¹ Ŋkpɔ dɔla sɛnŋ sɛnŋ ɖeka yi jete so ji ŋkuvi yi bla kuɖo vivici yi gninɖohuɛɖo va le ota nin yi ŋmɛn yɛtɔ va le sibe be owe xa yi afɔ yɛtɔwo le sibe be kuku ozotɔ xa. ² Eva hun weman viwɛ ɖeka ɖo alɔmɛn afɔ ɖusi xɛtɔ l ahuji yi afɔ minɔ le agnigbanji. ³ Yi va do a xua kuɖo ogbe gangan ɖeɖe cinɔn ɖi jantan o gbe cinɔn yi ogbelɔ ɖi godoa jiŋkusi wo tu amadrɛ va dogbe. ⁴ Cinɔn odogbe godoa ŋva lemɔn le onu la wlɛnkɔ a ogbe ɖeɖe ɖeka va ɖi so jiŋkuvi yi va le nunnunkɔ be tasi ŋcinɔn yi ole wlinwlinkɔ yi nan ɖoto ogbe otu jiŋkusi lɔtɔ. ⁵ Ɖɔla cinɔn yi sɔ afɔɖeka ɖeka ɖo axuji ɖeka ɖo agningbanji a va kɔkɔ alɔ ɖunun ɖusi yɛtɔ ɖaɖa jiŋkusi. ⁶ Yi va tanun so mɛncinɔn yi nɔn nɔn agbe le manvɔ sɔyi manvɔ cinɔn wa jiŋkusi kuɖo agningban kuɖo ŋcinɔn keŋkeŋ yi le jiwo a kuɖo axu kuɖo ŋcinɔn yi lemɛn wo be a gaxoxo ɖe nan gbewali o. ⁷ Vɔa azan cinɔn gbe yi dola amadrɛtɔlɔ la va ɖia gacinɔnmɛn yi okpin lɔ la va ɖia Mawu o nundando la va vamɛn sibe lecinɔn yi nuinɔn onunkplanvi yɛtɔwo kuɖo ognɔnnunɖɛ yɛtɔwo. ⁸ Ogbe ɖiɖilɔ gbe va nun gnɔn bu nun be yisɔ we manvi cinɔn yi le hunhun le ɖɔ la cinɔn yi le agnigba ji axujilɔ o lɔ mɛn. ⁹ Yi ŋvayi biɔ wemanvilɔ dola lɔyi va sɔnan yi be xuɛ yi nan min ela va veji le lanmɛntɔwo vɔ a ela vivi le nunmɛn nɔn sibe egninsi xa. ¹⁰ Yi ŋva xu yi min yi vivi le ŋmɛn nun sibe ognin si xa vɔa yi va veje le lanmɛn nun. ¹¹ Yi ova nun nun be nun gnɔn ɖɛ sugbɔ ɖo dukɔnwoji akɔtawoji ogbewoji kuɖo ofiɔwoji.