Yi gnɔnxonɔn wuivɔnnɛnlɔwo nangnin ɖo ofizikpowo va le ŋkɔ nɔn Mawu va dotagu yi va le sinsinkɔ. ¹⁷ Yi va le nunnunkɔ be axuetɔ Mawu hlɔnhlɔn keŋkeŋ ɖotɔ min do akpe nɔn owɔ cinɔn yi li sa yi gbe li viɛ ɖoa ovaxo hlɔnhlɔn ganganlɔ yi va xɔ ofiɖuɖutɔwo. ¹⁸ Okɔtawo va dodɔ mɛnzi yi oji bibitɔ va yi gaxoxo lɔ va be wa ɖo kojo nɔn amɛn kukuwo ado ajɔ onunkplanvitowo ognɔnnun tɔwo amɛnkɔkuɛ kuɖo mɛncinɔn wo vɔn nɔn gninkotɔwo ɖeviviwɛwo kuɖo mɛnganxoxowo yi wa gban mɛncinɔnwo le agningban jilɔ wo gbankɔwo. ¹⁹ Yi gbedoxɔ le jiŋkusi va hun yi ɖakago alɛ nuntɔlɔ va va le cɔci xɔ Mawutɔ mɛn yi klinklin ogbeɖiɖiwo otu jiŋkusi tɔwo agnigban hunhun ganganwo kuɖo ogbe ɖede ganganwo.