1 Jesido gangan ɖe va va jiŋkusimɛn owe va bla gnɔnnun ɖe ka wleci va bla afɔnin ofikuku cinɔn hlecivi wuive trɔdo va le otanin. 2 Efɔfu yi va le axladokɔ gacinɔmɛn ovijiji yɛtɔ va gogo. 3 Jesidobu gbe va va jiŋkuvi yi va gnin odan ji gangan cinɔn yi ɖo atanmaɖrɛ kuɖo ozo amadrɛ yi onun dando buwo gbeva le otanin. 4 Sike yɛtɔ dɔn nun xlecivi akpa toxue maɖo amɛntɔn yi va le hlecivi ɖaɖa agnigbanji odancɛlɔ va nɔn ŋcɔ gnɔn nuncɛ cinɔn yi le ovivajikɔ lɔ kuɖo susu be ya va vɔnvun ovi cinɔn yi la ji lɔ. 5 Eva ŋsuvi ŋde va ci nɔn yi gakpo sikatɔ ɖeka va le alɔ mɛn nin cinɔn gnin olankplɔci ɖoa yi la va kplɔ olan akɔtalɔwotɔ keŋ keŋ yi devilɔ va yi ɖaɖa ofiɔzikpolɔgbɔ le Mawu gbɔ. 6 Yi gnɔnlɔ va si yi zogbe ji ficinɔn Mawutɔ drate xue ɖoni nɔn ya gbeŋci akpɔ aɖu kaka nan ŋkeke kaciadɛn (260 jrs). 7 Ahua va tɔji le jiŋkusi dɔla Michel kuɖo dɔla yɛtɔwo va tɔ ahua kpanta odanlɔ. 8 Vɔ a onɛn va ɖujio onɛn gnin va ɖo hlɔnhlɔn hu odanlɔwo. 9 Yi ova tutu odanlɔ ɖaɖa agnigban odan cinɔn yi gnin lanvi xoxolɔ cinɔn yi tɔnɔn be satanan mɛncinɔn yi ble agnigbanlɔ keŋkeŋ cinɔn yi otutuɖa agnigbanji kuɖo dɔla yɛtɔwo. 10 Ogbe sɛnŋ sɛnŋ ɖeka va ɖiɖikɔso jiŋkuvi yi va le nun nun kɔ be fifia hlɛnganlɔva hlɔn hlɔn acɛkpakpa kuɖo ofiɔɖuɖu Mawutɔ kuɖo acɛkpakpa krisotɔ mɛn cinɔn yi kugnɔn ɖo woji ozan kuɖo kedi. 11 Ova ɖuji kuɖo ohun lɛngbɔ lɔ tɔmɛn kuɖo kunun ɖeɖe gnɔnɔlɔ mɛn yi onɛn va lɔ agbe otɔ kaka va vɔn nɔn oku. 12 Yi dɔa min kpɔ jijuɛ miɔnwo cinɔn wo yi le jiŋkusi babaɖe nɔn agningban kuɖo jiŋkusi ɖoa legba ɖi va miangbɔ kuɖo dɔmɛnzi gangan ɖe kuɖo susu gnanbe gaxoxo viɖe kpoŋ yi le nɔn ye. 13 Cinɔn odanlɔ va kpɔ gnanbe otutuye ɖaɖa agnigban an eva lɔdu kplɔ gnɔnnun cinɔn yi jivi ŋsuvilɔ. 14 Yi ovasɔ xeviwa amɛn sɔ nan gnɔnnun lɔ nɔn ya kpeŋci azro yi zogbe ji le texue yɛtɔ mɛn le didixue nɔn odanlɔ atiny nan onunɖuɖa avialɔ. 15 Odanlɔ va tru osi sibe otɔsasa xo ɖo godomɛn gnɔnnunlɔ atɛnŋ sɔ duin. 16 Yi ognigbanlɔ va kenu yi min osilɔ sɔ kpeŋci xɔ nɔn gnɔnnunlɔ. 17 Odanlɔ va do dɔ mɛnzi do gnɔnunlɔ yi va trɔ yi ɖaɖa mɛncinɔn wo yikpɔtɔ le agningbanlɔ ji atinŋ wa ahua kuɖo wo mɛncinɔ wo le Mawu wo sedodoɖasi kuɖo mɛncinɔnwo yi ɖe kunnun so krisŋci. 18 Yi va nɔnte le axutakɔ lɔji.